நீங்கள் தேடியது "Inbadurai"

நெல்லை:

பணகுடி அருகே உள்ள லெப்பைகுடியிருப்பு பகுதியை சேர்ந்தவர் நாகராஜன். இவருடைய மகன் நிதிஷ், மகள் நிதிஷா பக்கத்து வீட்டைச் சேர்ந்த மணிகண்டன் மகன் கபிஷன் ஆகியோர் சம்பவத்தன்று வீட்டின் எதிரே உள்ள பல நாட்களாக நிறுத்தி வைக்கப்பட்டிருந்த காரில் ஏறி விளையாடினர்.

அப்போது திடீரென காரின் கதவு மூடிக் கொண்டதால் திறக்க முடியாமல் 3 சிறுவர்களும் காரிலேயே மூச்சு திணறி பரிதாபமாக உயிரிழந்தனர். இந்த சம்பவம் அப்பகுதியில் பெரும் சோகத்தை ஏற்படுத்தியது.

இந்நிலையில் லெப்பை குடியிருப்பு கிராமத்திற்கு சென்ற அ.தி.மு.க. சட்ட ஆலோசனைக்குழு உறுப்பினரும் ராதாபுரம் தொகுதி முன்னாள் எம்.எல்.ஏ.வுமான இன்பதுரை, பரிதாபமாக உயிரிழந்த 3 சிறுவர்களின் இல்லங்களுக்கு நேரில் சென்று அவர்களுடைய பெற்றோர்களை சந்தித்து ஆறுதல் கூறினார். மேலும் அவர்களின் குடும்பங்களுக்கு நிதி உதவியும் வழங்கினார்.

இந்நிகழ்ச்சியில் அ.தி.மு.க. ஒன்றிய செயலாளர்கள் அழகானந்தம், செல்வராஜ், அந்தோணி அமலராஜா, மாவட்ட தகவல் தொழில் நுட்ப பிரிவு செயலாளர் அருண்குமார், மாவட்ட இணைசெயலாளர் ஞானபுனிதா, மாவட்ட இளைஞரணி துணை செயலாளர் சந்திரமோகன், வள்ளியூர் பேரூர் துணை செயலாளர் கருப்பசாமி, பணகுடி பேரூர் துணை செயலாளர் ஜெகன், தகவல் தொழில்நுட்ப பிரிவு நிர்வாகிகள் தீபக், ரஸ்வின், விவேக், லெப்பை குடியிருப்பு கிளை செயலாளர் செந்தில்குமார் உள்பட பலர் கலந்து கொண்டனர்.

சென்னை:

தமிழக சட்டசபையில் ராதாபுரம் தொகுதி இன்பதுரை எம்.எல்.ஏ. பேசியதாவது:-

60 லட்சம் குடும்பங்களுக்கு ரூ.2000 தருகின்ற திட்டம் அறிவிக்கப்பட்டுள்ளது. ஏழைகளைப் பற்றி இறங்கிப் பார்க்கின்ற அரசு. ஏழைகளுக்கு இறங்குகின்ற அரசு. அடுக்கடுக்காய் பல திட்டங்களை இந்த அரசு அறிவித்துக் கொண்டிருக்கிறது. .

தேசிய தனிநபர் வருமானம் 1,13,000 ஆகும். இந்திய தனிநபர் வருமானத்தை விட தமிழ்நாட்டினுடைய தனிநபர் வருமானம் ரூ.30 ஆயிரம் அதிகமாக இருக்கிறது. இந்தியாவிற்கு வழி காட்டும் விதமாக இந்த நிதிநிலை அறிக்கை அமைந்திருக்கிறது.

அரும்பு தோற்கிற சிரிப்பு, கரும்பு தோற்கிற இனிமை, எறும்பு தோற்கிற சுறுசுறுப்பு, இரும்பு தோற்கிற மன உறுதியைக் கொண்டவர் நம்முடைய முதல்- அமைச்சர். அவர் ஒரு உத்தரவைப் போட்டார். தமிழ் நாட்டில் பிளாஸ்டிக் உபயோகப்படுத்துவதற்கு தடை வந்தது.

புரட்சித் தலைவருக்கு ஒரு சத்துணவு திட்டம் எவ்வாறு பெயர் பெற்றுத் தந்ததோ, புரட்சித்தலைவிக்கு தொட்டில் குழந்தை திட்டம் எப்படி இருக்கின்றதோ, அதுபோல் நெகிழி இல்லாத தமிழகத்தை நம்முடைய முதல்-அமைச்சர் உருவாக்கியிருக்கிறார். எனவே அவருடைய பெயர் வரலாற்றில் நிலைத்து இருக்கும் என்பதை நான் இங்கு நெகிழ்ச்சியோடு தெரிவித்துக் கொள்ள விரும்புகிறேன்.

இவ்வாறு அவர் பேசினார். #EdappadiPalaniswami #ADMK