பைக்

டிரையம்ப் மோட்டார்சைக்கிள்ஸ் நிறுவனம் 2021 ஸ்டிரீட் ஸ்கிராம்ப்ளர் மாடலுக்கான டீசரை வெளியிட்டு உள்ளது. முன்னதாக இந்த மாடல் சர்வதேச சந்தையில் அறிமுகம் செய்யப்பட்டது. இந்த மாடலுடன் சேண்ட்-ஸ்டார்ம் எடிஷனும் அறிமுகமானது. சேண்ட்-ஸ்டார்ம் எடிஷன் இந்தியாவில் ரூ. 9.55 லட்சம் விலையில் விற்பனை செய்யப்படுகிறது.

புதிய ஸ்டிரீட் ஸ்கிராம்ப்ளர் ஸ்டாண்டர்டு வெர்ஷன் விலை குறைவாகவே இருக்கும் என கூறப்படுகிறது. இந்தியாவில் இந்த மாடல் விலை ரூ. 8.70 லட்சம் வரை நிர்ணயம் செய்யப்படலாம் என கூறப்படுகிறது. 2021 ஸ்டிரீட் ஸ்கிராம்ப்ளர் மாடலில் பி.எஸ்.6 புகை விதிகளுக்கு பொருந்தும் 900சிசி, பேரலெல் ட்வின் என்ஜின் வழங்கப்படுகிறது.

இந்த என்ஜின் 64.1 பி.ஹெச்.பி திறன், 80 நியூட்டன் மீட்டர் டார்க் இழுவிசையை வழங்குகிறது. இத்துடன் 5 ஸ்பீடு கியர்பாக்ஸ் வழங்கப்பட்டு உள்ளது. புதிய ஸ்டிரீட் ஸ்கிராம்ப்ளர் மாடலில் வட்ட வடிவ ஹெட்லேம்ப், ட்வின் எக்சாஸ்ட் வழங்கப்படுகிறது.

டி.வி.எஸ். மோட்டார் கம்பெனி நிறுவனம் தனது புதிய வாகனத்திற்கான மற்றொரு டீசரை வெளியிட்டு உள்ளது. புதிய வாகனம் அக்டோபர் 7 ஆம் தேதி இந்தியாவில் அறிமுகமாகிறது. புதிய டீசரில் எல்.இ.டி. டி.ஆர்.எல்.கள் மற்றும் முன்புற இன்டிகேட்டர்கள் காணப்படுகின்றன.

புதிய வாகனம் பற்றி அந்நிறுவனம் இதுவரை எந்த தகவலையும் வெளியிடவில்லை. எனினும், இது 125சிசி ஸ்கூட்டராக இருக்கும் என்றும் இது ஜூப்பிட்டர் பிராண்டிங்கில் விற்பனைக்கு வரும் என்றும் எதிர்பார்க்கப்படுகிறது. 

இந்திய சந்தையில் இந்த ஸ்கூட்டர் ஹோண்டா ஆக்டிவா 125, சுசுகி அக்சஸ் 125 போன்ற மாடல்களுக்கு போட்டியாக அமையும் என தெரிகிறது.  

இந்தியாவில் பண்டிகை காலம் விரைவில் துவங்க இருக்கிறது. மேலும் கொரோனா தொற்று ஊரடங்கில் இருந்து இந்திய ஆட்டோமொபைல் சந்தை மெல்ல வளர்ச்சி பாதைக்கு திரும்பி வருகிறது. இந்த நிலையில், பல்வேறு முன்னணி நிறுவனங்களும் புதிய வாகனங்களை இந்தியாவில் அறிமுகம் செய்யும் பணிகளில் ஈடுபட்டு வருகின்றன.

அந்த வரிசையில் விரைவில் இந்தியாவில் அறிமுகமாக இருக்கும் புதிய இருசக்கர வாகனங்கள் பட்டியலை தொடர்ந்து பார்ப்போம்.

டி.வி.எஸ். நிறுவனத்தின் புதிய ஜூப்பிட்டர் 125 ஸ்கூட்டர் இந்தியாவில் அக்டோபர் 7 ஆம் தேதி அறிமுகமாகிறது. இது தற்போதைய ஜூப்பிட்டர் 110 மாடலை விட முற்றிலும் புதிய டிசைன் கொண்டிருக்கும் என தெரிகிறது.

மேம்பட்ட பி.எம்.டபிள்யூ. ஜி310 ஆர் மற்றும் ஜி 310 ஜி.எஸ். மாடல் அக்டோபர் 8 ஆம் தேதி இந்தியாவில் அறிமுகம் செய்யப்பட இருக்கிறது. புதிய ஜி சீரிஸ் மாடல்கள் முற்றிலும் புதிய நிறங்களில் கிடைக்கும் என கூறப்படுகிறது. 

மேலும் இந்த மாடல்களில் 313சிசி, சிங்கில் சிலிண்டர் என்ஜின் வழங்கப்படுகிறது. இத்துடன் 6 ஸ்பீடு டிரான்ஸ்மிஷன் வழங்கப்படும் என தெரிகிறது.

இந்தியா கவாசகி மோட்டார்ஸ் நிறுவனம் 2022 இசட்900 மோட்டார்சைக்கிளை இந்திய சந்தையில் அறிமுகம் செய்தது. புதிய கவாசகி இசட்900 மாடல் விலை ரூ. 8.42 லட்சம், எக்ஸ்-ஷோரூம் ஆகும். இந்த மோட்டார்சைக்கிள் புதிதாக மெட்டாலிக் ஸ்பார்க் பிளாக் நிறத்தில் கிடைக்கிறது.

புதிய மாடலில் லோ-ஸ்லங் ஹெட்லேம்ப், மஸ்குலர் பியூவல் டேன்க், ரேக்டு டெயில் பகுதி, புல் எல்.இ.டி. லைட்டிங், ப்ளூடூத் வசதி கொண்ட 4.3 இன்ச் கலர் டி.எப்.டி. ஸ்கிரீன் வழங்கப்பட்டு இருக்கிறது. இந்த மாடலில் 948 சிசி, இன்லைன், 4 சிலிண்டர், லிக்விட் கூல்டு என்ஜின் வழங்கப்பட்டு உள்ளது.

இந்த என்ஜின் 123.6 பி.ஹெச்.பி. திறன், 98.6 நியூட்டன் மீட்டர் டார்க் இழுவிசையை வழங்குகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. ஸ்டெலிஸ் பிரேம் கொண்டிருக்கும் கவாசகி இசட்900 மாடல் 17 இன்ச் அலாய் வீல்களை கொண்டிருக்கிறது.

கே.டி.எம். இந்தியா நிறுவனம் 2021 ஆர்சி சீரிஸ் மாடல்கள் விரைவில் அறிமுகமாகும் என அறிவித்து இருக்கிறது. 2021 ஆர்சி சீரிசில் ஆர்சி125, ஆர்சி200 மற்றும் ஆர்சி390 மாடல்கள் இடம்பெற்று இருக்கின்றன. ஏற்கனவே இவை சர்வதேச சந்தையில் அறிமுகம் செய்யப்பட்டுவிட்டன. எனினும், இந்திய மாடல்களின் அம்சங்களில் மாற்றம் செய்யப்பட்டு இருக்கலாம் என எதிர்பார்க்கப்படுகிறது.

2021 ஆர்சி 125 மாடலின் சர்வதேச வேரியண்டில் வழங்கப்பட்டு இருக்கும் அனைத்து அம்சங்களும் இருக்காது. மாறாக இதில் விலையை குறைக்கும் நோக்கில் சில அம்சங்கள் மாற்றப்பட்டு இருக்கலாம் என தெரிகிறது. ஆர்சி 200 மாடலில் ஹாலோஜென் ஹெட்லைட், எல்.சி.டி. ஸ்கிரீன் வழங்கப்படும் என கூறப்படுகிறது.

2021 ஆர்சி390 மாடல் அம்சங்கள் மட்டும் சர்வதேச வேரியண்டில் வழங்கப்பட்டு இருக்கும் பெரும்பாலான அம்சங்களை கொண்டிருக்கும் என தெரிகிறது. இதன் இந்திய வேரியண்டில் அட்ஜஸ்ட் செய்யக்கூடிய முன்புற போர்க்குகள் நீக்கப்பட்டு இருக்கலாம்.

டிரையம்ப் டைகர் 660 மோட்டார்சைக்கிள் அக்டோபர் 5 ஆம் தேதி அறிமுகம் செய்யப்பட இருக்கிறது. இந்த விவரத்தை டிரையம்ப் நிறுவனம் தனது சமூக வலைதள பக்கங்களில் வெளியிட்டு உள்ளது. புதிய டிரையம்ப் டைகர் 660 மாடல் ஏற்கனவே விற்பனை செய்யப்பட்டு வரும் டைகர் 850 ஸ்போர்ட் மாடலுக்கு மாற்றாக அமைகிறது.

இந்த மோட்டார்சைக்கிளின் இந்திய வெளியீடு குறித்து இதுவரை எந்த தகவலும் இல்லை. எனினும், சர்வதேச வெளியீட்டை தொடர்ந்து இதுபற்றிய அறிவிப்பு வெளியாகும் என தெரிகிறது. புதிய டிரையம்ப் டைகர் 660 ப்ரோடோடைப் வடிவில் அறிமுகம் செய்யப்பட்டுவிட்டது. 

அதன்படி புதிய டைகர் 660 மாடலில் உயரமான விண்ட்-ஸ்கிரீன், கூர்மையான ட்வின்-பாட் ஹெட்லைட், மஸ்குலர் பியூவல் டேன்க், ஸ்டெப்-அப் சீட் மற்றும் அண்டர்பெல்லி எக்சாஸ்ட் வழங்கப்பட்டு இருக்கிறது. டைகர் ஸ்போர்ட் 660 மாடலில் புல் எல்.இ.டி. லைட்டிங், டிஜிட்டல் இன்ஸ்ட்ரூமெண்ட் கிளஸ்டர் உள்ளது.

டிரையம்ப் டைகர் 660 மாடலில் 660சிசி, இன்லைன் 3 சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 80 பி.ஹெச்.பி. திறன், 64 நியூட்டன் மீட்டர் டார்க் இழுவிசையை வழங்குகிறது.

ஹீரோ மோட்டோகார்ப் நிறுவனம் இந்தியாவில் தனது எக்ஸ்டிரீம் 160ஆர் மோட்டார்சைக்கிள் விலையை திடீரென உயர்த்தி இருக்கிறது. ஹீரோ எக்ஸ்டிரீம் 160ஆர் அனைத்து வேரியண்ட்களின் விலையும் இம்முறை ரூ. 2,370 உயர்த்தப்பட்டு இருக்கிறது. விலையை தவிர இதன் அம்சங்களில் வேறு எந்த மாற்றமும் மேற்கொள்ளப்படவில்லை.

ஹீரோ எக்ஸ்டிரீம் 160ஆர் முன்புற டிஸ்க் - ரூ. 1,11,610

ஹீரோ எக்ஸ்டிரீம் 160ஆர் டூயல் டிஸ்க் - ரூ. 1,14,660

ஹீரோ எக்ஸ்டிரீம் 160ஆர் 100 மில்லியன் எடிஷன் - ரூ. 1,16,460

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

ஹீரோ எக்ஸ்டிரீம் 160ஆர் மாடலில் 160சிசி என்ஜின் வழங்கப்பட்டு இருக்கிறது. இந்த என்ஜின் 15 பி.ஹெச்.பி. திறன், 14 நியூட்டன் மீட்டர் டார்க் இழுவிசையை வழங்குகிறது. இத்துடன் 5 ஸ்பீடு கியர்பாக்ஸ் வழங்கப்பட்டு உள்ளது.

டி.வி.எஸ். நிறுவனம் தனது புதிய அபாச்சி ஆர்.ஆர்.310 மாடலின் பி.டி.ஓ. (பில்ட் டு ஆர்டர்) சமீபத்தில் அறிமுகம் செய்தது. புதிய அபாச்சி ஆர்.ஆர்.310 பி.டி.ஓ. முதற்கட்ட யூனிட்கள் விற்று தீர்ந்துள்ளன. இந்த மாடலுக்கான அடுத்தக்கட்ட முன்பதிவு அக்டோபர் 1 ஆம் தேதி துவங்குகிறது.

பி.டி.ஓ. பிளாட்பார்மில் வாடிக்கையாளர்கள் டி.வி.எஸ். அரைவ் செயலி அல்லது ஆன்லைன் வலைதளத்தில் மோட்டார்சைக்கிள் அம்சங்களை தேர்வு செய்து கொள்ளலாம். இந்த அம்சம் கொண்டு அபாச்சி ஆர்.ஆர்.310 மாடலில் விரும்பிய அம்சங்களை தேர்வு செய்து கொள்ளலாம்.

புதிய அபாச்சி ஆர்.ஆர்.310 மாடலில் 313சிசி, சிங்கில் சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 34 பி.ஹெச்.பி. திறன், 27.3 நியூட்டன் மீட்டர் டார்க் இழுவிசையை வழங்குகிறது. இத்துடன் 6 ஸ்பீடு கியர்பாக்ஸ், ஸ்லிப்பர் கிளட்ச் வழங்கப்பட்டு இருக்கிறது. 

ஹீரோ எலெக்ட்ரிக் நிறுவனம் இந்தியா முழுக்க சுமார் 10 ஆயிரம் எலெக்ட்ரிக் சார்ஜிங் மையங்களை கட்டமைக்க திட்டமிட்டுள்ளது. இதற்கென ஹீரோ எலெக்ட்ரிக் நிறுவனம் டெல்லியை சேர்ந்த ஸ்டார்ட் அப் நிறுவனமான மேசிவ் மொபிலிட்டி-யுடன் கூட்டணி அமைத்துள்ளது. இவை கனெக்டெட் நெட்வொர்க் முறையில் இரண்டு மற்றும் மூன்று சக்கர எலெக்ட்ரிக் வாகனங்களை சார்ஜ் செய்யும்.

கிளவுட் சார்ந்த உள்கட்டமைப்புகளை கொண்டு எலெக்ட்ரிக் வாகன சார்ஜிங் மையங்களை உருவாக்குவதில் மேசிவ் மொபிலிட்டி நிறுவனம் சிறந்து விளங்குகிறது. ஹீரோ எலெக்ட்ரிக் நிறுவனத்துடனான கூட்டணியில் உருவாகும் சார்ஜிங் மையங்கள் ஒருங்கிணைந்த சார்ஜிங் அனுபவத்தை வழங்கும்.

இதற்கென இரு நிறுவனங்களும் எலெக்ட்ரிக் வாகன பயனர்களின் தேவை மற்றும் எதிர்பார்ப்புகளை புரிந்து கொள்ளும் வகையில் ஆய்வு மேற்கொண்டன. இதில் பெரும்பாலான பயனர்கள் இணையத்தில் கண்டறியக்கூடிய ஸ்மார்ட் சார்ஜர்களை விரும்புகின்றனர் என தெரியவந்துள்ளது. இத்துடன் யு.பி.ஐ. சார்ந்த கட்டண முறையையும் எதிர்பார்ப்பதாக தெரிவித்து இருக்கின்றனர்.

யமஹா நிறுவனத்தின் புதிய ஆர்15 வி4 மோட்டார்சைக்கிள் இந்திய விற்பனை மையங்களை வந்தடைந்தது. மேலும் இந்த மாடலின் வினியோகமும் துவங்கி இருக்கிறது. புதிய எண்ட்ரி லெவல் ஸ்போர்ட்பைக் ஐந்து நிறங்களில் கிடைக்கிறது. 

புதிய யமஹா ஆர்15 வி4 மாடலில் டிராக்‌ஷன் கண்ட்ரோல், குயிக் ஷாப்டர் போன்ற அம்சங்களும் வழங்கப்பட்டு இருக்கிறது. இந்த மாடலில் 155சிசி, சிங்கில் சிலிண்டர், லிக்விட் கூல்டு என்ஜின் மற்றும் வேரியபில் வால்வ் ஆக்டுவேஷன் சிஸ்டம் வழங்கப்பட்டு உள்ளது. இந்த என்ஜின் 18.1 பி.ஹெச்.பி. திறன், 14.2 நியூட்டன் மீட்டர் டார்க் இழுவிசையை வழங்குகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது.

இந்தியாவில் யமஹா ஆர்15 வி4 மாடலின் விலை ரூ. 1,67,800 என துவங்கி டாப் எண்ட் மாடல் விலை ரூ. 1,79,800, எக்ஸ்-ஷோரூம் என நிர்ணயம் செய்யப்பட்டு உள்ளது. முந்தைய மாடலுடன் ஒப்பிடும் போது புதிய வி4 மாடல்களின் விலை ரூ. 10 ஆயிரம் வரை அதிகம் ஆகும்.

டுகாட்டி நிறுவனம் இந்திய சந்தையில் 2021 மான்ஸ்டர் மோட்டார்சைக்கிளை அறிமுகம் செய்தது. இதன் விலை ரூ. 10.99 லட்சம், எக்ஸ்-ஷோரூம் என துவங்குகிறது. புதிய டுகாட்டி மான்ஸ்டர் முன்பதிவு ஏற்கனவே துவங்கி நடைபெற்று வருகிறது. விரைவில் இதன் வினியோகம் துவங்குகிறது.

புதிய டுகாட்டி மான்ஸ்டர் மோட்டார்சைக்கிள் மான்ஸ்டர் ரெட் நிற வேரியண்ட் குறைந்த விலையில் கிடைக்கிறது. இதன் அவியேட்டர் கிரே, ரெட் வீல்கள், டார்க் ஸ்டெல்த் நிற வேரியண்ட் ரூ. 11.09 லட்சம், டுகாட்டி மான்ஸ்டர் பிளஸ் விலை ரூ. 11.24 லட்சம் ஆகும். 

2021 டுகாட்டி மான்ஸ்டர் மாடலில் எல்.இ.டி. லைட்டிங், 4.3 இன்ச் டி.எப்.டி. டிஸ்ப்ளே, ஆப்ஷனல் ப்ளூடூத் கனெக்டிவிட்டி வழங்கப்படுகிறது. இந்த மாடல் - ஸ்போர்ட், அர்பன் மற்றும் டூரிங் என மூன்று ரைடிங் மோட்களை கொண்டிருக்கிறது. இத்துடன் வீலி கண்ட்ரோல், டிராக்‌ஷன் கணட்ரோல், கார்னெரிங் ஏ.பி.எஸ். போன்ற அம்சங்கள் வழங்கப்பட்டு உள்ளது.

இந்த மாடலில் 937 சிசி, டெஸ்டாஸ்டிரெட்டா எல் ட்வின் என்ஜின் வழங்கப்படுகிறது. இந்த என்ஜின் 111 பி.ஹெச்.பி. திறன், 93 நியூட்டன் மீட்டர் டார்க் இழுவிசையை வழங்குகிறது. இத்துடன் 6 ஸ்பீடு கியர்பாக்ஸ், ஆண்டி-ஸ்லிப் கிளட்ச், குயிக்‌ஷாப்டர் வழங்கப்படுகிறது.

பி.எம்.டபிள்யூ. சி 400 ஜி.டி. டீசர் வீடியோ வெளியிடப்பட்டது. இந்த மேக்சி ஸ்கூட்டர் விரைவில் இந்தியாவில் அறிமுகமாகிறது. இந்த ஸ்கூட்டருக்கான முன்பதிவுகள் ஏற்கனவே துவங்கி நடைபெற்று வருகிறது.

பி.எம்.டபிள்யூ. சி 400 ஜி.டி. மாடலை தொடர்ந்து பல்வேறு நிறுவனங்களும் மேக்சி ஸ்கூட்டர் மாடல்களை இந்தியாவில் அறிமுகம் செய்யலாம் என எதிர்பார்க்கப்படுகிறது. முன்னதாக யமஹா நிறுவனம் தனது ஏரோக்ஸ் 155 மேக்சி ஸ்கூட்டரை இந்தியாவில் அறிமுகம் செய்தது. 

புதிய பி.எம்.டபிள்யூ. மேக்சி ஸ்கூட்டர் ஆல்-எல்.இ.டி. ஹெட்லேம்ப், பெரிய விண்ட்-ஸ்கிரீன் கொண்டிருக்கும் என தெரிகிறது. இந்த ஸ்கூட்டர் டிரிபில் பிளாக், ஆல்பைன் வைட் மற்றும் கலிஸ்டோ கிரே மெட்டாலிக் என மூன்று நிறங்களில் கிடைக்கிறது.

பி.எம்.டபிள்யூ. சி 400 ஜி.டி. மாடலில் 350 சிசி, சிங்கில் சிலிண்டர், வாட்டர் கூல்டு பெட்ரோல் என்ஜின் வழங்கப்படுகிறது. இந்த என்ஜின் 34 பி.ஹெச்.பி. திறன், 35 நியூட்டன் மீட்டர் டார்க் இழுவிசையை வழங்குகிறது. இந்த ஸ்கூட்டர் மணிக்கு அதிகபட்சம் 140 கிலோமீட்டர் வேகத்தில் செல்லும் திறன் கொண்டுள்ளது.