என் மலர்
நீங்கள் தேடியது "Australian fans"
- இந்தியாவுக்கு எதிரான டெஸ்ட் தொடரின் போது பிராட்மேன் இதை அணிந்திருந்தார்.
- கடந்த 70 ஆண்டுகளுக்கும் மேலாக இந்தத் தொப்பியை மூன்று தலைமுறைகளாகப் பத்திரமாகப் பாதுகாத்து வந்தனர்.
மறைந்த ஆஸ்திரேலிய கிரிக்கெட் ஜாம்பவான் டான் பிராட்மேன் பயன்படுத்திய புகழ்பெற்ற தொப்பி, ஏலத்தில் சாதனை விலைக்கு விற்பனையாகியுள்ளது.
ஆஸ்திரேலியாவின் கோல்ட் கோஸ்ட் பகுதியில் நேற்று (திங்கள்கிழமை) நடைபெற்ற ஏலத்தில், இந்தத் தொப்பி 4,60,000 ஆஸ்திரேலிய டாலர்களுக்கு (இந்திய மதிப்பில் சுமார் ரூ. 4.2 கோடி) விற்பனையானது.
இந்தத் Baggy Green தொப்பிக்கு ஒரு சிறப்பு வரலாறு உண்டு. 1947-48இல் இந்தியாவுக்கு எதிரான டெஸ்ட் தொடரின் போது பிராட்மேன் இதை அணிந்திருந்தார்.
பின்னர் இதை இந்திய கிரிக்கெட் வீரர் ஸ்ரீரங்க வாசுதேவ் சோஹோனிக்கு பிராட்மேன் பரிசாக வழங்கினார்.
சோஹோனி குடும்பத்தினர் கடந்த 70 ஆண்டுகளுக்கும் மேலாக இந்தத் தொப்பியை மூன்று தலைமுறைகளாகப் பத்திரமாகப் பாதுகாத்து வந்தனர்.
தொப்பியின் உட்புறத்தில் பிராட்மேன் மற்றும் சோஹோனியின் பெயர்கள் கையெழுத்திடப்பட்டுள்ளன.
70 ஆண்டுகளைக் கடந்து தற்போது இந்த தொப்பி சாதனை விலைக்கு விற்பனை ஆகியுள்ளது.
- இளம் வீரரை சீண்டிய விராட் கோலியை ஆஸ்திரேலிய ரசிகர்கள் கலாய்த்தனர்.
- விராட் பீல்டிங் செய்து கொண்டிருந்த போது ரசிகர்கள் அவரை தொடர்ந்து கலாய்த்து கொண்டே இருந்தனர்.
மெல்போர்ன்:
ஆஸ்திரேலியா - இந்தியா இடையிலான பார்டர் - கவாஸ்கர் கோப்பை தொடரின் 4-வது போட்டி இன்று தொடங்கியது. இதில் டாஸ் வென்று முதலில் பேட்டிங் செய்த ஆஸ்திரேலியா முதல் நாள் முடிவில் 6 விக்கெட்டுகளை இழந்து 311 ரன்கள் எடுத்துள்ளது.
முன்னதாக இந்த போட்டியில் ஆஸ்திரேலிய அணியில் அறிமுகமான சாம் கான்ஸ்டாஸ்- விராட் கோலி நேருக்கு நேராக இடித்துக் கொண்டார்கள். இதனால் அவர்களுக்குள் வாக்குவாதம் எழுந்தது. உடனடியாக அருகில் இருந்த உஸ்மான் கவாஜா மற்றும் நடுவர்கள் உள்ளே புகுந்து நிறுத்தினார்கள்.
இந்நிலையில் இளம் வீரரை சீண்டிய விராட் கோலியை ஆஸ்திரேலிய ரசிகர்கள் கலாய்த்தனர். விராட் பீல்டிங் செய்து கொண்டிருந்த போது ரசிகர்கள் அவரை தொடர்ந்து கலாய்த்து கொண்டே இருந்தனர். இதற்கு பதிலடி கொடுக்கும் விதமாக விராட் கோலி, அவர் சாப்பிட்டு கொண்டிருந்த சூயிங்கமத்தை ரசிகர்களை பார்த்து துப்பினார்.
இந்த வீடியோவுக்கு இந்திய ரசிகர் ஒருவர் தீம் மியூசிக் வைத்து எடிட்டி செய்து சமூக வலைதளங்களில் பதிவிட்டுள்ளனர். இது தொடர்பான வீடியோ வைரலாகி வருகிறது. இதனை ரசிகர்கள் கொண்டாடி வருகின்றனர்.
இதேபோல இன்று இந்திய அணி பேட்டிங் செய்த நிலையில் விராட் கோலி 36 ரன்னில் அவுட் ஆகி வெளியேறினார். அப்போதும் ரசிகர்கள் கலாய்த்தனர். இதனால் கோபமடைந்த விராட் திரும்பி வந்து ரசிகர்களை பார்த்து முறைத்து கொண்டார். இந்த வீடியோவும் வைரலாகி வருகிறது.
