என் மலர்

    நீங்கள் தேடியது "kodai vizha"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • படைப்பு பூஜை தீபாராதனைக்கு பின்னர் அன்னதானம் நடக்கிறது.
    • நாளை மற்றும் நாளை மறுநாள் இரவு 9 மணிக்கு அம்மனுக்கு சிறப்பு தீபாராதனை நடக்கிறது.

    திருச்செந்தூர் நாடார் தெரு சந்தணமாரி அம்மன் கோவில் கொடை விழா கடந்த 7-ந்தேதி தொடங்கியது. அன்று இரவு ஜெய விநாயகருக்கும், சந்தணமாரி அம்மனுக்கும் மாக்காப்பு அலங்காரமாகி தீபாராதனை நடந்தது. நேற்று முன்தினம் இரவு ஜெய விநாயகருக்கும், சந்தணமாரி அம்மனுக்கும் சந்தன காப்பு அலங்காரமாகி தீபாராதனை நடந்தது.

    கொடை விழாவின் முக்கிய நாளான நேற்று காலை 9.45 மணிக்கு ஏராளமான பக்தர்கள் பால்குடம் எடுத்தனர். பால்குடம் எடுத்த பக்தர்கள் கோவில் முன்பு இருந்து புறப்பட்டு ஊர்வலமாக முக்கிய வீதிகளில் வலம் வந்து மீண்டும் கோவிலுக்கு வந்தனர். பின்னர் சந்தணமாரி அம்மனுக்கு சிறப்பு அபிஷேகம், அலங்காரமாகி தீபாராதனை நடந்தது. பின்னர் அம்மனுக்கு மஞ்சள் நீராட்டு அலங்கார தீபாராதனை நடந்தது. இரவு முளைப்பாரி வீதி உலா நடந்தது. இரவு 12 மணிக்கு சந்தணமாரியம்மனுக்கு சிறப்பு அலங்கார தீபாராதனை நடந்தது. கொடை விழா காலங்களில் பக்தர்களுக்கு காலை, மாலை மற்றும் இரவு ஆகிய மூன்று நேரமும் அன்னதானம் வழங்கப்பட்டு வருகிறது.

    கொடை விழாவில், திரளான பக்தர்கள் கலந்து கொண்டனர். இன்று அதிகாலை 5 மணிக்கு படைப்பு பூஜை தீபாராதனைக்கு பின்னர் அன்னதானம் நடக்கிறது. பகல் 12 மணிக்கு மஞ்சள் நீராட்டு மற்றும் அம்மன் கும்பம் வீதி உலாவும், மாலை 5 மணிக்கு முளைப்பாரி கடலில் பிரி செலுத்துதலும் நடக்கிறது. நாளை மற்றும் நாளை மறுநாள் இரவு 9 மணிக்கு அம்மனுக்கு சிறப்பு தீபாராதனை நடக்கிறது. விழா நாட்களில் தொடர்ந்து இரவு நேரங்களில் திரைபட மெல்லிசை கச்சேரி, வில்லிசை, கரகாட்டம், இன்னிசை போன்ற நிகழ்ச்சிகள் நடைபெற்று வருகின்றன. விழாவிற்கான ஏற்பாடுகளை கோவில் நிர்வாக கமிட்டி தலைவர் பாஸ்கர், செயலாளர் நடராஜன், பொருளாளர் சரவணன், துணைத்தலைவர் தனசேகரன், துணை செயலாளர் சுந்தரேசன், கணக்காளர் பிரபு, நிர்வாக கமிட்டி உறுப்பினர்கள் செல்வ முருகன், செந்தில் ஆறுமுகம், அமிர்த குண விநாயகம், ராஜேஷ் கண்ணன், கணேசன், சுரேஷ், விக்னேஷ், அஜெய், சுபாஷ் முரளி ஆகியோர் செய்திருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இசக்கியம்மனுக்கு அலங்கார தீபாராதனையும், புஷ்பாஞ்சலியும் நடந்தது.
    • இதில் பெண்கள் திரளாக கலந்து கொண்டு அம்மனை வழிபட்டனர்.

    நாகர்கோவில் பால்பண்ணை சந்திப்பில் அமைந்துள்ள நடுக்காட்டு இசக்கி அம்மன் கோவிலில் ஆவணி மாத கொடை விழா அடுத்த மாதம் (செப்டம்பர்) 4-ந்தேதி தொடங்கி 14-ந்தேதி வரை நடைபெறுகிறது. இதற்கான கால்கோள் நாட்டு விழா கோவில் வளாகத்தில் நேற்று பகல் 12 மணிக்கு நடைபெற்றது. இதில் நாகர்கோவில் மேயர் மகேஷ், அவருடைய மனைவி மேகலா மகேஷ் ஆகியோர் கலந்து கொண்டு அம்மனை தரிசித்தனர்.

    முன்னதாக அதிகாலை 4 மணிக்கு கணபதி ஹோமமும், 5 மணிக்கு கன்னியாகுமரியில் இருந்து தீர்த்தம் எடுத்து வந்து அம்மனுக்கு அபிஷேகமும் நடந்தது.

    அதன்பிறகு பகல் 1 மணிக்கு தீபாராதனையும், அன்னதானமும் நடைபெற்றது. மாலை 6 மணிக்கு அலங்கார தீபாராதனையும், புஷ்பாஞ்சலியும், மீண்டும் இரவு 8 மணிக்கு அலங்கார தீபாராதனையும் நடைபெற்றது. இதில் பெண்கள் திரளாக கலந்து கொண்டு அம்மனை வழிபட்டனர். இதற்கான ஏற்பாடுகளை வேலு மற்றும் நடுக்காட்டு இசக்கியம்மன் கோவில் நற்பணி மன்றத்தினர் செய்திருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மகுடம் தட்டி சுவாமி மயான எல்லை குறிப்பும், உச்சி கால பூஜைகளும் நடந்தது.
    • நிகழ்ச்சியில் ஏராளமான பக்தர்கள் கலந்து கொண்டு தரிசனம் செய்தனர்.

    கோவில்பட்டி நடராஜபுரம் தெருவில் உள்ள சிவசக்தி பத்திரகாளியம்மன், மலையாளத்து சுடலை மகாராஜா கோவில் ஆடிக் கொடை விழா மற்றும் பூக்குழி விழா நடைபெற்றது. முதல் நாள் மாலை 4.30 மணிக்கு வெண்கல அக்னி சட்டி ஊர்வலம் நடந்தது. இரவு நையாண்டி மேளமும் கரகாட்டமும் நடைபெற்றது. 2-ம்நாள் அதிகாலை 4.30 மணிக்கு கணபதி ஹோமம், வேள்வி பூஜைகளும், அபிஷேக ஆராதனை பூஜைகளும் நடந்தது. மதியம் 12 மணிக்கு மகுடம் தட்டி சுவாமி மயான எல்லை குறிப்பும், உச்சி கால பூஜைகளும் நடந்தது.

    மாலை 6 மணிக்கு பூரண கும்பம் ஏற்றி, முளைப்பாரி ஊர்வலம், அக்னிசட்டி எடுத்து ஊர்வலம் நடந்தது. இரவு 12 மணிக்கு சாமக்கொடை திறளை பூஜைகள் மற்றும் பூக்குழி திருவிழா நடைபெற்றது. பூசாரி சங்கரன் அக்னி சட்டி எடுத்தும், கையில் தீப்பந்தங்களுடனும், கையில் இரட்டைக் குழந்தைகளை வைத்துக்கொண்டும் பூக்குழி இறங்கினார். நிகழ்ச்சியில் ஏராளமான பக்தர்கள் கலந்து கொண்டு தரிசனம் செய்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பக்தர்கள் தீச்சட்டி எடுத்து நேர்த்திக்கடன் செலுத்தினர்.
    • இன்று இரவு 8.30 மணிக்கு சிறப்பு அபிஷேக ஆராதனைகள் நடைபெறுகிறது.

    குலசேகரன்பட்டினம் ஞானமூர்த்தீஸ்வரர் உடனுறை முத்தாரம்மன் கோவிலில் ஆடிக்கொடை விழா நேற்று முன்தினம் இரவு 9 மணிக்கு மாக்காப்பு தீபாராதனையுடன் தொடங்கியது. இரவு10 மணிக்கு வில்லிசை நடைபெற்றது. நேற்று காலை 7 மணி முதல் இரவு 7 மணி வரை முத்தாரம்மனுக்கும், சுவாமிக்கும் சிறப்பு அபிஷேக ஆராதனைகள் நடைபெற்றது.

    பகல் 11 மணிக்கு கும்பம் திருவீதி எழுந்தருளல், இரவு 8 மணிக்கு வில்லிசை, 9 மணிக்கு சிறப்பு அலங்கார தீபாராதனை, 11 மணிக்கு கும்பம் திருவீதி எழுந்தருளல் நடைபெற்றது. அப்போது ஏராளமான பக்தர்கள் தீச்சட்டி எடுத்து கோவிலுக்கு ஊர்வலமாக சென்று நேர்த்திக்கடன் செலுத்தினர். விழாவில் தமிழகத்தின் பல்வேறு பகுதிகளில் இருந்து திரளான பக்தர்கள் கலந்து கொண்டு அம்மனை வழிபட்டனர்.

    இன்று (புதன்கிழமை) காலை 8 மணிக்கு சிற்றுண்டி அன்னதானம், 9 மணிக்கு சிறப்பு மகுடம், 11 மணிக்கு கும்பம் திருவீதி எழுந்தருளல், வில்லிசை, அன்னதானம், மாலை 5 மணிக்கு மஞ்சள் நீராட்டு, இரவு 8.30 மணிக்கு சிறப்பு அபிஷேக ஆராதனைகள் நடைபெறுகிறது.

    ஏற்பாடுகளை தூத்துக்குடி இந்து சமய அறநிலையத்துறை உதவி ஆணையர் சங்கர், செயல் அலுவலர் ராமசுப்பிரமணியன் மற்றும் கோவில் பணியாளர்கள் செய்து இருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தூத்துக்குடி மாவட்டம் குலசேகரன்பட்டினத்தில் உள்ளது ஞானமூர்த்தீஸ்வரர் உடனுறை முத்தாரம்மன் கோவில்.
    • ஆடிகொடை விழா இன்று தொடங்கி 3-ந்தேதி வரை நடைபெறுகிறது.

    குலசேகரன்பட்டினம் ஞானமூர்த்தீஸ்வரர் உடனுறை முத்தாரம்மன் கோவில் ஆடிகொடை விழா இன்று (திங்கட்கிழமை) தொடங்கி 3-ந்தேதி வரை நடைபெறுகிறது. இதை முன்னிட்டு இன்று இரவு 8 மணிக்கு மாக்காப்பு தீபாராதனை, இரவு 10 மணிக்கு வில்லிசை நிகழ்ச்சி நடைபெறுகிறது.

    நாளை காலை 7 மணிக்கு சிறப்பு அபிஷேகம் மற்றும் ஆராதனைகள், காலை 8.30 மணிக்கு சிறப்பு அபிஷேகம், ஆராதனைகள், காலை 10 மணிக்கு கும்பம் திருவீதி எழுந்தருளல், 11.15 மணிக்கு வில்லிசை நிகழ்ச்சி, நண்பகல் 12 மணிக்கு அன்னதானம், மாலை 5 மணிக்கு சிறப்பு அபிஷேக ஆராதனைகள் நடக்கிறது.

    மேலும் இரவு 7 மணிக்கு சிறப்பு அபிஷேக ஆராதனைகள், இரவு 8 மணிக்கு வில்லிசை, இரவு 9 மணிக்கு சிறப்பு அபிஷேக, அலங்கார தீபாராதனைகள், இரவு 11 மணிக்கு கும்பம் திருவீதி எழுந்தருளல் மற்றும் சிறப்பு மகுடம் குறவன், குறத்தி, கரகாட்டம் நடைபெறுகிறது.

    3-ந் தேதி காலை 9 மணிக்கு சிறப்பு மகுடம், காலை 11 மணிக்கு கும்பம் திருவீதி எழுந்தருளல், 11.30 மணிக்கு வில்லிசை நிகழ்ச்சி, மதியம் 12 மணிக்கு அன்னதானம், மாலை 5 மணிக்கு மஞ்சள் நீராட்டு இரவு 8.30 மணிக்கு சிறப்பு அபிஷேக ஆராதனைகள் நடைபெறுகிறது.

    விழா ஏற்பாடுகளை இந்து சமய அறநிலைத்துறை உதவி ஆணையரும் தக்காருமான சங்கர், செயல் அலுவலர் ராமசுப்பிரமணியன் ஆகியோர் செய்து வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சுவாமிக்கு கும்பம் ஏற்றப்பட்டு, குடியழைப்பு தீபாராதனை நடந்தது.
    • விழாவில் திரளான பக்தர்கள் கலந்து கொண்டனர்.

    திருச்செந்தூர் மேலத்தெரு யாதவ சமுதாயத்திற்கு பாத்தியப்பட்ட சுடலை மாடசுவாமி கோவில் கொடை விழா நேற்று விமரிசையாக நடந்தது. இதையொட்டி, நேற்று முன்தினம் மாலையில் சுப்பிரமணிய சுவாமி கோவில் சண்முகவிலாசத்தில் இருந்து தீர்த்தம் எடுத்து ஊர்வலமாக ரதவீதி வழியாக கோவிலுக்கு கொண்டு வரப்பட்டது. பின்னர் சுவாமிக்கு கும்பம் ஏற்றப்பட்டு, குடியழைப்பு தீபாராதனை நடந்தது.

    கொடை விழா தினமான நேற்று அதிகாலை 5.30 மணிக்கு சுவாமிக்கு சிறப்பு தீபாராதனை நடந்தது. பகல் 12 மணிக்கு சுவாமிக்கு சிறப்பு அலங்காரமாகி மகா தீபாராதனை நடந்தது. பின்னர் பக்தர்களுக்கு அன்னதானம் வழங்கப்பட்டது. அதேபோல் இரவு 12 மணிக்கு சிறப்பு அலங்காரமாகி, தீபாராதனை நடந்தது. இன்று அதிகாலை 4 மணிக்கு படைப்பு தீபாராதனை நடக்கிறது. விழாவில், திரளான பக்தர்கள் கலந்து கொண்டனர். விழாவிற்கான ஏற்பாடுகளை மேலத்தெரு யாதவ மகா சபை மற்றும் கொடை விழா கமிட்டியினர் செய்திருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அம்மனுக்கு அபிஷேகமும், அலங்கார தீபாராதனையும் நடந்தது.
    • 41 நாட்கள் மாலை போட்டு விரதம் இருந்த பக்தர்கள் பூக்குழி இறங்கினார்கள்.

    முப்பந்தல் ஆலமூடு அம்மன் கோவிலில் பூக்குழி கொடைவிழா நேற்றுமுன்தினம் கணபதி ஹோமத்துடன் தொடங்கியது. இரவு யானைகளுக்கு கஜபூஜையும், திருவிளக்குபூஜையும் நடந்தது.

    ஆரல்வாய்மொழி வடக்கூர் அகலிகை ஊற்று பிள்ளையார் கோவிலில் இருந்து நேற்று காலையில் பால்குட ஊர்வலம் நடைபெற்றது. ஊர்வலத்தில் அலங்கரிக்கப்பட்ட குதிரைகள், யானைகள் முன்னே சென்றன. அதைத்தொடர்ந்து பக்தர்கள் பால்குடம், பூங்கரகம், முளைப்பாரியை சுமந்து வந்தனர்.

    அதன்பின்னால் அலகு குத்தி பறக்கும் காவடி, சூரிய காவடிகளை சுமந்தபடியும் பக்தர்கள் வந்தனர். இந்த ஊர்வலத்தை கோவில் நிர்வாக குழு தலைவர் அருணாசலம் தலைமையில் ஆரல்வாய்மொழி பேரூராட்சி தலைவர் முத்துக்குமார் தொடங்கிவைத்தார். ஊர்வலம் வடக்கூர், சந்திப்பு, எம்.ஜி.ஆர். நகர், மருத்துவர் நகர், மூவேந்தர் நகர் வழியாக ஆலமுடு அம்மன் கோவிலை அடைந்தது.

    கோவிலை வந்தடைந்ததும் அம்மனுக்கு அபிஷேகமும், தொடர்ந்து சாமிகளுக்கு பாயாச குளியலும், பின்னர் அலங்கார தீபாராதனையும் நடந்தது.

    இந்த நிகழ்ச்சியில் எம்.எல்.ஏ.க்கள் தளவாய்சுந்தரம், எம்.ஆர்.காந்தி உள்பட ஏராளமானோர் கலந்து கொண்டனர். வழிநெடுகிலும் ஊர்வலத்தில் வந்த பக்தர்களுக்கு நீர், மோர், பழங்கள் வழங்கப்பட்டன. மாலையில் பக்தர்கள் அக்னிசட்டி எடுத்து வந்து வழிபட்டனர். அதைத்தொடர்ந்து அம்மன் தேரில் பவனி வரும் நிகழ்ச்சியும் நடைபெற்றது. இரவு பூப்படைப்பும், அதனை தொடர்ந்து 41 நாட்கள் மாலை போட்டு விரதம் இருந்த பக்தர்கள் பூக்குழி இறங்கினார்கள்.

    இதில் பல்லாயிரக்கணக்கான பக்தர்கள் கலந்து கொண்டனர். அதிகாலையில் அம்மனுக்கு ஊட்டுபடைத்தல் நிகழ்ச்சி நடைபெற்றது.

    விழா ஏற்பாட்டை முப்பந்தல் ஆலமூடு அம்மன் கோவில் நிர்வாக குழு தலைவர் இ.அருணாசலம் மற்றும் நிர்வாகிகள், பக்தர்கள் சேவா சங்கத்தினர், விழா குழுவினர் செய்து இருந்தனர்

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 1-ந்தேதி அம்மனுக்கு குடியழைப்பு பூஜை, மாக்காப்பு தீபாராதனை நடக்கிறது.
    • 2-ந்தேதி இரவு 12 மணிக்கு சாம கொடை விழா நடக்கிறது.

    கோவை சங்கனூர்- நல்லாம்பாளையம் ரோட்டில் ஞானமூர்த்தீஸ்வரர் சமேத முத்தாரம்மன் கோவில் உள்ளது. இந்த கோவிலில் கொடை விழா நேற்று காலை கணபதி ஹோமத்துடன் தொடங்கியது. அதைத்தொடர்ந்து 11.30 மணிக்கு அம்மனுக்கு முகூர்த்த கால் நடும் நிகழ்ச்சி நடைபெற்றது. முகூர்த்த கால் அலங் கரிக்கப்பட்டு கோவிலை சுற்றி ஊர்வலமாக கொண்டு வரப்பட்டு நடப்பட்டது.

    இதையடுத்து அம்மனுக்கு சிறப்பு அபிஷேகம் மற்றும் அலங்காரம் செய்யப்பட்டு பக்தர்களுக்கு பிரசாதம் வழங்கப்பட்டது. வருகிற 31-ந் தேதி 501 திருவிளக்கு பூஜை வழிபாடு, இரவு 8 மணிக்கு பக்தி இன்னிசை நிகழ்ச்சி, 1-ந் தேதி அம்மனுக்கு குடியழைப்பு பூஜை மற்றும் மாக்காப்பு தீபாராதனை, 2-ந் தேதி காலை 10 மணிக்கு வில்லிசை நிகழ்ச்சி, மதிய கொடை விழா மற்றும் அம்மன் திருவீதி உலா நடக்கிறது.

    அன்று மாலை 6 மணிக்கு மாவிளக்கு, முளைப்பாரியுடன் அம்மனை அழைத்து வருதல், இரவு 12 மணிக்கு சாம கொடை விழா நடக்கிறது. 3-ந் தேதி அம்மனுக்கு பொங்கல் வைத்து மறுபூஜை நடக்கிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • குலசேகரன்பட்டினத்தில் உள்ளது ஞானமூர்த்தீஸ்வரர் உடனுறை முத்தாரம்மன் கோவில்.
    • ஆடி மாத கொடை விழா ஆகஸ்டு 1-ந்தேதி முதல் 3-ந் தேதி வரை நடைபெறுகிறது.

    தூத்துக்குடி மாவட்டம் குலசேகரன்பட்டினம் ஞானமூர்த்தீஸ்வரர் உடனுறை முத்தாரம்மன் கோவில் மிகவும் பிரசித்தி பெற்ற கோவிலாகும். இந்த கோவிலில் ஆண்டுதோறும் புரட்டாசி மாதம் நடைபெறும் தசரா திருவிழா உலகப்புகழ் பெற்ற திருவிழாவாகும். இந்த கோவிலில் ஆடி மாத கொடை விழா வருகிற ஆகஸ்டு 1-ந் தேதி (திங்கட்கிழமை) முதல் 3-ந் தேதி வரை நடைபெறுகிறது.

    இதையொட்டி 1-ந் தேதி இரவு 8 மணிக்கு மாக்காப்பு தீபாராதனை, இரவு 10 மணிக்கு வில்லிசை நிகழ்ச்சி நடைபெறுகிறது. 2-ந்தேதி காலை 7 மணிக்கு சிறப்பு அபிஷேகம் மற்றும் ஆராதனை, 8.30 மணிக்கு சிறப்பு அபிஷேகம், 10 மணிக்கு கும்பம் திருவீதி எழுந்திருத்தல், 11.15 மணிக்கு வில்லிசை நிகழ்ச்சி, நண்பகல் 12 மணிக்கு அன்னதானம் நடக்கிறது.

    மாலை 5 மணிக்கு சிறப்பு அபிஷேக ஆராதனைகள், இரவு 8 மணிக்கு வில்லிசை, 9 மணிக்கு சிறப்பு அபிஷேக அலங்கார தீபாராதனைகள், 11 மணிக்கு கும்பம் திருவீதி எழுந்தருளல் மற்றும் சிறப்பு மகுடம், குறவன்-குறத்தி, கரகாட்டம் நடைபெறுகிறது.

    3-ந்தேதி காலை 9 மணிக்கு சிறப்பு மகுடம், காலை 11 மணிக்கு கும்பம் திருவீதி எழுந்தருளல், 11.30 மணிக்கு வில்லிசை நிகழ்ச்சி, மதியம் 12 மணிக்கு அன்னதானம், மாலை 5 மணிக்கு மஞ்சள் நீராட்டு, இரவு 8.30 மணிக்கு சிறப்பு அபிஷேக ஆராதனைகள் நடைபெறுகிறது.

    ஆடி கொடை விழா ஏற்பாடுகளை இந்து சமய அறநிலையத்துறை உதவி ஆணையரும், தக்காருமான சங்கர், செயல் அலுவலர் இராமசுப்பிரமணியன் ஆகியோர் செய்து உள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பஜனை கோஷ்டியினரின் பஜனையும் பக்தி பாடல் நிகழ்ச்சி நடைபெற்றது.
    • நாராயண சுவாமிக்கு தாமிரபரணி ஆற்றில் தீர்த்தவாரி நடந்தது.

    குரங்கணி முத்துமாலை அம்மன் கோவிலில் ஆனி கொடை விழா கடந்த ஜூன் 28-ந் தேதி கால்நாட்டுடன் தொடங்கியது. ஜூலை 12-ந் தேதி செவ்வாய்க்கிழமை கொடைவிழா அன்று பக்தி சொற்பொழிவு, வில்லிசை, இன்னிசை கச்சேரி, நாதஸ்வர கச்சேரி, பக்தி பாடல் நிகழ்ச்சி, பட்டிமன்றம் நடைபெற்றது.

    நேற்று செவ்வாய் கிழமை 8 ம் நாள் கொடை விழாவில் கோவில் நடை திறக்கப்பட்டு சிறப்பு பூஜைகள், தீபாராதனை நடைபெற்றது. நாதஸ்வர இன்னிசையும் அதை தொடர்ந்து கிளாரினெட் இன்னிசையும், பஜனை கோஷ்டியினரின் பஜனையும் பக்தி பாடல் நிகழ்ச்சியும் நடைபெற்றது. பகல்12 மணி அளவில் கண்ணதாசனும் ஆன்மீகமும் சிறப்பு சொற்பொழிவு நடைபெற்றது.

    மதியம் 1 மணியளவில் நாராயண சுவாமி தாமிரபரணி ஆற்றில் தீர்த்தவாரி (திருமஞ்சனம்) முடித்து பெரிய சப்பரத்தில் எழுந்தருளி வீதி உலா வந்து பக்தர்களுக்கு அருள்பாலித்து கோவிலில் மண்டபத்தை சுற்றி வந்து கோவிலை வந்தடைந்தார். மாலையில் ஆயிரத்து எட்டு குத்துவிளக்கு பூஜையும் இரவு 7 மணிக்கு நட்சத்திர இன்னிசை கச்சேரியும் நடைபெற்றது.

    விழா ஏற்பாடுகளை கோவில் செயல் அலுவலர் இசக்கியப்பன், குரங்கணி 60 பங்கு நாடார்கள், சென்னை வாழ் குரங்கணி நாடார் சங்கத்தினர், கோவை வாழ் குரங்கணி நாடார் சங்கத்தினர் மற்றும் ஊர் பொது மக்கள் செய்து இருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • முளைப்பாரி ஊர்வலமாக வந்து, கடலில் பிரி செலுத்தும் நிகழ்ச்சி நடந்தது.
    • 27-ந்தேதி அதிகாலை 4 மணிக்கு படைப்பு தீபாராதனை நடக்கிறது.

    திருச்செந்தூர் மேலத்தெரு யாதவர் சமுதாயத்திற்கு பாத்தியப்பட்ட மாரியம்மன் கோவில் கொடை விழா நேற்று நடந்தது. இதை முன்னிட்டு கடந்த 17-ந் தேதி மாலையில் கோவில் வளாகத்தில் திருவிளக்கு பூஜை நடந்தது.

    நேற்று அதிகாலை 3 மணிக்கு படைப்பு தீபாராதனை நடந்தது. பகல் 1 மணியளவில் மஞ்சள் நீராட்டு தீபாராதனையும், அம்மன் கும்பம் ஊரில் வலம் வரும் நிகழ்ச்சியும் நடந்தது. மாலையில் நகரில் முளைப்பாரி ஊர்வலமாக வந்து, கடலில் பிரி செலுத்தும் நிகழ்ச்சி நடந்தது.

    சுடலை மாடசுவாமி கோவில் கொடை விழா வருகிற 25-ந் தேதி தொடங்கி 27-ந் தேதி வரை 3 நாட்கள் வெகு விமரிசையாக நடக்கிறது. இதையொட்டி, நேற்று பகல் 11.30 மணியளவில் கோவிலில் திருக்கால் நாட்டு விழா நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர். வருகிற 25-ந் தேதி மாலையில் சுப்பிரமணிய சுவாமி கோவில் சண்முகவிலாசத்தில் இருந்து தீர்த்தம் எடுத்து ஊர்வலமாக ரதவீதி வழியாக கோவிலுக்கு வருகிறது.

    பின்னர் சுவாமிக்கு கும்பம் ஏற்றப்பட்டு, குடியழைப்பு தீபாராதனை நடக்கிறது. 26-ந் தேதி (செவ்வாய்க்கிழமை) அதிகாலை 5.30 மணிக்கு சிறப்பு தீபாராதனை, பகல் 12 மணிக்கு சுவாமிக்கு சிறப்பு அலங்காரமாகி மகா தீபாராதனை, பின்னர் அன்னதானம் நடக்கிறது. இரவு 12 மணிக்கு சிறப்பு அலங்காரமாகி, தீபாராதனை நடக்கிறது. 27-ந் தேதி அதிகாலை 4 மணிக்கு படைப்பு தீபாராதனை நடக்கிறது. விழாவிற்கான ஏற்பாடுகளை மேலத்தெரு யாதவ மகாசபை மற்றும் கொடை விழா கமிட்டியினர் செய்து வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print