மொபைல்ஸ்

ஸ்மார்ட்போன் சந்தையில் தொடர்ச்சியாக பல்வேறு மாடல்கள் அறிமுகம் செய்யப்பட்டு வருகின்றன. முன்னணி ஸ்மார்ட்போன் நிறுவனங்கள் பட்ஜெட் பிரிவில் புதிய மாடல்களை அறிமுகம் செய்வதை வாடிக்கையாக கொண்டுள்ளன. அந்த வரிசையில், பட்ஜெட் விலையில் கிடைக்கும் டாப் ஸ்மார்ட்போன் மாடல்கள் பற்றி தொடர்ந்து பார்ப்போம்.

மோட்டோரோலா எட்ஜ் 60 ப்ரோ

8 ஜிபி ரேம், 256 ஜிபி மெமரியுடன் வடிவமைக்கப்பட்டிருக்கும் மோட்டோ எட்ஜ் 60 ப்ரோ ஸ்மார்ட்போன், மூன்று நிறங்களில் கிடைக்கிறது. இதில் மீடியாடெக் டிமென்சிட்டி 8350 எக்ஸ்ட்ரீம் புராசஸர், ஆண்ட்ராய்டு 15 ஓஎஸ், 6.7 இன்ச் குவாட் கர்வ்டு pOLED ஸ்கிரீன், 4500 நிட்ஸ் பிரைட்னஸ், கொரில்லா கிளாஸ் பாதுகாப்பு கொண்டிருக்கிறது. கேமராக்களில், 50MP பிரைமரி கேமரா, 50MP அல்ட்ரா வைடு லென்ஸ், 10 MP டெலிபோட்டோ கேமரா, செல்ஃபி எடுக்க 50MP கேமராவும் உண்டு. இதன் விலை ரூ.29,999.

iQOO நியோ 10R

இந்த ஸ்மார்ட்போன் இருவேறு வண்ணங்களில் கிடைக்கிறது. 12 ஜிபி ரேம், 256 ஜிபி மெமரி, 6.7 இன்ச் AMOLED ஸ்கிரீன், ஸ்னாப்டிராகன் 8s Gen 3 சிப்செட், ஏஐ சார்ந்த அம்சங்ககளை இந்த ஸ்மார்ட்போன் இயங்குதளத்திலேயே கொண்டிருக்கிறது. இத்துடன் 50MP பிரைமரி கேமரா, 8MP அல்ட்ரா வைடு லென்ஸ், 32MP செல்ஃபி கேமரா, 6400 எம்ஏஹெச் பேட்டரி, 80 வாட்ஸ் பாஸ்ட் சார்ஜிங் உள்பட பல அம்சங்களுடன் ரூ.30,999 விலையில் கிடைக்கிறது.

விவோ T3 அல்ட்ரா

6.78 இன்ச் AMOLED ஸ்கிரீனுடன், ஆண்ட்ராய்டு 14 ஓஎஸ் கொண்டிருக்கும் இந்த ஸ்மார்ட்போனில் மீடியாடெக் டிமென்சிட்டி 9200 புராசஸர் வழங்கப்பட்டுள்ளது. 12 ஜிபி ரேம், 256 ஜிபி மெமரி, 5500 எம்ஏஹெச் பேட்டரி, 80 வாட்ஸ் பாஸ்ட் சார்ஜிங் வசதி கொண்டிருக்கிறது. புகைப்படங்கள் எடுக்க சோனியின் 50MP பிரைமரி கேமரா, 8MP வைடு லென்ஸ், 50MP செல்ஃபி கேமரா வழங்கப்பட்டுள்ளது. இதன் விலை ரூ.27,999 ஆகும்.

ரியல்மி 15 5ஜி

ஏஐ தொழில்நுட்பங்கள் நிறைந்திருக்கும் இந்த ஸ்மார்ட்போனில் மீடியாடெக் டிமென்சிட்டி 7300 பிளஸ் சிப்செட் உள்ளது. 7000 எம்ஏஹெச் பேட்டரியும், 80 வாட்ஸ் பாஸ்ட் சார்ஜிங் வசதியும் உள்ளது. இத்துடன் 50MP சோனி கேமரா, 50MP செல்ஃபி கேமரா வழங்கப்பட்டு இருக்கிறது. இந்த ஸ்மார்ட்போனில் 12 ஜிபி ரேம், 256 ஜிபி மெமரியுடன் ரூ. 30,999 விலையில் கிடைக்கிறது.

ஒன்பிளஸ் நார்டு CE5

ஒன்பிளஸ் நிறுவனத்தின் CE5 ஸ்மார்ட்போன் ரூ. 24,997 என்கிற பட்ஜெட் விலையில் பல்வேறு வசதிகளை வழங்குகிறது. இதில் 8 ஜிபி ரேம், 128 ஜிபி மெமரி, 7100 எம்ஏஹெச் பேட்டரியுடன் பைபாஸ் சார்ஜிங் வசதி, 50MP பிரைமரி கேமரா, 4K ரெக்கார்டிங் வசதி, 6.77 இன்ச் AMOLED ஸ்கிரீன் உள்ளது. இத்துடன் ஆண்ட்ராய்டு சார்ந்த ஆக்சிஜன் ஓஎஸ் 15 கொண்டிருக்கிறது.

போக்கோ இந்தியா நிறுவனம் இந்திய சந்தையில் தனது M7 பிளஸ் ஸ்மார்ட்போனின் புதிய லிமிட்டெட் எடிஷன் மாடலை அறிமுகம் செய்தது. முன்னதாக கடந்த மாதம் 6 ஜிபி மற்றும் 8 ஜிபி மாடல்களை அறிமும் செய்தது.

இந்த நிலையில், போக்கோ நிறுவனம் தற்போது போக்கோ M7 பிளஸ் 5ஜி ஸ்மார்ட்போனின் 4 ஜிபி லிமிடெட் எடிஷன் மாடலை இந்திய சந்தையில் அறிமுகம் செய்துள்ளது. ரேம் தவிர இந்த ஸ்மார்ட்போனின் மற்ற அம்சங்களில் எந்த மாற்றமும் இல்லை.

போக்கோ M7 பிளஸ் 5ஜி அம்சங்கள்

6.9-இன்ச் FHD+ (2340 x 1080 பிக்சல்) FHD+ LCD ஸ்கிரீன் 144Hz ரிப்ரெஷ் ரேட்

ஆக்டா-கோர் குவால்காம் ஸ்னாப்டிராகன் 6s ஜென் 3 6nm 5ஜி பிராசஸர்

அட்ரினோ 619 GPU

4 ஜிபி / 6 ஜிபி / 8 ஜிபி LPDDR4X ரேம்

128 ஜிபி UFS 2.2 மெமரி

மைக்ரோ எஸ்டி மூலம் மெமரியை நீட்டித்துக் கொள்ளும் வசதி

ஆண்ட்ராய்டு 15 சார்ந்த ஹைப்பர் ஓஎஸ்

ஹைப்ரிட் டூயல் சிம்

50MP பிரைமரி கேமரா, இரண்டாம் நிலை கேமரா, LED ஃபிளாஷ்

8MP செல்ஃபி கேமரா

பக்கவாட்டில் கைரேகை சென்சார்

டஸ்ட் மற்றும் வாட்டர் ரெசிஸ்டண்ட் (IP64)

5ஜி, டூயல் 4ஜி வோல்ட்இ, வைபை 6, ப்ளூடூத் 5.1, GPS + GLONASS,

யுஎஸ்பி டைப்-சி

7000mAh பேட்டரி

33W ஃபாஸ்ட் சார்ஜிங், 18W ரிவர்ஸ் வயர்டு சார்ஜிங்

போக்கோ M7 பிளஸ் ஸ்மார்ட்போனின் புதிய வேரியண்ட் போக்கோவின் பண்டிகை கால பிரச்சார திட்டம் 'POCO Festive MADness' இன் கீழ் அறிமுகமாகிறது. இந்த ஸ்மார்ட்போனின் முதல் விற்பனை செப்டம்பர் 23ஆம் தேதி ப்ளிப்கார்ட் தளத்தில் பிரத்தியேகமாக தொடங்குகிறது.

போக்கோ M7 பிளஸ் 4 ஜிபி ரேம், 128 ஜிபி மெமரி மாடல் விலை ரூ. 12,999 ஆகும். வாடிக்கையாளர்கள் சிறப்பு சலுகைகளுடன், இந்த ஸ்மார்ட்போனை ரூ. 10,999 விலையில் வாங்கிட முடியும்.

சாம்சங் நிறுவனம் இந்திய சந்தையில் தனது புதிய F சீரிஸ் ஸ்மார்ட்போனினை அறிமுகம் செய்தது. கடந்த ஆண்டு வெளியான F16 5ஜி மாடலின் மேம்பட்ட வெர்ஷனாக புதிய கேலக்ஸி F17 5ஜி ஸ்மார்ட்போன் அறிமுகம் செய்யப்பட்டுள்ளது . இந்த ஸ்மார்ட்போன் 6.7-இன்ச் FHD+ 90Hz சூப்பர் AMOLED டிஸ்ப்ளே

கொண்டுள்ளது.

புதிய ஸ்மார்ட்போனில் சாம்சங்கின் சொந்த எக்சைனோஸ் 1330 பிராசஸர் வழங்கப்பட்டு இருக்கிறது.

புகைப்படங்கள் எடுக்க 50MP பிரைமரி கேமரா, 5MP அல்ட்ரா-வைடு லென்ஸ், 2MP மேக்ரோ சென்சார் மற்றும் 13MP செல்ஃபி கேமரா வழங்கப்பட்டுள்ளது. இந்த ஸ்மார்ட்போன் ஆண்ட்ராய்டு 15 சார்ந்த கேலக்ஸி ஒன் யுஐ 7 கொண்டிருக்கிறது.

இந்த ஸ்மார்ட்போனிற்கு 6 ஓஎஸ் அப்டேட்கள், 6 ஆண்டுகள் செக்யூரிட்டி அப்டேட் வழங்கப்படும் என்று சாம்சங் தெரிவித்துள்ளது. மேலும், இந்த ஸ்மார்ட்போன் 25W சார்ஜிங் வசதியுடன் 5000mAh பேட்டரி மூலம் சக்தியூட்டப்படுகிறது.

சாம்சங் கேலக்ஸி F17 5ஜி அம்சங்கள்:

6.7 இன்ச் 1080×2340 பிக்சல் FHD+ இன்ஃபினிட்டி யு சூப்பர் AMOLED டிஸ்ப்ளே, 90Hz ரிப்ரெஷ் ரேட்

கார்னிங் கொரில்லா கிளாஸ் விக்டஸ் பாதுகாப்பு

எக்சைனோஸ் 1330 பிராசஸர்

மாலி-G68 MP2 GPU

4 ஜிபி / 6 ஜிபி ரேம்

128 ஜிபி மெமரி

ஆண்ட்ராய்டு 15 சார்ந்த ஒன் யுஐ 7.0

50MP பிரைமரி கேமரா, F1.8, AF OIS

5MP F2.2 அல்ட்ரா-வைடு லென்ஸ்

2MP F2.2 மேக்ரோ கேமரா, LED ஃபிளாஷ்

13MP F2.0 செல்ஃபி கேமரா

பக்கவாட்டில் கைரேகை ஸ்கேனர்

யுஎஸ்பி டைப்-சி ஆடியோ

டஸ்ட் மற்றும் வாட்டர் ரெசிஸ்டண்ட் (IP54)

5ஜி, டூயல் 4ஜி வோல்ட்இ, வைபை 802.11 ac, ப்ளூடூத் 5.3, GPS + GLONASS

5000mAh பேட்டரி

25W வேகமான சார்ஜிங்

விலை விவரங்கள்

சாம்சங் கேலக்ஸி F17 5ஜி ஸ்மார்ட்போன் வைலட் பாப் மற்றும் நியோ பிளாக் நிறங்களில் கிடைக்கிறது. இதன் 4GB + 128GB மெமரி மாடலின் விலை ரூ.14,499 ஆகும். 6GB + 128GB மெமரி மாடல் விலை ரூ.15,999 ஆகும். இந்த ஸ்மார்ட்போன் வாங்குவோருக்கு அறிமுக சலுகையாக ஹெச்டிஎஃப்சி வங்கி மற்றும் யுபிஐ (UPI) பரிவர்த்தனை செய்யும் போது ரூ. 500 கேஷ்பேக் வழங்கப்படுகிறது.

ஹெச்எம்டி (HMD) நிறுவனம் இந்திய சந்தையில் மூன்று புதிய சாதனங்களை அறிமுகப்படுத்தியுள்ளது. இவை ஹெச்எம்டி வைப் 5ஜி, ஹெச்எம்டி 101 4ஜி, மற்றும் ஹெச்எம்டி 102 4ஜி என அழைக்கப்படுகின்றன.

5ஜி கனெக்டிவிட்டியை எதிர்பார்க்கும் வாடிக்கையாளர்களுக்கு ஹெச்எம்டி வைப் 5ஜி மலிவு விலையில் கிடைக்கும் சிறந்த ஆப்ஷனாக நிலைநிறுத்தப்பட்டுள்ளது. இந்த சாதனம் அடுத்த தலைமுறை மொபைல் நெட்வொர்க் வேகங்களை அணுகுவதை நோக்கமாகக் கொண்டுள்ளது.

ஸ்மார்ட்போனுடன் கூடுதலாக, HMD இரண்டு புதிய ஃபீச்சர் போன்களை ஹெச்எம்டி நிறுவனம் அறிமுகம் செய்துள்ளது. ஹெச்எம்டி 101 4ஜி மற்றும் ஹெச்எம்டி 102 4ஜி மாடல்கள் கச்சிதமான மற்றும் நம்பகமானதாக வடிவமைக்கப்பட்டுள்ளன. இந்த இரு மாடல்கள் ஃபீச்சர் போன் வகைக்குள் 4ஜி கனெக்டிவிட்டி வழங்குகின்றன.

புதிய ஹெச்எம்டி 102 4ஜி மாடல் ஃபிளாஷ் கொண்ட QVGA கேமரா, ஸ்டைலான வடிவமைப்பு பொருந்தக்கூடிய வண்ண விசைப்பலகை ஆகியவற்றைக் கொண்டுள்ளது.

ஹெச்எம்டி வைப் 5ஜி அம்சங்கள்:

6.67-இன்ச் (720×1604 பிக்சல்கள்) HD+ 90Hz LCD ஸ்கிரீன்

ஆக்டா-கோர் 6nm UNISOC T760 பிராசஸர்

மாலி-G57 MC4 GPU

4ஜிபி LPDDR4x ரேம்

128ஜிபி மெமரி

மெமரியை கூடுதலாக நீட்டிக்கும் வசதி

டூயல் சிம்

ஆண்ட்ராய்டு 15

50MP பிரைமரி கேமரா

2MP டெப்த் சென்சார், LED ஃபிளாஷ்

8MP செல்ஃபி கேமரா

பக்கவாட்டில் கைரேகை சென்சார்

3.5mm ஆடியோ ஜாக், ஸ்டீரியோ ஸ்பீக்கர்கள்

5ஜி, டூயல் 4ஜி VoLTE, வைபை, ப்ளூடூத் 5.2, GPS + GLONASS

யுஎஸ்பி டைப்-சி

5000mAh பேட்டரி

18W ஃபாஸ்ட் சார்ஜிங்

ஹெச்எம்டி 101 4ஜி மற்றும் 102 4ஜி அம்சங்கள்

2-இன்ச் 240x320 பிக்சல் QQVGA டிஸ்ப்ளே

UNISOC 8910 FF-S பிராசஸர்

16MB மெமரி

32GB வரை மெமரியை நீட்டிக்கும் வசதி

எஸ்30+ ஓஎஸ்

ஃபிளாஷ் கொண்ட QVGA கேமரா (ஹெச்எம்டி 102 4ஜி மட்டும்)

எஃப்.எம். ரேடியோ (வயர்டு/வயர்லெஸ்), MP3 பிளேயர், கிளவுட் ஆப்ஸ்

உள்ளூர் மொழி ஆதரவு

டூயல் சிம், ப்ளூடூத் 5.0

யுஎஸ்பி டைப்-சி போர்ட்

3.5மிமீ ஆடியோ ஹெட்ஃபோன் ஜாக்

IP52 தரச்சான்று பெற்ற வாட்டர், டஸ்ட் ரெசிஸ்டண்ட்

1000mAh பேட்டரி

விலை விவரங்கள்:

ஹெச்எம்டி வைப் 5ஜி பிளாக் மற்றும் பர்ப்பிள் நிறங்களில் கிடைக்கிறது. இதன் விலை ரூ. 8,999 ஆகும்.

ஹெச்எம்டி 101 4ஜி டார்க் புளூ, ரெட் மற்றும் புளூ நிறங்களில் கிடைக்கிறது. இதன் விலை ரூ. 1,899 ஆகும்.

ஹெச்எம்டி 102 4ஜி டார்க் புளூ, ரெட் மற்றும் பர்ப்பிள் நிறங்களில் கிடைக்கிறது. இதன் விலை ரூ. 2,199 ஆகும்.

ஆப்பிள் நிறுவனம் தனது 'Awe Dropping' நிகழ்வில், புத்தம் புதிய ஐபோன் 17, ஐபோன் 17 ப்ரோ மற்றும் ஐபோன் 17 ப்ரோ மேக்ஸ் ஆகிய மாடல்களை வெளியிட்டது. ஒவ்வொரு ஆண்டும் புதிய ஐபோன்கள் வெளியீட்டைத் தொடர்ந்து பழைய ஐபோன் சீரிஸ் விலைகள் குறைக்கப்படுவது இயல்பான ஒன்றுதான்.

அந்த வரிசையில் நேற்றைய நிகழ்வு முடிந்த கையோடு ஆப்பிள் நிறுவனம் கடந்த ஆண்டு அறிமுகம் செய்த ஐபோன் 16 மற்றும் ஐபோன் 16 பிளஸ் ஆகிய மாடல்களின் விலையை குறைப்பதாக ஆப்பிள் அறிவித்துள்ளது. இதனை தொடர்ந்து இந்தியாவிலும் இரு மாடல்களின் விலை குறைக்கப்பட்டுள்ளது.

வழக்கம் போல், இந்த போன்கள் அதன் அறிமுக விலையில் இருந்து ரூ.10,000 விலைக் குறைப்பைப் பெற்றுள்ளன. ஆனால் ஐபோன் 16 இப்போது 128 ஜிபி மாடலில் கிடைக்கிறது. ஐபோன் 16 பிளஸ் 128 ஜிபி மற்றும் 256 ஜிபி மாடல்களில் மட்டுமே வருகிறது.

ஐபோன் 16 ப்ரோ மற்றும் ஐபோன் 16 ப்ரோ மேக்ஸ் ஆகியவை குறித்து எந்த தகவலும் வெளியாகவில்லை. ஏனெனில் அவை ஐபோன் 17 ப்ரோ மற்றும் ஐபோன் 17 ப்ரோ மேக்ஸ் மாடல்களால் மாற்றப்பட்டுள்ளன. ஐபோன் 15 மற்றும் ஐபோன் 15 பிளஸ் ஆகியவையும் நிறுத்தப்பட்டுள்ளன.

128 ஜிபி கொண்ட ஐபோன் 16 ரூ.69,900, 128 ஜிபி கொண்ட ஐபோன் 16 பிளஸ் ரூ.79,900, 256 ஜிபி கொண்ட ஐபோன் 16 பிளஸ் ரூ.89,900-ஆக விலை நிர்ணயிக்கப்பட்டுள்ளது.

ஐபோன் வாங்க விரும்பும் வாடிக்கையாளர்கள் இதனை ஆன்லைன் தளங்களில் இன்னும் விலை மலிவாக பெற்றுக்கொள்ளலாம். வருகிற 23-ந்தேதி தொடங்கும் பிக் பில்லியன் டேஸ் விற்பனை மற்றும் அமேசான் கிரேட் இந்தியன் ஃபெஸ்டிவல் விற்பனையின் போதும் விலை மலிவாகக் கிடைக்கும்.

ஆப்பிள் நிறுவனம் தனது 'Awe Dropping' நிகழ்வில், புத்தம் புதிய ஐபோன் 17, ஐபோன் 17 ப்ரோ மற்றும் ஐபோன் 17 ப்ரோ மேக்ஸ் ஆகிய மாடல்களை வெளியிட்டது. புதிய ஐபோன் மாடல்கள் கடந்த ஆண்டு வெளியான A18 சிப்செட்டின் மேம்பட்ட வெர்ஷன் மற்றும் ஐஓஎஸ் 26 கொண்டிருக்கிறது. இத்துடன் ஆப்பிள் நிறுவனத்தின் தனியுரிம செயற்கை நுண்ணறிவு (AI) சேவையான ஆப்பிள் இன்டெலிஜன்ஸ் (Apple Intelligence) ஆதரவையும் கொண்டுள்ளது.

ஐபோன் 17 அம்சங்கள்:

முற்றிலும் புதிய ஐபோன் 17 மாடல் ஐஒஎஸ் கொண்டிருக்கிறது. இந்த ஐபோன் மாடல் டூயல் சிம் வசதி கொண்டிருக்கிறது. இத்துடன் 120Hz ரிப்ரெஷ் ரேட் கொண்ட 6.3-இன்ச் சூப்பர் ரெடினா XDR OLED டிஸ்ப்ளே கொண்டுள்ளது.

கேமராவை பொறுத்தவரை, ஐபோன் 17 மாடலில் இரட்டை பின்புற சென்சார்களுடன் வருகிறது. இதில் f/1.6, ஆப்டிகல் இமேஜ் ஸ்டெபிலைசேஷன் (OIS) கொண்ட 48MP பியூஷன் பிரைமரி கேமரா உள்ளது. இந்த 2X டெலிஃபோட்டோ கேமராவாகவும் செயல்படும். இதனுடன் f/2.2, மேக்ரோ ஆப்ஷன் கொண்ட 48MP பியூஷன் அல்ட்ரா-வைடு கேமராவும் உள்ளது. முன்பக்கத்தில், முற்றிலும் புதிய 18MP சென்டர் ஸ்டேஜ் செல்ஃபி கேமரா வழங்கப்பட்டு இருக்கிறது.

ஐபோன் 17 மாடல் A19 சிப்செட் மற்றும் iOS 26 இல் இயங்குகிறது. இது 16-கோர் நியூரல் எஞ்சினைக் கொண்டுள்ளது. புதிய ஸ்மார்ட்போனில் ஆப்பிள் ஸ்டோரேஜையும் அதிகரித்துள்ளது. அதன்படி ஐபோன் 17 பேஸ் மாடலில் 256 ஜிபி மெமரி வழங்கப்பட்டுள்ளது. இது ப்ரோ மாடல்களைப் போலவே அதே ஆப்பிள் இண்டெலிஜன்ஸ் அம்சங்களுடன் வருகிறது.

ஐபோன் 17 ப்ரோ, 17 ப்ரோ மேக்ஸ் அம்சங்கள்:

ஐபோன் 17 ப்ரோ மாடல்கள் அலுமினிய கட்டமைப்பை கொண்டுள்ளன. அதாவது இந்த ஆண்டு மாடல்களில் ஐபோன் 15 ப்ரோ மற்றும் ஐபோன் 16 ப்ரோ மாடல்களில் காணப்படும் டைட்டானியம் பாடி இருக்காது. ஐபோன் 17 ப்ரோ மாடலில் 120 ஹெர்ட்ஸ் ப்ரோமோஷன் 6.3 இன்ச் சூப்பர் ரெடினா XDR டிஸ்ப்ளே கொண்டுள்ளது.

ஐபோன் 17 ப்ரோ மேக்ஸ் மாடலில் 6.9 இன்ச் டிஸ்ப்ளே கொண்டிருக்கிறது. ப்ரோ சீரிசில் இரண்டு மாடல்களும் 3,000 நிட்ஸ் பீக் பிரைட்னஸ் கொண்டுள்ளன. ஐபோன் 17 ப்ரோ மாடல்கள் புதிய A19 ப்ரோ சிப்செட் கொண்டுள்ளன. இது 6-கோர் CPU மற்றும் 6-கோர் GPU கட்டமைப்போடு வருகிறது, ஒவ்வொரு GPU கோர் நியூரல் ஆக்சிலரேட்டர்களை கொண்டுள்ளது.

கேமராக்களைப் பொறுத்தவரை, ஐபோன் 17 ப்ரோ மாடல்களில் 48MP பிரைமரி கேமரா, 48MP அல்ட்ராவைடு சென்சார் மற்றும் 48MP டெலிஃபோட்டோ லென்ஸ் கொண்டுள்ளது. முன்புறம் 18MP கேமராவுடன் வருகிறது. ஐபோன் 17 ப்ரோ மற்றும் ஐபோன் 17 ப்ரோ மேக்ஸ் ஐஓஎஸ் 26 கொண்டிருக்கின்றன.

விலை விவரம்:

இந்திய சந்தையில் புதிய ஐபோன் 17 மாடல் ரூ. 82,900 என துவங்குகிறது. ஐபோன் 17 ப்ரோ சீரிஸ் விலை ரூ. 1,34,990 என துவங்குகிறது.

ஒப்போ நிறுவனம் ஃபைண்ட் X9 சீரிஸ் மாடல்களுக்கான டீசர்களை வெளியிட்டுள்ளது. ஒப்போ ஃபைண்ட் சீரிசின் தலைவர் இன்று ஃபைண்ட் X9 மாடல் ஸ்கிரீன் புகைப்படத்தை வெளியிட்டு, ஃபைண்ட் X9, ஃபைண்ட் X8s-ஐ விட இன்னும் குறுகலான திரையை கொண்டிருக்கும் என்றும் கூறினார்.

மேலும், 1.25மிமீ பெசல்கள் கொண்ட ஃபைண்ட் X8s மற்றும் 1.34மில்லிமீட்டர் பெசல்கள் கொண்ட ஐபோன் 16 ப்ரோ மேக்ஸ் ஆகியவற்றின் ஒப்பீட்டு படத்தையும் அவர் பதிவிட்டுள்ளார். அடுத்த வாரம் அறிமுகம் செய்யப்பட இருக்கும் மெய்சூ 22 ஸ்மார்ட்போன் 1.2மில்லிமீட்டர் டிஸ்ப்ளே பெசல்களைக் கொண்டிருக்கும் என்பதை Meizu உறுதிப்படுத்தியதை அடுத்து இந்த அறிவிப்பு வந்துள்ளது.

டான்சியா லென்ஸுடன் கூடிய ஒப்போ ஃபைண்ட் X9 சீரிஸ்

இந்த வார தொடக்கத்தில், டான்சியா லென்ஸ் ஒப்போ ஃபைண்ட் X9 சீரிசின் அனைத்து மாடல்களிலும் வழங்கப்படும் என்று அவர் கூறினார். இந்த லென்ஸ் முந்தைய X8 சீரிசில் அல்ட்ரா மாடலுக்கு மட்டுமே பிரத்தியேகமாக வழங்கப்பட்டு இருந்தது.

அவர் வெளியிட்ட முன்னோட்டப் படத்தில், நான்காவது தலைமுறை ஸ்மார்ட்போன் இமேஜ் கலர் ரீ-ஸ்டோரேஷன் தொழில்நுட்பத்தில் இமேஜிங் லென்ஸ்கள், டான்சியா கலர் ரீ-ஸ்டோரேஷன் லென்ஸ்கள் மற்றும் உலகளாவிய மல்டி-ஸ்பெக்ட்ரல் சென்சார்கள் ஆகியவை அடங்கும்.

ஒப்போ ஃபைண்ட் X9 மாடலின் இடதுபுற மூலையில் ஒரு செவ்வக கேமரா டிரே வழங்கப்படுவதாக கூறப்படுகிறது. சமீபத்தில் ஃபைண்ட் X9 சீரிஸ் கீக்பென்ச் தளத்தில் ஒப்போ CPH2791 மாடல் நம்பருடன் காணப்பட்டது. அதில் இந்த ஸ்மார்ட்போன் டிமென்சிட்டி 9500 பிராசஸர், 16 ஜிபி ரேம் மற்றும் ஆண்ட்ராய்டு 16 சார்ந்த கலர்ஓஎஸ் 16 ஆகியவை வழங்கப்படும் என்று குறிப்பிடப்பட்டு இருந்தது.

முந்தைய தகவல்களின் படி இந்த ஸ்மார்ட்போன் 6.59-இன்ச் 1.5K 120Hz OLED ஸ்கிரீன் மற்றும் 512 ஜிபி ஸ்டோரேஜ் வழங்கப்படுவதை தெரிவித்தன. மிக நீண்ட பேட்டரி ஆயுளைத் தவிர, ஒப்போ ஃபைண்ட் X9 அனைத்து அம்சங்களிலும் நம்பமுடியாத அளவிற்கு சக்தி வாய்ந்தது என்றும், இதுவரை இல்லாத அளவுக்கு மிகவும் சக்திவாய்ந்த ஃபிளாக்ஷிப் மாடலாக இருக்கும் என்று தெரிவிக்கப்பட்டது.

ஒப்போ நிறுவனம் வருகிற 15ஆம் தேதி இந்தியாவில் F31 சிரீஸ் ஸ்மார்ட்போன்களை அறிமுகப்படுத்துவதை உறுதிப்படுத்தியுள்ளது. இந்த போன்கள் "Durable Champion" என்ற டேக்-லைன் கொண்டுள்ளன. மேலும் புதிய ஸ்மார்ட்போன்கள் கோல்டு அல்லது ஷாம்பெயின் நிறங்களில் கிடைக்கும் என்று தெரிகிறது.

மற்றொரு ஸ்மார்ட்போன் டீப் புளூ நிறத்தில் உள்ளது. மேலும் ரிஃப்ளெக்டிவ் அல்லது டெக்ஸ்ச்சர்டு பேக் பேனல் கொண்டிருக்கிறது. இரண்டு ஸ்மார்ட்போன்களும் அவற்றின் பின்புறம் மற்றும் வட்ட வடிவிலான கேமரா மாட்யூல் டிசைன் உள்ளது. இவை F31 Pro மற்றும் F31 Pro+ ஆக இருக்கலாம்.

முந்தைய தகவல்களின் அடிப்படையில் புதிய F31 சீரிசில் F31, F31 Pro மற்றும் F31 Pro+ ஆகியவை இருக்கும். இவற்றில் ஒப்போ F31 ஸ்மார்ட்போன் மீடியாடெக் டிமென்சிட்டி 6300 சிப்செட்டால் இயக்கப்படும் என்று கூறப்படுகிறது. மேலும், இந்த ஸ்மார்ட்போன் 7000 mAh பேட்டரி மூலம் சக்தியூட்டப்படுகிறது.

புதிய F31 Pro மாடலில் டிமென்சிட்டி 7300 பிராசஸர், 7000 mAh பேட்டரி மற்றும் 80W ஃபாஸ்ட் சார்ஜிங் வசதியுடன் வருகிறது. ஒப்போ F31 Pro+ மாடில் ஸ்னாப்டிராகன் 7 ஜென் 3 பிராசஸர், 12GB ரேம், 256GB மெமரி, 7,000mAh பேட்டரி கொண்டிருக்கும் என்று கூறப்படுகிறது.

ரியல்மி நிறுவனம், தனது ரியல்மி 15 சீரிசின் சமீபத்திய ஸ்மார்ட்போன் ரியல்மி 15T மாடலை இந்திய சந்தையில் அறிமுகம் செய்துள்ளது. இந்த ஸ்மார்ட்போன் 6.57-இன்ச் FHD+ 120Hz AMOLED டிஸ்ப்ளே கொண்டுள்ளது.

இத்துடன் மீடியாடெக் டிமென்சிட்டி 6400 மேக்ஸ் 5ஜி சிப்செட் வழங்கப்பட்டுள்ளது. இதில் IP66/68/69 தர வாட்டர் ரெசிஸ்டண்ட் வசதி உள்ளது. இந்த ஸ்மார்ட்போன் ஆண்ட்ராய்டு 15 சார்ந்த ரியல்மி யுஐ 6.0 ஓஎஸ் உடன் வருகிறது. மேலும் 3 ஆண்ட்ராய்டு ஓஎஸ் அப்டேட்கள் மற்றும் 4 ஆண்டுகள் செக்யூரிட்டி அப்டேட்கள் வழங்கப்படும் என ரியல்மி தெரிவித்து இருக்கிறது.

அளவில் இந்த ஸ்மார்ட்போன் வெறும் 7.79 மில்லிமீட்டரிலும் 181 கிராம் எடை கொண்டுள்ளது. இந்த ஸ்மார்ட்போன் சூட் டைட்டானியம், சில்க் புளூ மற்றும் ஃப்ளோயிங் சில்வர் வண்ணங்களில் வருகிறது.

புகைப்படங்கள் எடுக்க இந்த ஸ்மார்ட்போனில் 50MP பிரைமரி கேமரா, 2MP லென்ஸ் மற்றும் 50MP செல்ஃபி கேமரா கொண்டுள்ளது. மேலும் ஏஐ எடிட் ஜீனி, ஏஐ ஸ்னாப் மோட், ஏஐ லேண்ட்ஸ்கேப், ஏஐ இரேசர் மற்றும் ஏஐ ஸ்மார்ட் இமேஜ் மேட்டிங் உள்ளிட்ட ஏஐ அம்சங்கள் உள்ளன.

ரியல்மி 15T, ரியல்மி 15 மற்றும் 15 ப்ரோ போன்றே 7000mAh பேட்டரியைக் கொண்டுள்ளது. 10W ரிவர்ஸ் சார்ஜிங்குடன் 31 நிமிடங்களில் 50% சார்ஜுக்கு 60W வேகமான சார்ஜிங்கை ஆதரிக்கிறது.

இந்திய சந்தையில் புதிய ரியல்மி 15T ஸ்மார்ட்போனின் விலை ரூ. 18,999 என துவங்குகிறது. ரியல்மி 15T ஸ்மார்ட்போன் பிளிப்கார்ட், ரியல்மி வலைதளம் மற்றும் ஆஃப்லைன் ஸ்டோர்களில் கிடைக்கிறது.

ஆப்பிள் நிறுவனம் செப்டம்பர் 9 ஆம் தேதி தனது 'Awe Dropping' நிகழ்வில் ஐபோன் 17 சீரிசை வெளியிட உள்ளது. புதிய ஐபோன்களை அறிமுகம் செய்வதற்கு முன்னதாக, ஆப்பிள் நிறுவனம் அதன் விண்டேஜ் தயாரிப்பு பட்டியலை புதுப்பித்துள்ளது. 2017ஆம் ஆண்டு அறிமுகம் செய்யப்பட்ட ஐபோன் 8 பிளஸ் இப்போது விண்டேஜ் என குறிக்கப்பட்டுள்ளது, அதே நேரத்தில் 11-இன்ச் மேக்புக் ஏர், 13-இன்ச் மேக்புக் ப்ரோ மற்றும் 15-இன்ச் மேக்புக் ப்ரோ ஆகியவை நிறுவனத்தால் "காலாவதியானவை" என்று அறிவிக்கப்பட்டுள்ளன.

இந்த சாதனங்கள் இப்போது காலாவதியானவை என வகைப்படுத்தப்பட்டுள்ளன. மேலும் அவற்றின் சேவை மற்றும் பழுதுபார்ப்பு குறைவாக இருக்கும். 2017 ஆம் ஆண்டு வெளியான ஆப்பிளின் ஐபோன் 8 பிளஸ் இப்போது ஒரு விண்டேஜ் தயாரிப்பு.

ஆப்பிள் நிறுவனம் தனது 64GB மற்றும் 256GB ஐபோன் 8 பிளஸ் ஸ்மார்ட்போன்களை அதன் விண்டேஜ் சாதன பட்டியலில் சேர்த்துள்ளது. ஏற்கனவே பட்டியலில் இருந்த "ஐபோன் 8 பிளஸ் பிராடக்ட் ரெட்" வெர்ஷனுடன் இவை இணைகின்றன. இந்த போனின் 128GB மெமரி மாடல் இன்னும் விண்டேஜ் பட்டியலில் சேர்க்கப்படவில்லை.

2017 ஆம் ஆண்டு அறிமுகப்படுத்தப்பட்ட ஐபோன் 8 மற்றும் ஐபோன் X ஆகியவை முன்பு விண்டேஜ் என குறிக்கப்பட்டன. ஐபோன் 8 பிளஸ் 64GB மாடல் ரூ. 73,000 மற்றும் 256GB மாடல் ரூ. 86,000 ஆரம்ப விலையில் அறிமுகப்படுத்தப்பட்டது.

ஐபோன் 8 பிளஸ் தவிர, 2015 இல் அறிமுகப்படுத்தப்பட்ட 11 இன்ச் மேக்புக் ஏர் மற்றும் 2017ஆம் ஆண்டு வெளியிடப்பட்ட 13 இன்ச் மற்றும் 15 இன்ச் மேக்புக் ப்ரோ மாடல்கள் காலாவதியானவை என வகைப்படுத்தப்பட்டுள்ளன.

ஆப்பிள் தயாரிப்புகள் ஐந்து ஆண்டுகளுக்கு மேல் விற்கப்படாமல், ஏழு ஆண்டுகளுக்கும் குறைவாகவே அறிமுகம் செய்யப்பட்டிருந்தால், அவற்றை விண்டேஜ் என்று கருதுகிறது. இந்தக் காலகட்டத்தில், பாகங்கள் கிடைப்பதைப் பொறுத்து, வரையறுக்கப்பட்ட வன்பொருள் சேவை இன்னும் கிடைக்கக்கூடும்.

செப்டம்பர் 9 ஆம் தேதி காலை 10 மணிக்கு (இந்திய நேரப்படி இரவு 10:30 மணிக்கு) நடைபெறவிருக்கும் ஆப்பிளின் Awe Dropping வெளியீட்டு நிகழ்வுக்கு சில நாட்களுக்கு முன்னதாகவே விண்டேஜ் மற்றும் காலாவதியான தயாரிப்பு பட்டியல்களில் இந்த மாற்றங்கள் செய்யப்பட்டுள்ளன . ஐபோன் 17 சீரிஸ், ஆப்பிள் வாட்ச் 11 சீரிஸ் மற்றும் ஏர்பாட்ஸ் ப்ரோ 3 ஆகியவையும் இந்த நிகழ்வின் போது வெளியிடப்படும் என்று எதிர்பார்க்கப்படுகிறது.

சியோமி 15T சீரிஸ் ஸ்மார்ட்போன்கள் விரைவில் வெளியிடப்படும் என்று எதிர்பார்க்கப்படுகிறது. இதில் ஸ்டான்டர்டு சியோமி 15T மற்றும் சியோமி 15 Pro மாடல் ஆகியவை அடங்கும். சியோமி 15T மற்றும் சியோமி 15T Pro மாடல்களின் சாத்தியமான விலை மற்றும் நிறங்கள் பற்றிய தகவல்களும் இடம்பெற்றுள்ளன.

புதிய ஸ்மார்ட்போன்கள் லெய்கா டியூன் செய்யப்பட்ட கேமராக்களைக் கொண்டிருக்கும் என்று எதிர்பார்க்கப்படுகிறது. சியோமி 15T மாடல் இப்போது ஒரு பிரபலமான பென்ச்மார்க்கிங் தளத்தில் தோன்றியுள்ளது. இதில் ஸ்மார்ட்போனின் AI செயல்திறனுக்கான முடிவுகள் அதன் சிப்செட், ரேம் மற்றும் ஓஎஸ் விவரங்களைக் காட்டுகிறது.

சியோமி 15T என்று நம்பப்படும் சியோமி 25069PTEBG என்ற மாடல் எண்ணைக் கொண்ட ஸ்மார்ட்போன் கீக்பென்ச் (Geekbench AI) தளத்தில் இடம்பெற்றுள்ளது. சமீபத்தில் பதிவேற்றப்பட்ட முடிவுகள், இந்த கைபேசியில் ஆக்டா-கோர் சிப்செட் உள்ளது. அதில் ஒரு பிரைம் கோர் (3.25GHz), மூன்று செயல்திறன் கோர்கள் (3.00GHz) மற்றும் நான்கு செயல்திறன் கோர்கள் (2.10GHz) உள்ளன என்பதை வெளிப்படுத்துகின்றன. இவை இந்த ஸ்மார்ட்போனில் மீடியாடெக்-இன் டிமென்சிட்டி 8400 சிப்செட் இடம்பெறும் என்பதைக் குறிக்கிறது.

ஏற்கனவே வெளியான தகவல்களில் சியோமி 15T 67W வயர்டு ஃபாஸ்ட் சார்ஜிங்கை ஆதரிக்கக்கூடும் என்று கூறுகின்றன . 12GB + 256GB மாடலின் விலை EUR 649 (இந்திய மதிப்பில் ரூ. 66,000) என்று கூறப்படுகிறது. இதற்கிடையில், சியோமி 15T Pro மாடலின் விலை முறையே EUR 799 (இந்திய மதிப்பில் ரூ. 81,000) மற்றும் 12GB + 256GB மற்றும் 16GB + 512GB மாடல் EUR 899 (இந்திய மதிப்பில் ரூ. 92,000) என இருக்கலாம். இந்த ஸ்மார்ட்போன்கள் பிளாக், கிரே மற்றும் கோல்டு நிற விருப்பங்களில் வரும்.

சியோமி 15T Pro மாடலில் மீடியாடெக் டிமென்சிட்டி 9400+ சிப்செட், 90W ஃபாஸ்ட் சார்ஜிங் ஆதரவுடன் 5,500mAh பேட்டரி மற்றும் அதிக ரிப்ரெஷ் ரேட் கொண்ட ஃபிளாட் OLED டிஸ்ப்ளே ஆகியவற்றைக் கொண்டிருக்கலாம். இது IP69 வாட்டர் மற்றும் டஸ்ட் ரெசிஸ்டண்ட் வசதி கொண்டிருக்கலாம்.

கேமராவை பொருத்தவரை இந்த ஸ்மார்ட்போன் 50MP OmniVision OVX9100 பிரைமரி கேமரா, 13MP அல்ட்ராவைடு கேமரா மற்றும் 50MP சாம்சங் JN5 5X டெலிஃபோட்டோ லென்ஸ் மற்றும் 32MP செல்ஃபி கேமரா வழங்கப்படும் என்று எதிர்பார்க்கப்படுகிறது.

விவோ நிறுவனம் தனது T4 ப்ரோ ஸ்மார்ட்போனினை கடந்த ஆகஸ்ட் 26ஆம் தேதி இந்திய சந்தையில் அறிமுகம் செய்தது. பெரும் எதிர்பார்ப்புக்கு மத்தியில் அறிமுகமான விவோ T4 ப்ரோ ஸ்மார்ட்போன் தற்போது விற்பனைக்கு கிடைக்கிறது.

இந்த ஸ்மார்ட்போன் ஸ்னாப்டிராகன் 7 ஜென் 4 பிராசஸர், 90W அதிவேக சார்ஜிங் கொண்ட 6500mAh பேட்டரி மற்றும் 6.77-இன்ச் குவாட்-கர்வ்டு AMOLED டிஸ்ப்ளேவுடன் வருகிறது. புகைப்படங்கள் எடுக்க 50MP சோனி IMX882 பிரைமரி கேமரா மற்றும் 50-மெகாபிக்சல் சோனி IMX882 பெரிஸ்கோப் டெலிஃபோட்டோ கேமரா உள்ளிட்ட மூன்று பின்புற கேமரா கொண்டுள்ளது.

மற்ற அம்சங்களை பொருத்தவரை இந்த ஸ்மார்ட்போன் ஜெமினி லைவ், AI கேப்ஷன்ஸ் மற்றும் AI இமேஜ் எக்ஸ்பாண்டர் போன்ற AI அம்சங்களுடன் வருகிறது.

அம்சங்கள்:

விவோ T4 ப்ரோ ஸ்மார்ட்போன் 6.77-இன்ச் ஃபுல் ஹெச்டி பிளஸ் (1,080×2,392 பிக்சல்கள்) AMOLED ஸ்கிரீன், 120Hz ரிப்ரெஷ் ரேட் கொண்டிருக்கிறது. இத்துடன் ஸ்னாப்டிராகன் 7 ஜென் 4 சிப்செட் வழங்கப்பட்டு இருக்கிறது. இதில் அதிகபட்சம் 12GB வரை LPDDR4x ரேம் மற்றும் 256GB வரை UFS 2.2 ஸ்டோரேஜ் ஆப்ஷனுடன் இணைக்கப்பட்டுள்ளது.

இந்த ஸ்மார்ட்போன் ஆண்ட்ராய்டு 15 சார்ந்த ஃபன்டச் ஓஎஸ் 15 இல் இயங்குகிறது, மேலும் நான்கு ஆண்டுகளுக்கு ஓஎஸ் அப்டேட்கள் மற்றும் ஆறு ஆண்டுகளுக்கு செக்யூரிட்டி அப்டேட்களை பெறும் என்று உறுதியளிக்கப்பட்டுள்ளது.

கேமராவைப் பொறுத்தவரை, விவோ T4 ப்ரோ ஸ்மார்ட்போனில் OIS உடன் 50MP சோனி IMX882 பிரைமரி கேமரா, 3x ஆப்டிகல் ஜூம் உடன் 50MP சோனி IMX882 பெரிஸ்கோப் டெலிஃபோட்டோ ஷூட்டர் மற்றும் 2MP பொக்கே லென்ஸ் ஆகியவை அடங்கும். இத்துடன் 32MP செல்ஃபி கேமரா கொண்டுள்ளது.

கனெக்டிவிட்டிக்கு 5ஜி, 4ஜி, வைபை 6, ப்ளூடூத் 5.4, GPS மற்றும் USB டைப் டைப் சி போர்ட் ஆகியவை அடங்கும். பாதுகாப்பிற்காக, இது இன்-டிஸ்ப்ளே கைரேகை சென்சார் கொண்டுள்ளது. இந்த ஸ்மார்ட்போன் டஸ்ட் மற்றும் வாட்டர் ரெசிஸ்டண்ட் வசதிக்காக IP68 மற்றும் IP69 சான்று பெற்றிருக்கிறது.

விலை விவரங்கள்:

இந்திய சந்தையில் விவோ T4 ப்ரோ ஸ்மார்ட்போனின் 8ஜிபி ரேம், 128ஜிபி மெமரி மாடலின் விலை ரூ. 27,999 என நிர்ணயிக்கப்பட்டுள்ளது. இதேபோல் 8ஜிபி ரேம், 256ஜிபி மெமரி மற்றும் 12ஜிபி ரேம், 256ஜிபி மெமரி மாடல்கள் முறையே ரூ. 29,999 மற்றும் ரூ. 31,999 விலையில் கிடைக்கின்றன.

புதிய விவோ T4 ப்ரோ ஸ்மார்ட்போன் விவோ இந்தியா இ-ஸ்டோர், ப்ளிப்கார்ட் மற்றும் தேர்ந்தெடுக்கப்பட்ட ஆஃப்லைன் ஸ்டோர்களில் கிடைக்கிறது. இந்த ஸ்மார்ட்போன் பிளேஸ் கோல்ட் மற்றும் நைட்ரோ ப்ளூ வண்ணங்களில் விற்கப்படுகிறது.