சினிமா
ரஜினிகாந்தின் அடுத்த படத்தில் தேசிய விருது நடிகர்
கார்த்திக் சுப்புராஜ் இயக்கத்தில் ரஜினிகாந்த் - விஜய் சேதுபதி நடிப்பில் உருவாக இருக்கும் புதிய படத்தில் தேசிய விருது நடிகர் ஒருவரும் இணையவிருப்பதாக கூறப்படுகிறது. #Rajinikanth #BobbySimha
ரஜினி நடிப்பில் `காலா' படம் வருகிற ஜூன் 7-ஆம் தேதி ரிலீசாக இருக்கிறது. ரஜினி தற்போது அரசியல் கட்சி தொடங்குவதில் வேலைகளை கவனித்து வருகிறார். விரைவில் கட்சிப் பெயர் அறிவிக்கப்படும் என்று எதிர்பார்க்கப்படுகிறது.
இதற்கிடையே கார்த்திக் சுப்புராஜ் இயக்கத்திலும் நடிக்க ஒப்பந்தமாகி இருக்கிறார். காலா ரிலீசுக்கு பின்னர் இந்த படத்தின் படப்பிடிப்பு துவங்கும் என்று கூறப்படும் நிலையில், படத்தில் இடம்பெறும் கலைஞர்கள் தேர்வு இறுதிகட்டத்தை எட்டியிருக்கிறது. படத்தில் முக்கிய கதாபாத்திரத்தில் விஜய் சேதுபதி நடிக்கிறார் என்று படக்குழு அறிவித்துள்ளது.
மேலும் ரஜினிக்கு ஜோடியாக சிம்ரன் நடிப்பதாகவும், அவருக்கு இந்த படத்தில் ஒரு பலமான வேடம் என்றும் கூறப்படும் நிலையில், படத்தில் தேசிய விருது நடிகர் பாபி சிம்ஹாவும் இணைந்திருப்பதாக கூறப்படுகிறது. அதுமட்டுமின்றி மெர்குரி படத்தில் முக்கிய கதாபாத்திரத்தில் நடித்த சனத் ரெட்டியும் இந்த படத்தில் முக்கிய கதாபாத்திரத்தில் நடிக்கிறாராம். படக்குழுவில் யார்? யார்? இடம்பெற்றுள்ளார்கள் என்று அறிவிப்பு விரைவில் வெளியாகும் என்று எதிர்பார்க்கப்படுகிறது.
சன் பிக்சர்ஸ் பிரம்மாண்டமாக தயாரிக்கும் இந்த படத்திற்கு அனிருத் இசையமைக்கிறார். #Rajinikanth #BobbySimha