தொழில்நுட்பம்

போக்கோ நிறுவனத்தின் முற்றிலும் புதிய பட்ஜெட் விலை ஸ்மார்ட்போன் F6 5ஜி இந்திய விற்பனை துவங்கியது. ப்ளிப்கார்ட் வலைதளத்தில் நடைபெறும் சிறப்பு விற்பனையில், போக்கோ F6 5ஜி மாடலுக்கு ரூ. 4 ஆயிரம் வரையிலான சலுகைகள் அறிவிக்கப்பட்டு உள்ளன.

இந்திய சந்தையில் போக்கோ F6 5ஜி மாடல் பிளாக் மற்றும் டைட்டானியம் என இரண்டு நிறங்களில் கிடைக்கிறது. இதன் 8 ஜி.பி. ரேம், 256 ஜி.பி. மெமரி மாடல் விலை ரூ. 29 ஆயிரத்து 999 என்றும் 12 ஜி.பி. ரேம், 256 ஜி.பி. மெமரி மாடல் விலை ரூ. 31 ஆயிரத்து 999 என்றும் 12 ஜி.பி. ரேம், 512 ஜி.பி. மெமரி மாடல் விலை ரூ. 33 ஆயிரத்து 999 என்றும் நிர்ணயம் செய்யப்பட்டு உள்ளது.

அறிமுக சலுகையாக இந்த ஸ்மார்ட்போன் வாங்குவோர் ஐ.சி.ஐ.சி.ஐ. கிரெடிட் மற்றும் டெபிட் கார்டு பயன்படுத்தும் போது ரூ. 2 ஆயிரம் உடனடி தள்ளுபடி வழங்கப்படுகிறது. இத்துடன் மாத தவணை முறை பரிவர்த்தனைகளுக்கு ரூ. 2 ஆயிரம் உடனடி தள்ளுபடி வழங்கப்படுகிறது.

இதுதவிர எக்சேஞ்ச் சலுகையாக ரூ. 2 ஆயிரம் தள்ளுபடி வழஹ்கப்படுகிறது. இந்த ஸ்மார்ட்போன் வாங்குவோர் மாதம் ரூ. 2 ஆயிரத்து 166 வீதம் வட்டியில்லா மாத தவணை முறை சலுகையையும் பயன்படுத்திக் கொள்ளலாம். மேலும், ஸ்மார்ட்போனுக்கு ஒரு ஆண்டு கூடுதல் வாரண்டியும் வழங்கப்படுகிறது.

சியோமி நிறுவனம் தனது ரெட்மி பேட் ப்ரோ 5ஜி வெர்ஷனை விரைவில் அறிமுகம் செய்ய இருக்கிறது. முன்னதாக ரெட்மி பேட் ப்ரோ வைபை வெர்ஷன் சீன சந்தையில் அறிமுகம் செய்யப்பட்டு, அதன்பிறகு மே மாத வாக்கில் சர்வதேச சந்தையில் அறிமுகம் செய்யப்பட்டது.

இந்த வரிசையில், புதிய டேப்லெட்-இன் 5ஜி மாடல் அறிமுகமாக இருக்கிறது. புதிய வெர்ஷன் வெளியீடு குறித்து சியோமி தலைமை செயல் அதிகாரி லெய் ஜூன் அறிவித்தார். இதோடு, புதிய டேப்லெட் கொண்டு சியோமி மற்றும் ரெட்மி போன் பயன்படுத்துவோர் அவற்றின் ஹாட்ஸ்பாட் மூலம் ஒரே க்ளிக்-இல் கனெக்ட் செய்து கொள்ளலாம் என்று தெரிவித்தார்.

இது தொடர்பாக அந்நிறுவனம் வெளியிட்டுள்ள டீசர்களில் ஸ்டைலஸ் மற்றும் கீபோர்டு உடன் பாதுகாப்பு கேஸ் ஒன்றும் வழங்கப்படுகிறது. 5ஜி சப்போர்ட் தவிர இந்த டேப்லெட்-இன் டிசைன், இதர அம்சங்களில் எவ்வித மாற்றமும் மேற்கொள்ளப்படாது என்றே தெரிகிறது.

ரெட்மி பேட் ப்ரோ 5ஜி மாடல் ஜூன் மாத வாக்கில் அறிமுகம் செய்யப்படும் என்று தெரிகிறது. இந்த டேப்லெட் ரெட்மி K70 அல்ட்ரா மாடலுடன் அறிமுகமாகும் என்று கூறப்படுகிறது.

வோடபோன் ஐடியா நிறுவனம் தனது சந்தாதாரர்களுக்கு இலவச டேட்டா வழங்கி வருகிறது. குறுகிய காலக்கட்டத்திற்கு அறிவிக்கப்பட்டு இருக்கும் புதிய சலுகையில் 5ஜி அல்லது 4ஜி ஸ்மார்ட்போன் பயன்படுத்தும் பிரீபெயிட் பயனர்கள் பயன்பெற முடியும்.

இந்த திட்டத்தின் கீழ் பயனர்களுக்கு 13 முறை 10 ஜி.பி. வரை இலவச டேட்டா வழங்கப்படுகிறது. எனினும், இந்த சலுகையின் முழு பயன்களை பெற பயனர்கள் பிரீபெயிடில் இருந்து போஸ்ட்பெயிடுக்கோ அல்லது நம்பரை செயலிழக்க செய்யவோ, ஏற்கனவே உள்ள ரீசார்ஜ் சலுகையை மாற்றவோ வேண்டாம் என வி தெரிவித்துள்ளது.

வி கியாரண்டி திட்டத்தின் கீழ் பயனர்களுக்கு அதிகபட்சம் 130 ஜி.பி. வரை இலவச டேட்டா கூடுதலாக வழங்கப்படும். இந்த சலுகையை பெறும் பட்சத்தில் பயனர்களுக்கு கூடுதல் டேட்டா 10 ஜி.பி. வீதம் 13 தவணைகளில் வழங்கப்படும். இதற்கான வேலிடிட்டி 28 நாட்கள் ஆகும்.

இந்த சலுகையை பெற பயனர்கள் குறைந்தபட்சம் ரூ. 239 துவங்கி அதிகபட்சம் ரூ. 3 ஆயிரத்து 199 விலையில் உள்ள பிரீபெயிட் சலுகையை பயன்படுத்த வேண்டும். மேலும், பயனர்கள் இதே சலுகையை தொடர்ச்சியாக ரிசார்ஜ் செய்ய வேண்டும். இந்த சலுகை மே 25 ஆம் தேதி துவங்கிய நிலையில், ஜூன் 14 ஆம் தேதி வரை வழங்கப்படும்.

சலுகையில் பயன்பெறுவது எப்படி?

- பயனர்கள் வி நெட்வொர்க்கில் 4ஜி அல்லது 5ஜி ஸ்மார்ட்போன் பயன்படுத்த வேண்டும்.

- ஆந்திர பிரதேசம், கர்நாடகா, மத்திய பிரதேசம், அசாம், வடகிழக்கு மற்றும் ஒரிசா டெலிகாம் வட்டாரங்களை சேர்ந்த பயனர்களுக்கு இந்த சலுகை வழங்கப்படாது.

- பயனர்கள் தங்களது ஸ்மார்ட்போனில் இருந்து 121199 அல்லது 199199# என்ற எண்ணிற்கு அழைக்க வேண்டும்.

- முந்தைய ஆப்ஷனில் குறிப்பிடப்பட்டு இருக்கும் யு.எஸ்.எஸ்.டி. எண்களை தொடர்ந்து வரும் வழிமுறைகளை கவனமாக பின்பற்ற வேண்டும்.

- இவ்வாறு செய்த பிறகு, சலுகை வழங்கப்பட்டதை உறுதிப்படுத்தும் குறுந்தகவல் வரும்.

- கூடுதல் டேட்டா வழங்கப்பட்டுள்ளதா என்பதை பயனர்கள் *199# என்ற யு.எஸ்.எஸ்.டி. குறியீட்டை கொண்டு சரிபார்க்க முடியும்.

ரியல்மி நிறுவனம் தனது GT 6T ஸ்மார்ட்போனினை கடந்த வாரம் இந்திய சந்தையில் அறிமுகம் செய்தது. இந்தியாவில் குவால்காம் நிறுவனத்தின் ஸ்னாப்டிராகன் 7 பிளஸ் ஜென் 1 பிராசஸர் கொண்ட முதல் ஸ்மார்ட்போனாக ரியல்மி GT 6T ஸ்மார்ட்போன் அறிமுகமாகி இருக்கிறது. இந்த ஸ்மார்ட்போனின் விற்பனை மே 29 ஆம் தேதி துவங்க இருக்கிறது.

இந்த நிலையில், புதிய ரியல்மி ஸ்மார்ட்போன் வாங்க விரும்புவோருக்காக நாளை (மே 28) Early Access முறையில் ரியல்மி GT 6T மாடல் விற்பனை செய்யப்பட உள்ளது. அந்த வகையில், ரியல்மி GT 6T மாடலின் சிறப்பு விற்பனை நாளை மதியம் 12 மணிக்கு துவங்கி மதியம் 2 மணி வரை நடைபெற இருக்கிறது. விற்பனை ரியல்மி மற்றும் அமேசான் இந்தியா வலைதளங்களில் நடைபெற உள்ளது.

விலை விவரங்கள்:

ரியல்மி GT 6T 8 ஜி.பி. ரேம், 128 ஜி.பி. மெமரி ரூ. 30 ஆயிரத்து 999

ரியல்மி GT 6T 8 ஜி.பி. ரேம், 256 ஜி.பி. மெமரி ரூ. 32 ஆயிரத்து 999

ரியல்மி GT 6T 12 ஜி.பி. ரேம், 256 ஜி.பி. மெமரி ரூ. 35 ஆயிரத்து 999

ரியல்மி GT 6T 12 ஜி.பி. ரேம், 512 ஜி.பி. மெமரி ரூ. 39 ஆயிரத்து 999

புதிய ஸ்மார்ட்போன் வாங்குவோர் வங்கி சலுகைகள் மற்றும் கூப்பன்களை சேர்க்கும் போது ரூ. 6 ஆயிரம் வரையிலான தள்ளுபடி பெற முடியும்.

ரியல்மி GT 6T மாடலில் 6.78 இன்ச் 1.5K 8T LTPO AMOLED ஸ்கிரீன் கொண்ட ப்ரோ XDR டிஸ்ப்ளே, 120Hz ரிப்ரெஷ் ரேட், கார்னிங் கொரில்லா கிளாஸ் விக்டஸ் 2 பாதுகாப்பு வழங்கப்பட்டு இருக்கிறது.

இந்த ஸ்மார்ட்போன் ஸ்னாப்டிராகன் 7 பிளஸ் ஜென் 3 பிராசஸர், அதிகபட்சம் 12 ஜி.பி. ரேம், 512 ஜி.பி. மெமரி, 9-லேயர் கூலிங் சிஸ்டம், ஆண்ட்ராய்டு 14 சார்ந்த ரியல்மி யு.ஐ. 5, 50MP பிரைமரி கேமரா, OIS, 8MP அல்ட்ரா வைடு கேமரா, 32MP செல்ஃபி கேமரா வழங்கப்பட்டு இருக்கிறது.

இந்த ஸ்மார்ட்போன் 5500 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 129 வாட் சூப்பர்வூக் பாஸ்ட் சார்ஜிங் வசதி வழங்கப்படுகிறது.

ஸ்மார்ட்போன், ஸ்மார்ட்வாட்ச், ஹெட்போன், இயர்பட்ஸ் என மின்னணு சாதனங்கள் சந்தை உலகளவில் எப்படி செயல்பட்டு வருகிறது என்பதை ஆய்வு செய்து அறிக்கை மூலம் அறிவிக்கும் அமைப்பு தான் சர்வதேச டேட்டா கார்ப்பரேஷன் (ஐ.டி.சி.).

ஒவ்வொரு சாதனமும் எந்த அளவுக்கு விற்பனையாகின்றன, அவற்றின் விலை எப்படி இருக்கிறது, பயனர்கள் அதை வாங்கும் விதம் என மின்னணு சாதனங்கள் விற்பனை குறித்த ஒவ்வொரு விவரமும், ஐ.டி.சி. வெளியிடும் அறிக்கையில் துல்லியமாக இடம்பெற்று இருக்கும்.

அந்த வரிசையில், ஐ.டி.சி. சமீபத்தில் வெளியிட்டுள்ள அறிக்கையில், ஸ்மார்ட்வாட்ச், இயர்பட்ஸ் விற்பனை மற்றும் அவற்றின் விலை குறித்த விவரங்கள் இடம்பெற்றுள்ளன. இதில், உலகளவில் அணிக்கூடிய சாதனங்கள் (Wearables) விலை முந்தைய ஆண்டுடன் ஒப்பிடும் போது 17 சதவீதம் வரை குறைந்துள்ளது தெரியவந்துள்ளது.

ஒட்டுமொத்தத்தில் அணியக்கூடிய சாதனங்களின் சராசரி விற்பனை விலை 2024 ஆண்டின் முதல் காலாண்டில் 22.62 டாலர்களில் இருந்து 18.59 டாலர்கள் ஆக சரிந்துள்ளது. இந்த விலை இதுவரை இல்லாத அளவுக்கு மிகவும் குறைவு ஆகும். ஆன்லைனில் அதிகப்படியான ஸ்டாக் இருப்பு மற்றும் குறைந்தளவு புதிய சாதனங்கள் அறிமுகம் செய்யப்பட்டதே விலை குறைப்புக்கு முக்கிய காரணம் ஆகும்.

ஸ்மார்ட்வாட்ச்களின் சராசரி விற்பனை விலை கடந்த ஆண்டுடன் ஒப்பிடும் போது 29.24 டாலர்களில் இருந்து 20.65 டாலர்களாக சரிந்துள்ளது. இதேபோன்று மேம்பட்ட ஸ்மார்ட்வாட்ச்களின் பங்கு 2.0 சதவீதத்தில் இருந்து 3.2 சதவீதமாக அதிகரித்துள்ளது. இந்திய அணியக்கூடிய சாதனங்கள் சந்தை முந்தைய ஆண்டுடன் ஒப்பிடும் போது 2.1 சதவீதம் அதிகரித்து இருக்கிறது.

ஐ.டி.சி. வெளியிட்டுள்ள அறிக்கையின் படி அணியக்கூடிய சாதனங்கள் சந்தையில் போட், நாய்ஸ், பயர்-போல்ட், பௌல்ட் மற்றும் ஒப்போ உள்ளிட்டவை முன்னணி இடத்தில் உள்ளன. கடந்த ஆண்டும் இதே நிறுவனங்கள் முன்னணியில் இருந்தது குறிப்பிடத்தக்கது.

சாம்சங் நிறுவனம் தனது புதிய ஸ்மார்ட்போன் மற்றும் இதர சாதனங்களை கேலக்ஸி அன்பேக்டு நிகழ்வில் அறிமுகம் செய்வதை வாடிக்கையாக கொண்டுள்ளது. ஆண்டிற்கு இருமுறை நடைபெறும் கேலக்ஸி அன்பேக்டு விழாவில்- ஒருமுறை சாம்சங் ஃபிளாக்ஷிப் ஸ்மார்ட்போன்களும், மற்றொரு நிகழ்வில் மடிக்கக்கூடிய சாதனங்களையும் அறிமுகம் செய்து வருகிறது.

இந்த ஆண்டு துவக்கத்தில் நடைபெற்ற கேலக்ஸி அன்பேக்டு நிகழ்வில் சாம்சங் நிறுவனம் தனது கேலக்ஸி S24 சீரிஸ் ஸ்மார்ட்போன்களை அறிமுகம் செய்தது. அந்த வரிசையில், இந்த ஆண்டிற்கான அடுத்த கேலக்ஸி அன்பேக்டு நிகழ்வு ஜூலை 10 ஆம் தேதி பாரிஸ் நகரில் நடைபெற இருப்பதாக தகவல் வெளியாகி உள்ளது.

சர்வதேச ஒலிம்பிக் கமிட்டியின் அதிகாரப்பூர்வ பார்டனராக சாம்சங் நிறுவனம் இருக்கிறது. அந்த வகையில், பாரிஸ் ஒலிம்பிக் போட்டிகள் துவங்க இரு வாரங்களுக்கு முன்பு கேலக்ஸி அன்பேக்டு நிகவ்வை நடத்த சாம்சங் திட்டமிட்டு வருவதாக கூறப்படுகிறது. இந்த நிகழ்வில் சாம்சங் நிறுவனம் கேலக்ஸி Z ஃபோல்டு 6 மற்றும் கேலக்ஸி Z ப்ளிப் 6 மாடல்களை அறிமுகம் செய்ய இருக்கிறது.

சாம்சங்கின் இரு மடிக்கக்கூடிய ஸ்மார்ட்போன்களில் ஸ்னாப்டிராகன் 8 ஜென் 3 பிராசஸர் வழங்கப்படுகிறது. இந்த முறை வழக்கமான மடிக்கக்கூடிய ஸ்மார்ட்போன்கள் தவிர கேலக்ஸி Z ஃபோல்டு FE மற்றும் Z ஃப்ளிப் FE மாடல்கள் சற்றே குறைந்த விலையில் அறிமுகம் செய்யப்படும் என்று எதிர்பார்க்கப்படுகிறது.

இவற்றுடன் கேலக்ஸி ரிங் சாதனத்தின் விலை விவரங்கள் இந்த நிகழ்வில் அறிவிக்கப்படும் என்று தெரிகிறது. முன்னதாக இந்த சாதனம் கேலக்ஸி S24 அறிமுக நிகழ்வில் அறிவிக்கப்பட்டு, 2024 சர்வதேச மொபைல் காங்கிரஸ் நிகழ்வில் காட்சிக்கு வைக்கப்பட்டது குறிப்பிடத்தக்கது.

போக்கோ நிறுவனத்தின் முற்றிலும் புதிய F6 5ஜி ஸ்மார்ட்போன் இந்திய சந்தையில் அறிமுகம் செய்யப்பட்டது. புதிய போக்கோ F6 5ஜி மாடலில் 6.67 இன்ச் 1.5K Crystal ResFlow 120Hz AMOLED டிஸ்ப்ளே வழங்கப்பட்டு இருக்கிறது. இந்திய சந்தையில் குவால்காம் ஸ்னாப்டிராகன் 8s ஜென் 3 பிராசஸர் கொண்ட முதல் ஸ்மார்ட்போன் என்ற பெருமையை புதிய போக்கோ F6 5ஜி பெற்றுள்ளது.

இத்துடன் அதிகபட்சம் 12 ஜி.பி. ரேம், 512 ஜி.பி. மெமரி, IP64 தர வாட்டர் ரெசிஸ்டண்ட் வசதி, ஆண்ட்ராய்டு 14 சார்ந்த சியோமி ஹைப்பர் ஓ.எஸ். வழங்கப்பட்டு இருக்கிறது. இந்த ஸ்மார்ட்போனிற்கு மூன்று ஓ.எஸ். அப்டேட்களும், நான்கு ஆண்டுகளுக்கு செக்யூரிட்டி அப்டேட்களும் வழங்குவதாக சியோமி தெரிவித்து இருக்கிறது.

புகைப்படங்களை எடுக்க டூயல் 50MP பிரைமரி கேமரா, OIS, 8MP அல்ட்ரா வைடு கேமரா, 20MP செல்ஃபி கேமரா வழங்கப்பட்டுள்ளது. இந்த ஸ்மார்ட்போன் 5000 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 90 வாட் பாஸ்ட் சார்ஜிங் வசதி வழங்கப்படுகிறது. இந்த ஸ்மார்ட்போனை 35 நிமிடங்களில் முழுமையாக சார்ஜ் செய்துவிட முடியும்.

போக்கோ F6 5ஜி ஸ்மார்ட்போன் பிளாக் மற்றும் டைட்டானியம் நிறங்களில் கிடைக்கிறது. இதன் விலை ரூ. 29 ஆயிரத்து 999 என துவங்குகிறது. இதன் டாப் எண்ட் மாடல் விலை ரூ. 33 ஆயிரத்து 999 ஆகும். விற்பனை மே 29 ஆம் தேதி ப்ளிப்கார்ட் வலைதளத்தில் துவங்குகிறது.

விவோ நிறுவனத்தின் முற்றிலும் புதிய X போல்டு 3 ப்ரோ மடிக்கக்கூடிய ஸ்மார்ட்போன் ஜூன் 6 ஆம் தேதி இந்திய சந்தையில் அறிமுகம் செய்யப்படுகிறது. முன்னதாக மார்ச் மாத வாக்கில் இந்த ஸ்மார்ட்போன் சீன சந்தையில் அறிமுகம் செய்யப்பட்ட நிலையில், தற்போது இந்தியா வரவிருக்கிறது.

புதிய விவோ X போல்டு 3 ப்ரோ ஸ்மார்ட்போனில் குவால்காம் நிறுவனத்தின் ஸ்னாப்டிராகன் 8 ஜென் 3 பிராசஸர், செய்ஸ் பிராண்டு கேமரா சென்சார்கள் வழங்கப்படுகிறது. இந்த ஸ்மார்ட்போனின் உள்புறம் 8 இன்ச் அளவில் மடிக்கக்கூடிய ஸ்கிரீன் வழங்கப்படுகிறது. இந்த ஸ்மார்ட்போன் 5700 எம்.ஏ.ஹெச். பேட்டரி மூலம் சக்தியூட்டப்படுகிறது.

இந்தியாவில் விவோ நிறுவனத்தின் முதல் மடிக்கக்கூடிய ஸ்மார்ட்போன் மாடலாக விவோ X போல்டு 3 ப்ரோ மாடல் அறிமுகம் செய்யப்பட உள்ளது. இந்த ஸ்மார்ட்போன் விவோ இந்தியா மற்றும் ப்ளிப்கார்ட் வலைதளங்களில் விற்பனை செய்யப்பட இருக்கிறது.

சீனாவில் விவோ X போல்டு 3 ப்ரோ மாடலின் விலை CNY 9,999 இந்திய மதிப்பில் ரூ. 1 லட்சத்து 16 ஆயிரம் என நிர்ணயம் செய்யப்பட்டு இருந்தது. இதன் இந்திய விலை ரூ. 1 லட்சம் பட்ஜெட்டில் நிர்ணயம் செய்யப்படும் என்று எதிர்பார்க்கலாம். தற்போது விவோ தனது மடிக்கக்கூடிய ஸ்மார்ட்போன்களை சீனாவில் மட்டுமே விற்பனை செய்து வருவது குறிப்பிடத்தக்கது.

ஒன்பிளஸ் நிறுவனத்தின் 12R ஸ்மார்ட்போனிற்கு ப்ளிப்க்ராட் வலைதளத்தில் விலை குறைப்பு அறிவிக்கப்பட்டு இருக்கிறது. இந்த ஆண்டு துவக்கத்தில் அறிமுகம் செய்யப்பட்ட நிலையில், ஒன்பிளஸ் 12R மாடலுக்கு தற்போது சிறப்பு சலுகைகள் வழங்கப்படுகின்றன. ஒன்பிளஸ் சாதனங்களை ஆன்லைனில் அதிகாரப்பூர்வமாக விற்பனை செய்யும் தளமாக அமேசான் உள்ளது.

இந்த நிலையில், ப்ளிப்கார்ட் வலைதளத்தில் ஒன்பிளஸ் 12R ஸ்மார்ட்போனின் 128 ஜி.பி. மெமரி மாடல் விலை ரூ. 36 ஆயிரத்து 366 என குறிப்பிடப்பட்டு இருககிறது. இந்த ஸ்மார்ட்போனின் உண்மை விலை ரூ. 39 ஆயிரத்து 999 ஆகும். அந்த வகையில், இதன் விலை ரூ. 3 ஆயிரம் வரை குறைக்கப்பட்டு இருக்கிறது.

அமேசான் தளத்தில் இந்த ஸ்மார்ட்போனின் விலையில் எந்த மாற்றமும் மேற்கொள்ளப்படவில்லை. எனினும், இந்த ஸ்மார்ட்போனை வாங்குவோர் தேர்வு செய்யப்பட்ட வங்கி கார்டுகளை பயன்படுத்தும் போது ரூ. 2 ஆயிரம் வரை கூடுதல் தள்ளுபடி பெற முடியும். இதனால், ஒன்பிளஸ் 12R விலை ரூ. 37 ஆயிரத்து 999 என மாறிவிடும்.

அம்சங்களை பொருத்தவரை ஒன்பிளஸ் 12R மாடலில் 6.78 இன்ச் 120Hz AMOLED ஸ்கிரீன், குவால்காம் நிறுவனத்தின் ஸ்னாப்டிராகன் 8 ஜென் 2 பிராசஸர், அதிகபட்சம் 16 ஜி.பி. ரேம், 50MP பிரைமரி கேமரா, 5500 எம்.ஏ.ஹெச். பேட்டரி, ஆக்சிஜன் ஓ.எஸ். 14 உள்ளிட்டவை வழங்கப்பட்டு இருக்கிறது.

குறிப்பு: ஸ்மார்ட்போனின் விலை எவ்வளவு நேரம் குறைக்கப்பட்டு இருக்கும் என்பது பற்றி எவ்வித தகவலும் இல்லை. ஸ்டாக் இருப்புக்கு ஏற்ப இதன் விலை எப்போது வேண்டுமானாலும் மாற்றப்படலாம்.

ரியல்மி நிறுவனத்தின் முற்றிலும் புதிய GT 6T ஸ்மார்ட்போன் இந்திய சந்தையில் அறிமுகம் செய்யப்பட்டது. புதிய ஸ்மார்ட்போன் மூலம் கிட்டத்தட்ட இரண்டு ஆண்டுகளுக்கு பிறகு இந்திய சந்தையில் GT சீரிஸ் ஸ்மார்ட்போன் அறிமுகமாகி இருக்கிறது.

புதிய ரியல்மி GT 6T மாடலில் 6.78 இன்ச் 1.5K 8T LTPO AMOLED ஸ்கிரீன் கொண்ட ப்ரோ XDR டிஸ்ப்ளே, 120Hz ரிப்ரெஷ் ரேட், கார்னிங் கொரில்லா கிளாஸ் விக்டஸ் 2 பாதுகாப்பு வழங்கப்பட்டு இருக்கிறது.

இந்த ஸ்மார்ட்போனில் ஸ்னாப்டிராகன் 7 பிளஸ் ஜென் 3 பிராசஸர், அதிகபட்சம் 12 ஜி.பி. ரேம், 512 ஜி.பி. மெமரி, 9-லேயர் கூலிங் சிஸ்டம், ஆண்ட்ராய்டு 14 சார்ந்த ரியல்மி யு.ஐ. 5, 50MP பிரைமரி கேமரா, OIS, 8MP அல்ட்ரா வைடு கேமரா, 32MP செல்ஃபி கேமரா வழங்கப்பட்டு இருக்கிறது. இந்த ஸ்மார்ட்போன் 5500 எம்.ஏ.ஹெச். பேட்டரி மூலம் சக்தியூட்டப்படுகிறது.

இத்துடன் 120 வாட் சூப்பர்வூக் பாஸ்ட் சார்ஜிங் வசதி வழங்கப்படுகிறது. இதை கொண்டு ஸ்மார்ட்போனை பத்து நிமிடங்களில் 50 சதவீதம் வரை சார்ஜ் செய்திட முடியும். இந்த ஸ்மார்ட்போனிற்கு 3 ஆண்ட்ராய்டு அப்டேட்கள், நான்கு ஆண்டுகளுக்கு செக்யூரிட்டி அப்டேட் வழங்குவதாக ரியல்மி அறிவித்துள்ளது.

புதிய ரியல்மி GT 6T ஸ்மார்ட்போன் புளூயிட் சில்வர் மற்றும் ரேசர் கிரீன் என இரண்டு நிறங்களில் கிடைக்கிறது. இத்துடன் நானோ மிரர் டிசைன் கொண்டிருக்கிறது.

இந்த ஸ்மார்ட்போனின் 8 ஜி.பி. ரேம், 128 ஜி.பி. மெமரி மாடல் விலை ரூ. 30 ஆயிரத்து 999 என்றும் 8 ஜி.பி. ரேம், 256 ஜி.பி. மெமரி மாடல் விலை ரூ. 32 ஆயிரத்து 999 என்றும் 12 ஜி.பி. ரேம், 256 ஜி.பி. மெமரி மாடல் விலை ரூ. 35 ஆயிரத்து 999 என்றும் 12 ஜி.பி. ரேம், 512 ஜி.பி. மெமரி மாடல் விலை ரூ. 39 ஆயிரத்து 999 என்றும் நிர்ணயம் செய்யப்பட்டு உள்ளது.

ரியல்மி GT 6T ஸ்மார்ட்போனின் விற்பனை அமேசான் தளத்தில் நடைபெற இருக்கிறது. இதன் ஆஃப்லைன் விற்பனை மே 29 ஆம் தேதி துவங்க இருக்கிறது. 

விவோ நிறுவனத்தின் முற்றிலும் புதிய Y200 ப்ரோ 5ஜி ஸ்மார்ட்போனினை இந்திய சந்தையில் அறிமுகம் செய்தது. இது விவோ நிறுவனத்தின் புதிய Y சீரிஸ் ஸ்மார்ட்போனாக அறிமுகமாகி இருக்கிறது. இந்த ஸ்மார்ட்போனில் 6.78 இன்ச் FHD+ வளைந்த AMOLED ஸ்கிரீன், 120Hz ரிப்ரெஷ் ரேட், 16MP செல்ஃபி கேமரா வழங்கப்பட்டு இருக்கிறது.

ஆண்ட்ராய்டு 14 சார்ந்த ஃபன்டச் ஓ.எஸ். 14 கொண்டிருக்கும் விவோ Y200 ப்ரோ 5ஜி மாடலில் குவால்காம் நிறுவனத்தின் ஸ்னாப்டிராகன் 695 பிராசஸர், அதிகபட்சம் 8 ஜி.பி. ரேம், 8 ஜி.பி. வரை எக்ஸ்டென்டட் ரேம், 64MP பிரைமரி கேமரா, OIS, 2MP டெப்த் சென்சார் வழங்கப்பட்டு இருக்கிறது.

 விவோ Y200 ப்ரோ 5ஜி அம்சங்கள்:

6.78 இன்ச் 2400x1080 பிக்சல் Full HD+ கர்வ்டு AMOLED ஸ்கிரீன், 120Hz ரிப்ரெஷ் ரேட்

குவால்காம் ஸ்னாப்டிராகன் 695 பிராசஸர்

அட்ரினோ 619 GPU

குவால்காம் ஸ்னாப்டிராகன் 695 பிராசஸர்

அட்ரினோ 619 GPU

8 ஜ.பி. ரேம்

128 ஜி.பி. மெமரி

மெமரியை கூடுதலாக நீட்டிக்கும் வசதி

டூயல் சிம் ஸ்லாட்

ஆண்ட்ராய்டு 14 சார்ந்த ஃபன்டச் ஓ.எஸ். 14

64MP பிரைமரி கேமரா

2MP போர்டிரெயிட் கேமரா

16MP செல்ஃபி கேமரா

இன் டிஸ்ப்ளே கைரேகை சென்சார்

5ஜி, டூயல் 4ஜி வோல்ட்இ, வைபை, ப்ளூடூத் 5.1

யு.எஸ்.பி. டைப் சி

5000 எம்.ஏ.ஹெச். பேட்டரி

44 வாட் ஃபாஸ்ட் சார்ஜிங்

இந்திய சந்தையில் புதிய விவோ Y200 ப்ரோ ஸ்மார்ட்போன் சில்க் கிரீன் மற்றும் சில்க் பிளாக் நிறங்களில் கிடைக்கிறது. இதன் விலை ரூ. 24 ஆயிரத்து 999 என நிர்ணயம் செய்யப்பட்டு உள்ளது. இந்த ஸ்மார்ட்போனின் விற்பனை ஏற்கனவே துவங்கி நடைபெற்று வருகிறது.

ஹெச்.எம்.டி. நிறுவனம் உருவாக்கி வரும் புதிய ஸ்மார்ட்போன் பற்றிய விவரங்கள் இணையத்தில் வெளியாகி உள்ளது. புதிய ஹெச்.எம்.டி. ஸ்மார்ட்போன் ஃபேபுலா போன்ற டிசைன் கொண்டிருக்கிறது.

இவை தோற்றத்தில் நோக்கியாவின் லூமியா சீரிஸ் போன்றே காட்சியளிக்கிறது. புதிய ஹெச்.எம்.டி. ஸ்மார்ட்போன்களின் புகைப்படத்துடன் இதன் வெளியீடு பற்றிய தகவல்களும் லீக் ஆகியுள்ளது. அதன்படி லூமியா ஸ்டைலிங் கொண்ட முற்றிலும் புதிய ஹெச்.எம்.டி. ஸ்மார்ட்போன் ஜூலை மாத வாக்கில் அறிமுகம் செய்யப்படும் என்று கூறப்படுகிறது.

இந்த ஸ்மார்ட்போன் ஹெச்.எம்.டி. டாம்கேட் என்ற பெயரில் விற்பனைக்கு வர இருக்கிறது. அம்சங்களை பொருத்தவரை இந்த மாடலில் குவால்காம் நிறுவனத்தின் ஸ்னாப்டிராகன் 7s ஜென் 2 பிராசஸர், அதிகபட்சம் 12 ஜி.பி. வரையிலான ரேம் வழங்கப்படுகிறது.

இத்துடன் புகைப்படங்களை எடுக்க 108MP பிரைமரி கேமரா சென்சார், அல்ட்ரா வைடு லென்ஸ், டெப்த் சென்சார் மற்றும் 32MP செல்ஃபி கேமரா வழங்கப்படுகிறது. மெமரியை பொருத்தவரை இந்த மாடலில் அதிகபட்சம் 256 ஜி.பி. ஸ்டோரேஜ் வழங்கப்படலாம். ஹெச்.எம்.டி. டாம்கேட் மாடலில் Full HD+ AMOLED டிஸ்ப்ளே, 120Hz ரிப்ரெஷ் ரேட் மற்றும் ஆண்ட்ராய்டு 14 ஓ.எஸ். வழங்கப்படுகிறது.

4900 எம்.ஏ.ஹெச். பேட்டரி, 33 வாட் சார்ஜிங் வசதி கொண்டிருக்கும் ஹெச்.எம்.டி. டாம்கேட் மாடலில் ப்ளூடூத் 5.2, 3.5mm ஆடியோ ஜாக், என்.எஃப்.சி. கனெக்டிவிட்டி, டூயல் ஸ்பீக்கர்கள், பியூர்வியூ மற்றும் OZO ஆடியோ சப்போர்ட் உள்ளிட்ட வசதிகள் வழங்கப்படும் என்று தெரிகிறது. இத்துடன் IP67 தரச் சான்று பெற்றிருக்கும் என்றும் கூறப்படுகிறது.