நீங்கள் தேடியது "variety milkshake"

தேவையான பொருட்கள் :

கிர்ணி பழம் - ஒன்று,
பால் - அரை லிட்டர்,
சர்க்கரை - தேவையான அளவு



செய்முறை:

பாலை காய்ச்சி ஆற விட்டு குளிர வைக்கவும்.

கிர்ணி பழத்தின் தோல், விதைகளை நீக்கி துண்டுகளாக்கவும்.

துண்டுகளாக்கிய கிர்ணி பழத்தை மிக்சியில் போட்டு அதனுடன் சர்க்கரை, குளிர்ந்த பால் சேர்த்து அரைத்தெடுக்கவும்.

கண்ணாடி டம்பளர்களில் ஊற்றி பருகலாம்.

குளுகுளு கிர்ணிப்பழ மில்க்‌ஷேக் ரெடி.

பலன்கள்: சிறுநீரக பிரச்சனைகளை தீர்க்கும் கிர்ணி பழம். நீர்ச்சத்து, நார்ச்சத்து நிறைந்தது. அனைத்து வயதினருக்கும் ஏற்றது.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.

தேவையான பொருட்கள் :

மாம்பழத் துண்டுகள் - 2 கப்,
பால் - கால் லிட்டர்,
ஐஸ் கட்டிகள் - தேவையான அளவு,
சர்க்கரை - தேவையான அளவு.



செய்முறை :

சிறிது மாம்பழ துண்டுகளை தனியாக எடுத்த வைக்கவும்.

மீதமுள்ள மாம்பழத் துண்டுகளுடன் சர்க்கரை, தேவையான அளவு பால் விட்டு மிக்சியில் நன்றாக நுரைக்க அடிக்கவும்.

அதனுடன் மீதமுள்ள பால், ஐஸ்கட்டிகள் சேர்த்து மீண்டும் ஒருமுறை நன்றாக நுரைக்க அடித்து கண்ணாடி கப்பில் ஊற்றி அதன் மேலே துண்டுகளாக நறுக்கி வைத்துள்ள மாம்பழ துண்டுகளை போட்டு பருகவும்.

சூப்பரான மாம்பழ மில்க் ஷேக் ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.

தேவையான பொருட்கள்

கொட்டை நீக்கிய பேரீச்சம் பழம் - 10
பால் - அரை லிட்டர்
காபி பவுடர் - 2 தேக்கரண்டி
ஏலக்காய் - 4
சர்க்கரை - தேவைக்கு
ஐஸ்கட்டிகள் - தேவையான அளவு



செய்முறை :

ஏலக்காயை பொடித்து கொள்ளவும்.

வாணலியில் சிறிது தண்ணீர் ஊற்றி அது கொதிக்க ஆரம்பித்ததும் காபி பவுடரை கொட்ட வேண்டும்.

அதனுடன் ஏலக்காய், சர்க்கரை சேர்த்து கிளறி சிறிது நேரம் கழித்து இறக்கி விட வேண்டும்.

மிக்சியில் பேரீச்சம் பழத்தை போட்டு சிறிது பால் சேர்த்து அரைக்க வேண்டும்.

இறுதியில் மீதமிருக்கும் பால், ஐஸ்கட்டிகள் போன்றவற்றை சேர்த்து அடித்து கலக்க வேண்டும்.

அடுத்து அதில் காபி டிகாஷன் விட்டு நுரைக்க அடித்து கண்ணாடி டம்ளரில் ஊற்றி பரிமாறவும்.

சூப்பரான காபி மில்க் ஷேக் ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.