மொபைல்ஸ்

சாம்சங் நிறுவனம் புதிய கேலக்ஸி ஏ சீரிஸ் ஸ்மார்ட்போனினை உருவாக்கி வருகிறது. அந்தவகையில் கேலக்ஸி ஏ20இ ஸ்மார்ட்போனின் விவரங்கள் இணையத்தில் லீக் ஆகியுள்ளது.

இந்த ஸ்மார்ட்போன் ப்ளூடூத் எஸ்.ஐ.ஜி. மற்றும் வைபை அலையன்ஸ் சான்று பெற்றிருக்கிறது. இதனால் புதிய ஸ்மார்ட்போன் விரைவில் அறிமுகம் செய்யப்படலாம் என எதிர்பார்க்கப்படுகிறது. தற்சமயம் கிடைத்திருக்கும் தகவல்களின் படி புதிய கேலக்ஸி ஏ20இ ஸ்மார்ட்போன் அந்நிறுவனம் கடந்த வாரம் அறிமுகம் செய்த கேலக்ஸி ஏ20 மாடலின் மேம்படுத்தப்பட்ட வெர்ஷனாக இருக்கும் என கூறப்படுகிறது.

தோற்றங்களை வைத்து பார்க்கும் போது புதிய கேலக்ஸி ஏ20இ ஸ்மார்ட்போன் பார்க்க கேல்கஸி எஸ்10இ மாடலின் விலை குறைந்த பதிப்பாக இருக்கும் என தெரிகிறது. கேலக்ஸி ஏ20இ ஸ்மார்ட்போனில் ப்ளூடூத் 5.0, வைபை, ஆண்ட்ராய்டு 9 பை சார்ந்த சாம்சங் ஒன் யு.ஐ. இயங்குதளம் கொண்டு இயங்கும் என கூறப்படுகிறது.

இவைதவிர புதிய ஸ்மார்ட்போனின் சிறப்பம்சங்கள் பற்றி அதிகப்படியான விவரங்கள் வெளியாகவில்லை. எனினும், புதிய கேலக்ஸி ஏ சீரிஸ் ஸ்மார்ட்போனில் எக்சைனோஸ் 7885 சிப்செட், 3 ஜி.பி. ரேம் வழங்கப்படலாம். அந்த வகையில் கேலக்ஸி எஸ்10, எஸ்10இ, கேலக்ஸி ஏ20 மற்றும் கேலக்ஸி ஏ10இ ஸ்மார்ட்போன்களிடையே அதிகளவு வேறுபாடுகள் இருக்காது என தெரிகிறது.

புதிய ஸ்மார்ட்போனின் வெளியீட்டு தேதி பற்றி சாம்சங் இதுவரை எவ்வித தகவலும் வழங்கவில்லை. எனினும், இந்த ஸ்மார்ட்போன் கேலக்ஸி ஏ40 ஸ்மார்ட்போனுடன் ஏப்ரல் 10 ஆம் தேதி அறிமுகமாகலாம் என எதிர்பார்க்கலாம். கேலக்ஸி ஏ20 ஸ்மார்ட்போனில் 6.4 இன்ச் சூப்பர் AMOLED டிஸ்ப்ளே, ஹெச்.டி. தரத்தில் வழங்கப்பட்டது. இத்துடன் 3 ஜி.பி. ரேம், 32 ஜி.பி. மெமரி வழங்கப்பட்டுள்ளது.

ஆப்பிள் நிறுவனம் ஆப்பிள் ஆர்கேட் மற்றும் ஆப்பிள் டி.வி. பிளஸ் சேவைகளை அறிமுகம் செய்துள்ளது. ஆப்பிள் ஆர்கேட் மொபைல் சாதனங்கள் மற்றும் கம்ப்யூட்டர்களுக்கான கேமிங் சந்தா சேவையாகும்.

புதிய சேவையில் பயனர்களுக்கு அதிகளவு கேம்களை வழங்கும் விதமாக ஆப்பிள் நிறுவனம் வால்ட் டிஸ்னி மற்றும் பல்வேறு பிரபல கேமிங் நிறுவனங்களுடன் பணியாற்றி வருவதாக தெரிவித்துள்ளது. இந்த சேவை ஐபேட், மேக் மற்றும் ஆப்பிள் டி.வி.யில் பயன்படுத்த முடியும்.

ஆப்பிள் ஆர்கேட் சேவையில் விளம்பரங்களோ அல்லது கூடுதல் கட்டணம் எதுவும் செலுத்த வேண்டியிருக்காது. இந்த சேவை விரைவில் துவங்கப்படும் என்றும் இது உலகம் முழுக்க சுமார் 150-க்கும் அதிகமான நாடுகளில் கிடைக்கும் என ஆப்பிள் அறிவித்துள்ளது.

ஆப்பிள் டி.வி. பிளஸ் சேவையில் நிகழ்ச்சிகள், திரைப்படங்கள் என பல்வேறு தரவுகள் இடம்பெற்றிருக்கின்றன. இந்த சேவை நெட்ஃப்ளிக்ஸ், அமேசான் மற்றும் கேபிள் டி.வி. உள்ளிட்டவற்றுக்கு போட்டியாக அமைந்திருக்கிறது. புதிய சேவையுடன் ஆப்பிள் டி.வி. பிளஸ் நிகழ்ச்சிகளும் அறிமுகம் செய்யப்பட்டன.

இதில் நிகழ்ச்சி தொகுப்பாளர்கள் மற்றும் இதர கலைஞர்கள் கலந்து கொண்டிருந்தனர். ஆப்பிள் டி.வி. பிளஸ் சேவையில் விளம்பரங்கள் இன்றி நிகழ்ச்சிகளை பார்க்கும் வசதி வழங்கப்படுகிறது. இத்துடன் ஆன்லைன் மற்றும் ஆஃப்லைன் டவுன்லோடு வசதியும் வழங்கப்படுகிறது.

ஆப்பிள் டி.வி. பிளஸ் சேவை உலகம் முழுக்க 100 நாடுகளில் துவங்கப்படும் என்றும் விரைவில் இந்த சேவை துவங்கப்பட இருப்பதாக ஆப்பிள் அறிவித்துள்ளது. 

இந்தியாவில் குறுகிய காலக்கட்டத்தில் ஒப்போவின் ரியல்மி பிராண்டு அதிக பிரபலமாகி இருக்கிறது. ரியல்மி சமீபத்தில் அறிமுகம் செய்த ரியல்மி 2 ப்ரோ ஸ்மார்ட்போன் பட்ஜெட் விலையில் அதிக விற்பனையை பதிவு செய்திருக்கிறது. 

ரியல்மியின் முதல் ஸ்மார்ட்போன் இந்தியாவில் கடந்த ஆண்டு மே மாதத்தில் அறிமுகமானது. எனினும், இதுவரை ரியல்மி ஆறு ஸ்மார்ட்போன்களை பட்ஜெட் விலையில் அறிமுகம் செய்துவிட்டது. ஏற்கனவே ரியல்மி ஸ்மார்ட்போன்கள் அதிகளவு விற்பனையாகி வரும் நிலையில், விற்பனையை மேலும் அதிகப்படுத்த சிறப்பு விற்பனை அறிவிக்கப்பட்டுள்ளது.

ரியல்மி சார்பில் அறிவிக்கப்பட்டிருக்கும் மொபைல் பொனாசா விற்பனை நாளை (மார்ச் 25) துவங்கி மார்ச் 28 ஆம் தேதி வரை நடைபெறுகிறது. ப்ளிப்கார்ட், அமேசான், ரியல்மியின் ஆன்லைன் மற்றும் ஆஃப்லைன் விற்பனையகங்களில் இந்த மொபைல் பொனாசா விற்பனை நான்கு நாட்கள் நடைபெறுகிறது.

சிறப்பு விற்பனையில் ரியல்மி 2 ப்ரோ, ரியல்மி யு1 மற்றும் ரியல்மி 3 உள்ளிட்ட ஸ்மார்ட்போன்களுக்கு சிறப்பு தள்ளுபடி அறிவிக்கப்பட்டுள்ளது. புதிய ரியல்மி 3 ஸ்மார்ட்போன் மார்ச் 26 ஆம் தேதி ப்ளிப்கார்ட் மற்றும் ரியல்மி வலைதளங்களில் விற்பனை செய்யப்படுகிறது.

இந்த விற்பனையில் ரியல்மி 3 பேஸ் வேரியண்ட் விலை ரூ.8,999 என்றும் தேர்வு செய்யப்பட்ட வங்கி கார்டுகளை பயன்படுத்தும் போது ரூ.500 கூடுதல் தள்ளுபடியும் வழங்கப்படுகிறது. இதே விற்பனையில் ரியல்மி 3 ரேடியண்ட் புளு வெர்ஷனும் விற்பனை செய்யப்படுகிறது. 

இத்துடன் ரியல்மி 2 ப்ரோ ஸ்மார்ட்போனின் பேஸ் வேரியண்ட் ரூ.11,990 விலையில் விற்பனை செய்யப்படுகிறது. இந்த தள்ளுபடி விற்பனை அறிவிக்கப்பட்டிருக்கும் நான்கு நாட்களுக்கு மட்டும் கிடைக்கும். இதேபோன்று ரியல்மி யு1 ஸ்மார்ட்போனின் விலை ரூ.1000 குறைக்கப்பட்டு தற்சமயம் ரூ.9,999 விலையில் விற்பனை செய்யப்படுகிறது. 

சியோமியின் Mi ஏ2 ஸ்மார்ட்போன் இந்தியாவில் அறிமுகமாகி எட்டு மாதங்களாகி விட்ட நிலையில், சியோமியின் இரண்டாவது ஆண்ட்ராய்டு ஒன் ஸ்மார்ட்போன் வெளியாக இருக்கிறது.

ஆர்சிட் ஸ்பிரவுட் எனும் குறியீட்டு பெயரில் சியோமி ஆண்ட்ராய்டு ஒன் ஸ்மார்ட்போனினை உருவாக்கி வருவதாக எக்ஸ்.டி.ஏ. மூலம் வெளியான தகவல்களில் தெரிவிக்கப்பட்டிருந்தது. இந்நிலையில், தற்சமயம் வெளியாகி இருக்கும் தகவல்களில் சியோமி இரண்டு ஆண்ட்ராய்டு ஒன் ஸ்மார்ட்போன்களை உருவாக்கி வருவதாக தெரிவிக்கப்பட்டுள்ளது.

இவை பேம்பு ஸ்பிரவுட் மற்றும் காஸ்மோஸ் ஸ்பிரவுட் என இரண்டு ஸ்மார்ட்போன்களுடன் பிக்சிஸ் என்ற பெயரில் உருவாக்கி வருகிறது. இது இரு ஸ்மார்ட்போன்களின் சீன பதிப்பாக இருக்கும் என கூறப்படுகிறது. இரு ஸ்மார்ட்போன்களிலும் இன்-டிஸ்ப்ளே கைரேகை சென்சார் வழங்கப்படும் என தெரிகிறது.

கோப்பு படம்

முன்னதாக Mi ஏ1 மற்றும் Mi ஏ2 உள்ளிட்ட ஸ்மார்ட்போன்களில் பின்புறம் கைரேகை சென்சார் வழங்கப்பட்டிருந்தது. புதிய ஸ்மார்ட்போனில் புகைப்படங்களை எடுக்க 32 எம்.பி. செல்ஃபி கேமரா, 4-இன்-1 பிக்சல் பின்னிங் தொழில்நுட்பம் பயன்படுத்தப்படுகிறது. இந்த தொழில்நுட்பம் ஏற்கனவே பல்வேறு சியோமி ஸ்மார்ட்போன்களில் வழங்கப்பட்டிருக்கிறது.

மற்ற சிறப்பம்சங்களை பொருத்தவரை ஸ்மார்ட்போனின் டாப் எண்ட் மாடல் ஸ்னாப்டிராகன் 6757 பிராசஸர் வழங்கப்படலாம் என எதிர்பார்க்கப்படுகிறது. இத்துடன் புதிய ஆண்ட்ராய்டு ஒன் ஸ்மார்ட்போனில் டாட் ரக நாட்ச் வழங்கப்படலாம் என்றும் இதில் AMOLED டிஸ்ப்ளே பேனல் வழங்கப்படலாம் என கூறப்படுகிறது.

ஹூவாய் நிறுவனம் தனது மேட் எக்ஸ் மடிக்கக்கூடிய 5ஜி ஸ்மார்ட்போனினை கடந்த மாதம் நடைபெற்ற சர்வதேச மொபைல் காங்கிரஸ் விழாவில் அறிமுகம் செய்தது. 

ஹூவாய் நிறுவனம் தனது முதல் மடிக்கக்கூடிய ஸ்மார்ட்போன் இந்த ஆண்டு இறுதிக்குள் இந்தியாவில் அறிமுகம் செய்யப்படும் என அந்நிறுவனம் அறிவித்துள்ளது. இந்தியாவில் இந்த ஆண்டு 5ஜி சேவை கிடைக்காது என்றாலும், இந்தியாவில் அறிமுகமாகும் முதல் 5ஜி ஸ்மார்ட்போன்களில் ஒன்றாக ஹூவாய் மேட் எக்ஸ் இருக்கும் என அந்நிறுவனம் தெரிவித்துள்ளது.

ஹூவாய் மேட் எக்ஸ் ஸ்மார்ட்போன் மடிக்கப்பட்ட நிலையில் 6.6 இன்ச் (2480x1148 பிக்சல்) மெயின் டிஸ்ப்ளேவும், ஸ்மார்ட்போன் திறக்கப்பட்ட நிலையில் 8-இன்ச் மெயின் டிஸ்ப்ளே (2480x2200 பிக்சல்), ஸ்மார்ட்போன் மடிக்கப்பட்ட நிலையில் பின்புறம் 6.4 இன்ச் (25:9. 2480x892 பிக்சல்) டிஸ்ப்ளே கொண்டிருக்கிறது.

உலகில் முதன் முறையாக ஹூவாய் தனது மேட் எக்ஸ் ஸ்மார்ட்போனில் 7 என்.எம். 5ஜி மல்டி-மோட் மோடெம் வழங்கி இருக்கிறது. இத்துடன் பலோங் 5000 பிளஸ் கிரின் 980 பிராசஸர் வழங்கப்பட்டிருக்கிறது. இத்துடன் ஹைப்ரிட் டூயல் சிம் ஸ்லாட் மற்றும் ஹூவாயின் நானோ மெமரி கார்டுகளை சப்போர்ட் செய்கிறது.

ஸ்மார்ட்போன் மடிக்கப்பட்ட நிலையில் வெறும் 11 எம்.எம். அளவு தடிமனாக இருக்கிறது. அதிவேக 5ஜி வசதியை வழங்கும் மேட் எக்ஸ் ஸ்மார்ட்போன் 4500 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் மேட் எக்ஸ் ஸ்மார்ட்போனில் 55 வாட் ஹூவாய் சூப்பர் சார்ஜ் வசதியும் வழங்கப்படுகிறது. இந்த தொழில்நுட்பம் ஸ்மார்ட்போனினை வெறும் 30 நிமிடங்களில் 85 சதவிகிதம் அளவு சார்ஜ் செய்துவிடும். ஸ்மார்ட்போனின் பக்கவாட்டில் இருக்கும் பவர் பட்டனிலேயே கைரேகை சென்சார் பொருத்தப்பட்டுள்ளது.

ஹூவாய் மேட் எக்ஸ் ஸ்மார்ட்போனின் விலை 2299 யூரோக்கள் (இந்திய மதிப்பில் ரூ.1,85,220) என நிர்ணயம் செய்யப்பட்டுள்ளது. ஸ்மார்ட்போனின் விற்பனை இந்த ஆண்டின் முதல் அரையாண்டு வாக்கில் துவங்கும் என தெரிவிக்கப்பட்டுள்ளது. எனினும், இந்தியாவில் சரியான வெளியீட்டு தேதி இதுவரை அறிவிக்கப்படவில்லை.

மோட்டோரோலா நிறுவனம் தனது மோட்டோ ஜி7 சீரிஸ் ஸ்மார்ட்போன்களை ஏற்கனவே சர்வதேச சந்தையில் அறிமுகம் செய்துவிட்டது. முதற்கட்டமாக இந்த ஸ்மார்ட்போன்கள் பிரேசில் நாட்டில் அறிமுகம் செய்யப்பட்டன. 

கடந்த மாதம் அறிமுகமான மோட்டோ ஜி7 சீரிஸ் இல் மோட்டோ ஜி7, மோட்டோ ஜி7 பிளஸ், மோட்டோ ஜி7 பிளே மற்றும் மோட்டோ ஜி7 பவர் உள்ளிட்ட ஸ்மார்ட்போன்கள் இடம்பெற்றிருக்கின்றன.

சமீபத்தில் மோட்டோ ஜி7 பவர் ஸ்மார்ட்போன் இந்தியாவில் அறிமுகம் செய்யப்பட்டது. இதைத் தொடர்ந்து மோட்டோ ஜி7 ஸ்மார்ட்போன் இந்தியாவில் அதிகம் எதிர்பார்க்கப்படுகிறது. இந்நிலையில், மோட்டோ ஜி7 வெளியீட்டு தேதியை மோட்டோரோலா தனது ட்விட்டரில் தெரிவித்திருக்கிறது.

மோட்டோ ஜி7 ஸ்மார்ட்போன் மார்ச் 25 ஆம் தேதி இந்தியாவில் அறிமுகம் செய்யப்படுகிறது. முன்னதாக இந்த ஸ்மார்ட்போனின் அறிவிப்பை சிறிய டீசர் வீடியோவுடன் மோட்டோரோலா தனது அதிகாரப்பூர்வ ட்விட்டர் பக்கத்தில் பதிவிட்டிருந்தது குறிப்பிடத்தக்கது.

மோட்டோ ஜி7 ஸ்மார்ட்போனில் ஆக்டா-கோர் ஸ்னாப்டிராகன் 632 பிராசஸர் வழங்கப்படுகிறது. இத்துடன் 4 ஜி.பி. ரேம், 64 ஜி.பி. மெமரியும், மெமரியை கூடுதலாக நீட்டிக்கும் வசதி வழங்கப்படுகிறது. ஆண்ட்ராய்டு 9 பை இயங்குதளம் மற்றும் ஸ்டாக் ஆண்ட்ராய்டு யூசர் இன்டர்ஃபேஸ் கொண்டு இயங்குகிறது. 

மோட்டோ ஜி7 மாடலில் 6.24 இன்ச் 1080x2270 பிக்சல் டிஸ்ப்ளே, கார்னிங் கொரில்லா கிளாஸ் பாதுகாப்பு வழங்கப்பட்டுள்ளது. புகைப்படங்களை எடுக்க டூயல் லென்ஸ் 12 எம்.பி. மற்றும் 5 எம்.பி. பிரைமரி கேமரா, முன்புறம் 8 எம்.பி. செல்ஃபி கேமரா வழங்கப்பட்டுள்ளது. 

சியோமி நிறுவனம் இந்தியாவில் ரெட்மி கோ ஸ்மார்ட்போனினை அறிமுகம் செய்துள்ளது. இது சியோமியின் முதல் ஆண்ட்ராய்டு கோ எடிஷன் ஸ்மார்ட்போன் ஆகும். 

புதிய ரெட்மி கோ ஸ்மார்ட்போனில் 5 இன்ச் ஹெச்.டி. ஸ்கிரீன், ஸ்னாப்டிராகன் 425 பிராசஸர், 1 ஜி.பி. ரேம், 8 எம்.பி. பிரைமரி கேமரா, எல்.இ.டி. ஃபிளாஷ், 5 எம்.பி. செல்ஃபி கேமரா, 4ஜி எல்.டி.இ., பிரத்யேக சிம் கார்டு ஸ்லாட்கள் மற்றும் 3000 எம்.ஏ.ஹெச். பேட்டரி வழங்கப்பட்டுள்ளது.

- 5 இன்ச் 1280x720 பிக்சல் ஹெச்.டி. டிஸ்ப்ளே

- 1.4 ஜிகாஹெர்ட்ஸ் குவாட்-கோர் ஸ்னாப்டிராகன் 425 பிராசஸர்

- அட்ரினோ 308 GPU

- 1 ஜி.பி. ரேம்

- 8 ஜி.பி. மெமரி

- மெமரியை கூடுதலாக நீட்டிக்கும் வசதி

- ஆண்ட்ராய்டு 8.0 (ஓரியோ கோ எடிஷன்)

- டூயல் சிம் ஸ்லாட்

- 8 எம்.பி. பிரைமரி கேமரா, எல்.இ.டி. ஃபிளாஷ், f/2.0, 1.12μm பிக்சல்

- 5 எம்.பி. செல்ஃபி கேமரா, f/2.2, 1.12μm பிக்சல்

- 3.5 எம்.எம். ஆடியோ ஜாக், எஃப்.எம். ரேடியோ, டூயல் மைக்ரோபோன்கள்

- 4ஜி வோல்ட்இ, வைபை, ப்ளூடூத், ஜி.பி.எஸ். 

- 3000 எம்.ஏ.ஹெச். பேட்டரி

சியோமி ரெட்மி கோ ஸ்மார்ட்போன் பிளாக் மற்றும் புளு என இருவித நிறங்களில் கிடைக்கிறது. இந்தியாவில் ரெட்மி கோ ஸ்மார்ட்போனின் விலை ரூ.4,499 என நிர்ணயம் செய்யப்பட்டுள்ளது. ரெட்மி கோ முதல் விற்பனை மார்ச் 22 ஆம் தேதி ப்ளிப்கார்ட், Mi வலைதளம் மற்றும் Mi ஹோம் ஸ்டோர்களில் துவங்குகிறது.

புதிய ரெட்மி கோ ஸ்மார்ட்போன் வாங்கும் ரிலையன்ஸ் ஜியோ வாடிக்கையாளர்களுக்கு ரூ.2,200 மதிப்புள்ள கேஷ்பேக் மற்றும் 100 ஜி.பி. டேட்டா வழங்கப்படுகிறது.

ஹூவாயின் ஹானர் பிராண்டு இந்தியாவில் ஹானர் 10 லைட் ஸ்மார்ட்போனின் 3 ஜி.பி. ரேம், 32 ஜி.பி. மெமரி வேரியண்ட் மாடலை அறிமுகம் செய்துள்ளது.

ஹானர் 10 லைட் ஸ்மார்ட்போனில் 6.21 இன்ச் ஃபுல் ஹெச்.டி. பிளஸ் டிஸ்ப்ளே , கிரின் 710 பிராசஸர், ஆண்ட்ராய்டு 9.0 பை, EMUI 9.0, 13 எம்.பி. பிரைமரி கேமரா, f/1.8, 2 எம்.பி. இரண்டாவது பிரைமரி கேமரா, 24 எம்.பி. செல்ஃபி கேமரா வழங்கப்பட்டுள்ளது. ஸ்மார்ட்போனின் பின்புறம் கிரேடியன்ட் ஃபினிஷ் மற்றும் கைரேகை சென்சார் வழங்கப்பட்டுள்ளது.

- 6.21 இன்ச் 2340x1080 பிக்சல் ஃபுல் ஹெச்.டி. பிளஸ் 19:5:9 2.5D வளைந்த கிளாஸ் டிஸ்ப்ளே

- ஆக்டா-கோர் 710 12 என்.எம். பிராசஸர்

- ARM மாலி-G51 MP4 GPU

- 3 ஜி.பி. ரேம், 32 ஜி.பி. மெமரி

- 4 ஜி.பி. / 6 ஜி.பி. ரேம், 64 ஜி.பி. மெமரி

- மெமரியை கூடுதலாக நீட்டிக்கும் வசதி

- ஆண்ட்ராய்டு 9.0 பை மற்றும் EMUI 9.0

- ஹைப்ரிட் டூயல் சிம் ஸ்லாட்

- 13 எம்.பி. பிரைமரி கேமரா, f/1.8, எல்.இ.டி. ஃபிளாஷ்

- 2 எம்.பி. இரண்டாவது பிரைமரி கேமரா

- 24 எம்.பி. செல்ஃபி கேமரா, f/2.0

- கைரேகை சென்சார்

- டூயல் 4ஜி வோல்ட்இ, வைபை, ப்ளூடூத்

- 3400 எம்.ஏ.ஹெச். பேட்டரி

இந்தியாவில் ஹானர் 10 லைட் 3 ஜி.பி. ரேம் வெர்ஷன் விலை ரூ.11,999 என நிர்ணயம் செய்யப்பட்டுள்ளது. இந்த ஸ்மார்ட்போன் ப்ளிப்கார்ட் தளத்தில் மட்டும் பிரத்யேகமாக விற்பனை செய்யப்படுகிறது. ஹானர் 10 லைட் ஸ்மார்ட்போன் மிட்நைட் பிளாக் மற்றும் கிரேடியன்ட் புளு உள்ளிட்ட நிறங்களில் கிடைக்கிறது.

சியோமி நிறுவனம் ரெட்மி நோட் 7 ப்ரோ ஸ்மார்ட்போனுடன் ரெட்மி 7 ஸ்மார்ட்போனினை சீனாவில் அறிமுகம் செய்திருக்கிறது. புதிய ரெட்மி 7 ஸ்மார்ட்போனில் 6.26 இன்ச் ஹெச்.டி. பிளஸ் வாட்டர் டிராப் நாட்ச் டிஸ்ப்ளே, ஸ்னாப்டிராகன் 632 பிராசஸர், 4 ஜி.பி. ரேம், ஆண்ட்ராய்டு 9.0 பை சார்ந்த MIUI 10 இயங்குதளம் வழங்கப்பட்டிருக்கிறது.

புகைப்படங்களை எடுக்க 12 எம்.பி. பிரைமரி கேமரா, எல்.இ.டி. ஃபிளாஷ், 2 எம்.பி. இரண்டாவது பிரைமரி கேமரா, 8 எம்.பி. செல்ஃபி கேமரா வழங்கப்பட்டுள்ளது. இத்துடன் ஸ்மார்ட்போனின் முன்பக்கம் மற்றும் பின்புறம் கார்னிங் கொரில்லா கிளாஸ் 5 கொண்டு பாதுகாக்கப்படுகிறது.

ஸ்மார்ட்போனின் பின்புறம் கிரேடியன்ட் ஃபினிஷ் செய்யப்பட்டிருக்கும் ரெட்மி 7 ஸ்மார்ட்போனில் P2i நானோ கோட்டிங் கொண்ட ஸ்பிளாஷ் ப்ரூஃப் வசதி வழங்கப்பட்டுள்ளது. இத்துடன் டூயல் சிம் கார்டு ஸ்லாட், மைக்ரோ எஸ்.டி. கார்டு ஸ்லாட் மற்றும் 4000 எம்.ஏ.ஹெச். பேட்டரி வழங்கப்பட்டுள்ளது.

- 6.26 இன்ச் 1520x720 பிக்சல் ஹெச்.டி. பிளஸ் 19:9 2.5D வளைந்த கிளாஸ் டிஸ்ப்ளே

- கார்னிங் கொரில்லா கிளாஸ் 5

- 1.8 ஜிகாஹெர்ட்ஸ் ஆக்டா-கோர் ஸ்னாப்டிராகன் 632 14nm பிராசஸர்

- அட்ரினோ 506 GPU

- 2 ஜி.பி. ரேம், 16 ஜி.பி. மெமரி

- 3 ஜி.பி. ரேம், 32 ஜி.பி. மெமரி

- 4 ஜி.பி. ரேம், 64 ஜி.பி. மெமரி

- மெமரியை நீட்டிக்கும் வசதி

- ஆண்ட்ராய்டு 9.0 பை மற்றும் MIUI 10

- டூயல் சிம் ஸ்லாட்

- 12 எம்.பி. பிரைமரி கேமரா, எல்.இ.டி. ஃபிளாஷ், 1.12um, f/2.2

- 2 எம்.பி. இரண்டாவது பிரைமரி கேமரா

- 8 எம்.பி. செல்ஃபி கேமரா

- கைரேகை சென்சார், இன்ஃப்ராரெட் சென்சார்

- 3.5 எம்.எம். ஆடியோ ஜாக், எஃப்.எம். ரேடியோ

- டூயல் 4ஜி வோல்ட்இ, வைபை, ப்ளூடூத் 5

- 4000 எம்.ஏ.ஹெச். பேட்டரி

சியோமி ரெட்மி 7 ஸ்மார்ட்போன் புளு, ரெட் மற்றும் பிளாக் என மூன்று வித நிறங்களில் கிடைக்கிறது. இதன் 2 ஜி.பி. ரேம் வெர்ஷன் விலை 699 யுவான் (இந்திய மதிப்பில் ரூ.7,150) என்றும் 3 ஜி.பி. ரேம் வெர்ஷன் விலை 799 யுவான் (இந்திய மதிப்பில் ரூ.8,170) என்றும் 4 ஜி.பி. ரேம் வெர்ஷன் விலை 999 யுவான் (இந்திய மதிப்பில் ரூ.10,215) என நிர்ணயம் செய்யப்பட்டுள்ளது.

சியோமி நிறுவனம் தனது ரெட்மி கோ ஸ்மார்ட்போனினை இந்தியாவில் மார்ச் 19 ஆம் தேதி அறிமுகம் செய்கிறது. இது சியோமியின் முதல் ஆண்ட்ராய்டு கோ எடிஷன் ஸ்மார்ட்போன் ஆகும். 

முன்னதாக வெளியான தகவல்களின் படி ரெட்மி கோ ஸ்மார்ட்போனில் 5.0 இன்ச் ஹெச்.டி. ஸ்கிரீன், ஸ்னாப்டிராகன் 425 பிராசஸர், 1 ஜி.பி. ரேம், 8 எம்.பி. பிரைமரி கேமரா, எல்.இ.டி. ஃபிளாஷ், 5 எம்.பி. செல்ஃபி கேமரா, 4ஜி எல்.டி.இ. மற்றும் பிரத்யேக சிம் ஸ்லாட்கள், 3000 எம்.ஏ.ஹெச். பேட்டரி கொண்டிருக்கும் என தெரிகிறது.

- 5.0 இன்ச் 1280x720 பிக்சல் ஹெச்.டி. 16:9 டிஸ்ப்ளே

- 1.4 ஜிகாஹெர்ட்ஸ் குவாட்-கோர் ஸ்னாப்டிராகன் 425 பிராசஸர்

- அட்ரினோ 308 GPU

- 1 ஜி.பி. ரேம்

- 8 ஜி.பி. மெமரி

- மெமரியை கூடுதலாக நீட்டிக்கும் வசதி

- ஆண்ட்ராய்டு 8.1 (ஓரியோ கோ எடிஷன்)

- டூயல் சிம்

- 8 எம்.பி. பிரைமரி கேமரா, எல்.இ.டி. ஃபிளாஷ், f/2.0, 1.12μm

- 5 எம்.பி. செல்ஃபி கேமரா, f/2.2, 1.12μm

- 4ஜி வோல்ட்இ, வைபை, ப்ளூடூத் 4.1

- 3000 எம்.ஏ.ஹெச். பேட்டரி

சியோமி ரெட்மி கோ ஸ்மாரட்போன் பிளாக் மற்றும் புளு என இருவித நிறங்களில் கிடைக்கும் என தெரிகிறது. முன்னதாக இந்த ஸ்மார்ட்போன் பிலிப்பைன்ஸ் நாட்டில் அறிமுகம் செய்யப்பட்டது. அங்கு இதன் விலை 75 டாலர்கள் (இந்திய மதிப்பில் ரூ.5,240) என நிர்ணயம் செய்யப்பட்டுள்ளது.

ஹூவாய் நிறுவனம் தனது புதிய மிட் ரேஞ் ஸ்மார்ட்போனினை அறிமுகம் செய்துள்ளது. ஹூவாய் நோவா 4இ என அழைக்கப்படும் புதிய ஸ்மார்ட்போனில் 6.15 இன்ச் ஃபுல் ஹெச்.டி. பிளஸ் வாட்டர் டிராப் நாட்ச் டிஸ்ப்ளே, கிரின் 710 பிராசஸர், அதிகபட்சம் 6 ஜி.பி. ரேம், ஜி.பி.யு. டர்போ 2.0, ஆண்ட்ராய்டு 9.0 பை மற்றும் EMUI 9.0 வழங்கப்பட்டுள்ளது.

புகைப்படங்களை எடுக்க 24 எம்.பி. பிரைமரி கேமரா, 2 எம்.பி. இரண்டாவது பிரைமரி கேமரா, 8 எம்.பி. அல்ட்ரா வைடு-ஆங்கிள் லென்ஸ் வழங்கப்பட்டுள்ளது. செல்ஃபிக்களுக்கு 32 எம்.பி. கேமரா மற்றும் ஏ.ஐ. பியூட்டிஃபை அம்சங்கள் வழங்கப்பட்டுள்ளன. இதன் புளு வெர்ஷனில் கிளாஸ் பேக், கிரேடியன்ட் ஃபினிஷ் கொண்டிருக்கிறது. 

இத்துடன் ஸ்மார்ட்போனின் பின்புறம் கைரேகை சென்சார், ஹைப்ரிட் டூயல் சிம் ஸ்லாட், டூயல் 4ஜி வோல்ட்இ, 3340 எம்.ஏ.ஹெச். பேட்டரி வழங்கப்பட்டுள்ளது. 18 வாட் ஃபாஸ்ட் சார்ஜிங் வசதி, யு.எஸ்.பி. டைப்-சி வழங்கப்பட்டுள்ளது.

- 6.15 இன்ச் 2312x1080 பிக்சல் ஃபுல் ஹெச்.டி. பிளஸ் 19:5:9 2.5D வளைந்த கிளாஸ் டிஸ்ப்ளே

- ஆக்டா-கோர் 710 12 என்.எம். பிராசஸர்

- ARM மாலி-G51 MP4 GPU

- 4 ஜி.பி. / 6 ஜி.பி. ரேம்

- 128 ஜி.பி. மெமரி

- மெமரியை கூடுதலாக நீட்டிக்கும் வசதி

- ஆண்ட்ராய்டு 9.0 பை மற்றும் EMUI 9.0

- ஹைப்ரிட் டூயல் சிம்

- 24 எம்.பி. பிரைமரி கேமரா, எல்.இ.டி. ஃபிளாஷ், f/1.8

- 2 எம்.பி. இரண்டாவது பிரைமரி கேமரா

- 8 எம்.பி. 120° அல்ட்ரா-வைடு கேமரா

- 32 எம்.பி. செல்ஃபி கேமரா, f/2.0

- கைரேகை சென்சார்

- டூயல் 4ஜி வோல்ட்இ, வைபை, ப்ளூடூத், யு.எஸ்.பி. டைப்-சி

- 3340 எம்.ஏ.ஹெச். பேட்டரி

- ஃபாஸ்ட் சார்ஜிங்

ஹூவாய் நோவா 4இ ஸ்மார்ட்போன் மிட்நைட் பிளாக், பியல் வைட் மற்றும் கிரேடியண்ட் புளு உள்ளிட்ட நிறங்களில் கிடைக்கிறது. இதன் 4 ஜி.பி. ரேம் வெர்ஷன் விலை 1999 யுவான் (இந்திய மதிப்பில் ரூ.20,720) என்றும் 6 ஜி.பி. ரேம் வெர்ஷன் 2299 யுவான் (இந்திய மதிப்பில் ரூ.23,835) என நிர்ணயம் செய்யப்பட்டுள்ளது.

சியோமி நிறுவனத்தின் ரெட்மி 7 ஸ்மார்ட்போன் மார்ச் 18 ஆம் தேதி அறிமுகம் செய்யப்படும் என ரெட்மி தலைவர் லு வெய்பிங் அதிகாரப்பூர்வமாக அறிவித்துள்ளார். ரெட்மி 7 ஸ்மார்ட்போனுடன் ரெட்மி நோட் 7 ப்ரோ ஸ்மார்ட்போனும் அறிமுகம் செய்யப்பட இருக்கிறது. 

வெளியீடு பற்றிய அறிவிப்புடன் ஸ்மார்ட்போனின் பிளாக், புளு மற்றும் ஆரஞ்சு கிரேடியன்ட் நிற எடிஷன்களின் புகைப்படங்களை அவர் பதிவிட்டிருந்தார். அதன்படி புதிய ஸ்மார்ட்போனில் ஏ.ஐ. வசதி கொண்ட டூயல் பிரைமரி கேமராக்கள், டாட் வடிவ நாட்ச் இடம்பெற்றிருக்கிறது.

முன்னதாக இந்த ஸ்மார்ட்போன் விவரங்கள் வியட்நாம் வலைதளங்களில் வெளியாகி இருந்தது. இவற்றில் புதிய ரெட்மி ஸ்மார்ட்போன் ஸ்னாப்டிராகன் 632 பிராசஸர், பிரத்யேக டூயல் சிம் ஸ்லாட், மைக்ரோ எஸ்.டி. ஸ்லாட், மைக்ரோ யு.எஸ்.பி. போர்ட் உள்ளிட்டவை வழங்கப்படுகிறது.

- 6.26 இன்ச் 1520x720 பிக்சல் ஹெச்.டி. பிளஸ் 19:9 2.5D வளைந்த கிளாஸ் டிஸ்ப்ளே

- 1.8 ஜிகாஹெர்ட்ஸ் ஆக்டா-கோர் ஸ்னாப்டிராகன் 632 14 என்.எம். பிராசஸர்

- அட்ரினோ 506 GPU

- 2 ஜி.பி. ரேம், 16 ஜி.பி. மெமரி

- 3 ஜி.பி. ரேம், 32 ஜி.பி. மெமரி

- 4 ஜி.பி. ரேம், 64 ஜி.பி. மெமரி

- மெமரியை கூடுதலாக நீட்டிக்கும் வசதி

- ஆண்ட்ராய்டு 9.0 பை மற்றும் MIUI 10

- டூயல் சிம் ஸ்லாட்

- 12 எம்.பி. பிரைமரி கேமரா, எல்.இ.டி. ஃபிளாஷ்

- 5 எம்.பி. இரண்டாவது பிரைமரி கேமரா

- 8 எம்.பி. செல்ஃபி கேமரா

- கைரேகை சென்சார், இன்ஃப்ராரெட் சென்சார்

- 3.5 எம்.எம். ஆடியோ ஜாக், எஃப்.எம். ரேடியோ

- டூயல் 4ஜி வோல்ட்இ, வைபை, ப்ளூடூத்

- 4000 எம்.ஏ.ஹெச். பேட்டரி

சியோமி ரெட்மி 7 ஸ்மார்ட்போன் பிளாக், ரெட், புளு, பின்க் மற்றும் பல்வேறு புதிய நிறங்களில் வெளியாகும் என எதிர்பார்க்கப்படுகிறது. தற்சமயம் வெளியாகி இருக்கும் தகவல்களில் ரெட்மி 7 மற்றும் ரெட்மி நோட் 7 ப்ரோ தவிர மின்விசிறி, வெப் கேமரா, ஸ்மார்ட் கேமரா, வாக்யூம் கிளீனர், வாஷிங் மெஷின் போன்ற சாதனங்களையும் அறிமுகம் செய்யலாம் என தெரிகிறது.