தொழில்நுட்பம்
இந்தியாவில் பிக்சல் 3, பிக்சல் 3 XL ஸ்மார்ட்போன்களின் முன்பதிவு துவக்கம்
கூகுள் நிறுவனம் சமீபத்தில் அறிமுகம் செய்த பிக்சல் 3 மற்றும் பிக்சல் 3 XL ஸ்மார்ட்போன் மாடல்களின் முன்பதிவு இந்தியாவில் துவங்கி இருக்கிறது. #Pixel3
கூகுள் நிறுவனத்தின் பிக்சல் 3 மற்றும் பிக்சல் 3XL ஸ்மார்ட்போன்களை சமீபத்தில் அறிமுகம் செய்தது. அந்நிறுவனம் ஏற்கனவே அறிவித்தப்படி புதிய ஸ்மார்ட்போன்கள் இந்தியாவில் முன்பதிவு செய்யப்படுகின்றன. புதிய பிக்சல் ஸ்மார்ட்போன்களை முன்பதிவு செய்ய விரும்புவோர் பிளிப்கார்ட் வலைதளம் சென்று தங்களுக்கான மொபைலை முன்பதிவு செய்யலாம்.
பிளிப்கார்ட் தளத்தில் இரண்டு பிக்சல் ஸ்மார்ட்போன்கலுக்கும் அறிமுக சலுகைகள் வழங்கப்படுகின்றன. அந்த வகையில் வட்டியில்லா மாத தவணை முறை வசதியாக மாதம் ரூ.5,917 மற்றும் பழைய ஸ்மார்ட்போன்களை எக்சேஞ்ச் செய்து ரூ.14,200 வரை தள்ளுபடி வழங்கப்படுகிறது.
இத்துடன் தேர்வு செய்யப்பட்ட வங்கி கார்டுகளை பயன்படுத்தும் போது 10 சதவிகிதம் உடனடி தள்ளுபடி வழங்கப்படுகிறது. பிளிப்கார்ட் சார்பில் ரூ.199 விலையில் பைபேகை கியாரன்டி சலுகை இரண்டு பிக்சல் போன்களுக்கும் வழங்கப்படுகிறது. பிளிப்கார்ட் மட்டுமின்றி ஏர்டெல் நிறுவனமும் பிக்சல் 3 மற்றும் பிக்சல் 3 XL ஸ்மார்ட்போன்களுக்கான முன்பதிவுகளை ஏற்கிறது.
பயனர்கள் குறைந்தபட்சம் ரூ.17,000 முன்பணம் செலுத்தி தங்களுக்கான சாதனங்களை பெற முடியும். மீதித் தொகையை தவணை முறையில் செலுத்தலாம். மாத தவணையுடன் போஸ்ட்பெயிட் சலுகை வழங்கப்படுகிறது, இந்த சலுகையில் டேட்டா, அன்லிமி்ட்டெட் வாய்ஸ் கால் மற்றும் பிரீமியம் தரவுகள் உள்ளிட்டவை வழங்கப்படுகிறது.
கூகுள் பிக்சல் 3 மற்றும் பிக்சல் 3 XL ஸ்மார்ட்போன்களில் ஆன்ட்ராய்டு 9.0 பை இயங்குதளம், குவால்காம் உயர் ரக பிராசஸர் ஆன ஸ்னாப்டிராகன் 845, டூயல் செல்ஃபி கேமரா, 4 ஜி.பி. ரேம் உள்ளிட்டவை வழங்கப்படுகிறது. இவை 64 ஜி.பி. மற்றும் 128 ஜி.பி. மெமரி வேரியன்ட்களில் கிடைக்கிறது.