பைக்

கிளாசிக் லெஜண்ட்ஸ் நிறுவனம் இந்தியாவில் பண்டிகை காலக்கட்டத்தில் 2 ஆயிரம் ஜாவா பெராக் மாடல்களை விநியோகம் செய்து இருக்கிறது. பிஎஸ்6 ஜாவா மற்றும் ஜாவா பார்டி டூ மாடல்களால் விற்பனை அதிகரித்து இருக்கிறது. 

ஜாவா பெராக் மாடல் நவம்பர் 2018 வாக்கில் அறிமுகம் செய்யப்பட்டு விற்பனை இந்த ஆண்டு ஜூலை மாதத்தில் துவங்கியது. இந்திய சந்தையில் விற்பனையை அதிகரிக்க திட்டமிட்டு வருகிறது. அந்த வகையில் நாடு முழுக்க விற்பனையகங்கள் எண்ணிக்கையை அதிகரிக்க இருக்கிறது.

இந்தியாவில் ஊரடங்கு விதிமுறை தளர்வுகளின் போது கிளாசிக் லெஜண்ட்ஸ் 58 விற்பனையகங்களை திறந்து இருக்கிறது. மேலும் இந்த ஆண்டு டிசம்பர் மாதத்திற்கு விற்பனையகங்கள் எண்ணிக்கையை 205 ஆக அதிகரிக்க கிளாசிக் லெஜண்ட்ஸ் திட்டமிட்டு உள்ளது. 

டிவிஎஸ் மோட்டார் கம்பெணி நிறுவனம் தனது அபாச்சி சீரிஸ் விற்பனையில் பத்து லட்சம் யூனிட்களை கடந்ததாக அறிவித்தது. புதிய மோட்டார்சைக்கிள் விலை ரூ. 1.31 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இது முந்தைய மாடலை ரூ. 2500 ஆயிரம் வரை அதிகம் ஆகும்.

புதிய அபாச்சி ஆர்டிஆர் 200 4வி மாடல் அர்பன், ரெயின் மற்றும் ஸ்போர்ட் போன்ற ரைடிங் மோட்களை கொண்டிருக்கிறது. இத்துடன் 3 ஸ்டெப் அட்ஜஸ்ட் செய்யக்கூடிய கிளட்ச் மற்றும் பிரேக் லீவர்கள் வழங்கப்பட்டு உள்ளன.  

டிவிஎஸ் அபாச்சி ஆர்டிஆர் 200 4வி மாடலில் 197.75சிசி, ஆயில் கூல்டு, சிங்கிள் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 20.21 பிஹெச்பி பவர், 16.8 என்எம் டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்பட்டு இருக்கிறது.

மேம்பட்ட அபாச்சி ஆர்டிஆர் 200 4வி மாடல் கிளாஸ் பிளாக், பியல் வைட் மற்றும் புதிய மேட் புளூ போன்ற நிறங்களில் கிடைக்கிறது. இந்திய சந்தையில் பஜாஜ் பல்சர் என்எஸ் 200 மற்றும் ஹோண்டா ஹார்னெட் 2.0 போன்ற மாடல்களுக்கு போட்டியாக அமைகிறது.

யமஹா நிறுவனம் புதிய எம்டி 07 மோட்டார்சைக்கிளை அறிமுகம் செய்தது. புதிய 2021 மாடலில் ஏஸ்தெடிக் மற்றும் மெக்கானிக்கல் அப்கிரேடுகள் செய்யப்பட்டு உள்ளன.

அதன்படி புதிய எம்டி 07 மாடல் யூரோ 5 விதிகளுக்கு பொருந்தும் வகையில் உருவாகி இருக்கிறது. இந்த மாடலில் 680சிசி பேரலெல் ட்வின் மோட்டார் வழங்கப்பட்டு உள்ளது. இத்துடன் புதிய எக்சாஸ்ட் சிஸ்டம், மேம்பட்ட ஏர் இன்டேக் டக்ட் டிசைன் மற்றும் மேம்பட்ட பியூவல் இன்ஜெக்ஷன் செட்டிங் வழங்கப்பட்டு இருக்கிறது.

இந்த என்ஜின் முந்தைய மாடலை விட சற்றே குறைவான செயல்திறனை வழங்குகிறது. இந்த மாடலின் பியூவல் டேன்க்கை சுற்றி புதிய சைடு கவர்கள் வழங்கப்பட்டு உள்ளன. இதன் முன்புற பிரேக் 292எம்எம் டிஸ்க் யூனிட் வழங்கப்பட்டு உள்ளது. 

இத்துடன் மிஷெலின் பிஆர்5 ரக டையர்கள் வழங்கப்பட்டு இருக்கின்றன. மேலும் இந்த மோட்டார்சைக்கிள் புதிய எல்சிடி இன்ஸ்ட்ரூமென்ட் கிளஸ்டர் யூனிட் வழங்கப்படுகிறது. இந்த மாடல் முன்புறம் புதிய எல்இடி ஹெட்லேம்ப் செட்டப் வழங்கப்பட்டு உள்ளது.

டுகாட்டி நிறுவனம் மல்டிஸ்டிராடா 950 எஸ் மோட்டார்சைக்கிளை இந்திய சந்கையில் அறிமுகம் செய்தது. இந்தியாவில் இதன் துவக்க விலை ரூ. 15.49 லட்சம், எக்ஸ் ஷோரூம் என நிர்ணயம் செய்யப்பட்டு உள்ளது. 

இந்த மோட்டார்சைக்கிளில் தற்சமயம் பிஎஸ்6 ரக என்ஜின் வழங்கப்பட்டு உள்ளது. இதைத் தொடர்ந்து பிஎஸ்6 ரக ஸ்டான்டர்டு மல்டிஸ்டிராடா 950 மாடலும் அறிமுகமாகும் என எதிர்பார்க்கப்படுகிறது. வடிவமைப்பில் இரு மாடல்களும் ஒரே மாதிரி காட்சியளிக்கின்றன.

டுகாட்டி மல்டிஸ்டிராடா 950எஸ் மோட்டார்சைக்கிளில் 937சிசி, எல் ட்வின், டெஸ்டாஸ்டிரெட்டா டிவிடி என்ஜின் வழங்கப்பட்டு உள்ளது. இந்த என்ஜின் 113 பிஹெச்பி பவர், 96 என்எம் டார்க் செயல்திறன் வழங்குகிறது. இத்துடன் ஸ்லிப்பர் கிளட்ச், டுகாட்டி குவிக்ஷிப்ட் இவோ வழங்கப்பட்டு உள்ளது.

இந்த மாடலில் டுகாட்டி நிறுவனத்தின் எலெக்டிரானிக் ஸ்கைஹூக் சஸ்பென்ஷன் வழங்கப்பட்டு இருக்கிறது. இத்துடன் ஸ்போர்ட்ஸ் கார்னெரிங் லைட்கள், 5 இன்ச் டிஎப்டி டிஸ்ப்ளே வழங்கப்பட்டு உள்ளது. இந்த மாடலில் ஸ்போர்ட், டூரிங், அர்பன் மற்றும் என்டியூரோ என நான்குவிதங்களில் அட்ஜஸ்ட் செய்யக்கூடிய ரைடிங் மோட்கள் வழங்கப்படுகின்றன.

டிவிஎஸ் மோட்டார் கம்பெனி நிறுவனம் தனது ரேடியான் மோட்டார்சைக்கிள் மாடலுக்கு பண்டிகை கால சலுகைகளை அறிவித்து இருக்கிறது. அந்த வகையில் என்ட்ரி-லெவல் மோட்டார்சைக்கிளை அசத்தலான நிதி சலுகை மற்றும் மாத தவணையில் பெற முடியும்.

அதன்படி டிவிஎஸ் ரேடியான் மாடலை ரூ. 1999 எனும் மாத தவணையில் 6.99 வட்டியுடன் வழங்கப்படுகிறது. இந்த மோட்டார்சைக்கிளுக்கு ரூ. 14,999 முன்பணத்தில் வாங்கிட முடியும். மேலும் இதற்கென ரூ. 5ஆயிரம் கேஷ்பேக் வழங்கப்படுகிறது.

டிவிஎஸ் ரேடியான் மாடலில் 109.7சிசி, ஏர் கூல்டு என்ஜின் வழங்கப்படுகிறது. இந்த என்ஜின் 8.08 பிஹெச்பி பவர், 8.7 என்எம் டார்க் செயல்திறன் வழங்குகிறது. இந்தியாவில் இதன் விலை ரூ. 60,442 மற்றும் ரூ. 66,442 என நிர்ணயம் செய்யப்பட்டுள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

ராயல் என்பீல்டு நிறுவனம் இந்தியாவில் புதிதாக Meteor 350 மோட்டார்சைக்கிளை அறிமுகம் செய்ய இருக்கிறது. தற்சமயம் இந்த மோட்டார்சைக்கிள்ளுக்கான வீடியோ டீசர்களை ராயல் என்பீல்டு வெளியிட்டு உள்ளது.

இந்தியாவில் புதிய ராயல் என்பீல்டு Meteor 350 நவம்பர் 6 ஆம் தேதி முதல் விற்பனைக்கு வருகிறது. முன்னதாக இந்த மோட்டார்சைக்கிள் ஸ்பை படங்கள் பலமுறை இணையத்தில் வெளியாகி இருக்கிறது. புதிய Meteor 350 முற்றிலும் புதிய சேசிஸ், என்ஜின் மற்றும் புதிய அம்சங்களை கொண்டிருக்கிறது. 

ராயல் என்பீல்டு Meteor 350 இந்திய சந்தையில் தற்போதைய தன்டர்பேர்டு 350 மாடலுக்கு மாற்றாக இருக்கலாம் என எதிர்பார்க்கப்படுகிறது. ராயல் என்பீல்டு Meteor 350 மாடலில் புத்தம் புதிய 349சிசி சிங்கிள் சிலிண்டர், ஏர் கூல்டு என்ஜின் வழங்கப்படுகிறது. 

இந்த என்ஜின் 20 பிஹெச்பி பவர், 27 என்எம் டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்படுகிறது.

நார்டன் மோட்டார்சைக்கிள் ஆறு புதிய பெயர்களை பயன்படுத்த டிரேட்மார்க் கோரி விண்ணப்பித்து இருக்கிறது. டிவிஎஸ் மோட்டார்ஸ் நிறுவனம் நார்டன் மோட்டார்சைக்கிளை கைப்பற்றிய பின் நிகழ்ந்திருக்கும் பெரும் திட்டமாக இது பார்க்கப்படுகிறது.

நார்டன் எலெக்ட்ரா, நார்டன் பாஸ்ட்பேக், நார்டன் நேவிகேட்டர், நார்டன் நாமண்ட், நார்டன் ரேஞ்சர் மற்றும் நார்டன் காம்பேட் என ஆறு பெயர்களுக்கான டிரேட்மார்க் வழங்க நார்டன் மோட்டார்சைக்கிள் விண்ணப்பித்து இருக்கிறது. 

அடுத்த சில ஆண்டுகளில் நார்டன் மோட்டார்சைக்கிள் வெளியிட இருக்கும் புதிய வாகனங்களுக்கு இந்த பெயர்கள் சூட்டப்படும் என எதிர்பார்க்கப்படுகிறது. 

டிரேட்மார்க் விண்ணப்பத்தில் உள்ள சில பெயர்கள் 60 மற்றும் 70களின் காலக்கட்டத்தில் விற்பனை செய்யப்பட்டு வந்தன. அந்த வகையில் நார்டன் மோட்டார்சைக்கிள் பழைய பெயர்களை பயன்படுத்தி விற்பனை மற்றும் லாபத்தை  ஈட்ட முயற்சிக்கலாம் என தெரிகிறது. 

ஹீரோ மோட்டோகார்ப் நிறுவனம் பிஎஸ்6 ரக எக்ஸ்டிரீம் 200எஸ் மாடலை விரைவில் அறிமுகம் செய்ய இருக்கிறது. ஏப்ரல் மாதத்தில் பிஎஸ்6 புகை விதிகள் அமலானது முதல் இந்த மாடல் விற்பனையாகாமல் உள்ளது.

2020 எக்ஸ்டிரீம் 200எஸ் மாடலில் ஆயில் கூலர் வசதி வழங்கப்படலாம் என எதிர்பார்க்கப்படுகிறது. இதே வசதி எக்ஸ்பல்ஸ் மாடலிலும் வழங்கப்பட்டு இருந்தது குறிப்பிடத்தக்கது. புதிய எக்ஸ்டிரீம் 200எஸ் அதிக சத்தத்தை எழுப்பாமல், மென்மையாக இருக்கும் என தெரிகிறது.

வடிவமைப்பு முந்தைய மாடலில் இருந்ததை போன்றே காட்சியளிக்கும் என தெரிகிறது. எனினும், இம்முறை புதிய நிற ஆப்ஷன்கள் வழங்கப்படலாம். புதிய மாடலின் பெரும்பாலான அம்சங்கள் பிஎஸ்4 மாடலில் இருந்தது போன்றே வழங்கப்படலாம்.

இந்திய சந்தையில் ஹீரோ மோட்டோகார்ப் நிறுவனம் பிஎஸ்6 ரக எக்ஸ்டிரீம் 200எஸ் மாடல் விலையை ரூ. 1.08 லட்சம், எக்ஸ்-ஷோரூம் வரை நிர்ணயம் செய்யலாம் என தெரகிறது.

யமஹா நிறுவனம் தனது 2021 எம்டி 09 மோட்டார்சைக்கிள் மாடலை அறிமுகம் செய்தது. புதிய மாடல் முந்தைய வெர்ஷனை விட சக்தி வாய்ந்ததாக உருவாகி இருக்கிறது.

அந்த வகையில் புதிய யமஹா எம்டி 09 மாடலில் 889சிசி என்ஜின் வழங்கப்பட்டு உள்ளது. இது தற்போதைய மாடலில் இருப்பதை விட 42சிசி அதிகம் ஆகும். புதிய என்ஜின் 118 பிஹெச்பி பவர், 93 என்எம் டார்க் செயல்திறன் வழங்குகிறது.

புதிய என்ஜின் யூரோ 5 விதிகளுக்கு பொருந்தும் வகையில் உருவாக்கப்பட்டு இருக்கிறது. மேலும் இதில் மேம்பட்ட பியூவல் இன்ஜெக்ஷன் சிஸ்டம், புதிய எக்சாஸ்ட் வழங்கப்பட்டு உள்ளது.

யமஹா எம்டி 09 கூர்மையான தோற்றம் கொண்டுள்ளது. இதன் லைட்டிங் முழுக்க எல்இடி யூனிட்கள் வழங்கப்பட்டு இருக்கிறது. புதிய யமஹா எம்டி 09 விலை இதுவரை அறிவிக்கப்படவில்லை.

எலெக்ட்ரிக் இருசக்கர வாகனங்களை உற்பத்தி செய்யும் ஒகினவா இந்திய சந்தையில் பண்டிகை கால சலுகைகளை அறிவித்து இருக்கிறது. இதில் அதிர்ஷ்ட குலுக்கல் போட்டி அறிவிக்கப்பட்டு உள்ளது. இந்த குலுக்கலில் தேர்வாகும் பத்து பேருக்கு சிறப்பு பரிசும், முதலில் தேர்வாகும் நபர் புதிய ஒகினவா ஆர்30 மாடலை வென்றிட முடியும்.

அக்டோபர் 24 ஆம் தேதி துவங்கிய சிறப்பு சலுகை நவம்பர் 15 ஆம் தேதி வரை நடைபெறுகிறது. வெற்றி பெற்றவர்கள் விவரம் நவம்பர் 30 ஆம் தேதி நடைபெற இருக்கிறது. 

இத்துடன் புதிய வாகனம் முன்பதிவு செய்யும் அனைவருக்கும் இலவச பரிசு, ரூ. 6 ஆயிரம் மதிப்புள்ள வவுச்சர் வழங்கப்படுகிறது. முன்னதாக வாடிக்கையாளர்களுக்கு ஆன்லைன் முன்பதிவு வசதியை ஒகினவா அறிவித்தது. இத்துடன் கஸ்டம் தீம் பெயின்ட் செய்து கொள்ளும் வசதியும் வழங்கப்படுகிறது.

இந்திய சந்தையில் வரும் பண்டிகை காலக்கட்டத்தில் விற்பனை 40 சதவீதம் வரை அதிகரிக்கும் என ஒகினவா எதிர்பார்க்கிறது. அந்த வகையில் சிறப்பு சலுகைகள் விற்பனையை ஊக்குவிக்க உதவும் என தெரிகிறது.

பிஎம்டபிள்யூ நிறுவனம் ஆர்18 மோட்டார்சைக்கிளின் கிளாசிக் வேரியண்ட்டை அறிமுகம் செய்துள்ளது. இந்த எடிஷன் இந்தியாவில் கிடைக்கும் ஆர்18 பர்ஸ்ட் எடிஷனை சார்ந்து உருவாக்கப்பட்டு இருக்கிறது. 

புதிய ஆர்18 கிளாசிக் மாடலில் புல் எல்இடி ஹெட்லைட், ஆக்சிலரி லைட்கள், பெரிய விண்ட்ஸ்கிரீன், சேடிள்பேக் உள்ளிட்டவை வழங்கப்பட்டு இருக்கிறது. மேலும் இவை அனைத்தையும் கழற்றக்கூடிய வசதி மற்றும் ஸ்டான்டர்டு ஆர்18 வேரியண்ட்டில் சேர்த்துக் கொள்ளும் வசதி வழங்கப்படுகிறது.

ஆர்18 கிளாசிக் மாடலில் 16 இன்ச் வீல், ஸ்டிரெயிட் எக்சாஸ்ட் வழங்கப்பட்டு இருக்கிறது. இரு மாடல்களிலும் 1802சிசி, பாக்சர் ட்வின் மோட்டார் வழங்கப்பட்டு உள்ளது. இது 89.9 பிஹெச்பி பவர், 158 என்எம் டார்க் செயல்திறன் வழங்குகிறது. 

இவைதவிர எலெக்டிரானிக் குரூயிஸ் கண்ட்ரோல், டிராக் டார்க் கண்ட்ரோல், கீலெஸ் ஸ்டார்ட், ரிவர்ஸ் கியர் வசதி உள்ளிட்டவை வழங்கப்பட்டு இருக்கிறது. சர்வதேச சந்தையில் விரைவில் விற்பனைக்கு வரும் ஆர்18 கிளாசிக் இந்திய சந்தையில் 2021 வாக்கில் அறிமுகமாகும் என தெரிகிறது.

ஹோண்டா நிறுவனம் தனது சிபி1000ஆர் மாடலின் டீசர் வீடியோவை வெளியிட்டு உள்ளது. இந்திய சந்தையில் புதிய 2021 ஹோண்டா சிபி1000ஆர் மாடல் நவம்பர் 10 ஆம் தேதி அறிமுகமாகும் என ஹோண்டா நிறுவனம் தெரிவித்து இருக்கிறது.

டீசர் வீடியோவில் 2021 ஹோண்டா சிபி1000ஆர் மாடல் சில்ஹவுட்டில் காட்சியளிக்கிறது. எனினும், இதன் ஹெட்லைட் பெசல் தற்போதைய மாடலில் உள்ளதை விட சற்றே வித்தியாசமாக இருக்கும் என தெரிகிறது. மேலும் இந்த மாடலில் அலாய் வீல்கள், புதிய டிசைன் கொண்டிருக்கிறது.

இந்த மாடலில் 999சிசி லிக்விட் கூல்டு, இன் லைன் 4 சிலிண்டர் மோட்டார் வழங்கப்பட்டு உள்ளது. இந்த என்ஜின் 143 பிஹெச்பி பவர், 104 என்எம் டார்க் செயல்திறன் வழங்குகிறது. இத்துடன்  6 ஸ்பீடு கியர்பாக்ஸ் வழங்கப்படுகிறது. 

மேலும் முழுமையாக அட்ஜஸ்ட் செய்யக்கூடிய இன்வெர்ட்டெட் முன்புற போர்க், பின்புறம் மோனோ-ஷாக் சஸ்பென்ஷன் வழங்கப்படுகிறது. பிரேக்கிங்கை பொருத்தவரை முன்புறம் 310 எம்எம் ட்வின் டிஸ்க், பின்புறம் 256எம்எம் ரோட்டார் வழங்கப்பட்டு உள்ளது.