என் மலர்
நீங்கள் தேடியது "ரோஸ்டன் சேஸ்"
- டாஸ் வென்ற வெஸ்ட் இண்டீஸ் பவுலிங் தேர்வு செய்தது.
- முதலில் ஆடிய பாகிஸ்தான் 37 ஓவரில் 171 ரன்கள் எடுத்தது.
டிரினிடாட்:
பாகிஸ்தான் கிரிக்கெட் அணி வெஸ்ட் இண்டீசில் சுற்றுப்பயணம் செய்து விளையாடி வருகிறது. 3 போட்டி கொண்ட டி20 தொடரை பாகிஸ்தான் 2-1 என கைப்பற்றியது. முதல் ஒருநாள் போட்டியில் பாகிஸ்தான் வென்றது.
இந்நிலையில், பாகிஸ்தான்-வெஸ்ட் இண்டீஸ் அணிகள் மோதிய 2வது ஒருநாள் போட்டி டிரினிடாடில் நடைபெற்றது. டாஸ் வென்ற வெஸ்ட் இண்டீஸ் பவுலிங் தேர்வு செய்தது.
அதன்படி, முதலில் விளையாடிய பாகிஸ்தான் 37 ஓவரில் 7 விக்கெட்டுக்கு 171 ரன்கள் எடுத்தது. ஹசன் நவாஸ் 36 ரன்னும், ஹுசைன் தலாத் 31 ரன்னும் எடுத்தனர். மழை காரணமாக ஆட்டம் பாதிப்பு அடைந்தது.
வெஸ்ட் இண்டீசின் ஜெய்டன் சீலஸ் 3 விக்கெட் கைப்பற்றினார்.
இதையடுத்து, டக்வொர்த் லீவிஸ் முறைப்படி 35 ஓவரில் 181 ரன்கள் எடுத்தால் வெற்றி என்ற இலக்குடன் வெஸ்ட் இண்டீஸ் களமிறஙகியது.
முன்னணி வீரர்கள் விரைவில் அவுட்டாகினர். ஒரு கட்டத்தில் 5 விக்கெட் இழப்புக்கு 107 ரன்கள் எடுத்து தத்தளித்தது.
6-வது விக்கெட்டுக்கு ரோஸ்டன் சேஸ், ஜஸ்டின் கிரீவ்ஸ் ஜோடி இணைந்து அணியை பொறுப்புடன் ஆடி வெற்றிக்கு அழைத்துச் சென்றது. ரோஸ்டன் சேஸ் 49 ரன்னும், ஜஸ்டின் கிரீவ்ஸ் 26 ரன்னும் எடுத்து ஆட்டமிழந்தனர்.
இறுதியில், வெஸ்ட் இண்டீஸ் அணி 33.2 ஓவரில் 5 விக்கெட் இழப்புக்கு 184 ரன் எடுத்து, 5 விக்கெட் வித்தியாசத்தில் வெற்றி பெற்றது. இந்த வெற்றியின் மூலம் 3 போட்டி கொண்ட தொடரில் இரு அணிகளும் 1-1 என சமனிலை வகிக்கிறது. ஆட்ட நாயகன் விருது ரோஸ்டன் சேசுக்கு வழங்கப்பட்டது.
- முதல் இன்னிங்சில் ஆஸ்திரேலியாவை 180 ரன்னில் சுருட்டியது வெஸ்ட் இண்டீஸ்.
- நடுவரின் தவறான முடிவில் வெஸ்ட் இண்டீஸ் 190 ரன்னில் ஆல்அவுட் ஆக வேண்டிய நிலை ஏற்பட்டதாக ஆதங்கம்.
வெஸ்ட் இண்டீஸ்- ஆஸ்திரேலியா இடையிலான முதல் டெஸ்ட் போட்டி பிரிட்ஜ்டவுனில நடைபெற்றது. இந்த போட்டியில் ஆஸ்திரேலியா 159 ரன்கள் வித்தியாசத்தில் வெற்றி பெற்றது.
முதல் இன்னிங்சில் ஆஸ்திரேலியா 180 ரன்னில் சுருண்டது. வெஸ்ட் இண்டீஸ் முதல் இன்னிங்சில் 190 ரன்கள் மட்டுமே அடித்தது. அந்த அணி ஒரு கட்டத்தில் 72 ரன்களுக்குள் 5 விக்கெட்டுகளை இழந்தது. 6ஆவது விக்கெட்டுக்கு கேப்டன் சேஸ் உடன் ஷாய் ஹோப் ஜோடி சேர்ந்தார். இந்த ஜோடி சிறப்பாக விளையாடியது.
சேஸ் 44 ரன்கள் எடுத்திருக்கும்போது, கம்மின்ஸ் பந்தில் எல்பிடபிள்யூ ஆனார். ஹோப் வெப்ஸ்டர் வீசிய பந்தில் விக்கெட் கீப்பரிடம் கேட்ச் கொடுத்து ஆட்டமிழந்தார். இதனால் வெஸ்ட் இண்டீஸ் 190 ரன்னில் சுருண்டது.
இந்த இரண்டு விக்கெட்டும் பெரிய சர்ச்சையை ஏற்படுத்தியுள்ளது. எல்பிடபிள்யூக்கு சேஸ் ரிவ்யூ கேட்டார். அல்ட்ராஎட்ஜ் தொழில்நுட்பத்தில் பந்து லேசாக உரசியதற்கான விசிபில் ஸ்பைக் ஏற்படும். இருந்தபோதிலும் 3ஆவது நடுவர் விக்கெட்டு கொடுத்துவிடுவார்.
சேஸ் கேட்சை விக்கெட் கீப்பர் அலெக்ஸ் கேரி பிடிக்கும்போது, பந்து தரையில் படுவது நன்றாக தெரியும். அப்படி இருந்தும் 3ஆவது நடுவர் விக்கெட் கொடுத்து விடுவார்கள்.
இந்த நிலையில்தான் மைதானத்தில் வீரர்கள் தவறு செய்தால், விதிமுறைகளை மீறினால் அபராதம் விதிக்கப்படுகிறது. அதேபோல் மைதானம் சமமான நிலையில் இருக்க நடுவர்கள் தவறு செய்தாலும், அவர்களுக்கும் அபராதம் விதிக்க வேண்டும் என வெஸ்ட் இண்டீஸ் கேப்டன் ரோஸ்டன் சேஸ் தனது ஆதங்கத்தை வெளிப்படுத்தியுள்ளார்.
- வெஸ்ட் இண்டீஸ் டெஸ்ட் அணியின் கேப்டனாக ரோஸ்டன் சேஸ் நியமிக்கப்பட்டுள்ளார்.
- இதுநாள்வரை 49 டெஸ்ட் போட்டிகளில் விளையாடி 5 சதங்கள் மற்றும் 11 அரைசதங்களுடன் 2265 ரன்கள் எடுத்துள்ளார்.
வெஸ்ட் இண்டீஸ் கிரிக்கெட் வாரியம் தங்களுடைய அணியில் பல மாற்றங்களைச் செய்து வருகிறது. அதன்படி வெஸ்ட் இண்டீஸ் டி20 அணியின் கேப்டனாக செயல்பட்டு வந்த ரோவ்மன் பவல் அதிரடியாக நீக்கப்பட்டதுடன், ஷாய் ஹோப் புதிய டி20 கேப்டனாக நியமிக்கப்பட்டுள்ளார்.
இந்நிலையில் வெஸ்ட் இண்டீஸ் டெஸ்ட் அணியின் புதிய கேப்டனாக ஆல் ரவுண்டர் ரோஸ்டன் சேஸ் நியமிக்கப்பட்டுள்ளார். முன்னதாக இந்த ஆண்டு மார்ச் மாதம் கேப்டன் பதவியில் இருந்து கிரெய்க் பிராத்வைட் விலகியதை அடுத்து ரோஸ்டன் சேஸ் தற்போது வெஸ்ட் இண்டீஸ் டெஸ்ட் அணியின் கேப்டனாக நியமிக்கப்பட்டுள்ளார்.
தற்சமயம் 33 வயதான ரோஸ்டன் சேஸ் கடந்த 2023-ம் ஆண்டு டெஸ்ட் போட்டிகளில் விளையாடிய நிலையில் அதன்பின் தற்போது வரை அவர் எந்த டெஸ்ட் போட்டிக்கும் வெஸ்ட் இண்டீஸ் அணியில் சேர்க்கப்படவில்லை. இப்படியான சூழ்நிலையில் அவர் அணியின் கேப்டனாக நியமிக்கப்பட்டுள்ளார்.
வெஸ்ட் இண்டீஸ் டெஸ்ட் அணிக்காக கடந்த 2016-ம் ஆண்டு அறிமுகமான இவர் இதுவரை 49 டெஸ்ட் போட்டிகளில் விளையாடி 5 சதங்கள் மற்றும் 11 அரைசதங்களுடன் 2265 ரன்களையும், பந்துவீச்சில் 4 முறை ஐந்து விக்கெட்டுகளை வீழ்த்தியதுடன் 85 விக்கெட்டுகளையும் கைப்பற்றியுள்ளார் என்பது குறிப்பிடத்தக்கது.
அதன்படி முதலில் பேட்டிங் செய்த வெஸ்ட் இண்டீஸ் மதிய உணவு இடைவேளை வரை 3 விக்கெட் இழப்பிற்கு 86 ரன்கள் எடுத்திருந்தது. அப்போது ஹெட்மையர் 10 ரன்னுடன் களத்தில் இருந்தார். மதிய உணவு இடைவேளை முடிந்து மீண்டும் ஆட்டம் தொடங்கியது. ஹெட்மையர் உடன் அம்ப்ரிஸ் ஜோடி சேர்ந்தார். ஹெட்மையர் 12 ரன்கள் எடுத்த நிலையிலும், அம்ப்ரிஸ் 18 ரன்கள் எடுத்த நிலையிலும் குல்தீப் யாதவ் பந்தில் ஆட்டமிழந்தனர். இதனால் வெஸ்ட் இண்டீஸ் அணி 38.5 ஓவரில் 113 ரன்கள் எடுப்பதற்குள் 5 விக்கெட்டுக்களை இழந்தது.
6-வது விக்கெட்டுக்கு ரோஸ்டன் சேஸ் உடன் விக்கெட் கீப்பர் டவ்ரிச் ஜோடி சேர்ந்தார். இந்த ஜோடி சிறப்பாக விளையாடி அணியை மீட்கும் முயற்சியில் ஈடுபட்டது. தேனீர் இடைவேளைக்கு சற்றுமுன் டவ்ரிச் 30 ரன்கள் எடுத்த நிலையில் எல்பிடபிள்யூ ஆனார். 6-வது விக்கெட்டுக்கு சேஸ் - டவ்ரிச் ஜோடி 69 ரன்கள் சேர்த்தது.
அடுத்து சேஸ் உடன் கேப்டன் ஹோல்டர் ஜோடி சேர்ந்தார். ரோஸ்டன் சேஸ் சிறப்பாக விளையாடி 80 பந்தில் அரைசதம் அடித்தார். தேனீர் இடைவேளை வரை வெஸ்ட் இண்டீஸ் 65 ஓவரில் 6 விக்கெட் இழப்பிற்கு 197 ரன்கள் எடுத்ததது. ரோஸ்டன் சேஸ் 50 ரன்களுடனும், ஹோல்டர் 10 ரன்களுடனும் களத்தில் இருந்தனர்.
தேனீர் இடைவேளை முடிந்து பின்னர் இருவரும் மீண்டும் ஆட்டத்தை தொடங்கினார்கள். இருவரும் இந்தியாவின் பந்து வீச்சை நேர்த்தியாக எதிர்கொண்டு விளையாடினார்கள். இதனால் வெஸ்ட் இண்டீஸ் அணியின் ஸ்கோர் 250 ரன்னைத் தாண்டியது.
ஜேசன் ஹோல்டர் 85 பந்தில் அரைசதம் அடித்தார். தொடர்ந்து விளையாடிய அவர் 52 ரன்கள் எடுத்த நிலையில் உமேஷ் யாதவ் பந்தில் ஆட்டமிழந்தார். ரோஸ்டன் சேஸ் - ஹோல்டர் ஜோடி 7-வது விக்கெட்டுக்கு 104 ரன்கள் சேர்த்தது. அடுத்து ரோஸ்டர் சேஸ் உடன் பிஷூ ஜோடி சேர்ந்தார். ரோஸ்டன் சேஸ் சதத்தை நோக்கி முன்னேறிச் சென்றார்.
வெஸ்ட் இண்டீஸ் அணி 95 ஓவரில் 7 விக்கெட் இழப்பிற்கு 295 ரன்கள் எடுத்திருக்கும்போது முதல்நாள் ஆட்டம் முடிவிற்கு வந்தது. ரோஸ்டன் சேஸ் 98 ரன்னுடனும், பிஷூ 2 ரன்னுடனும் களத்தில் உள்ளனர். இந்த அணி சார்பில் உமேஷ் யாதவ், குல்தீப் யாதவ் தலா மூன்று விக்கெட்டுக்கள் வீழ்த்தினார்கள்.
இந்திய அணியில் முகமது ஷமிக்கு ஓய்வு அளிக்கப்பட்டது. ஷர்துல் தாகூர் அறிமுக வீரராக களமிறங்கினார். இந்த ஆண்டில் டெஸ்ட் போட்டியில் அறிமுகம் ஆகும் 5-வது வீரர் இவர். ஜேசன் ஹோல்டர், ஜோமல் வாரிகன் ஆகியோர் ஆடும் லெவனில் இடம்பெற்றனர்.
இந்தியா: கோலி (கேப்டன்), ராகுல், பிருத்வி, புஜாரா, ரகானே, ரிஷப் பன்ட், ஜடேஜா, அஷ்வின், உமேஷ் யாதவ், குல்தீப், ஷர்துல் தாக்கூர்.
வெஸ்ட் இண்டீஸ்: ஜேசன் ஹோல்டர் (கேப்டன்), பிராத்வைட், பாவெல், ஹோப், ஹெட்மையர், அம்ப்ரிஸ், சேஸ், டவ்ரிச், வாரிகன், தேவேந்திர பிஷூ, கேப்ரியேல்.
பிராத்வைட், பொவேல் ஆகியோர் தொடக்க வீரர்களாக களம் இறங்கினார்கள். 4-வது ஓவரை ஷர்துல் தாகூர் வீசினார். இந்த ஓவரின் 4-வது பந்தை வீசும்போது அவருக்கு காயம் ஏற்பட்டது. இதானல் மைதானத்தில் இருந்து வெளியேறினார்.
இதனால் உமேஷ் யாதவ் உடன் இணைந்து அஸ்வின் பந்து வீசினார். 12-வது ஓவரை அஸ்வின் வீசினார். இந்த ஓவரின் முதல் பந்தில் பொவேல் 22 ரன்கள் எடுத்த நிலையில் ஆட்டமிழந்தார். அடுத்து ஷாய் ஹோப் களம் இறங்கினார். பிராத்வைட் 14 ரன்கள் எடுத்த நிலையில் குல்தீப் யாதவ் பந்தில் ஆட்டமிழந்தார். மதிய உணவு இடைவேளைக்கான கடைசி ஓவரை உமேஷ் யாதவ் வீசினார். இந்த ஓவரின் 3-வது பந்தில் ஷாய் ஹோப் எல்பிடபிள்யூ ஆனார்.
இதனால் வெஸ்ட் இண்டீஸ் மதிய உணவு இடைவேளை வரை 3 விக்கெட் இழப்பிற்கு 86 ரன்கள் எடுத்திருந்தது. அப்போது ஹெட்மையர் 10 ரன்னுடன் களத்தில் இருந்தார். மதிய உணவு இடைவேளை முடிந்து மீண்டும் ஆட்டம் தொடங்கியது.
ஹெட்மையர் உடன் அம்ப்ரிஸ் ஜோடி சேர்ந்தார். ஹெட்மையர் 12 ரன்கள் எடுத்த நிலையிலும், அம்ப்ரிஸ் 18 ரன்கள் எடுத்த நிலையிலும் குல்தீப் யாதவ் பந்தில் ஆட்டமிழந்தனர். இதனால் வெஸ்ட் இண்டீஸ் அணி 38.5 ஓவரில் 113 ரன்கள் எடுப்பதற்குள் 5 விக்கெட்டுக்களை இழந்தது.
6-வது விக்கெட்டுக்கு ரோஸ்டன் சேஸ் உடன் விக்கெட் கீப்பர் டவ்ரிச் ஜோடி சேர்ந்தார். இந்த ஜோடி சிறப்பாக விளையாடி அணியை மீட்கும் முயற்சியில் ஈடுபட்டது. இருவரும் தேனீர் இடைவேளை வரை விக்கெட் இழக்காமல் பார்த்துக் கொண்டனர்.
தேனீர் இடைவேளைக்கு ஆறு ஓவர்கள் இருந்த நிலையில் உமேஷ் யாதவ் பந்து வீச அழைக்கப்பட்டார். 60-வது ஓவரின் 3-வது பந்தில் டவ்ரிச் 30 ரன்கள் எடுத்த நிலையில் எல்பிடபிள்யூ ஆனார். 6-வது விக்கெட்டுக்கு சேஸ் - டவ்ரிச் ஜோடி 69 ரன்கள் சேர்த்தது.
அடுத்து சேஸ் உடன் கேப்டன் ஹோல்டர் ஜோடி சேர்ந்தார். ரோஸ்டன் சேஸ் சிறப்பாக விளையாடி 80 பந்தில் அரைசதம் அடித்தார். தேனீர் இடைவேளை வரை வெஸ்ட் இண்டீஸ் 65 ஓவரில் 6 விக்கெட் இழப்பிற்கு 197 ரன்கள் எடுத்துள்ளது. ரோஸ்டன் சேஸ் 50 ரன்களுடனும், ஹோல்டர் 10 ரன்களுடனும் களத்தில் உள்ளனர். இந்திய அணி சார்பில் குல்தீப் யாதவ் 3 விக்கெட்டும், உமேஷ் யாதவ் 2 விக்கெட்டும், அஸ்வின் ஒரு விக்கெட்டும் வீழ்த்தியுள்ளனர்.
