என் மலர்
மொபைல்ஸ்
ஆப்பிள் நிறுவனத்தின் புதிய ஐபோன் எஸ்.இ. மாடல் உற்பத்தி விரைவில் துவங்க இருப்பதாக வெளியாகி உள்ளது.
ஆப்பிள் நிறுவனம் தனது ஐபோன் எஸ்.இ. சீரிசை பட்ஜெட் பிரிவில் விற்பனை செய்து வருகிறது. இதுவரை இரண்டு ஐபோன் எஸ்.இ. மாடல்களை ஆப்பிள் அறிமுகம் செய்து இருக்கிறது. இந்த சீரிசில் மூன்றாம் தலைமுறை மாடல் அடுத்த ஆண்டு வாக்கில் அறிமுகம் செய்யப்படலாம் என எதிர்பார்க்கப்படுகிறது.
இந்த நிலையில், தற்போது வெளியாகி இருக்கும் தகவல்களில் புதிய ஐபோன் எஸ்.இ. 3 மாடலின் உற்பத்தி விரைவில் துவங்க இருப்பதாக கூறப்படுகிறது. உதிரிபாகங்களை வினியோகிக்கும் பல்வேறு நிறுவனங்களும் ஐபோன் எஸ்.இ.-க்கான பாகங்களை வினியோகம் செய்ய ஆயத்தமாகி வருவதாக தகவல் வெளியாகி உள்ளது.
இதுவரை வெளியாகி இருக்கும் தகவல்களின் படி புதிய ஐபோன் எஸ்.இ. 3 மாடலில் 4.7 இன்ச் ரெட்டினா ஹெச்.டி. எல்.சி.டி. டிஸ்ப்ளே, ஹோம் பட்டனில் கைரேகை சென்சார், ஆப்பிள் ஏ15 பிராசஸர், 3 ஜி.பி. ரேம், 5ஜி கனெக்டிவிட்டி, 12 எம்.பி. பிரைமரி கேமரா உள்ளிட்ட அம்சங்கள் வழங்கப்படலாம் என தெரிகிறது.
ஒப்போ நிறுவனத்தின் முதல் மடிக்கக்கூடிய ஸ்மார்ட்போன் மாடலான பைண்ட் என் முதல் விற்பனையில் விற்றுத்தீர்ந்தது.
ஒப்போ நிறுவனம் தனது முதல் மடிக்கக்கூடிய ஸ்மார்ட்போனினை கடந்த வாரம் சீன சந்தையில் அறிமுகம் செய்தது. ஓரளவு குறைந்த விலையில் அறிமுகமான நிலையில், இந்த ஸ்மார்ட்போன் முதல் விற்பனையிலேயே விற்றுத்தீர்ந்தது. முதல் விற்பனை நிறைவுற்ற நிலையில், இதே ஸ்மார்ட்போன் மறுவிற்பனைக்கு (செகண்ட் ஹேண்ட் சேல்ஸ்) ஆன்லைன் தளங்களில் பட்டியலிடப்பட்டு இருக்கிறது. மேலும் இதன் விலை அதிகமாகவே குறிப்பிடப்பட்டு இருக்கிறது.
பிரீமியம் பிரிவில் அறிமுகமாகி இருக்கும் ஒப்போ பைண்ட் என் பல ஆண்டுகளாக உருவாக்கப்பட்டு வந்த மாடல் ஆகும். இந்த மாடலை கொண்டு ஒப்போ மடிக்கக்கூடிய ஸ்மார்ட்போன்கள் பிரிவில் களமிறங்கி இருக்கிறது. இந்த பிரிவில் சாம்சங் ஆதிக்கம் செலுத்தி வரும் நிலையில் ஒப்போ பைண்ட் என் மாடல், கேலக்ஸி இசட் போல்டு 3 சீரிஸ் விலையை விட குறைவாகவே நிர்ணயம் செய்யப்பட்டு உள்ளது.
ஒப்போ நிறுவனம் தனது பைண்ட் என் மாடலை குறிப்பிட்ட எண்ணிக்கையிலேயே ஆன்லைன் மற்றும் ஆப்லைன் தளங்களில் விற்பனைக்கு கொண்டுவந்தது. இந்த யூனிட்களும் விற்பனை துவங்கிய சிறிது நேரத்திலேயே விற்றுத்தீர்ந்ததாக அறிவிக்கப்பட்டது. ஒப்போ பைண்ட் என் ஸ்மார்ட்போன் 8 ஜி.பி., 256 ஜி.பி. மற்றும் 12 ஜி.பி., 512 ஜி.பி. என இருவித வேரியண்ட்களில் கிடைக்கிறது.
சாம்சங் நிறுவனம் உருவாக்கி வரும் எஸ் சீரிஸ் ஸ்மார்ட்போன் ரெண்டர் இணையத்தில் லீக் ஆகி இருக்கிறது.
சாம்சங் நிறுவனத்தின் கேலக்ஸி எஸ்21 எப்.இ. ஸ்மார்ட்போன் பிரஸ் ரெண்டர்கள் இணையத்தில் லீக் ஆகி உள்ளது. முன்னதாக இந்த ஸ்மார்ட்போன் பற்றிய விவரங்கள் மற்றும் அம்சங்கள் பலமுறை இணையத்தில் வெளியாகி இருக்கின்றன. எனினும், இம்முறை வெளியாகி இருக்கும் ரெண்டரில் ஸ்மார்ட்போனின் அம்சங்கள் தெரியவந்துள்ளது.
அதன்படி புதிய கேலக்ஸி எஸ்21 எப்.இ. ஸ்மார்ட்போன் முந்தைய மாடலை விட 20 கிராம் எடை குறைவாகவும், மெல்லியதாகவும் இருக்கிறது. இந்த மாடலில் 6.4 இன்ச் 2340x1080 பிக்சல் எப்.ஹெச்.டி. பிளஸ் இன்பினிட்டி ஒ டைனமிக் அமோலெட் டிஸ்ப்ளே, 120 ஹெர்ட்ஸ் ரிப்ரெஷ் ரேட் வழங்கப்படுகிறது.
இத்துடன் ஆக்டா-கோர் குவால்காம் ஸ்னாப்டிராகன் 888 பிராசஸர், 6ஜி.பி./128 ஜி.பி. மற்றும் 8ஜி.பி./256ஜி.பி. மெமரி ஆப்ஷன்களில் கிடைக்கும் என கூறப்படுகிறது. ஆண்ட்ராய்டு 11 சார்ந்த ஒன்யு.ஐ. 3.1 ஓ.எஸ்., 12 எம்.பி. பிரைமரி கேமரா, 12 எம்.பி. அல்ட்ரா வைடு கேமரா, 8 எம்.பி. டெலிபோட்டோ கேமரா, 32 எம்.பி. செல்பி கேமரா வழங்கப்படுகிறது.
இன்-டிஸ்ப்ளே கைரேகை சென்சார் கொண்டிருக்கும் கேலக்ஸி எஸ்21 எப்.இ. மாடல் 4500 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 25 வாட் பாஸ்ட் சார்ஜிங், வயர்லெஸ் பாஸ்ட் சார்ஜிங் போன்ற அம்சங்கள் வழங்கப்படும் என தெரிகிறது.
கூகுள் நிறுவனத்தின் பிக்சல் 6 5ஜி ஸ்மார்ட்போன் அமேசான் இந்திய வலைதளத்தில் விற்பனைக்கு கிடைக்கிறது.
கூகுள் நிறுவனம் ஏற்கனவே எதிர்பார்த்தப்படி இந்தியாவில் பிக்சல் 6 வெளியீட்டை புறக்கணித்து விட்டது. எனினும், சிலர் அமெரிக்காவில் இருந்து புதிய பிக்சல் 6 5ஜி மாடல்களை இந்தியாவுக்கு இறக்குமதி செய்கின்றனர். தற்போது பிக்சல் 6 5ஜி மாடல் இந்தியாவில் அமேசான் தளத்தில் விற்பனைக்கு கிடைக்கிறது.
அமேசான் இந்தியா வலைதளத்தில் புதிய பிக்சல் 6 5ஜி ஸ்மார்ட்போன் ரூ. 67,400 விலையில் பட்டியலிடப்பட்டு இருக்கிறது. இந்த ஸ்மார்ட்போன் கைண்டா கோரல், ஸ்டார்மி பிளாக் மற்றும் சோர்டா சீஃபோம் போன்ற நிறங்களில் கிடைக்கிறது. இதன் 256 ஜி.பி. மாடல் விலை ரூ. 75,999 ஆகும்.
இந்தியாவில் பிக்சல் 6 5ஜி மாடல்கள் அறிமுகமாகவில்லை. இவற்றை மூன்றாம் தரப்பினர் வெளிநாடுகளில் இருந்து இறக்குமதி செய்து லாபத்திற்காக விற்பனை செய்கின்றனர். அமேசான் இந்தியா பிரைம் சான்றுடன் பிக்சல் 6 சீரிஸ் விற்பனை செய்யப்படுகிறது.
ரெட்மி பிராண்டின் புதிய ஸ்மார்ட்போன் விவரங்கள் கூகுள் பிளே கன்சோல் தளத்தில் இடம்பெற்று இருக்கிறது.
ரெட்மியின் 2022 ரெட்மி 10 ஸ்மார்ட்போன் விவரங்கள் கூகுள் பிளே கன்சோல் வலைதளத்தில் இடம்பெற்று இருக்கிறது. அந்த வகையில் இந்த ஸ்மார்ட்போன் விரைவில் அறிமுகமாகும் என தெரிகிறது. மேலும் இந்த ஸ்மார்ட்போனின் அம்சங்களும் தெரியவந்துள்ளது.
அதன்படி 2022 ரெட்மி 10 மாடல் இருவித ரேம் ஆப்ஷன்கள், ஆண்ட்ராய்டு 11 ஓ.எஸ்., மீடியாடெக் பிராசஸர் கொண்டிருக்கிறது. முன்னதாக இதே ஸ்மார்ட்போன் விவரங்கள் அமெரிக்காவின் எப்.சி.சி. வலைதளத்திலும் இடம்பெற்று இருந்தது.
மற்ற அம்சங்களை பொருத்தவரை புதிய ரெட்மி ஸ்மார்ட்போன் 1080x2400 ரெசல்யூஷன் கொண்ட டிஸ்ப்ளே, ஆண்ட்ராய்டு சார்ந்த எம்.ஐ.யு.ஐ. 12.5 வழங்கப்படும் என கூறப்படுகிறது. இந்த மாடல் 4ஜி.பி.+64ஜி.பி. மற்றும் 6ஜி.பி.+128ஜி.பி. என இருவித மெமரி ஆப்ஷன்களில் கிடைக்கும் என தெரிகிறது.
இத்துடன் மீடியாடெக் ஹீலியோ ஜி80 சீரிஸ் சிப்செட், பிரைமரி கேமராவுடன் 8 எம்.பி. அல்ட்ரா-வைடு லென்ஸ், 2 எம்.பி. ஆம்னிவிஷன் கேமரா வழங்கப்படும் என தெரிகிறது. இந்தியாவில் 2022 ரெட்மி 10 ஸ்மார்ட்போன் அடுத்த ஆண்டின் முதல் காலாண்டு வாக்கில் அறிமுகம் செய்யப்படலாம்.
இன்பினிக்ஸ் நிறுவனத்தின் புதிய நோட் 11 சீரிஸ் ஸ்மார்ட்போன்கள் இந்தியாவில் விற்பனைக்கு அறிமுகம் செய்யப்பட்டன.
இன்பினிக்ஸ் நிறுவனம் இந்தியாவில் நோட் 11 மற்றும் நோட் 11எஸ் ஸ்மார்ட்போனினை அறிமுகம் செய்தது. புதிய நோட் 11 மாடலில் 6.7 இன்ச் எப்.ஹெச்.டி. பிளஸ் அமோலெட் டிஸ்ப்ளே, மீடியாடெக் ஹீலியோ ஜி88 பிராசஸர், 50 எம்.பி. பிரைமரி கேமரா, டெப்த் சென்சார், ஏ.ஐ. சென்சார் வழங்கப்பட்டு இருக்கிறது.
புதிய நோட் 11எஸ் மாடலில் 6.95 இன்ச் எப்.ஹெச்.டி. பிளஸ் 120 ஹெர்ட்ஸ் டிஸ்ப்ளே, ஹீலியோ ஜி96 பிராசஸர், 50 எம்.பி. பிரைமரி கேமரா, 2 எம்.பி. டெப்த், 2 எம்.பி. மேக்ரோ கேமரா வழங்கப்பட்டு இருக்கிறது. இரு மாடல்களிலும் 16 எம்.பி. செல்பி கேமரா, டூயல் எல்.இ.டி. பிளாஷ், பக்கவாட்டில் கைரேகை சென்சார், 5000 எம்.ஏ.ஹெச். பேட்டரி, 33 வாட் பாஸ்ட் சார்ஜிங் உள்ளது.
இன்பினிக்ஸ் நோட் 11 மாடல் கிளேசியர் கிரீன், செலஸ்டியல் ஸ்னோ, கிராபைட் பிளாக் நிறங்களில் கிடைக்கிறது. இதன் 4ஜி.பி.+64ஜி.பி. மெமரி மாடல் விலை ரூ. 11,999 என நிர்ணயம் செய்யப்பட்டு உள்ளது. இதன் விற்பனை ப்ளிப்கார்ட் தளத்தில் டிசம்பர் 20 ஆம் தேதி துவங்குகிறது.
இன்பினிக்ஸ் நோட் 11 எஸ் மாடல் சிம்பனி சியான், ஹேஸ் கிரீன் மற்றும் மித்ரில் கிரே நிறங்களில் கிடைக்கிறது. இதன் 6ஜி.பி.+64ஜி.பி. மாடல் விலை ரூ. 12,999 என்றும் 8ஜி.பி.+128ஜி.பி. மாடல் விலை ரூ. 14,999 என்றும் நிர்ணயம் செய்யப்பட்டுள்ளது. இதன் விற்பனை டிசம்பர் 23 ஆம் தேதி ப்ளிப்கார்ட் தளத்தில் துவங்குகிறது.
ஒன்பிளஸ் நிறுவனத்தின் புதிய நார்டு 2 சி.இ. ஸ்மார்ட்போன் விவரங்கள் இணையத்தில் லீக் ஆகி உள்ளது.
ஒன்பிளஸ் நிறுவனம் நார்டு கோர் எடிஷன் (சி.இ.) ஸ்மார்ட்போனினை இந்த ஆண்டு அறிமுகம் செய்தது. இது ஒன்பிளஸ் நார்டு மாடலை சார்ந்து உருவாக்கப்பட்ட வேரியண்ட் ஆகும். இந்த ஸ்மார்ட்போனின் மேம்பட்ட மாடல் உருவாக்கப்படுவதாக தகவல் வெளியாகி உள்ளது.
அதன்படி புதிய ஒன்பிளஸ் ஸ்மார்ட்போன் ஐ.வி.2201 எனும் மாடல் நம்பர் மற்றும் இவான் எனும் குறியீட்டு பெயர் கொண்டிருக்கிறது. முன்னதாக இதே ஸ்மார்ட்போனின் விவரங்கள் பி.ஐ.எஸ். வலைதளத்தில் இடம்பெற்று இருந்தது.
அம்சங்களை பொருத்தவரை புதிய ஒன்பிளஸ் நார்டு 2 சி.இ. மாடலில் 6.4 இன்ச் அமோலெட் டிஸ்ப்ளே, 90 ஹெர்ட்ஸ் ரிப்ரெஷ் ரேட், மீடியாடெக் டிமென்சிட்டி 900 5ஜி பிராசஸர், 6 ஜி.பி. துவங்கி அதிகபட்சம் 12 ஜி.பி. ரேம் வழங்கப்படுகிறது. இத்துடன் 128 ஜி.பி. அல்லது 256 ஜி.பி. என இருவித மெமரி ஆப்ஷன்களில் கிடைக்கும் என கூறப்படுகிறது.
புகைப்படங்களை எடுக்க 64 எம்.பி. பிரைமரி கேமரா, 8 எம்.பி. அல்ட்ரா-வைடு லென்ஸ், 2 எம்.பி. மேக்ரோ லென்ஸ் மற்றும் 16 எம்.பி. செல்பி கேமரா வழங்கப்படுகிறது. இந்த ஸ்மர்ட்போன் ஆண்ட்ராய்டு 12 ஓ.எஸ். கொண்டிருக்கும் என தெரிகிறது.
ரியல்மி நிறுவனத்தின் புதிய ஜி.டி. 2 ப்ரோ ஸ்மார்ட்போன் விவரங்கள் இணையத்தில் லீக் ஆகி உள்ளது.
ரியல்மி நிறுவனத்தின் ஜி.டி. 2 ப்ரோ ஸ்மார்ட்போன் விரைவில் அறிமுகமாகும் என எதிர்பார்க்கப்படுகிறது. இந்த ஸ்மார்ட்போனின் விவரங்கள் தொடர்ந்து இணையத்தில் வெளியாகி வருகிறது. அதன்படி தற்போது வெளியாகி இருக்கும் தகவல்களில் புதிய ரியல்மி ஜி.டி. 2 ப்ரோ ஸ்மார்ட்போன் 1 டி.பி. இன்டெர்னல் மெமரி கொண்டிருக்கும் என கூறப்படுகிறது.
ஸ்மார்ட்போனின் பெயர் மற்றும் மெமரியை தெரிவிக்கும் புகைப்படம் இணையத்தில் வெளியாகி உள்ளது. இந்த ஸ்மார்ட்போன் ஸ்னாப்டிராகன் 8 ஜென் 1 பிராசஸர், ரியல்மி யு.ஐ. 3 சார்ந்த ஆண்ட்ராய்டு 12, 3 ஜி.பி. விர்ச்சுவல் ரேம் போன்ற அம்சங்களை கொண்டிருக்கிறது.
முந்தைய தகவல்களின் படி ரியல்மி ஜி.டி. 2 ப்ரோ ஸ்மார்ட்போன் 6.7 இன்ச் அமோலெட் டிஸ்ப்ளே, 32 எம்.பி. செல்பி கேமரா, 50 எம்.பி. பிரைமரி கேமரா, 50 எம்.பி. அல்ட்ரா வைடு கேமரா, டெலிபோட்டோ லென்ஸ் வழங்கப்படுகிறது. இத்துடன் 5000 எம்.ஏ.ஹெச். பேட்டரி வழங்கப்படலாம் என தெரிகிறது.
சாம்சங் நிறுவனத்தின் கேலக்ஸி எஸ்21 எப்.இ. ஸ்மார்ட்போன் பற்றிய புது விவரங்கள் இணையத்தில் வெளியாகி உள்ளது.
சாம்சங் கேலக்ஸி எஸ்21 எப்.இ. ஸ்மார்ட்போன் ஜனவரி 2022 வாக்கில் அறிமுகமாகும் என தகவல் வெளியாகி உள்ளது. நீண்ட காலமாக எதிர்பார்க்கப்படும் கேலக்ஸி எஸ்21 எப்.இ. விவரங்கள் சமீபத்தில் சாம்சங் சர்வெரில் இடம்பெற்று இருந்தது.
அதன்படி புதிய சாம்சங் ஸ்மார்ட்போன் ஆண்ட்ராய்டு 12 ஓ.எஸ். சார்ந்த ஒன் யு.ஐ. 4 கொண்டிருக்கும் என கூறப்படுகிறது. இந்த ஸ்மார்ட்போன் ஆண்ட்ராய்டு 15 வரையிலான அப்டேட் வழங்கப்பட இருக்கிறது. சாம்சங் தனது பிரீமியம் ஸ்மார்ட்போன் மாடல்களுக்கு மூன்று ஓ.எஸ். அப்டேட் மற்றும் 4 ஆண்டுகளுக்கு செக்யூரிட்டி அப்டேட்கள் வழங்குவதாக அறிவித்து இருக்கிறது.
முந்தைய தகவல்களின் படி இந்த ஸ்மார்ட்போன் 128 ஜிபி மற்றும் 256 ஜிபி என இரண்டு வேரியண்ட்களில் கிடைக்கும் என கூறப்படுகிறது. ஐரோப்பாவில் இதன் விலை 660 யூரோக்கள் மற்றும் 705 யூரோக்கள் என நிர்ணயம் செய்யப்படலாம்.
அம்சங்களை பொருத்தவரை கேலக்ஸி எஸ்21 எப்.இ. மாடலில் 6.41 இன்ச் அமோலெட் எப்.ஹெச்.டி. பிளஸ் டிஸ்ப்ளே, 120 ஹெர்ட்ஸ் ரிப்ரெஷ் ரேட், டஸ்ட் மற்றும் வாட்டர் ரெசிஸ்டண்ட் வசதி, ஸ்னாப்டிராகன் 888 / எக்சைனோஸ் 2100 பிராசஸர், ஆண்ட்ராய்டு 12 சார்ந்த ஒன் யு.ஐ. 3.1 வழங்கப்படும் என தெரிகிறது.
ரெட்மி நிறுவனத்தின் புதிய நோட் 11 4ஜி ஸ்மார்ட்போன் இந்திய வெளியீட்டு விவரங்கள் இணையத்தில் வெளியாகி உள்ளது.
ரெட்மி பிராண்டின் புதிய நோட் 11 4ஜி ஸ்மார்ட்போன் விரைவில் இந்தியாவில் அறிமுகம் செய்யப்பட இருக்கிறது. முன்னதாக இதே ஸ்மார்ட்போன் சீன சந்தையில் அறிமுகம் செய்யப்பட்டுள்ளது.
இந்தியாவில் புதிய ரெட்மி நோட் 11 4ஜி ஸ்மார்ட்போன் நோட் 11டி 4ஜி ஸ்மார்ட்போனுடன் அறிமுகம் செய்யப்பட இருப்பதாக கூறப்படுகிறது. சீனாவில் ஏற்கனவே விற்பனை செய்யப்படும் நோட் 11 5ஜி ஸ்மார்ட்போனே இந்தியாவில் நோட் 11டி 5ஜி எனும் பெயரில் அறிமுகமாக இருக்கிறது.
ரெட்மி நோட் 11 4ஜி ஸ்மார்ட்போன் 4ஜிபி+64ஜிபி, 4ஜிபி+128ஜிபி மற்றும் 6ஜிபி+128ஜிபி போன்ற மெமரி ஆப்ஷன்களில் கிடைக்கும் என கூறப்படுகிறது. இந்த ஸ்மார்ட்போன் கிராபைட் கிரே, டுவிலைட் புளூ மற்றும் ஸ்டார் புளூ நிறங்களில் கிடைக்கும் என தெரிகிறது.
அம்சங்களை பொருத்தவரை ரெட்மி நோட் 11 4ஜி மாடலில் 6.5 இன்ச் புல் ஹெச்.டி. பிளஸ் 1080x2400 பிக்சல் டிஸ்ப்ளே, மீடியாடெக் ஹீலியோ ஜி88 பிராசஸர், மூன்று கேமரா சென்சார்கள், 8 எம்.பி. செல்பி கேமரா, 5000 எம்.ஏ.ஹெச். பேட்டரி வழங்கப்படும் என கூறப்படுகிறது.
ஒன்பிளஸ் நிறுவனத்தின் 9 சீரிஸ் ஸ்மார்ட்போன் மாடல்களுக்கு புதிய ஆண்ட்ராய்டு 12 வெளியீட்டு விவரங்களை பார்ப்போம்.
ஒன்பிளஸ் 9 மற்றும் ஒன்பிளஸ் 9 ப்ரோ ஸ்மார்ட்போன்களுக்கு ஆண்ட்ராய்டு 12 அப்டேட் வெளியிடப்பட்டு வருகிறது. ஆண்ட்ராய்டு 12 சார்ந்த ஆக்சிஜன் ஓ.எஸ். 12 வழங்க துவங்கி இருப்பதை அடுத்து, ஒன்பிளஸ் நிறுவனம் புது ஆண்ட்ராய்டு அப்டேட் வழங்கும் மூன்றாவது பெரும் நிறுவனமாக இருக்கிறது. முன்னதாக கூகுள் மற்றும் சாம்சங் நிறுவன ஸ்மார்ட்போன்களுக்கு புது ஆண்ட்ராய்டு அப்டேட் வழங்கப்பட்டது.
புதிய ஆக்சிஜன் ஓ.எஸ். ஸ்மார்ட்போனில் சிஸ்டம்-லெவல் மேம்படுத்தல்கள் மற்றும் புது அம்சங்களை வழங்குகிறது. மேலும் யூசர் இண்டர்பேஸ் சார்ந்த மாற்றங்களும் மேற்கொள்ளப்பட்டுள்ளன. இந்த அப்டேட் ஓ.டி.ஏ. முறையில் வழங்கப்படுகிறது. இதனை எக்ஸ்.டி.ஏ. டெவலப்பர்கள் கண்டறிந்து தகவல் தெரிவித்தனர்.
இந்த அப்டேட் அளவில் 4.04 ஜி.பி.-யாக உள்ளது. இதனால் ஸ்மார்ட்போனினை அப்டேட் செய்யும் போது வைபை நெட்வொர்க்கில் இணைவதை உறுதிப்படுத்திக் கொள்வது நல்லது. மேலும் ஸ்மார்ட்போனில் உள்ள தகவல்களை பேக்கப் எடுத்துக் கொள்வதும் அவசியம் ஆகும்.
புதிய ஓ.எஸ். அப்டேட் படிப்படியாக வழங்கப்பட்டு வருகிறது. அந்த வகையில், அப்டேட் கிடைக்காதவர்கள் ஸ்மார்ட்போனை அப்டேட் செய்ய சில நாட்கள் காத்திருக்க வேண்டும்.
சாம்சங் நிறுவனத்தின் புதிய கேலக்ஸி ஏ03 கோர் ஸ்மார்ட்போன் இந்தியாவில் விற்பனைக்கு அறிமுகம் செய்யப்பட்டது.
சாம்சங் நிறுவனம் இந்திய சந்தையில் புதிய கேலக்ஸி ஏ03 கோர் ஸ்மார்ட்போனினை அறிமுகம் செய்துள்ளது. இது ஆண்ட்ராய்டு 11 கோ எடிஷன் ஸ்மார்ட்போன் ஆகும். இதில் 6.5 இன்ச் ஹெச்.டி. பிளஸ் இன்பினிட்டி வி டிஸ்ப்ளே, யுனிசாக் எஸ்.சி.9863ஏ பிராசஸர், 8 எம்.பி. பிரைமரி கேமரா, 5 எம்.பி. செல்பி கேமரா உள்ளது.
பிளாஸ்டிக் பாடி கொண்டிருக்கும் புது ஸ்மார்ட்போனில் கைரேகை சென்சார் வழங்கப்படவில்லை. இந்த ஸ்மார்ட்போன் 5000 எம்.ஏ.ஹெச். பேட்டரி மூலம் சக்தியூட்டப்படுகிறது.
சாம்சங் கேலக்ஸி ஏ03 கோர் அம்சங்கள்
- 6.5 இன்ச் 1560x720 பிக்சல் ஹெச்.டி. பிளஸ் எல்.சி.டி. இன்பினிட்டி வி டிஸ்ப்ளே
- 1.6 ஜிகாஹெர்ட்ஸ் ஆக்டா-கோர் யுனிசாக் எஸ்.சி.9863ஏ பிராசஸர்
- ஐ.எம்.ஜி.8322 ஜி.பி.யு.
- 2 ஜிபி ரேம்
- 32 ஜிபி மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 11 கோ எடிஷன்
- டூயல் சிம் ஸ்லாட்
- 8 எம்.பி. பிரைமரி கேமரா, எல்.இ.டி. பிளாஷ்
- 5 எம்.பி. செல்பி கேமரா
- 3.5 எம்.எம். ஆடியோ ஜாக்
- டூயல் 4ஜி வோல்ட்இ, வைபை, ப்ளூடூத் 4.2
- 5,000 எம்.ஏ.ஹெச். பேட்டரி
சாம்சங் கேலக்ஸி ஏ03 கோர் ஸ்மார்ட்போன் பிளாக் மற்றும் புளூ நிறங்களில் கிடைக்கிறது. இதன் விலை ரூ. 7,999 ஆகும். இந்த ஸ்மார்ட்போன் விரைவில் நாடு முழுக்க விற்பனைக்கு வர இருக்கிறது.
×