கடலூர்

ஸ்ரீமுஷ்ணம்:

கடலூர் மாவட்டம் ஸ்ரீமுஷ்ணம் பூவராகசுவாமி கோவிலில் தே.மு.தி.க. பொருளாளர் பிரேமலதா விஜயகாந்த், அவரது மகன் விஜயபிரபாகரன் ஆகியோர் வந்து சாமி தரிசனம் செய்தனர்.

பின்னர் பிரேமலதா விஜயகாந்த் நிருபர்களுக்கு பேட்டி அளித்தார். அப்போது அவர் கூறியதாவது:-

மத்திய அரசு பெட்ரோல், டீசல், கியாஸ் சிலிண்டர் விலை உயர்த்தி வருவதை கண்டித்து ஆர்ப்பாட்டம் நடத்தினோம். தொடர்ந்து விலை உயர்த்தி வருவது கண்டிக்கத்தக்கது. நடுத்தர, ஏழை மக்கள் பயன்படுத்தும் அனைத்து பொருட்களின் விலை கடுமையாக உயர்ந்துள்ளது. கட்டுமான பொருட்களின் விலை 40 சதவீதம் அளவிற்கு உயர்ந்துள்ளது.

மத்திய, மாநில அரசுகள் விலைவாசி உயர்வு பிரச்சனைக்கு தீர்வு காணவேண்டும். நகர்ப்புற உள்ளாட்சி தேர்தலில் தே.மு.தி.க., நிலைப்பாடு குறித்து அந்த நேரத்தில் முடிவு எடுக்கப்படும். தி.மு.க. அரசும் தற்போது வரை நடுநிலையாக செயல்படுகிறது.

இவ்வாறு அவர் கூறினார்.

பண்ருட்டி:

கடலூர் மாவட்டம் பண்ருட்டி மேல்காங்கேயன்குப்பத்தை சேர்ந்தவர் சிவலிங்கம் இவரது மனைவி மாதவி (வயது 36). இவர்களுக்கு திருமணமாகி 15 ஆண்டுகள் ஆகிறது.

சிவலிங்கத்தின் தாயார் பார்வதி, சகோதரிகள் வைரம், வாசுகி, மாமா ராஜகோபால் ஆகியோர் மாதவியிடம் அடிக்கடி நகை-பணம் கேட்டு தொந்தரவு செய்தனர். இது சம்பந்தமாக ஊர் முக்கிய பிரமுகர்கள் முன்னிலையில் பஞ்சாயத்து செய்து சமாதானப்படுத்தினர்.

இந்த நிலையில் நேற்று பகல் 12 மணியளவில் முத்தாண்டிகுப்பத்தில் நடைபெற்ற நிச்சயதார்த்த விழாவுக்கு சிவலிங்கம் மட்டும் தனியாக வந்துள்ளார். அப்போது சிவலிங்கம் பதட்டத்துடன் காணப்பட்டார். இந்த நிகழ்ச்சிக்கு மாதவியின் தந்தை குப்புசாமியும் வந்திருந்தார். அப்போது தனது மகளை அழைத்து வராமல் மருமகன் மட்டும் தனியாக இங்கு வந்து செல்கிறார்? என்று குப்புசாமி குழப்பத்தில் இருந்தார்.

இந்த நேரத்தில் மாதவியின் தந்தை குப்புசாமிக்கு ஒரு போன் வந்தது. அதில் 12 மணி அளவில் உங்களது மகள் மாதவி இறந்து விட்டார் என்ற தகவல் கூறினர். இதை கேட்டு குப்புசாமி அதிர்ச்சி அடைந்தார். உடனே அவர் மேல்காங்கேயன் குப்பத்துக்கு விரைந்து சென்றார். அங்கு பிணமாக கிடந்த தனது மகளின் உடலை பார்த்து கதறி அழுதார்.

இது குறித்து முத்தாண்டிக்குப்பம் போலீசில் குப்புசாமி புகார் செய்தார். அதில் தனது மகள் மாதவி கழுத்தில் காயத்துடன் இறந்து கிடந்ததாகவும், தனது மகளை அடித்து கொலை செய்து இருக்கலாம்? என சந்தேகிப்பதாகவும், மகளின் சாவுக்கு காரணமானவர்கள் மீது உரிய நடவடிக்கை எடுக்கவேண்டும் என்று கூறியிருந்தார்.

அதன் பேரில் போலீஸ் இன்ஸ்பெக்டர் ராஜதாமரை பாண்டியன் சம்பவ இடத்துக்கு விரைந்து சென்று மாதவியின் உடலை கைப்பற்றி பிரேத பரிசோதனைக்காக பண்ருட்டி அரசு ஆஸ்பத்திரிக்கு அனுப்பிவைத்தார். மேலும் இதுகுறித்து வழக்குபதிவு செய்து போலீசார் தீவிர விசாரணை நடத்தி வருகின்றனர்.

இந்த சம்பவம் அந்த பகுதியில் பரபரப்பை ஏற்படுத்தி உள்ளது.

குறிஞ்சிப்பாடி:

கடலூர் மாவட்டம் குள்ளஞ்சாவடி அருகே உள்ள கருமாச்சிபாளையத்தை சேர்ந்தவர் தயாளன் (வயது 53). இவர் குள்ளஞ்சாவடி கடைவீதியில் மளிகை கடை வைத்து நடத்தி வருகிறார். சம்பவத்தன்று கடையில் இருந்த தயாளன், திடீரென கடையை பூட்டாமல் அருகில் இருந்த வீட்டுக்கு சென்றார். பின்னர் திரும்பி வந்து பார்த்த போது கடையில் இருந்து குளிர்பான பாட்டில்கள் மற்றும் பிஸ்கெட் பாக்கெட்டுகளின் எண்ணிக்கை குறைந்திருந்தது. இதனால் திடுக்கிட்ட அவர் கடையில் இருந்த கண்காணிப்பு கேமராவில் பதிவான காட்சிகளை பார்வையிட்டார்.

அப்போது பக்கத்து கிராமமான சின்னதானங்குப்பத்தை சேர்ந்த ராமதாஸ் மகன் மணி, பெரிய காட்டுசாகையை சேர்ந்த வேலு மகன் வீரமணி, குமார் மகன் தினேஷ், சேடப்பாளையத்தை சேர்ந்த கிருஷ்ணமூர்த்தி மகன் விஜயகுமார்(26) ஆகியோர் தயாளன் கடையில் இருந்து வெளியே சென்ற நேரத்தில் கடைக்குள் புகுந்து குளிர்பானங்கள் மற்றும் பிஸ்கெட் பாக்கெட்டுகளை திருடிச்சென்றது பதிவாகி இருந்தது.

இதை கண்டு திடுக்கிட்ட தயாளன், உடனே குள்ளஞ்சாவடி போலீஸ் நிலையத்தில் புகார் கொடுத்தார். அதன் பேரில் போலீசார், மணி உள்ளிட்ட 4 பேரையும் பிடித்து விசாரணை நடத்தினர்.

விசாரணையில் மணி, வீரமணி உள்ளிட்ட 4 பேரும் மதுவில் கலந்து குடிப்பதற்காகவும், மது அருந்தும் போது சாப்பிடுவதற்காகவும் குளிர்பானங்கள் மற்றும் தின்பண்டங்களை, தயாளனின் மளிகை கடைக்குள் புகுந்து திருடிச் சென்றது தெரியவந்தது. இதையடுத்து போலீசார் வழக்குப்பதிவு செய்து மணி, வீரமணி, தினேஷ், விஜயகுமார் ஆகியோரை கைது செய்தனர்.

சிதம்பரம்:

கொரோனா தொற்று பரவல் குறைய தொடங்கியதையடுத்து ஊரடங்கு உத்தரவில் பல்வேறு தளர்வுகளை அரசு அறிவித்துள்ளது. இதைத் தொடர்ந்து கடந்த சில தினங்களுக்கு முன்பு 9-ம் வகுப்பு முதல் 12-ம் வகுப்பு வரை படிக்கும் மாணவ- மாணவிகளுக்கு பள்ளிகள் திறக்கப்பட்டது.

கடலூர் மாவட்டம் சிதம்பரம் நந்தனார் அரசு ஆண்கள் பள்ளியில் படிக்கும் பிளஸ்-2 மாணவர்கள் சிலர் வகுப்புகளுக்கு சரியாக செல்லாமல் வெளியே சுற்றுவதாக புகார் வந்தன.

இதைத்தொடர்ந்து மாணவர்களை பள்ளி ஆசிரியர்கள் கண்காணித்தனர். அப்போது அந்த பள்ளியில் பிளஸ்-2 படிக்கும் அம்மாபேட்டையை சேர்ந்த சஞ்சய் (வயது 17), அஜய்குமார், நெக்டா பாலன், சுசீந்திரன், சூர்யா, சந்துரு ஆகிய மாணவர்கள் ஒருசில வகுப்புகளை புறக்கணித்து வெளியே சுற்றுவது தெரிய வந்தது. இதையடுத்து அந்த மாணவர்களை பள்ளி இயற்பியல் ஆசிரியர் சுப்பிரமணியன் (55) நேற்று முன்தினம் அழைத்து கண்டித்தார்.


இதுகுறித்து சிதம்பரம் நகர போலீசில் மாணவன் சஞ்சய் கொடுத்த புகாரின் பேரில் போலீசார் 294(பி), 323, 324, பொது இடத்தில் திட்டுதல், வன்மமாக பேசுதல், 18 வயதுக்கு கீழ் உள்ள மாணவனை தாக்குதல், எஸ்.சி.எஸ்.டி. பிரிவின் கீழ் ஆகிய வழக்குகள் உள்பட மொத்தம் 6 பிரிவுகளின் கீழ் வழக்குபதிவு செய்து ஆசிரியர் சுப்பிரமணியனை போலீசார் கைது செய்தனர்.

பின்னர் அவரை நீதிமன்றத்தில் ஆஜர் படுத்தி சிதம்பரம் கிளைசிறையில் அடைத்தனர். மாணவர்களை ஆசிரியர் தாக்கிய வீடியோ சமூக வலைதளங்களில் வைரலானதை தொடர்ந்து ஆசிரியர் சுப்பிரமணியனை சஸ்பெண்டு செய்து மாவட்ட கல்வி நிர்வாகம் உத்தரவிட்டுள்ளது.

இந்த சம்பவம் தொடர்பாக உரிய விசாரணை நடத்தி அறிக்கை சமர்ப்பிக்குமாறு அதிகாரிகளுக்கு கலெக்டர் பாலசுப்பிரமணியம் உத்தரவிட்டார்.

சிதம்பரம்:

கொரோனா தொற்று பரவல் குறைய தொடங்கியதையடுத்து ஊரடங்கு உத்தரவில் பல்வேறு தளர்வுகளை அரசு அறிவித்துள்ளது. இதைத் தொடர்ந்து கடந்த சில தினங்களுக்கு முன்பு 9-ம் வகுப்பு முதல் 12-ம் வகுப்பு வரை படிக்கும் மாணவ- மாணவிகளுக்கு பள்ளிகள் திறக்கப்பட்டது.

கடலூர் மாவட்டம் சிதம்பரம் நந்தனார் அரசு ஆண்கள் பள்ளியில் படிக்கும் பிளஸ்-2 மாணவர்கள் சிலர் வகுப்புகளுக்கு சரியாக செல்லாமல் வெளியே சுற்றுவதாக புகார் வந்தன.

இதைத்தொடர்ந்து மாணவர்களை பள்ளி ஆசிரியர்கள் கண்காணித்தனர். அப்போது அந்த பள்ளியில் பிளஸ்-2 படிக்கும் அம்மாபேட்டையை சேர்ந்த சஞ்சய் (வயது 17), அஜய்குமார், நெக்டாபாலன், சுசீந்திரன், சூர்யா, சந்துரு ஆகிய மாணவர்கள் ஒருசில வகுப்புகளை புறக்கணித்து வெளியே சுற்றுவது தெரிய வந்தது. இதையடுத்து அந்த மாணவர்களை பள்ளி இயற்பியல் ஆசிரியர் சுப்பிரமணியன் (55) அழைத்து கண்டித்தார்.

இதையடுத்து அந்த மாணவர்களை ஆசிரியர் சுப்பிரமணியன் முட்டிபோட வைத்தும், பிரம்பால் அடித்து உதைத்தார். இதனை வகுப்பில் இருந்த மாணவர்கள் செல்போன் மூலம் வீடியோ எடுத்தனர். அந்த காட்சிகளை சமூக வலைதளங்களில் பதிவிட்டனர். இந்த வீடியோ வைரலாக பரவியது. இதைபார்த்த மாணவர்கள் மற்றும் ஆசிரியர்கள் அதிர்ச்சியடைந்தனர்.

இதுகுறித்து சிதம்பரம் நகர போலீசில் மாணவன் சஞ்சய் கொடுத்த புகாரின்பேரில் போலீசார் 6 பிரிவுகளின் கீழ் வழக்குபதிவு செய்து ஆசிரியர் சுப்பிரமணியனை கைது செய்தனர்.

பின்னர் அவரை நீதிமன்றத்தில் ஆஜர்படுத்தி சிதம்பரம் கிளை சிறையில் அடைத்தனர். மாணவர்களை ஆசிரியர் தாக்கிய வீடியோ சமூக வலைதளங்களில் வைரலானதை தொடர்ந்து ஆசிரியர் சுப்பிரமணியனை சஸ்பெண்டு செய்து மாவட்ட கல்வி நிர்வாகம் உத்தரவிட்டுள்ளது.

இந்த சம்பவம் தொடர்பாக உரிய விசாரணை நடத்தி அறிக்கை சமர்ப்பிக்குமாறு அதிகாரிகளுக்கு கலெக்டர் பாலசுப்பிரமணியம் உத்தரவிட்டார்.

இந்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது.

கடலூர்:

நெல்லிக்குப்பம் மேல்பாதி அருந்ததியர் நகரை சேர்ந்தவர் குப்பாராவ் மகன் வீரக்குமார் (வயது 34). என்ஜினீயர். இவரும் பண்ருட்டி மேல்கவரப்பட்டு இமயவர்மன் மகள் இந்துமதி (26) என்பவரும் கடந்த 2014-ம் ஆண்டு பெற்றோர் எதிர்ப்பை மீறி காதலித்து திருமணம் செய்து கொண்டனர். இந்துமதி தடகள வீராங்கனை மற்றும் முதுகலை பட்டதாரியாக இருந்தார். திருமணத்திற்கு பிறகு இருவரும் கடலூர் மஞ்சக்குப்பம் ஆல்பேட்டை கன்னிக்கோவில் தெருவில் வீடு ஒன்றை வாடகைக்கு எடுத்து தனிக்குடித்தனம் நடத்தினர். இதற்கிடையில் இந்துமதி 5 மாத கர்ப்பமானார். இதை அறிந்ததும் இந்துமதி பெற்றோர் தம்பதியிடம் பேச ஆரம்பித்தனர். பின்னர் வளைகாப்பு நிகழ்ச்சியும் நடத்தினர். அப்போது இந்துமதி பெற்றோர், வீட்டுக்கு தேவையான சீர்வரிசைப்பொருட்கள், நகை ஆகியவற்றையும் வழங்கினர்.

அதையடுத்து அவர்களுக்கு ஒரு ஆண் குழந்தை பிறந்தது. சில ஆண்டுகளுக்கு பிறகு ஒரு பெண் குழந்தை பிறந்தது. அதன்பிறகு வீரக்குமார் மனைவியிடம் தனியாக காய்கறி கடை வைக்க ரூ.3 லட்சம் கேட்டு தொந்தரவு செய்ய ஆரம்பித்தார். இதனால் அவர்களுக்கு இடையே அடிக்கடி தகராறு ஏற்பட்டு வந்தது. அதேபோல் கடந்த 31.7.2018 அன்று வீரக்குமார் மனைவியிடம் வரதட்சணை கேட்டு கொடுமைப்படுத்தினார். இதை அன்று இரவு இந்துமதி தனது தாய் ஜெயபாரதியிடம் செல்போனில் தெரிவித்துவிட்டு வீட்டில் தூக்குப்போட்டு தற்கொலை செய்து கொண்டார். இது பற்றி ஜெயபாரதி கடலூர் புதுநகர் போலீசில் புகார் செய்தார். அதன்பேரில் போலீசார் வழக்குப்பதிவு வீரக்குமாரை கைது செய்தனர்.

இந்த வழக்கு கடலூர் மகளிர் கோர்ட்டில் நடந்து வந்தது. இவ்வழக்கில் அனைத்து விசாரணைகளும் முடிவடைந்த நிலையில் நீதிபதி பாலகிருஷ்ணன் நேற்று தீர்ப்பு கூறினார். அவர் தனது தீர்ப்பில், இவ்வழக்கில் வீரக்குமார் மீதான குற்றம் நிரூபிக்கப்பட்டதால், அவருக்கு 7 ஆண்டு சிறை தண்டனையும், ரூ.60 ஆயிரம் அபராதமும் விதித்து தீர்ப்பு கூறினார். இவ்வழக்கில் அரசு தரப்பில் வக்கீல் செல்வப்பிரியா ஆஜரானார்.

பெண்ணாடம்:

பெண்ணாடம் அருகே அரியராவி கிராமத்தில் தமிழ்நாடு நுகர்பொருள் வாணிப கழகம் சார்பில் நேரடி நெல் கொள்முதல் நிலையம் கடந்த 2 மாதத்திற்கு முன்பு அமைக்கப்பட்டது. இங்கு அரியராவி மற்றும் அதனை சுற்றியுள்ள பகுதிகளை சேர்ந்த விவசாயிகள், தங்களது விளைநிலங்களில் அறுவடை செய்த நெல்லை, கொண்டு வந்து விற்பனை செய்து விட்டு செல்கின்றனர்.

அந்த வகையில் நுகர்பொருள் வாணிபக் கழகத்தின் மூலம் அரசு சார்பில் கடந்த சில நாட்களுக்கு முன்பு விவசாயிகளிடம் இருந்து சுமார் 10 ஆயிரம் நெல் மூட்டைகள் கொள்முதல் செய்யப்பட்டது.

பின்னர் கொள்முதல் செய்யப்பட்ட நெல் மூட்டைகள் கொள்முதல் நிலையத்திலேயே அடுக்கி வைக்கப்பட்டிருந்தது. இதில் பெரும்பாலான மூட்டைகள் தார்பாய் போட்டு மூடாமல், திறந்த வெளியிலேயே வைக்கப்பட்டிருந்தது. இந்நிலையில் கடலூர் மாவட்டத்தில் கடந்த சில நாட்களாக தொடர்ந்து கனமழை பெய்து வருகிறது. இருப்பினும், அரியராவி நேரடி கொள்முதல் நிலையத்தில் இருந்த நெல் மூட்டைகளை பாதுகாப்பாக வைக்க அதிகாரிகள் எவ்வித நடவடிக்கையும் எடுக்கவில்லை.

இதனால் அங்கிருந்த சுமார் 300-க்கும் மேற்பட்ட நெல் மூட்டைகள் மழையில் நனைந்து வீணானது. இதற்கிடையே தற்போது மூட்டைகளில் இருந்த நெல் அனைத்தும் முளைக்க தொடங்கி உள்ளது. இதனால் அந்த நெல் மூட்டைகளை பயன்படுத்த முடியாத நிலை ஏற்பட்டுள்ளது. மூட்டைகளில் இருந்தே நெல் முளைத்து வீணானதை கண்ட விவசாயிகள் கவலை அடைந்துள்ளனர். இதுகுறித்து விவசாயிகள் கூறுகையில், நாங்கள் 3 மாதம் இரவு-பகலாக கஷ்டப்பட்டு விளைவித்து அறுவடை செய்த நெல் அதிகாரிகள் அலட்சியம் காரணமாக தங்கள் கண் முன்னே முளைத்து வீணாகி வருவது வேதனையாக உள்ளது. அதனால் இனியாவது விவசாயிகளிடம் இருந்து கொள்முதல் செய்யும் நெல் மூட்டைகளை பாதுகாப்பாக வைக்க அரசு நடவடிக்கை எடுக்க வேண்டும் என்றனர்.