நீங்கள் தேடியது "Rs 3 lakh"

தூத்துக்குடியில் ‘ஸ்டெர்லைட்’ ஆலையை நிரந்தரமாக மூட வலியுறுத்தி கடந்த 22-ந்தேதி நடைபெற்ற போராட்டத்தின் போது போலீசார் நடத்திய துப்பாக்கி சூட்டில் 13 பேர் உயிரிழந்தனர். மேலும் ஏராளமானோர் படுகாயம் அடைந்தனர்.

பாதிக்கப்பட்ட மக்களை அம்மா மக்கள் முன்னேற்ற கழக துணைப் பொதுச்செயலாளர் டி.டி.வி. தினகரன், கடந்த 3 நாட்களாக நேரில் சந்தித்து துப்பாக்கி சூட்டில் பலியான 13 பேர் வீடுகளுக்கும் நேரில் சென்று அவர் தலா ரூ.3 லட்சம் வீதம் நிதி உதவி வழங்கினார்.

காயம் அடைந்து ஆஸ்பத்திரியில் சிகிச்சை பெற்று வரும் ஒவ்வொருவரையும் சந்தித்து தலா ரூ.25 ஆயிரம் வீதம் நிதி உதவி வழங்கினார்.

தூத்துக்குடி துப்பாக்கி சூடு சம்பவத்தில் பாதிக்கப்பட்ட மக்களை சந்தித்து ஆறுதல் தெரிவிப்பது அரசியல் கட்சித்தலைவர்களின் கடமை. ஆனால் அவர்கள் மீது எடப்பாடி பழனிசாமி அரசு வழக்கு போடுவது தவறான அணுகு முறையாகும்.

நான் பாதிக்கப்பட்ட மக்களை சந்தித்த போது மனம் குமுறி தங்களது ஆதங்கத்தை வெளிப்படுத்தினார்கள். ஸ்டெர்லைட் ஆலையை நிரந்தரமாக மூடவேண்டும். என்பது தான் அவர்களது ஒரே கோரிக்கையாக உள்ளது. கலெக்டர், போலீஸ் சூப்பிரண்டை நான் சந்தித்தது அரசியலுக்காக அல்ல. நான் ஒரு மக்கள் பிரதிநிதி ஒரு கட்சியின் துணைப் பொதுச் செயலாளர். தூத்துக்குடியில் உள்ளவர்கள் அனைவரும் உன் உறவினர் மாதிரி தான்.

இது உண்மையா? மக்களுக்கு இது மாதிரி பிரச்சினை இருக்கிறபோது என்னவென்று போய் பார்க்கப்போகிறோம். 3 நாட்களாக நான் இங்கு சுற்றி வருகிறேன்.

போலீசாரால் பிடித்து செல்லப்படும் நபர்களை சட்டத்துக்கு புறம்பாக நடத்தக்கூடாது என்று போலீஸ் சூப்பிரண்டிடம் வலியுறுத்தினேன். அதற்கு அவர் ஒத்துழைப்பதாக கூறினார். தூத்துக்குடியில் சகஜ நிலை திரும்புவது தான் எங்கள் நோக்கம் என்றார்.

இங்குள்ள மக்களின் இன்னொரு கோரிக்கை 13 பேரை சுட்டு கொன்றவர்கள் மீது சட்டப்படி நடவடிக்கை எடுக்க வேண்டும் என்பதாகும்.

இவ்வாறு அவர் கூறினார். #SterliteProtest #TTVDhinakaran

தூத்துக்குடி:

தூத்துக்குடியில் ஸ்டெர்லைட் ஆலைக்கு எதிரான போராட்டத்தில் வன்முறை வெடித்தது. போலீசார் துப்பாக்கி சூடு நடத்தியதில் 13 பேர் உயிரிழந்தனர். மேலும் பலர் பலத்த காயங்களுடன் மருத்துவமனையில் சிகிச்சை பெற்று வருகின்றனர். உயிரிழந்தவர்களின் குடும்பத்தினர் மற்றும் மருத்துவமனையில் சிகிச்சை பெற்று வருபவர்களை அரசியல் கட்சி தலைவர்கள் சந்தித்து ஆறுதல் கூறி வருகின்றனர்.

இந்நிலையில், துப்பாக்கி சூட்டில் காயமடைந்து தூத்துக்குடி அரசு மருத்துவமனையில் சிகிச்சை பெற்று வருபவர்களை டி.டி.வி.தினகரன் எம்.எல்.ஏ. இன்று சந்தித்து ஆறுதல் கூறினார். வார்டு வாரியாக சென்று அவர் காயமடைந்தவர்களை பார்த்து விபரங்களை கேட்டறிந்தார்.

பின்னர் செய்தியாளர்களை சந்தித்த தினகரன் கூறுகையில், தூத்துக்குடி துப்பாக்கிச்சூட்டில் உயிரிழந்தவர்களின் குடும்பத்துக்கு தலா ரூ. 3 லட்சம் வழங்கப்படும் என்று அறிவித்தார்.


துப்பாக்கி சூட்டில் உயிரிழந்தவர்களின் குடும்பங்களுக்கு தலா 10 லட்சம் நிவாரண நிதி மற்றும் குடும்பத்தில் ஒருவருக்கு அரசு வேலை வழங்கப்படும் என முதலமைச்சர் எடப்பாடி பழனிச்சாமி அறிவித்தார். திமுக சார்பில் தலா ரூ 2 லட்சம் நிதியுதவி அளிக்கப்படும் என தி.மு.க. செயல் தலைவர் ஸ்டாலின் அறிவித்திருப்பது குறிப்பிடத்தக்கது. #sterliteprotest #TTVDhinakaran