search icon
என் மலர்tooltip icon

    நீங்கள் தேடியது "Milkshake"

    • ஆர்டர் செய்த உணவை சாப்பிட்ட உட், ஸ்ட்ரா மூலம் ‘மில்க்‌ஷேக்’-ஐ பருக தொடங்கினார்.
    • உணவு வினியோக நிறுவனத்தை அணுகி, தான் ஆர்டர் செய்த உணவுக்குரிய பணத்தை திரும்ப பெறும் முயற்சியில் உட் ஈடுபட்டார்.

    அமெரிக்காவில் உள்ள உடா பகுதியை சேர்ந்த உட் என்பவர் அங்குள்ள ஒரு உணவகத்தில் துரித உணவு வகை மற்றும் 'மில்க்ஷேக்' ஆர்டர் செய்துள்ளார். அதன்படி சிறிது நேரத்தில் ஆர்டர் செய்த உணவு வினியோகம் செய்யப்பட்டுள்ளது.

    பின்னர் ஆர்டர் செய்த உணவை சாப்பிட்ட உட், ஸ்ட்ரா மூலம் 'மில்க்ஷேக்'-ஐ பருக தொடங்கினார். அப்போது அது 'மில்க்ஷேக்' இல்லை என்பதையும், தனக்கு வினியோகம் செய்யப்பட்டது ஒரு கோப்பை சிறுநீர் என்பதையும் கண்டுபிடித்து அதிர்ச்சி அடைந்தார். உடனடியாக தனக்கு உணவு வினியோகம் செய்த நிறுவன டிரைவரை அழைத்து விசாரித்தார்.

    அப்போது அவர், தனது வாகனத்தில் இருந்த 2 கோப்பைகள் மாறியதை ஒப்புக்கொண்டுள்ளார். அதாவது அந்த டிரைவர் நீண்ட நேரம் வேலை செய்வதாகவும், போதிய இடைவேளை எடுக்க முடியாததால் தனது காரில் டிஸ்போசபிள் கோப்பைகளில் சிறுநீர் கழித்து தன்னை ஆசுவாசபடுத்தி கொண்டதாகவும் கூறினார்.

    இதுதொடர்பாக உணவு வினியோக நிறுவனத்தை அணுகி, தான் ஆர்டர் செய்த உணவுக்குரிய பணத்தை திரும்ப பெறும் முயற்சியில் உட் ஈடுபட்டார். இதற்கிடையே சம்பந்தப்பட்ட டிரைவர் மீது உணவு வினியோக நிறுவனம் நடவடிக்கை எடுத்துள்ளது.

    • கேழ்வரகில் அரிசியைவிட குறைந்த அளவு கார்போஹைட்ரேட் மற்றும் அதிகளவு நார்ச்சத்து உள்ளது.
    • கேழ்வரகில் அதிக அளவில் புரதம் உள்ளது.

    தேவையான பொருட்கள்

    கேழ்வரகு – 50 கிராம்

    பாதாம், முந்திரி, திராட்சை (ஊற வைத்தது) – தலா 4

    பேரீச்சை – 5

    காய்ச்சியப் பால் – 200 மி.கி

    ஏலப்பொடி – 1 தேக்கரண்டி

    நாட்டு சர்க்கரை – சுவைக்கேற்ப

    செய்முறை:

    ஊற வைத்து தோல் நீக்கிய பாதாம், முந்திரி, திராட்சை, பேரீச்சையை சிறிது பால் சேர்த்து அரைத்து கொள்ளவும்.

    முதல்நாள் இரவில் ஊற வைத்த கேழ்வரகை நீர் விட்டு அரைத்து வடிகட்டிக் கொள்ளவும். சக்கையை மீண்டும் சிறிது நீர் விட்டு அரைத்து வடிக்கட்டவும். இப்போது இரண்டு கேழ்வரகு பாலையும் ஒன்றாக சேர்த்து 10 நிமிடம் மிதமான தீயில் காய்ச்சவும்.

    அதனுடன் அரைத்த பாதாம் விழுது, மீதம் உள்ள பால், ஏலப்பொடி சேர்த்து மேலும் சிறிது நேரம் காய்ச்சி இறக்கவும்.

    இப்போது நீங்கள் எதிர்பார்த்த சத்தான மற்றும் ஆரோக்கியமான கேழ்வரகு டிரை ஃப்ரூட்ஸ் மில்க் ஷேக் தயார்.

    லைஃப்ஸ்டைல் சம்பந்தமான அனைத்து தகவல்களையும் அறிந்து கொள்ள இந்த லிங்க்கை கிளிக் செய்யவும்... https://www.maalaimalar.com/health

    • குழந்தைகளுக்கு சத்தான பானங்களை வீட்டிலேயே செய்துகொடுக்கலாம்.
    • இந்த மில்க் ஷேக் உடலுக்கு புத்துணர்ச்சியை தரும்.

    தேவையான பொருட்கள்

    வாழைப்பழம் - 2

    பேரீச்சம் பழம் - 10

    பாதாம் - 20

    பிஸ்தா - சிறிதளவு

    முழு கொழுப்புள்ள பால் - 1/2 லிட்டர்

    சர்க்கரை - 2 தேக்கரண்டி

    வெண்ணிலா எசென்ஸ் - 1/4 தேக்கரண்டி (விரும்பினால்)

    ஐஸ் கட்டிகள்

    குங்குமப்பூ - அலங்கரிக்க

    செய்முறை

    * வாழைப்பழத்தை தோல் நீக்கி சிறு துண்டுகளாக நறுக்கி கொள்ளவும்.

    * பேரீச்சம் பழத்தை விதை நீக்கி எடுத்துக்கொள்ளவும்.

    * பாதாமை ஊறவைத்து தோல் உரித்து எடுத்துக்கொள்ளவும்.

    * பிஸ்தா, 8 பாதாமை பொடியாக நறுக்கி கொள்ளவும்.

    * மிக்ஸி ஜாரில் நறுக்கிய வாழைப்பழம், பேரீச்சம் பழம், பாதாம் - 12, சர்க்கரை, வெண்ணிலா எசென்ஸ், ஐஸ் கட்டி, பால் சேர்த்து நன்கு அரைத்துக்கொள்ளவும்.

    * கண்ணாடி கப்பில் ஊற்றி அதன் மேல் நறுக்கிய பாதாம், பிஸ்தா மற்றும் குங்குமப்பூ தூவி அலங்கரித்து பரிமாறவும்.

    * பனானா பேரீச்சம் பழ மில்க் ஷேக் தயார்.

    ஆரோக்கியம் சம்பந்தமான அனைத்து தகவல்களையும் அறிந்து கொள்ள இந்த லிங்க்கை கிளிக் செய்யவும்... https://www.maalaimalar.com/health

    • குழந்தைகளுக்கு குல்ஃபி என்றால் மிகவும் பிடிக்கும்.
    • இந்த குல்ஃபி ஷேக்கை வீட்டிலேயே எளிய முறையில் செய்யலாம்.

    தேவையான பொருட்கள்:

    தயாரித்து வைத்திருக்கும் குல்ஃபி - 2 கப்

    கொழுப்பு நீக்காத பால் - 1 கப் (காய்ச்சி ஆறவைத்தது)

    சர்க்கரை - 2 டேபிள் ஸ்பூன்

    முந்திரி - 1 டீஸ்பூன் (பொடிதாக நறுக்கியது)

    குங்குமப்பூ - ¼ டீஸ்பூன்

    செய்முறை:

    பிளண்டரில் பால், சர்க்கரை, ஒரு கப் குல்ஃபி ஆகியவற்றை போட்டு நுரைக்கும் வரை பிளண்ட் செய்யவும்.

    பின்னர் அதை ஒரு கண்ணாடி டம்ளரில் ஊற்றி, மேலே துண்டுகளாக வெட்டிய ஒரு கப் குல்ஃபியை போடவும்.

    பின்பு அதன் மேல் முந்திரி மற்றும் குங்குமப்பூவைத் தூவி சில்லென்று பரிமாறவும்.

    இப்போது சூப்பரான குளுகுளு குல்ஃபி ஷேக் ரெடி

    ஆரோக்கியம் சம்பந்தமான அனைத்து தகவல்களையும் அறிந்து கொள்ள இந்த லிங்க்கை கிளிக் செய்யவும்... https://www.maalaimalar.com/health

    • பாதாமில் கால்சியம் அதிகம் இருக்கிறது.
    • இந்த ரெசிபியை 10 நிமிடத்தில் செய்து விடலாம்.

    தேவையான பொருட்கள் :

    பாதாம் பருப்பு - 100 கிராம்,

    பால் (காய்ச்சி ஆறவிடவும்) - அரை லிட்டர்,

    சர்க்கரை - 3 டீஸ்பூன்,

    வெனிலா ஐஸ்கிரீம் - ஒரு கப்.

    செய்முறை :

    பாதாமை முதல் நாளிரவே ஊற வைத்து, மறுநாள் அதன் தோலை உரித்து, மிக்ஸியில் கொஞ்சம் பால் சேர்த்து விழுதாக அரைத்து, சர்க்கரை சேர்க்கவும்.

    இதனுடன் ஒரு கப் வெனிலா ஐஸ்க்ரீம் சேர்த்து மிக்ஸியில் ஒரு சுற்று சுற்றி, மீதமுள்ள பாலுடன் சேர்த்துப் பரிமாறவும்.

    இப்போது சூப்பரான பாதாம் மில்க் ஷேக் ரெடி.

    • பப்பாளி பழத்தில் அதிகளவு சத்துக்கள் நிறைந்துள்ளது.
    • இந்த மில்க் ஷேக் செய்ய 10 நிமிடங்களே போதுமானது.

    தேவையான பொருட்கள் :

    பழுத்த பப்பாளிப்பழம் - 1/2

    தேங்காய்ப் பால் - 1 கப்

    வெல்லம் அல்லது நாட்டு சர்க்கரை - 1/4 கப்

    ஏலக்காய் தூள் - சிறிதளவு

    செய்முறை :

    பப்பாளி பழத்தை தோல் நீக்கி துண்டுகளாக வெட்டிக்கொள்ளவும்.

    பப்பாளிப்பழத்துடன் வெல்லம் அல்லது நாட்டு சர்க்கரை, தேங்காய்ப் பால் ஊற்றி, ஏலக்காய் தூள் சேர்த்து லேசாக மிக்ஸியில் அடித்து, ஃபிரிட்ஜில் வைக்கவும்.

    நன்கு குளிர்ந்தவுடன் பரிமாறவும்.

    சூப்பரான பப்பாளிப்பழ மில்க் ஷேக் ரெடி.

    குழந்தைகளுக்கு சாக்லேட், பிஸ்கட் என்றால் மிகவும் பிடிக்கும். இந்த வகையில் இது இரண்டையும் வைத்து சூப்பரான மில்க் ஷேக் செய்வது எப்படி என்று பார்க்கலாம்.
    தேவையான பொருட்கள்:

    குளிர்ச்சியான பால் - 2 கப்
    சாக்லேட் கிரீம் பிஸ்கட் பாக்கெட் - 1
    கிரீம் இல்லாத சாக்லேட் பிஸ்கட் - 1
    சாக்லேட் சாஸ் - 2 டீஸ்பூன்
        
    செய்முறை:

    முதலில் மிக்ஸியில் பாலை ஊற்றி, அத்துடன் கிரீம் இல்லாத சாக்லேட் பிஸ்கட்டை சேர்த்து நன்கு அடித்துக் கொள்ள வேண்டும்.

    பின் அதில் கிரீம் உள்ள சாக்லேட் பிஸ்கட்டை சேர்த்து நன்கு மென்மையாக அடித்துக் கொள்ள வேண்டும்.

    பின்பு அதனை ஒரு டம்ளரில் ஊற்றி, அத்துடன் சாக்லேட் சாஸ் சேர்த்து நன்கு கிளறி பரிமாறினால், சாக்லேட் பிஸ்கட் மில்க் ஷேக் ரெடி.

    இந்த மில்க் ஷேக்  குழந்தைகளுக்கு மிகவும் பிடிக்கும்.
    இரத்த அணுக்களை உடல் அதிகரிக்க கூடிய திறன் செவ்வாழைக்கு உண்டு. மேலும் உடல் சூட்டையும் குறைக்கும். இன்று செவ்வாழை பேரீச்சம் பழ மில்க்ஷேக் செய்முறையை பார்க்கலாம்.
    தேவையான பொருட்கள்

    செவ்வாழை : 1 (கனிந்தது)    
    பேரீச்சம்பழம் : 5    
    வால்நட் : 3    
    குளிர்ந்த பால் : 400 மி.லி.



    செய்முறை :

    செவ்வாழை பழத்தை தோல் நீக்கி சிறுதுண்டுகளாக நறுக்கிக் கொள்ளவும்.

    அதனுடன் கொட்டை நீக்கிய பேரீச்சம் பழம், வால்நட் பருப்பு மற்றும் பால் சேர்த்து மிக்ஸில் நுரை வரும் வரை அரைத்துக் கொள்ளவும்.

    கூடுதல் சுவைக்குத் தேன் சேர்த்துக் கொள்ளலாம்.

    புளிக்காத தயிரில் செவ்வாழை ஸ்மூதி செய்து சாப்பிடலாம்.

    செவ்வாழை பேரீச்சம் பழ மில்க்‌ஷேக் ரெடி.

    இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    கேரட்டை பச்சையாகவோ அல்லது ஜூஸ் செய்து சாப்பிட்டு இருப்பீங்க. இன்று கேரட்டில் சத்தான சுவையான மில்க் ஷேக் செய்வது எப்படி என்று பார்க்கலாம்.
    தேவையான பொருட்கள்:

    கேரட் - 200 கிராம்
    பாதாம் - 20
    பால் - 2 கப்
    ஏலக்காய் பொடி - 2 சிட்டிகை
    நாட்டுச்சர்க்கரை - 1 டேபிள் ஸ்பூன்



    செய்முறை:

    கேரட்டை தோல் நீக்கி துருவிக்கொள்ளவும்.

    முதலில் பாதாமை நீரில் போட்டு 4 மணிநேரம் ஊற வைத்து, பின் அதில் உள்ள தோலை நீக்கிவிட வேண்டும்.

    பாலை ஒரு பாத்திரத்தில் ஊற்றி அடுப்பில் வைத்து, நன்கு கொதித்ததும், சர்க்கரை சேர்த்து 5 நிமிடம் மிதமான தீயில் கொதிக்க விடவும்.

    பின்பு அதில் துருவிய கேரட், பாதாம், ஏலக்காய் பொடி சேர்த்து, அடுப்பை அணைத்து விட்டு, கலவையை நன்கு குளிர வைக்கவும்.

    பிறகு பாலில் இருக்கும் பொருட்களை மிக்ஸியில் போட்டு, சிறிது பால் ஊற்றி நன்கு மென்மையாக அரைத்துக் கொள்ளவும்.

    இறுதியில் மீதமுள்ள பாலை ஊற்றி ஒருமுறை அடித்து பரிமாறினால், கேரட் மில்க் ஷேக் ரெடி!!!

    இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    குழந்தைகளுக்கு வெயில் காலத்தில் வித்தியாசமான, சுவையான, ஆரோக்கியமான மில்க்‌ஷேக் செய்து கொடுக்க விரும்பினால் நாவல்பழ மில்க்‌ஷேக் செய்து கொடுக்கலாம்.
    தேவையான பொருட்கள் :

    நாவல்பழக்கூழ் - அரை கப்
    குளிர்ந்த பால் - தேவையான அளவு (காய்ச்சி  ஆறவைத்தது)
    தூளாக்கிய ஐஸ்கட்டிகள் - சிறிதளவு
    விருப்பமான ஐஸ்க்ரீம் - ஒரு ஸ்கூப்
    சர்க்கரை - 3 டேபிள்ஸ்பூன்
    கண்டன்ஸ்டு மில்க் - ஒரு டேபிள்ஸ்பூன்
    கோகோ சிரப் - ஒரு டேபிள்ஸ்பூன்    



    செய்முறை :

    குளிர்ந்த பாலுடன் நாவல்பழக்கூழ் சேர்த்து மிக்ஸியில் நுரைக்க அடிக்கவும்.

    இதனுடன் கண்டன்ஸ்டு மில்க், ஐஸ்க்ரீம், ஐஸ்கட்டிகள், சர்க்கரை சேர்த்து மீண்டும் அடித்து பெரிய கண்ணாடி டம்ளரில் ஊற்றவும்.

    மேலே கோகோ சிரப் ஊற்றிப் பரிமாறவும்.

    இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    சிறுநீரக பிரச்சனைகளை தீர்க்கும் கிர்ணி பழம். கோடையில் கிடைக்கும் கிர்ணிப்பழத்தை வைத்து மில்க்‌ஷேக் செய்வது எப்படி என்று பார்க்கலாம்.
    தேவையான பொருட்கள் :

    கிர்ணி பழம் - ஒன்று,
    பால் - அரை லிட்டர்,
    சர்க்கரை - தேவையான அளவு



    செய்முறை:

    பாலை காய்ச்சி ஆற விட்டு குளிர வைக்கவும்.

    கிர்ணி பழத்தின் தோல், விதைகளை நீக்கி துண்டுகளாக்கவும்.

    துண்டுகளாக்கிய கிர்ணி பழத்தை மிக்சியில் போட்டு அதனுடன் சர்க்கரை, குளிர்ந்த பால் சேர்த்து அரைத்தெடுக்கவும்.

    கண்ணாடி டம்பளர்களில் ஊற்றி பருகலாம்.

    குளுகுளு கிர்ணிப்பழ மில்க்‌ஷேக் ரெடி.

    பலன்கள்: சிறுநீரக பிரச்சனைகளை தீர்க்கும் கிர்ணி பழம். நீர்ச்சத்து, நார்ச்சத்து நிறைந்தது. அனைத்து வயதினருக்கும் ஏற்றது.

    - இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    இந்த சீசனில் கிடைக்கும் மாம்பழத்தை வைத்து விதவிதமான உணவுகளை தயாரிக்கலாம். இன்று மாம்பழத்தை வைத்து மில்க் ஷேக் செய்வது எப்படி என்று பார்க்கலாம்.
    தேவையான பொருட்கள் :

    மாம்பழத் துண்டுகள் - 2 கப்,
    பால் - கால் லிட்டர்,
    ஐஸ் கட்டிகள் - தேவையான அளவு,
    சர்க்கரை - தேவையான அளவு.



    செய்முறை :

    சிறிது மாம்பழ துண்டுகளை தனியாக எடுத்த வைக்கவும்.

    மீதமுள்ள மாம்பழத் துண்டுகளுடன் சர்க்கரை, தேவையான அளவு பால் விட்டு மிக்சியில் நன்றாக நுரைக்க அடிக்கவும்.

    அதனுடன் மீதமுள்ள பால், ஐஸ்கட்டிகள் சேர்த்து மீண்டும் ஒருமுறை நன்றாக நுரைக்க அடித்து கண்ணாடி கப்பில் ஊற்றி அதன் மேலே துண்டுகளாக நறுக்கி வைத்துள்ள மாம்பழ துண்டுகளை போட்டு பருகவும்.

    சூப்பரான மாம்பழ மில்க் ஷேக் ரெடி.

    - இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    ×