என் மலர்
கார்
ஹோண்டா கார் இந்தியா நிறுவனம் தனது புதிய டபுள்யூ.ஆர்.வி. ஃபேஸ்லிஃப்ட் கார் மாடலுக்கான முன்பதிவுகளை துவங்கி இருக்கிறது.
ஹோண்டா கார் இந்தியா நிறுவனம் புதிய டபுள்யூ.ஆர்.வி. ஃபேஸ்லிஃப்ட் காருக்கான முன்பதிவுகளை துவங்கி இருக்கிறது. புதிய காருக்கான முன்பதிவு கட்டணம் ரூ. 21,000 என நிர்ணயம் செய்யப்பட்டுள்ளது.
2017 ஆம் ஆண்டு அறிமுகம் செய்யப்பட்ட ஹோண்டா டபுள்யூ.ஆர்.வி. முதல் முறையாக அப்டேட் செய்யப்படுகிறது. மேலும் புதிய காரில் பி.எஸ். 6 ரக பெட்ரோல் மற்றும் டீசல் என்ஜின் ஆப்ஷன்கள் வழங்கப்படுகின்றன. புதிய ஹோண்டா டபுள்யூ.ஆர்.வி. மாடலில் முன்புறம் மேம்பட்ட பம்ப்பர், ஃபாக் லேம்ப் ஹவுசிங், சில்வர் ஸ்கிட் பிளேட் உள்ளிட்டவை வழங்கப்படுகிறது.
முன்புற கிரில் மேம்படுத்தப்பட்டு புதிய வடிவமைப்பு பார்க்க ஹனிகொம்ப் மெஷ் போன்று காட்சியளிக்கிறது. இதன் ஹெட்லேம்ப்களில் எவ்வித மாற்றமும் செய்யப்படவில்லை. எனினும், புதிதாக எல்.இ.டி. ப்ரோஜெக்டர் லேம்ப்கள் வழங்கப்படுகின்றன. இத்துடன் டி.ஆர்.எல்.களும் வழங்கப்பட்டுள்ளன.
காரின் பின்புற மாற்றங்கள் பற்றி இதுவரை எவ்வித தகவலும் இல்லை. எனினும், எல்.இ.டி. டெயில் லேம்ப்கள் வழங்கப்படலாம் என தெரிகிறது. இத்துடன் ஹோண்டா டபுள்யூ.ஆர்.வி. ஃபேஸ்லிஃப்ட் காரில் புதிய அலாய் வீல்களும் வழங்கப்படலாம்.
பி.எம்.டபுள்யூ. நிறுவனத்தின் 2020 எக்ஸ்1 கார் இந்திய சந்தையில் அறிமுகம் செய்யப்பட்டது. இதன் முழு விவரங்களை பார்ப்போம்.
ஜெர்மனி நாட்டு ஆடம்பர கார் தயாரிப்பு நிறுவனமான பி.எம்.டபுள்யூ. இந்தியாவில் 2020 எக்ஸ்1 எஸ்.யு.வி. மாடலை அறிமுகம் செய்துள்ளது. புதிய என்ட்ரி லெவல் எஸ்.யு.வி. மாடலின் துவக்க விலை ரூ. 35.90 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.
புதிய பி.எம்.டபுள்யூ. எக்ஸ்1 மாடல்: ஸ்போர்ட் எக்ஸ், எக்ஸ்லைன் மற்றும் எம் ஸ்போர்ட் என மூன்று வேரியண்ட்களில் கிடைக்கிறது. டாப் எண்ட் மாடலான பி.எம்.டபுள்யூ. எக்ஸ் 1 ஸ்போர்ட் மாடல் விலை ரூ. 42.90 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.
இதன் எக்ஸ் லைன் வேரியண்ட் பெட்ரோல் மற்றும் டீசல் என்ஜின் ஆப்ஷன்களில் கிடைக்கிறது. என்ட்ரி லெவல் ஸ்போர்ட் எக்ஸ் மாடல் பெட்ரோல் என்ஜின் மற்றும் டாப் எண்ட் ஸ்போர்ட் எக்ஸ் மாடல் டீசல் என்ஜின் ஆப்ஷனில் மட்டுமே கிடைக்கிறது.
அதன்படி பி.எம்.டபுள்யூ. எக்ஸ்1 மாடலில் பி.எஸ். 6 ரக 2.0 லிட்டர் பெட்ரோல் மற்றும் டீசல் என்ஜின்களில் கிடைக்கிறது. மேம்பட்ட 2.0 லிட்டர் நான்கு சிலிண்டர் பெட்ரோல் என்ஜின் 192 பி.ஹெச்.பி. @6000 ஆர்.பி.எம்., 280 என்.எம். டார்க் @ 1350 - 4600 ஆர்.பி.எம். செயல்திறன் வழங்குகிறது.
இதன் டீசல் யூனிட் 2.0 லிட்டர் 4 சிலிண்டர் என்ஜின் வழங்கப்படுகிறது. இந்த என்ஜின் 190 பி.ஹெச்.பி. @4000 ஆர்.பி.எம்., 400 என்.எம். டார்க் @ 1700-2500 ஆர்.பி.எம். செயல்திறன் வழங்குகிறது. இதன் பெட்ரோல் என்ஜின் 7 ஸ்பீடு ஸ்டெப்டிரானிக் ஸ்போர்ட் ஆட்டோமேடிக் டிரான்ஸ்மிஷன் யூனிட் கொண்டிருக்கிறது. டீசல் என்ஜின் 8 ஸ்பீடு ஸ்டெப்டிரானிக் ஸ்போர்ட் டிரான்ஸ்மிஷன் கொண்டிருக்கிறது.
புதிய பி.எம்.டபுள்யூ. எக்ஸ்1 மாடல்: ஆல்பைன் வைட், பிளாக், பிளாக் சஃபையர், கிளேசியர் வைட், மினரல் வைட், மினரல் கிரே, ஸ்பார்க்ளிங் பிரவுன், ஸ்பார்க்ளிங் ஸ்டாம், மெடிட்டரேனியன் புளூ, சன்செட் ஆரஞ்சு, ஜூகாரோ பெய்க் மற்றும் ஸ்டாம் பே மெட்டாலிக் என 12 நிறங்களில் கிடைக்கிறது.
மாருதி சுசுகி நிறுவனத்தின் புதிய பி.எஸ்.6 காரை வாங்க 20 நாட்களில் சுமார் 10 ஆயிரம் பேர் முன்பதிவு செய்துள்ளனர்.
மாருதி சுசுகி நிறுவனத்தின் பி.எஸ். 6 விட்டாரா பிரெஸ்ஸா காரினை வாங்க 20 நாட்களில் சுமார் 10 ஆயிரம் பேர் முன்பதிவு செய்து இருப்பதாக அந்நிறுவனம் தெரிவித்துள்ளது. முன்னதாக இந்தியாவில் நடைபெற்ற ஆட்டோ எக்ஸ்போ நிகழ்வில் இந்த எஸ்.யு.வி. மாடல் அறிமுகம் செய்யப்பட்டது குறிப்பிடத்தக்கது.
புதிய விட்டாரா பிரெஸ்ஸா பார்க்க பி.எஸ்.4 மாடலை போன்றே காட்சியளிக்கிறது. எனினும், புதிய காரில் எல்.இ.டி. லைட்டிங், புதிய வடிவமைப்பு கொண்ட பம்ப்பர்கள், புதிய அலாய் வீல்கள், லெதர் ராப் செய்யப்பட்ட ஸ்டீரிங் வீல், புதிய தொடுதிரை வசதி கொண்ட இன்ஃபோடெயின்மென்ட் சிஸ்டம் மற்றும் புதிய நிறங்களில் கிடைக்கிறது.
புதிய விட்டாரா பிரெஸ்ஸா மாடலில் பி.எஸ்.6 ரக பெட்ரோல் என்ஜின் வழங்கப்பட்டுள்ளது. இது 1.5 லிட்டர் K சீரிஸ் யூனிட் ஆகும். இதே என்ஜின் சியாஸ் மற்றும் எர்டிகா மாடல்களிலும் வழங்கப்பட்டுள்ளது. இந்த என்ஜின் 104 பி.ஹெச்.பி. பவர், 138 என்.எம். டார்க் செயல்திறன் வழங்குகிறது.
இத்துடன் 5 ஸ்பீடு மேனுவல் அல்லது 4 ஸ்பீடு டார்க் கன்வெர்ட்டர் ஆட்டோமேடிக் டிரான்ஸ்மிஷன் டாப் எண்ட் மாடல்களில் ஆப்ஷனாக வழங்கப்படுகிறது. புதிய பெட்ரோல் என்ஜின் தவிர மாருதி விட்டாரா பிரெஸ்ஸா மாடலில் சில மாற்றங்கள் செய்யப்பட்டுள்ளன.
காரின் உள்புறம் ஸ்டீரிங் வீல் லெதர் ஸ்டிராப் செய்யப்பட்டு, ஆட்டோ டிம்மிங் IRVMகள், ஸ்மார்ட் பிளே ஸ்டூடியோ இன்ஃபோடெயின்மென்ட் சிஸ்டம், ஆப்பிள் கார்பிளே மற்றும் ஆண்ட்ராய்டு ஆட்டோ கனெக்டிவி்ட்டி கொண்டிருக்கிறது.
ஜீப் நிறுவனம் இந்திய சந்தையில் ராங்ளர் ரூபிகான் எஸ்.யு.வி. காரினை அறிமுகம் செய்துள்ளது. இதன் விலை மற்றும் முழு விவரங்களை பார்ப்போம்.
ஜீப் நிறுவனம் இந்தியாவில் புதிய ராங்ளர் ரூபிகான் எஸ்.யு.வி. மாடலினை அறிமுகம் செய்துள்ளது. புதிய ஜீப் ராங்ளர் ரூபிகான் மாடலின் துவக்க விலை ரூ. 64.98 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.
ஜீப் ராங்ளர் ரூபிகான் எஸ்.யு.வி. மாடலுக்கான முன்பதிவுகள் அமோகமாக நடைபெற்று வருவதாக ஜீப் தெரிவித்துள்ளது. இந்தியாவில் ஜீப் ராங்ளர் ஐந்து கதவுகள் கொண்ட வேரியண்ட் இறக்குமதி செய்யப்படுகிறது. இதற்கான விநியோகம் மார்ச் 15-ம் தேதி துவங்கும் என கூறப்படுகிறது.
உலக சந்தையில் முன்னணி ஆஃப் ரோடர் மாடல்களில் ஒன்றாக ஜீப் ராங்ளர் ரூபிகான் இருக்கிறது. ஜீப் ராங்ளர் ரூபிகான் மாடலில் 2.0 லிட்டர் நான்கு சிலிண்டர்கள் கொண்ட டர்போ சார்ஜ் செய்யப்பட்ட பெட்ரோல் என்ஜின் வழங்கப்பட்டுள்ளது.
இந்த என்ஜின் 265 பி.ஹெச்.பி. பவர், 400 என்.எம். டார்க் செயல்திறன் வழங்குகிறது. இத்துடன் 8 ஸ்பீடு ஆட்டோமேடிக் டிரான்ஸ்மிஷன் யூனிட் வழங்கப்பட்டுள்ளது.
சக்திவாய்ந்த என்ஜின் தவிர ஜீப் ராங்ளர் ரூபிகான் பல்வேறு பாதுகாப்பு அம்சங்கள் மற்றும் உபகரணங்களை கொண்டிருக்கிறது. இதில் ஏர்பேக், பார்க் அசிஸ்ட் சிஸ்டம், எலெக்டிரானிக் ஸ்டேபிலிட்டி கண்ட்ரோல், டிரெயிலர் ஸ்வே கண்ட்ரோல், ஏ.பி.எஸ்., ஹில் ஸ்டார்ட் அசிஸ்ட், ஹில் டிசென்ட் கண்ட்ரோல் உள்ளிட்ட வசதிகள் வழங்கப்பட்டு இருக்கிறது.
கியா மோட்டார்ஸ் இந்தியா நிறுவனத்தின் கியா கார்னிவல் ஆடம்பர எம்.பி.வி. கார் விற்பனை பிப்ரவரி மாதத்தில் அதிகரித்து இருக்கிறது.
கியா மோட்டார்ஸ் இந்தியா நிறுவனம் பிப்ரவரி மாதத்தில் மட்டும் 1,620 கார்னிவல் எம்.பி.வி. கார்களை விற்றுள்ளது.
இந்தியாவில் 2020 ஆட்டோ எக்ஸ்போ விழாவில் அறிமுகம் செய்யப்பட்ட கியா கார்னிவல் விலை ரூ. 24.95 லட்சத்தில் துவங்கி டாப் எண்ட் மாடல் விலை ரூ. 33.95 லட்சம் என நிர்ணயம் செய்யப்பட்டுள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டுள்ளது.
இந்தியாவில் கியா கார்னிவல் கார் ஏழு, எட்டு மற்றும் ஒன்பது என மூன்று வித இருக்கை அமைப்புகளில் பிரீமியம், பிரெஸ்டிஜ் மற்றும் லிமோசின் என மூன்று ட்ரிம் மற்றும் ஐந்து வேரியண்ட்களில் கிடைக்கிறது.
கார்னிவல் கார் மட்டுமின்றி செல்டோஸ் எஸ்.யு.வி. மாடலையும் கியா மோட்டார்ஸ் இந்தியாவில் விற்பனை செய்து வருகிறது. இந்தியாவில் பிப்ரவரி மாதத்தில் செல்டோஸ் கார் மொத்தம் 14,024 யூனிட்கள் விற்பனையாகி இருக்கிறது.
இரு கார்கள் தவிர கியா மோட்டார்ஸ் நிறுவனம் புதிய காம்பேக்ட் எஸ்.யு.வி. காரினை சொனெட் எனும் பெயரில் அறிமுகம் செய்ய இருக்கிறது. இந்த கார் 2020 ஆகஸ்ட் மாதத்தில் வெளியிட இருக்கிறது.
இந்த கார் இந்தியாவில் ஹூண்டாய் வென்யூ, மாருதி சுசுகி விட்டாரா பிரெஸ்ஸா, டாடா நெக்சான், ஃபோர்டு இகோஸ்போர்ட் மற்றும் மஹிந்திரா எக்ஸ்.யு.வி.500 போன்ற மாடல்களுக்கு போட்டியாக இருக்கும் என தெரிகிறது.
ஹூண்டாய் மோட்டார்ஸ் இந்தியா நிறுவனம் தனது புதிய கிரெட்டா காருக்கான முன்பதிவுகளை அதிகாரப்பூர்வமாக துவங்கி இருக்கிறது.
ஹூண்டாய் மோட்டார்ஸ் இந்தியா நிறுவனம் புத்தம் புதிய கிரெட்டா எஸ்.யு.வி. காருக்கான முன்பதிவுகளை துவங்கி இருக்கிறது. புதிய கிரெட்டா காருக்கான முன்பதிவு கட்டணம் ரூ. 25,000 என நிர்ணயம் செய்யப்பட்டுள்ளது.
முன்னதாக 2020 ஹூண்டாய் கிரெட்டா எஸ்.யு.வி. சமீபத்தில் நடைபெற்று முடிந்த 2020 ஆட்டோ எக்ஸ்போ விழாவில் அறிமுகம் செய்யப்பட்டது. முற்றிலும் புதிய வடிவமைப்பு, பல்வேறு புது அம்சங்கள் மற்றும் உபகரணங்களை 2020 கிரெட்டா எஸ்.யு.வி. கொண்டிருக்கிறது.
2020 ஹூண்டாய் கிரெட்டா இந்தியாவில் மார்ச் 17-ம் தேதி விற்பனைக்கு வருகிறது. இதற்கான விநியோகம் மார்ச் 17 முதல் துவங்கும் என தெரிகிறது. வெளியானதும் புதிய கிரெட்டா எஸ்.யு.வி. மாடல் இந்திய சந்தையில் கியா செல்டோஸ், மஹிந்திரா எக்ஸ்.யு.வி.500, எம்.ஜி. ஹெக்டார் போன்ற மாடல்களுக்கு போட்டியாக அமையும் என தெரிகிறது.
முன்னதாக வெளியான தகவல்களில் புதிய 2020 கிரெட்டா மாடல் கார் 14 வேரியண்ட்கள் மற்றும் பத்து வித நிறங்களில் வெளியாகும் என கூறப்படுகிறது. இவைதவிர புதிய கிரெட்டா மாடலில் பி.எஸ்.6 ரக 1.5 லிட்டர் பெட்ரோல், டீசல் மற்றும் 1.4 லிட்டர் டர்போ பெட்ரோல் மோட்டார் வழங்கப்படலாம் என தெரிகிறது.
இதே என்ஜின்கள் கியா செல்டோஸ் மாடலிலும் வழங்கப்பட்டுள்ளது. அந்த வகையில் புதிய காரில் 1.5 லிட்டர் பெட்ரோல் மற்றும் டீசல் மோட்டார் 115 பி.எஸ். பவர், 1.4 லிட்டர் டி -ஜி.டி.ஐ. மோட்டார் 140 பி.எஸ். செயல்திறனை வழங்கும் என எதிர்பார்க்கப்படுகிறது.
புதிய கிரெட்டா மாடலில் 6-ஸ்பீடு மேனுவல் டிரான்ஸ்மிஷன், 6 ஸ்பீடு ஆட்டோமேடிக், சி.வி.டி. மற்றும் 7 ஸ்பீடு டி.சி.டி. டிரான்ஸ்மிஷன் கொண்டிருக்கும் என கூறப்படுகிறது. 2020 கிரெட்டா கார்: இ, இ.எக்ஸ்., எஸ், எஸ்.எக்ஸ். மற்றும் எஸ்.எக்ஸ்.(ஒ) என ஐந்து முக்கிய வேரியண்ட்களில் வெளியாகும் என கூறப்படுகிறது.
ஃபோஸ்வேகன் நிறுவனத்தின் புத்தம் புதிய போலோ செடான் மாடல் கார் அறிமுகம் செய்யப்பட்டது. இதன் முழு விவரங்களை பார்ப்போம்.
ஃபோக்ஸ்வேகன் நிறுவனம் புதிய செடான் மாடல் போலோ காருக்கான வரைபடங்களை சில தினங்களுக்கு முன் வெளியிட்டது. அந்த தொடர்ச்சியாக, தற்சமயம் போலோ கார் அறிமுகம் செய்யப்பட்டுள்ளது.
புதிய ஃபோக்ஸ்வேகன் போலோ ரஷ்யாவில் விற்பனை செய்யப்படும் ஸ்கோடா ரேபிட் மாடலை தழுவி உருவாக்கப்பட்டுள்ளது. மேலும் புதிய போலோ கார் விற்பனை முதற்கட்டமாக ரஷ்யாவில் நடைபெற இருக்கிறது.
புதிய போலோ மாடல் 4483 எம்.எம். நீளமாகவும், 1484 எம்.எம். உயரமாகவும், முந்தைய மாடலை விட 49எம்.எம். நீண்ட வீல்பேஸ் கொண்டிருக்கிறது. இதன் கிரவுண்ட் க்ளியரன்ஸ் 170 எம்.எம். அளவில் இருக்கிறது. தோற்றத்தில் புதிய போலோ செடான் மாடல் அகலமான கிரில், கூர்மையான ஹெட்லேம்ப்கள் மற்றும் குரோம் பிட்களை கொண்டிருக்கிறது.
இதன் பின்புற வடிவமைப்பு எளிமையாக காட்சியளிக்கிறது. இதுதவிர கதவுகள், கிளாஸ்ஹவுஸ் மற்றும் ரூஃப் உள்ளிட்டவை ஸ்கோடா ரேபிட் போன்றே தெரிகிறது. உள்புறம் மல்டி-லேயர் டேஷ்போர்டு, இன்ஃபோடெயின்மென்ட் ஸ்கிரீன், முழுமையான டிஜிட்டல் இன்ஸ்ட்ரூமென்ட் கிளஸ்டர் உள்ளிட்டவை வழங்கப்பட்டுள்ளது.
புதிய போலோ செடான் மாடல் - 90 பி.ஹெச்.பி. அல்லது 110 பி.ஹெச்.பி. செயல்திறன் வழங்கும் 1.6 லிட்டர் எம்.பி.ஐ. பெட்ரோல் மற்றும் 125 பி.ஹெச்.பி. பவர் 1.4 லிட்டர் டர்போ பெட்ரோல் என்ஜின் வழங்கப்படுகிறது.
இதன் 1.6 லிட்டர் வெர்ஷனில் 5 ஸ்பீடு மேனுவல் அல்லது 6 ஸ்பீடு ஆட்டோ டிரான்ஸ்மிஷன் மற்றும் 1.4 லிட்டர் டர்போ பெட்ரோல் மாடலில் 7 ஸ்பீடு டி.எஸ்.ஜி. ஆட்டோமேடிக் டிரான்ஸ்மிஷன் வழங்கப்படுகிறது.
ஸ்கோடா நிறுவனத்தின் புதிய ஆக்டேவியா ஆர்.எஸ். 245 காருக்கான முன்பதிவுகளை ஆன்லைன் தளத்தில் நடைபெற இருக்கிறது.
ஸ்கோடா ஆட்டோ நிறுவனத்தின் ஆக்டேவியா ஆர்.எஸ். 245 காருக்கான முன்பதிவினை மார்ச் 1-ம் தேதி முதல் துவங்க இருக்கிறது. புதிய காருக்கான முன்பதிவுகள் ஆன்லைனில் நடைபெற இருக்கிறது. முன்னதாக ஸ்கோடா ஆக்டேவியா 245 கார் 2020 ஆட்டோ எக்ஸ்போ விழாவில் அறிமுகம் செய்யப்பட்டது.
ஸ்கோடா ஆக்டேவியா ஆர்.எஸ். 245 மாடலுக்கான முன்பதிவு கட்டணம் ரூ. 1 லட்சம் என நிர்ணயம் செய்யப்பட்டுள்ளது. ஸ்கோடா ஆக்டேவியா ஆர்.எஸ். 245 மாடல் வெறும் 200 யூனிட்களே முன்பதிவு செய்ய முடியும். 2020 ஸ்கோடா ஆக்டேவியா ஆர்.எஸ். 245 காரின் விலை ரூ. 36 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.
புதிய ஸ்கோடா ஆக்டேவியா ஆர்.எஸ். 245 மாடல்- ரேலி கிரீன், ரேஸ் புளூ, கொரிடா ரெட், மேஜிக் பிளாக் மற்றும் கேண்டி வைட் என ஐந்து நிறங்களில் கிடைக்கிறது. ஆர்.எஸ். 245 மாடலில் 242 பி.ஹெச்.பி. பவர், 370 என்.எம். டார்க் செயல்திறன் வழங்குகிறது. இத்துடன் 7 ஸ்பீடு டி.எஸ்.ஜி. கியர்பாக்ஸ் வழங்கப்படுகிறது.
புதிய ஸ்கோடா ஆக்டேவியா ஆர்.எஸ். 245 இந்தியாவுக்கு வெளிநாடுகளில் இருந்து இறக்குமதி செய்யப்படுகிறது. இதனால் இதன் விலை ஸ்கோடா ஆக்டேவியா எல் அண்ட் கே வேரியண்ட்டை விட ரூ. 13 லட்சம் வரை அதிகமாகி உள்ளது.
ஸ்கோடா ஆக்டேவியா ஆர்.எஸ். 245 மாடலில் ஆடி மாடல்களில் உள்ளதை போன்ற விர்ச்சுவல் காக்பிட் வழங்கப்படுகிறது. இத்துடன் 8 அங்குல தொடுதிரை வசதி கொண்ட இன்ஃபோடெயின்மென்ட் சிஸ்டம், ஆப்பிள் கார்பிளே மற்றும் ஆண்ட்ராய்டு ஆட்டோ வசதி வழங்கப்படுகிறது.
மெர்சிடிஸ் பென்ஸ் நிறுவனத்தின் புதிய ஏ கிளாஸ் செடான் மாடல் காருக்கான முன்பதிவுகள் துவங்கி இருக்கிறது.
மெர்சிடிஸ் பென்ஸ் நிறுவனம் தனது புதிய என்ட்ரி லெவல் செடான் மாடலுக்கான முன்பதிவுகளை துவங்கி இருக்கிறது. புதிய மெர்சிடிஸ் பென்ஸ் ஏ கிளாஸ் லிமோசின் மாடலுக்கான முன்பதிவு கட்டணம் ரூ. 2 லட்சம் என நிர்ணயம் செய்யப்பட்டுள்ளது.
சர்வதேச சந்தையில் ஏற்கனவே விற்பனை செய்யப்படும் மெர்சிடிஸ் பென்ஸ் ஏ கிளாஸ் லிமோசின் மாடல் சமீபத்தில் நடைபெற்ற 2020 ஆட்டோ எக்ஸ்போ விழாவில் அறிமுகம் செய்யப்பட்டது. இந்தியாவில் வெளியானதும் புதிய ஏ கிளாஸ் லிமோசின் மாடல் மெர்சிடிஸ் நிறுவனத்தின் குறைந்த விலை செடான் மாடலாக இருக்கும்.
புதிய மெர்சிடிஸ் பென்ஸ் ஏ கிளாஸ் லிமோசின் மாடல் என்ஜின் அடிப்படையில் மூன்று வேரியண்ட்களில் கிடைக்கும். இதில் ஏ.எம்.ஜி. வேரியண்ட்டும் இடம்பெற்று இருக்கிறது. இந்தியாவில் மூன்று என்ஜின்களும் பி.எஸ்.6 புகை விதிகளுக்கு பொருந்தும் வகையில் இருக்கும்.
மெர்சிடிஸ் பென்ஸ் புதிய ஏ கிளாஸ் மாடலில் எல்.இ.டி. ஹெட்லேம்ப்கள், இன்டகிரேட் செய்யப்பட்ட எல்.இ.டி. டி.ஆர்.எல்.கள், எல்.இ.டி. டெயில்லைட்கள், அழகிய அலாய் வீல்கள், மெல்லிய ORVMகள், கூப் போன்ற ரூஃப்லைன் உள்ளிட்ட அம்சங்கள் வழங்கப்படுகின்றன.
காரின் உள்புறம் மெர்சிடிஸ் பென்ஸ் ஏ லிமோசின் மாடலில் முழுமையான டிஜிட்டல் இன்ஸ்ட்ரூமென்ட் கிளஸ்டர், பெரிய தொடுதிரை வசதி கொண்ட இன்ஃபோடெயின்மென்ட் சிஸ்டம், ஆப்பிள் கார் பிளே, ஆண்ட்ராய்டு ஆட்டோ, சிக்னேச்சர் குரோம் ஏ.சி. வென்ட்கள், பியானோ பிளாக் ஃபினிஷ் செய்யப்பட்ட டேஷ்போர்டு வழங்கப்படுகிறது.
ஃபோர்டு நிறுவனத்தின் 2020 பி.எஸ்.6 எண்டேவர் கார் இந்திய சந்தையில் அறிமுகம் செய்யப்பட்டுள்ளது. இதன் விலை மற்றும் முழு விவரங்களை பார்ப்போம்.
ஃபோர்டு மோட்டார்ஸ் நிறுவனம் இந்திய சந்தையில் 2020 ஃபோர்டு எண்டேவர் பி.எஸ்.6 மாடல்களை அறிமுகம் செய்துள்ளது. புதிய எண்டேவர் மாடல் துவக்க விலை ரூ. 29.55 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.
2020 ஃபோர்டு எண்டேவர் பி.எஸ்.6 மாடல்: டைட்டானியம் 4X2 ஏ.டி., டைட்டானியம் பிளஸ் 4X2 ஏ.டி. மற்றும் டைட்டானியம் பிளஸ் 4X4 ஏ.டி. என மூன்று வேரியண்ட்களில் கிடைக்கிறது.
2020 எண்டேவர் மாடல் பார்க்க பி.எஸ்.4 மாடல்களை போன்றே காட்சியளிக்கிறது. எனினும், புதிய காரில் தற்சமயம் எல்.இ.டி. ஹெட்லேம்ப்கள் உள்புறம் ஃபோர்டு நிறுவனத்தின் மொபிலிட்டி மற்றும் கனெக்டிவிட்டி தொழில்நுட்பமான ஃபோர்டுபாஸ் வழங்கப்பட்டுள்ளது.
இந்த தொழில்நுட்பம் காரினை ஸ்டார்ட், ஸ்டாப், அன்லாக் மற்றும் லாக் செய்யும் வசதிகளை வழங்குகிறது. இத்துடன் காரில் உள்ள எரிபொருள் அளவு, வாகனத்தை லொகோட் செய்யும் வசதி உள்ளிட்டவையும் கொண்டிருக்கிறது.
மேலும் டெரெயின் மேனேஜ்மென்ட் சிஸ்டம், சின்க் 3 மற்றும் எட்டு அங்குல தொடுதிரை வசதி கொண்ட இன்ஃபோடெயின்மென்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ மற்றும் பானரோமிக் சன்ரூஃப் உள்ளிட்டவை வழங்கப்பட்டுள்ளது.
புதிய எண்டேவர் மாடலில் 2.0 லிட்டர் இகோபுளூ டீசல் என்ஜின் வழங்கப்பட்டுள்ளது. இந்த என்ஜின் 168 பி.ஹெச்.பி. பவர், 420 என்.எம். டார்க் செயல்திறன் வழங்குகிறது. இந்த என்ஜின் முந்தைய என்ஜிகளை விட குறைவான சத்தத்தை வெளிப்படுத்தும் வகையில் அப்டேட் செய்யப்பட்டுள்ளது.
2020 ஃபோர்டு எண்டேவர் பி.எஸ்.6 மாடல்களின் டாப் எண்ட் வேரியண்ட் விலை ரூ. 33.25 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. தற்சமயம் அறிவிக்கப்பட்டுள்ள விலை ஏப்ரல் 30 வரை அமலில் இருந்து, அதன் பின் விலை உயர்த்தப்படும் என எதிர்பார்க்கப்படுகிறது.
ஹூண்டாய் நிறுவனத்தின் வென்யூ டீசல் வேரியண்ட் முன்பதிவு துவங்கியிருப்பதாக தகவல் வெளியாகியுள்ளது.
ஹூண்டாய் இந்தியா நிறுவனம் புதிய பி.எஸ்.6 ரக வென்யூ டீசல் காரை இந்திய சந்தையில் விரைவில் வெளியிட இருக்கிறது. இந்நிலையில், வெளியீட்டிற்கு முன் புதிய காருக்கான முன்பதிவுகள் துவங்கியிருக்கிறது. புதிய காருக்கான முன்பதிவு கட்டணம் ரூ. 21,000 என நிர்ணயம் செய்யப்பட்டுள்ளது.
பி.எஸ்.6 ஹூண்டாய் வென்யூ டீசல் மாடலில் 1.5 லிட்டர் டீசல் என்ஜின் வழங்கப்படுகிறது. இந்தியாவில் இதன் விலை ரூ. 8.09 லட்சத்தில் துவங்கி டாப் எண்ட் மாடல் விலை ரூ. 11.49 லட்சம் வரை நிர்ணயம் செய்யப்பட்டுள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டுள்ளது.
முந்தைய பி.எஸ். 4 மாடலுடன் ஒப்பிடும் போது, ஹூண்டாய் வென்யூ 1.5 டீசல் பி.எஸ்.6 மாடல்களின் விலை ரூ. 30,000 வரை அதிகம் ஆகும். இதன் டாப் எண்ட் மாடல் விலை ரூ. 51,000 வரை அதிகம் ஆகும்.
ஹூண்டாய் வென்யூ பி.எஸ்.6 டீசல் மாடலில் 1.5 லிட்டர் டீசல் என்ஜின் வழங்கப்பட்டுள்ளது. இதே என்ஜின் கியா செல்டோஸ் மாடலிலும் வழங்கப்பட்டுள்ளது. புதிய 1.5 லிட்டர் டீசல் என்ஜின் டி-டியூன் செய்யப்பட்டு சற்றே குறைவான செயல்திறன் வழங்கும் வகையில் மாற்றம் செய்யப்பட்டு இருக்கிறது.
மாருதி சுசுகி நிறுவனம் இந்தியாவில் புதிய 2020 விட்டாரா பிரெஸ்ஸா காரை வெளியிட்டுள்ளது. இதன் முழு விவரங்களை பார்ப்போம்.
மாருதி சுசுகி நிறுவனம் இந்தியாவில் 2020 விட்டாரா பிரெஸ்ஸா பெட்ரோல் காரை அறிமுகம் செய்தது. புதிய மாருதி விட்டாரா பிரெஸ்ஸா பெட்ரோல் மாடல் துவக்க விலை ரூ. 7.34 லட்சம் என நிர்ணயம் செய்யப்பட்டுள்ளது. இதன் டாப் எண்ட் மாடல் விலை ரூ. 11.40 லட்சம் என நிர்ணயம் செய்யப்பட்டுள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டுள்ளன.
புதிய விட்டாரா பிரெஸ்ஸா மாடலில் பி.எஸ்.6 ரக பெட்ரோல் என்ஜின் வழங்கப்பட்டுள்ளது. இது 1.5 லிட்டர் K சீரிஸ் யூனிட் ஆகும். இதே என்ஜின் சியாஸ் மற்றும் எர்டிகா மாடல்களிலும் வழங்கப்பட்டுள்ளது. இந்த என்ஜின் 104 பி.ஹெச்.பி. பவர், 138 என்.எம். டார்க் செயல்திறன் வழங்குகிறது.
இத்துடன் 5 ஸ்பீடு மேனுவல் அல்லது 4 ஸ்பீடு டார்க் கன்வெர்ட்டர் ஆட்டோமேடிக் டிரான்ஸ்மிஷன் டாப் எண்ட் மாடல்களில் ஆப்ஷனாக வழங்கப்படுகிறது. புதிய பெட்ரோல் என்ஜின் தவிர மாருதி விட்டாரா பிரெஸ்ஸா மாடலில் சில மாற்றங்கள் செய்யப்பட்டுள்ளன.
அந்த வகையில் புதிய ஃபேஸ்லிஃப்ட் மாடலில் எல்.இ.டி. ஹெட்லேம்ப்கள், டி.ஆர்.எல்.கள், டெயில் லைட்கள் மற்றும் புதிய அலாய் வீல்கள் வழங்கப்பட்டுள்ளன. இத்துடன் புதிய முன்புற கிரில், முன்புறம் மற்றும் பின்புற பம்ப்பர்களில் மாற்றங்கள் செய்யப்பட்டுள்ளன.
புதிய விட்டாரா பிரெஸ்ஸா பெட்ரோல் மாடல்: சிஸ்லிங் ரெட் / மிட்நைட் பிளாக், கிரானைட் கிரே / ஆட்டம் ஆரஞ்சு மற்றும் டார்க் புளூ / மிட்நைட் பிளாக் என மூன்று புதிய நிறங்களில் கிடைக்கிறது. இதுதவிர டார்க் புளூ, கிரானைட் கிரே, சிஸ்லிங் ரெட், ஆட்டம் ஆரஞ்சுஸ பிரீமியம் சில்வர் மற்றும் பியல் ஆர்க்டிக் வைட் நிறங்களிலும் கிடைக்கிறது.
காரின் உள்புறம் ஸ்டீரிங் வீல் லெதர் ஸ்டிராப் செய்யப்பட்டு, ஆட்டோ டிம்மிங் IRVMகள், ஸ்மார்ட் பிளே ஸ்டூடியோ இன்ஃபோடெயின்மென்ட் சிஸ்டம், ஆப்பிள் கார்பிளே மற்றும் ஆண்ட்ராய்டு ஆட்டோ கனெக்டிவி்ட்டி கொண்டிருக்கிறது.
×