நீங்கள் தேடியது "NPL"

திருப்பூர் :

திருப்பூா் பின்னலாடை உற்பத்தி நிறுவனங்களுக்கான என்.பி.எல். (நிப்ட்-டீ பிரிமியா் லீக்) கிரிக்கெட் போட்டிகள் முதலிபாளையத்தில் உள்ள நிப்ட்-டீ கல்லூரியில் கடந்த ஏப்ரல் 9 -ந் தேதி தொடங்கி நடைபெற்று வருகின்றன. இதில் 20 அணிகள் 4 பிரிவுகளாகப் பிரிக்கப்பட்டு போட்டிகளில் பங்கேற்று வருகின்றன. இந்நிலையில் லீக் சுற்றுப் போட்டிகள் ஞாயிற்றுக்கிழமை நிறைவடைந்தன. இதையடுத்து ஜூன் 18, 25 ஆகிய தேதிகளில் கால் இறுதிப் போட்டிகள் நடைபெறவுள்ளன.

கால் இறுதிப் போட்டிகளுக்கு குரூப் ஏ பிரிவில் ஈஸ்ட்மேன் எக்ஸ்போா்ட்ஸ், போஸ் எக்ஸ்போா்ட்ஸ், குரூப் பி பிரிவில் ரிதம் நிட்டிங், ஸ்ரீவாரி கிளாத்திங் கம்பெனி, குரூப் சி பிரிவில் சி.ஆா்.காா்மெண்ட்ஸ் (ஈகில்ஸ்), குவாண்டா் நிட்ஸ் கியூ 3 (கேபிஆா்), குரூப் டி பிரிவில் சி.ஆா்.காா்மெண்ட்ஸ் (டைகா்ஸ்), எஸ்.என்.எக்ஸ்போா்ட்ஸ் ஆகிய 8 அணிகள் தகுதி பெற்றுள்ளன. 

திருப்பூர் :

என்.பி.எல்., எனப்படும் நிப்ட்-டீ பிரீமியர் லீக் கிரிக்கெட்போட்டி திருப்பூர் முதலிபாளையம் நிப்ட்-டீ கல்லூரி மைதானத்தில் ஞாயிற்றுக்கிழமை தோறும் நடைபெற்றுவருகிறது. 20 பின்னலாடை நிறுவன அணிகளுடன் லீக் போட்டிகள் நடைபெற்று வருகின்றன.

நேற்று முன்தினம் முதல் போட்டியில் போஸ் எக்ஸ்போர்ட்ஸ் - அமேஸிங் ஏக்ஸ்போர்ட்ஸ் கார்பரேஷன் அணிகள் மோதின. முதலில் ஆடிய போஸ் எக்ஸ்போர்ட்ஸ், 6 விக்கெட் இழப்புக்கு 106 ரன் எடுத்தது. அடுத்து களமிறங்கிய அமேஸிங் 107 ரன்னுடன் வாகை சூடியது. அதிரடியாக விளையாடி 40 பந்தில் 73 ரன் எடுத்து தனது அணியின் வெற்றிக்கு கைகொடுத்த அமேஸிங் அணியின் பேட்ஸ்மேன் அழகர் சாமி, ஆட்டநாயகனாக தேர் வாகினார்.

வார்ஷா இன்டர்நேஷனல் - டெக்னோ ஸ்போட்ஸ்வேர் அணிகள் மோதிய போட்டியில் முதலில் பேட்டிங் செய்த வார்ஷா 12.3 ஓவரில் 62 ரன் எடுத்தது. அடுத்ததாக களமிறங்கிய டெக்னோ 65 ரன் எடுத்து வெற்றிபெற்றது. 2ஓவர் பந்து வீசி 3 விக்கெட் வீழ்த்திய டெக்னோ அணி பவுலர் இசாக் ராஜாவுக்கு ஆட்டநாயகன் விருது வழங்கப்பட்டது.வருகிற 11-ந்தேதியுடன் லீக் போட்டிகள் முடிவடைகின்றன. லீக் போட்டிகளில் அதிக புள்ளிகள் பெற்ற8அணிகள் காலிறுதிக்கு தகுதி பெறுகின்றன. வருகிற 18 மற்றும் 25-ந் தேதிகளில் காலிறுதி போட்டிகள்,ஜூலை 2-ந் தேதி அரையிறுதி போட்டிகளும், 9-ந் தேதி இறுதிப்போட்டிகளும் நடைபெறுகின்றன.

திருப்பூர் : 

பின்னலாடை நிறுவன அணிகளுக்கான என்.பி.எல்., கிரிக்கெட் தொடர் திருப்பூர் முதலிபாளையம் நிப்ட்-டீ ஆயத்த ஆடை வடிவமைப்பு கல்லூரியில் நடைபெற்று வருகிறது.நேற்று முன்தினம் நடைபெற்ற முதல் போட்டியில் டாலர் இண்டஸ்ட்ரீஸ் - சுலோச்சனா காட்டன் ஸ்பின்னிங் மில்ஸ் நிறுவன அணிகள் மோதின. முதலில் களமிறங்கிய டாலர் அணி நிர்ணயிக்கப்பட்ட 15 ஓவரில் 9 விக்கெட் இழந்து 71 ரன் எடுத்தது.தொடர்ந்து பேட்டிங் செய்த சுலோச்சனா அணி 13.2 ஓவரில் 5 விக்கெட் இழந்து 72 ரன் எடுத்து வெற்றியை வசப்படுத்தியது. 3 ஓவர்கள் வீசி 14 ரன் மட்டும் கொடுத்து, 4 விக்கெட் வீழ்த்திய சுலோச்சனாவின் சுழற்பந்து வீச்சாளர் பிரவீன் ஆட்டநாயகனாக தேர்வு செய்யப்பட்டார். ஈஸ்ட்மேன் எக்ஸ்போர்ட்ஸ் - அமேஸிங் எக்ஸ்போர்ட்ஸ் அணிகள் மோதிய போட்டியில் முதலில் களமிறங்கிய ஈஸ்ட்மேன் 6 விக்கெட் இழப்புக்கு 165 ரன் எடுத்தது.

அடுத்ததாக பேட்டிங் செய்த அமேஸிங் 7 விக்கெட் இழப்புக்கு 90 ரன்னுடன் சுருண்டது. 16 பந்துக்கு 48 ரன் விளாசிய ஈஸ்ட்மேன் அணி வீரர் அஜித் குமார், ஆட்டநாயகனாக தேர்வானார்.மூன்றாவது போட்டியில், அனுகிரஹா பேஷன் மில் - வார்ஷா இன்டர்நேஷனல் அணிகள் மோதின. முதலில் களமிறங்கிய அனுகிரஹா 7 விக்கெட் இழப்புக்கு 123 ரன் குவித்தது. இந்த அணியின் வீரர் சதீஷ் அரைசதம் கடந்து அசத்தினார். தொடர்ந்து ஆடிய வார்ஷா அணி 11.2 ஓவரிலேயே அனைத்து விக்கெட்களையும் பறிகொடுத்து 51 ரன்னில் ஆட்டமிழந்தது. இந்த போட்டியில் அனுகிரஹா வீரர் சதீஷ் ஆட்டநாயகனாக தேர்வு செய்யப்பட்டார்.4-வது போட்டியில் தங்கமன் பேஷன் - சி.ஆர்., கார்மென்ட்ஸ் ஈகிள் அணிகள் மோதின. முதலில் பேட்டிங் செய்த தங்கமன் 12 ஓவரில் அனைத்து விக்கெட்களையும் இழந்து 48 ரன் எடுத்தது. அடுத்து களமிறங்கிய சி.ஆர்., கார்மென்ட்ஸ் வெறும் 5.2 ஓவரில், 49 ரன் எடுத்து வெற்றிகண்டது. 3 ஓவருக்கு 10 ரன் மட்டும் கொடுத்து 4 விக்கெட் வீழ்த்திய சி.ஆர்., கார்மென்ட்ஸ் பவுலர் ஆல்பிரட் ஆட்டநாயகனாக தேர்வாகினார்.அடுத்த சுற்று லீக் போட்டிகள்வருகிற 7-ந்தேதி நடைபெற உள்ளது.