நீங்கள் தேடியது "மன் கி பாத்"

புதுடெல்லி:

பிரதமர் நரேந்திர மோடி இன்று 110-வது மன் கி பாத் நிகழ்ச்சியில் பேசினார். அப்போது அவர் கூறியதாவது:

மார்ச் 8-ம் தேதி பெண்கள் தினத்தைக் கொண்டாட உள்ளோம். நாட்டின் வளர்ச்சி பயணத்தில் பெண்களின் பங்களிப்புக்கு மரியாதை செய்ய இந்த நாள் சிறப்பான நாள். பெண்களுக்கு சம வாய்ப்பு கிடைத்தால் மட்டுமே, உலகம் வளர்ச்சி பெறும் என மகாகவி பாரதியார் கூறியுள்ளார்.

இந்தியாவில் பெண்கள் சக்தியானது அனைத்து துறைகளிலும் புதிய உச்சத்தை தொடுகிறது. கிராமங்களில் வசிக்கும் பெண்களால் டிரோன்களை இயக்க முடியுமா, பறக்கவைக்க வேண்டுமா என கேள்வி எழுந்தது. ஆனால் இன்று அதுவும் சாத்தியமானது. இயற்கை விவசாயம், நீர் சேகரிப்பு மற்றும் தூய்மைப்பணிகளில் பெண்களின் தலைமைப்பண்பு வெளிவந்துள்ளது.

ரசாயனங்களால், நமது அன்னை பூமியானது அவதிப்பட்டது. வேதனையடைந்தது. ஆனால், நமது பூமியை காப்பதில் பெண்கள் சக்தி முக்கிய பங்கு வகித்தது. நாட்டின் ஒவ்வொரு மூலையிலும் இயற்கை வேளாண்மையில் பெண்கள் ஈடுபட்டுள்ளனர்.

தேர்தல் பணியில் இளைஞர்கள் எவ்வளவு அதிகமாக பங்கேற்கிறார்களோ, அந்த அளவுக்கு அதன் முடிவுகள் நாட்டுக்கு பயன் உள்ளதாக இருக்கும்.

வரவிருக்கும் பாராளுமன்ற தேர்தலில் முதல் முறை வாக்காளர்கள் அதிக எண்ணிக்கையில் வாக்குரிமையைப் பயன்படுத்த வேண்டும். உற்சாகமும், ஆற்றலும் நிறைந்த இளைஞர்களால் இந்தியா பெருமிதம் கொள்கிறது.

18-வது மக்களவைக்கு ஒரு உறுப்பினரைத் தேர்ந்தெடுக்கும் வாய்ப்பை இளைஞர்கள் பெறுகிறார்கள். இதன் பொருள் 18-வது மக்களவை இளைஞர்களின் விருப்பத்தின் அடையாளமாகவும் இருக்கும் .

இளைஞர்கள் அரசியல், பொது அறிவு குறித்த விழிப்புணர்வுடன் இருக்கவேண்டும். விளையாட்டு, திரைப்படத்துறை, இலக்கியம் மற்றும் சமூக ஊடகங்கள் ஆகியவை முதல் முறை வாக்காளர்களை ஊக்குவிக்க வேண்டும்.

பாராளுமன்ற தேர்தலுக்கான சூழல் நாடு முழுவதும் பரவலாக உள்ளது. மார்ச் மாதத்தில் நடத்தை விதிகள் அமலுக்கு வருவதற்கான சாத்தியக் கூறுகள் உள்ளது.

110 எபிசோட்களில் நாட்டின் வளர்ச்சி, முன்னேற்றம், சாதனைகள் பற்றி மக்களுடன் பேசியது மன் கி பாத் நிகழ்ச்சிக்கு கிடைத்த மாபெரும் வெற்றி.

மன் கி பாத் என்பது மக்களால் மக்களுக்காக, மக்கள் மூலம் தயாரிக்கப்பட்ட ஒரு திட்டம். பாராளுமன்ற தேர்தலை கருத்தில் கொண்டு அரசியல் சட்டத்தைப் பின்பற்றி அடுத்த 3 மாதங்களுக்கு மன் கி பாத் நிகழ்ச்சி ஒளிபரப்பு செய்யப்படாது. அடுத்ததாக 111-வது எபிசோடில் மன் கி பாத்தில் மக்களுடன் உரையாடுவேன் என தெரிவித்தார்.

புதுடெல்லி:

மன் கி பாத் நிகழ்ச்சியில் பிரதமர் நரேந்திர மோடி பேசியதாவது:

அயோத்தியில் நடந்த ராமர் கோவில் கும்பாபிஷேகம் நாட்டு மக்களை ஓரணியில் ஒருங்கிணைத்து உள்ளது. அனைவரின் மனங்களில் ராமர் உள்ளார்.

கடந்த 22-ம் தேதி மாலை நாடு முழுவதும் ராமஜோதி ஏற்றி தீபாவளி பண்டிகை கொண்டாடினர். அன்று நாட்டின் பலம் தெரிந்தது. கடவுள் ராமரின் ஆட்சி, நமது அரசியல் சட்டத்தை உருவாக்கியவர்களுக்கு முன்மாதிரியாக இருந்துள்ளது.

பத்ம விருதுகளால் கவுரவிக்கப்படும் பலர், பெரிய மாற்றங்களைச் செய்ய அடிமட்டத்தில் இருந்து பணியாற்றியவர்கள்.

பத்ம விருதுகள் அமைப்பு மாற்றியமைக்கப்பட்டுள்ளது. அந்த விருது மக்களின் பத்மா ஆக மாறியுள்ளது. திறமையான விளையாட்டு வீரர்கள் அர்ஜூனா விருது மூலம் கவுரவிக்கப்பட்டனர்.

இந்தாண்டு 13 விளையாட்டு வீராங்கனைகளுக்கு அர்ஜூனா விருது வழங்கப்பட்டது. நமது இந்திய கலாசாரம் மற்றும் பாரம்பரியத்தை உயரத்திற்கு கொண்டு சென்ற வெளிநாட்டினருக்கும் பத்ம விருதுகள் அறிவிக்கப்பட்டுள்ளது. பிரான்ஸ், தைவான், மெக்சிகோ மற்றும் வங்காள தேசத்தைச் சேர்ந்தவர்களும் விருது பெற்றுள்ளனர்.

இந்தாண்டு குடியரசு தின அணிவகுப்பு சிறப்பாக இருந்தது. இந்த அணிவகுப்பில் இருந்த பெண்கள் சக்தி குறித்து அனைவரும் பேசினர்.

இன்றைய இந்தியாவில் நமது மகள்கள், பெண்கள் அனைத்துத் துறைகளிலும் சிறப்பாக பணியாற்றுகின்றனர். சுய உதவிக் குழுக்களில் பெண்கள் முத்திரை பதித்துள்ளனர். நாடு முழுவதும் இக்குழுக்களின் எண்ணிக்கை அதிகரித்துள்ளது. அவர்களின் பணியும் விரிவடைகிறது.

இன்று நிறைய பேர் தங்களது மரணத்திற்கு பிறகு உடல் உறுப்பு தானம் செய்கின்றனர். இந்த முடிவு எளிதானது அல்ல. ஆனால், பலரின் வாழ்க்கையை காப்பாற்றி உள்ளது. இவர்களின் கடைசி ஆசையை நிறைவேற்றிய குடும்பத்தினருக்கு நன்றி தெரிவிக்கிறேன் என தெரிவித்தார்.

புதுடெல்லி:

பிரதமர் நரேந்திர மோடி ஒவ்வொரு மாதத்தின் கடைசி ஞாயிற்றுக்கிழமைகளில் வானொலியில் மனதின் குரல் ('மன் கி பாத்') நிகழ்ச்சியில் நாட்டு மக்களுக்கு உரையாற்றி வருகிறார். இன்று 108-வது மனதின் குரல் நிகழ்ச்சியில் பேசினார். அப்போது அவர் கூறியதாவது:

இன்று 108-வது மன் கி பாத் அத்தியாயங்களில் பொதுமக்களின் பங்கேற்புக்கான பல எடுத்துக்காட்டுகளை பார்த்தோம். அவர்களிடமிருந்து உத்வேகத்தை பெற்றுள்ளோம். 108 எண்ணின் முக்கியத்து வமும், புனிதத்தன்மையும் ஆய்வு செய்யப்பட்டது. மாலை மணிகள் 108, ஜெபம் 108, கோவில்படிகள் 108 என இந்த எண் அபரிமிதமான நம்பிக்கை கொண்டது.

இன்று புதிய ஆற்றலுடனும், வேகத்துடனும் புதிதாக வளர வேண்டும் என்று நாம் தீர்மானிக்க வேண்டும்.

நாளைய சூரிய உதயம் 2024-ம் ஆண்டு முதல் சூரிய உதயமாகும். நாம் 2024-ம் ஆண்டுக்குள் நுழைகிறோம். இந்தியா தன்னம்பிக்கையால் நிறைந்துள்ளது. வளர்ந்த இந்தியாவின் உணர்வால், தன்னம்பிக்கை உணர்வோடு திகழ்கிறது. 2024-ம் ஆண்டி லும் அதே உணர்வையும் வேகத்தையும் நாம் பராமரிக்க வேண்டும்.

இந்தியா கண்டுபிடிப்புகளின் மையமாக மாறி இருக்கிறது. அதை நாம் நிறுத்தப் போவதில்லை. 2015-ம் ஆண்டு உலகளாவிய கண்டுபிடிப்பு குறியீட்டில் 81-வது இடத்தில் இருந்தோம். இன்று 40-வது இடத்தில் உள்ளோம்.

நாட்டு, நாட்டு பாடலுக்கு ஆஸ்கர் விருது கிடைத்தபோது நாடு முழுவதும் மகிழ்ச்சியில் திளைத்தது. தி எலிபென்ட் விஸ்பரர்ஸ் படத்துக்கு கிடைத்த கவுரவத்தை கேட்டதும் யார் மகிழ்ச்சி அடையவில்லை? இந்த இரண்டு ஆஸ்கர் விருது மூலம் இந்தியாவின் படைப்பாற்றலை உலகமே கண்டு கொண்டது. சுற்றுச்சூலுடனான நமது தொடர்பை புரிந்துகொண்டது.

சந்திரயான்-3 வெற்றிக்காக இன்றும் மக்கள் எனக்கு வாழ்த்து செய்திகளை அனுப்புகிறார்கள். என்னை போலவே நீங்களும் நமது விஞ்ஞானிகளை பற்றி, குறிப்பாக பெண் விஞ்ஞானிகள் பற்றி பெருமைப்படுவீர்கள் என்று நம்புகிறேன்.

பெண்கள் இட ஒதுக்கீடு மசோதா நிறைவேற்றியது உள்பட பல சிறப்பான சாதனைகளை இந்த ஆண்டு இந்தியா செய்துள்ளது.

காசி தமிழ்ச் சங்கமம் நிகழ்ச்சியின்போது பாஷினி என்ற செயற்கை நுண்ணறிவு (ஏ.ஐ.) கருவி முதல்முறையாக பயன்படுத்தப்பட்டது. பாஷினி மூலம் இந்தி உரையின் தமிழ்ப் பதிப்பை தமிழக பார்வையாளர்கள் ஒரே நேரத்தில் கேட்டனர்.

காசி தமிழ் சங்கமத்தில் தமிழகத்தில் இருந்து ஆயிரக்கணக்கானோர் பங்கேற்றனர். அவர்களுடன் தொடர்பு கொள்ள பாஷினி செயற்கை நுண்ணறிவு கருவி பயன்படுத்தப்பட்டது. பொதுமேடையில் நான் இந்தியில் உரையாற்றினேன். அதை தமிழ்நாட்டு மக்கள் அதே நேரத்தில் தமிழ் மொழியில் கேட்டனர்.

நிகழ் நேர மொழி பெயர்ப்பு தொடர்பான ஏஐ கருவிகளை ஆராய இளம் தலைமுறையினரை கேட்டு கொள்கிறேன்.

அயோத்தியில் ராமர் கோவில் திறப்பு தொடர்பாக நாடு முழுவதும் உற்சாகம் நிலவுகிறது. மக்கள் தங்கள் உணர்வுகளை பல வழிகளில் வெளிப்படுத்துகிறார்கள். சில நாட்களாக அயோத்தியில் பல புதிய பாடல்களும், பஜனைகளும் இயற்றப்பட்டிருக்கிறது. பலர் புதிய கவிதைகளையும் எழுதுகிறார்கள்.

இதுபோன்ற அனைத்து படைகளையும் ஸ்ரீராம் பஜன் என்ற ஹேஷ்டேக்குகளுடன் சமூக ஊடகங்களில் பகிருமாறு கேட்டுக் கொள்கிறேன். இது உணர்ச்சிகள் மற்றும் பக்தியின் ஓட்டமாக மாறும். இதில் அனைவரும் ராமரின் நெறிமுறையில் மூழ்கி விடுவார்கள்.

ஒவ்வொரு காலகட்டத்திலும் நம் பாரத பூமியை பெருமை அடைய செய்த மகள்கள் உள்ளனர். சாவித்ரிபாய் பூலே, ராணி வேலு நாச்சியார் ஆகியோரின் ஆளுமை ஒரு கலங்கரை விளக்கம் போன்றது. இது ஒவ்வொரு கால கட்டத்திலும் மேலும் பெண் சக்திக்கு வழிகாட்டும். இருவரின் பிறந்த நாளை வருகிற ஜனவரி 3-ம் தேதி கொண்டாட உள்ளோம்.

அந்நிய ஆட்சிக்கு எதிராக போராடிய நாட்டின் பல பெரிய ஆளுமைகளில் ராணி வேலு நாச்சியாரின் பெயரும் ஒன்று. அவரை தமிழ்நாட்டின் என் சகோதர, சகோதரிகள் இன்றும் வீரமங்கை என்று நினைவு கூருகிறார்கள்.

ஆங்கிலேயர்களை எதிர்த்துப் போராடிய ராணி வேலு நாச்சியாரின் வீரம் மிகவும் ஊக்கம் அளிக்கிறது. சிவகங்கை ராஜ்ஜியத்தின் மீதான தாக்குதலின்போது மன்னராக இருந்தார். அவரது கணவர் ஆங்கிலேயர்களால் கொல்லப் பட்டார்.

ராணி வேலு நாச்சியாரும் அவரது மகளும் எதிரிகளிடம் இருந்து தப்பினர். மருது சகோதரர்களுடன் இணைந்து ஒரு அமைப்பை உருவாக்குவதிலும், படை வளர்ப்பதிலும் பல ஆண்டுகளாக இடைவிடாமல் மும் முரமாக செயல்பட்டனர். ஆங்கிலேயர்களுக்கு எதிரான போரை முழு தயார் நிலையுடன் தொடங்கி மிகுந்த தைரியத்துடனும் உறுதியுடனும் போராடினார். ராணுவத்தில் முதல் முறையாக அனைத்து மகளிர் குழுவை உருவாக்கியவர்களில் ராணி வேலு நாச்சியாரின் பெயர் இடம் பெற்றுள்ளது. அவருக்கு அஞ்சலி செலுத்துகிறேன் என தெரிவித்தார்.

நிகழ்ச்சியில் உடற்பயிற்சி குறிப்புகளை ஈஷா அறக்கட்டளை நிறுவனர் சத்குரு, இந்திய பெண்கள் கிரிக்கெட் அணி கேப்டன் ஹர்மன்பிரீத் கவுர், செஸ் ஜாம்பவான் விஸ்வநாதன் ஆனந்த், நடிகர் அக்ஷய்குமார் ஆகியோர் பகிர்ந்து கொண்டது குறிப்பிடத்தக்கது.

புதுடெல்லி:

பிரதமர் நரேந்திர மோடி 'மனதின் குரல்' என்ற பெயரில் அகில இந்திய வானொலி மூலம் நாட்டு மக்களுடன் தனது கருத்துகளை பகிர்ந்து கொண்டு வருகிறார். நிகழ்ச்சி ஒவ்வொரு மாதமும் கடைசி ஞாயிற்றுக்கிழமை ஒலிபரப்பாகிறது. கடந்த 2014-ம் ஆண்டு அக்டோபரில் பிரதமர் மோடி இந்த நிகழ்ச்சி தொடங்கினார். இதன் 100-வது நிகழ்ச்சி கடந்த மாதம் ஒலிபரப்பானது.

இந்நிலையில், 108வது மன் கி பாத் நிகழ்ச்சியில் பிரதமர் மோடி இன்று பங்கேற்றார். அப்போது அவர் கூறியதாவது:

நாட்டு மக்கள் அனைவருக்கும் ஆங்கில புத்தாண்டு வாழ்த்துகள்.

இந்த ஆண்டில் விண்வெளி, விளையாட்டு என பல துறைகளில் பல்வேறு சாதனைகளை நாம் படைத்திருக்கிறோம்.

இந்த ஆண்டு நமது விளையாட்டு வீரர்கள் சிறப்பான விளையாட்டை வெளிப்படுத்தினர். ஆசிய விளையாட்டுப் போட்டியில் 107 பதக்கங்களையும், ஆசிய பாரா விளையாட்டுப் போட்டியில் 111 பதக்கங்களையும் வென்றுள்ளனர். உலகக் கோப்பை கிரிக்கெட் போட்டியில் தங்களின் செயல்பாடு மூலம் நமது வீரர்கள் நாட்டு மக்களின் மனங்களை வென்றனர்.

அடுத்து, 2024-ல் பாரிஸ் ஒலிக்பிக் போட்டிகள் நடைபெற உள்ளன. அதற்காக, ஒட்டுமொத்த தேசமும் விளையாட்டு வீரர்களை ஊக்குவிக்கிறது.

இந்தியா தன்னம்பிக்கையால் நிரம்பி வழிகிறது. 2024-ம் ஆண்டிலும் அதே உற்சாகத்தையும் வேகத்தையும் நாம் பராமரிக்க வேண்டும். இந்தியாவின் சாதனைகள் அடுத்த ஆண்டிலும் தொடர வேண்டும் என தெரிவித்தார்.

சூலூர்:

பிரதமர் மோடி ஒவ்வொரு மாதமும் கடைசி ஞாயிற்றுக்கிழமைகளில் மன் கி பாத் என்ற நிகழ்ச்சி மூலம் நாட்டு மக்களிடம் உரையாடுவதோடு, பல்வேறு சேவைகள் செய்து வரும் தன்னார்வலர்களை பாராட்டியும் வருகிறார்.

அந்த வகையில் இந்த மாத கடைசி ஞாயிற்றுக்கிழமையான இன்று பிரதமர் மோடி மன் கி பாத் நிகழ்ச்சியில், தனது சிறுவயது முதலே தன் ஊதியத்தில் ஒரு பகுதியை ஏழை குழந்தைகளுக்கு கொடுத்து உதவி வரும் கோவையை சேர்ந்த கூலித்தொழிலாளியான லோகநாதன் குறித்தும், அவரது சேவை குறித்தும் பிரதமர் மோடி பேசியதுடன், அவருக்கு தனது பாராட்டுக்களை தெரிவித்தார்.

சூலூர் பகுதியில் வசித்து வரும் லோகநாதன் சிறுவயது முதலே ஏழை குழந்தைகளுக்கு உதவி வருகிறார். லோகநாதன் தன் ஊதியத்தில் ஒரு பகுதியை குழந்தைகளுக்கு உதவ நன்கொடையாக வழங்கி வருகிறார். கடந்த 25 வருடங்களாக இதுவரை அவர் 1500க்கும் அதிகமான குழந்தைகளுக்கு உதவி செய்துள்ளார்.

குறிப்பாக அவர் கழிவறையை சுத்தம் செய்வதில் கிடைக்கும் பணத்தை வைத்து இந்த உதவிகளை செய்து வருகிறார். இதுதவிர பல்வேறு பகுதிகளில் இருந்தும் பயன்படுத்தப்பட்ட சட்டைகளை பெற்று ஏழை, எளிய குழந்தைகளுக்கு கொடுக்கும் சேவையையும் தொடர்ந்து செய்து வருகிறார்.

பிரதமர் மோடி பாராட்டியது குறித்து லோகநாதன் கூறியதாவது:-

பிரதமர் பாராட்டிய லோகநாதனை மக்கள் சந்தித்து பாராட்டிய காட்சி

நான் 5-ம் வகுப்பு வரை மட்டுமே படித்துள்ளேன். அதன்பிறகு வறுமை காரணமாக என்னால் படிக்க முடியவில்லை. எனவே வெல்டிங் மற்றும் தினக்கூலி வேலைக்கு செல்ல ஆரம்பித்தேன். இதில் கிடைக்கும் வருமானம் குடும்பத்தை நடத்த மட்டுமே போதுமானதாக இருக்கும்.

இருந்த போதும் வறுமையில் வாடும் மக்களுக்காக சேவை செய்ய வேண்டும் என்பது எனது ஆர்வம். அதற்காக கழிவறைகளை சுத்தம் செய்வதில், கிடைக்கும் பணத்தை சேமித்து ஏழை மக்களுக்கு உதவி செய்து வருகிறேன்.

இந்த சேவைக்காக பல்வேறு தன்னார்வ அமைப்புகளிடம் இருந்து விருது பெற்றிருந்தாலும், பிரதமர் மோடி எனது சேவையை பாராட்டி மனதின் குரல் நிகழ்ச்சியில் பேசியதை நான் மிகப்பெரிய அங்கீகாரமாக கருதுகிறேன்.

பிரதமரின் இந்த பாராட்டையும், பெருமையையும் கோவை மாவட்ட மக்களுக்கு சமர்ப்பிக்கிறேன்.

நாட்டின் ஏதோ ஒரு பகுதியில் தூய்மை பணியை செய்து கொண்டு மக்கள் சேவையாற்றி வரும் என்னை உலகம் முழுக்க தெரியப்படுத்திய பிரதமருக்கு நன்றி. பிரதமரின் பாராட்டு மேலும் பல சேவைகள் செய்ய என்னை ஊக்குவித்துள்ளது.

புதுடெல்லி:

பிரதமர் நரேந்திர மோடி ஒவ்வொரு மாதமும் கடைசி ஞாயிற்றுக்கிழமைகளில் மனதின் குரல் (மன் கி பாத்) நிகழ்ச்சி மூலம் அகில இந்திய வானொலியில் நாட்டு மக்களிடம் உரையாற்றி வருகிறார்.

107-வது மனதின் குரல் நிகழ்ச்சியில் இன்று பிரதமர் மோடி பேசியதாவது:-

நவம்பர் 26-ந்தேதியை நாம் ஒருபோதும் மறக்க இயலாது. இந்த நாளில் தான் நாட்டில் மிக கொடூரமான பயங்கரவாத தாக்குதல் நடந்தது.

பயங்கரவாதிகள் மும்பையில் நடத்திய இந்த தாக்குதல் நாடு முழுவதையும் உலுக்கி விட்டது. இதில் உயிரிழந்த அனைத்து மக்களுக்கும் எனது அஞ்சலியை தெரிவித்துக் கொள்கிறேன். தாக்குதலின்போது உயிர் தியாகம் செய்த அந்த துணிச்சலான இதயங்களை நாடு இன்று நினைவு கூர்கிறது.

மும்பை தாக்குதலில் இருந்து மீண்டு தற்போது முழு துணிச்சலுடன் பயங்கரவாதத்தை அடக்கிவிட்டோம். இது இந்தியாவின் திறமை தான்.

இன்னொரு காரணத்திற்காக இந்த நாள் முக்கியமானது. 1949-ல் அரசியலமைப்பு சபை இந்த நாளில் இந்திய அரசியல் அமைப்பை ஏற்றுக்கொண்டது. 2015-ல் அம்பேத்கரின் 125-வது பிறந்தநாளை கொண்டாடும் போது நவம்பர் 26-ந் தேதியை அரசியலமைப்பு தினமாக கொண்டாட வேண்டும் என்ற எண்ணம் வந்தது எனக்கு நினைவிருக்கிறது. அரசியலமைப்பு தினத்தில் அனைவருக்கும் எனது வாழ்த்துக்களை தெரிவித்துக் கொள்கிறேன்.

சமீபத்தில் பண்டிகைகளின்போது சுமார் ரூ.4 லட்சம் கோடி வர்த்தகம் நடந்தது. இந்தியாவில் தயாரிக்கப்பட்ட பொருட்களை வாங்குவதில் மக்கள் இடையே மிகுந்த உற்சாகம் காணப்படுகிறது.

கையில் இருந்து பணம் கொடுக்காமல் டிஜிட்டல் பரிவர்த்தனையை மேற்கொள்ளுங்கள். ஒரு மாதத்திற்கு நீங்கள் டிஜிட்டல் மூலமாக மட்டுமே பணம் செலுத்துங்கள். ஒரு மாதத்திற்கு பிறகு உங்கள் அனுபவங்களையும், புகைப்படங்களையும் என்னுடன் பகிர்ந்துக் கொள்ளுங்கள்.

தீபாவளி பண்டிகையின்போது பெரிதளவில் டிஜிட்டல் பரிவர்த்தனை செய்யப்பட்டு உள்ளது.

வெளிநாடுகளில் இல்லாமல் நாட்டுக்குள்ளே இந்தியர்கள் திருமண கொண்டாட்டங்களை மேற்கொள்ள வேண்டும்.

21-ம் நூற்றாண்டின் மிகப்பெரிய சவால்களில் ஒன்று நீர் பாதுகாப்பாகும். நாம் அனைவரும் சேர்ந்து மக்களின் கடமைகளுக்கு முன்னுரிமை அளிப்பதன் மூலம் நாட்டை வளர்ச்சி அடைய செய்வதற்கான உறுதியை நிச்சயம் நிறை வேற்றுவோம்.

'தூய்மை இந்தியா' இப்போது முழு நாட்டிற்கும் பிடித்த தலைப்பாக மாறி உள்ளது. இது பொது சுகாதாரம் தொடர்பான மக்களின் மனநிலையை மாற்றியுள்ளது. இந்த முயற்சி தேசிய உணர்வின் அடையாளமாக மாறியுள்ளது. இது கோடிக்கணக்கான நாட்டு மக்களின் வாழ்க்கையை மேம்படுத்தி உள்ளது.

இந்த பிரசாரம் பல்வேறு தரப்பு மக்களை குறிப்பாக இளைஞர்களை கூட்டு பங்களிப்புக்கு ஊக்கப்படுத்தி உள்ளது. குஜராத்தின் சூரத்தில் இளைஞர்கள் ஒன்றிணைந்து 'புராஜெக்ட் சூரத்'-யை தொடங்கியுள்ளனர். அவர்கள் பொது இடங்களையும், டுமாஸ் கடற்கரையையும் சுத்தம் செய்து வருகிறார்கள்.

இந்த இளைஞர்கள் குழு பல லட்சம் கிலோ குப்பைகளை அகற்றியுள்ளனர். அடிமட்ட அளவில் மேற்கொள்ளப்படும் இத்தகைய முயற்சிகள் மிகப்பெரிய மாற்றங்களை கொண்டு வரும். தூய்மை என்பது ஒருநாள் அல்லது ஒரு வாரத்திற்கான பிரசாரம் அல்ல. அது வாழ் நாள் முழுவதும் செயல்படுத்தப்பட வேண்டிய ஒரு முயற்சியாகும்.

இவ்வாறு பிரதமர் மோடி பேசினார்.

2008-ம் ஆண்டு நவம்பர் 26-ந்தேதி பாகிஸ்தானில் இருந்து 10 லஷ்கர்-இ-தொய்பா பயங்கரவாதிகள் மும்பைக்குள் நுழைந்து தாக்குதல் நடத்தினார்கள். இதில் 166 பேர் பலியானார்கள்.

புதுடெல்லி:

பிரதமர் நரேந்திர மோடி 107-வது மன் கி பாத் நிகழ்ச்சியில் பேசியதாவது:

நாட்டைக் கட்டமைக்கும் பணியில் மக்கள் ஈடுபடும்போது தேசம் முன்னேறிச் செல்வதை யாராலும் தடுக்க முடியாது.

நாட்டில் ஏற்பட்டுள்ள பல மாற்றங்களை மக்கள் முன்னெடுத்து வருகின்றனர்.

நவம்பர் 26-ம் தேதியை யாராலும் மறந்துவிட முடியாது. நாட்டில் கொடூர தாக்குதல் நடந்த தினம் இன்று. மும்பை பயங்கரவாத தாக்குதலில் பலியானவர்களுக்கு எனது இரங்கலை தெரிவித்துக் கொள்கிறேன்.

இன்றைய தினம் மற்றொரு முக்கியமான நாள். இந்த நாளில்தான் 1949-ம் ஆண்டு அரசியல் அமைப்பை, அரசியலமைப்பு சபை ஏற்றுக்கொண்டது. நம் நாட்டு மக்கள் அனைவருக்கும் அரசியலமைப்பு தின வாழ்த்துகளை தெரிவித்துக் கொள்கிறேன்.

தீபாவளி உள்ளிட்ட பண்டிகை நாட்களில் உள்நாட்டு பொருட்கள் ரூ.4 லட்சம் கோடி அளவுக்கு வர்த்தகம் ஆகி உள்ளது.

உள்ளூர் பொருட்களுக்கான ஆதரவு பிரசாரம், நாட்டிற்கு பல வாய்ப்புகளைத் திறந்துள்ளது. நமது பொருளாதாரத்திற்கு வலிமையை அளித்துள்ளது. நாட்டின் சமமான வளர்ச்சியை உறுதி செய்துள்ளது.

சர்வதேச பொருளாதாரம் ஏற்றத்தாழ்வு கண்டபோது உள்ளூர் பொருட்களுக்கான நமது ஆதரவானது, இந்திய பொருளாதாரத்தை வலுவாக்க உதவியது என தெரிவித்துள்ளார்.

புதுடெல்லி:

பிரதமர் நரேந்திர மோடி 'மனதின் குரல்' என்ற பெயரில் அகில இந்திய வானொலி மூலம் நாட்டு மக்களுடன் தனது கருத்துகளை பகிர்ந்து கொண்டு வருகிறார். நிகழ்ச்சி ஒவ்வொரு மாதமும் கடைசி ஞாயிற்றுக்கிழமை ஒலிபரப்பாகிறது.

கடந்த 2014-ம் ஆண்டு அக்டோபரில் பிரதமர் மோடி இந்த நிகழ்ச்சி தொடங்கினார். இதன் 100-வது நிகழ்ச்சி கடந்த ஏப்ரல் மாதம் ஒலிபரப்பானது.

இந்நிலையில், மத்திய தகவல் ஒலிபரப்பு அமைச்சகத்துடன் இணைந்து ரோத்தக் ஐ.ஐ.எம். (இந்தியன் இன்ஸ்டிடியூட் ஆப் மேனேஜ்மெண்ட்) நடத்திய ஆய்வில் மனதின் குரல் நிகழ்ச்சி 100 கோடி இந்தியர்களை சென்றடைந்துள்ளது தெரியவந்துள்ளது. இதுகுறித்து அந்த நிறுவனம் கூறியதாவது:-

நாட்டின் சுமார் 96 சதவீத மக்கள் பிரதமர் மோடியின் மனதின் குரல் நிகழ்ச்சி பற்றி அறிந்துள்ளனர். இந்த நிகழ்ச்சி 100 கோடி மக்களை சென்றடைந்துள்ளது. இவர்கள் இந்த நிகழ்ச்சி பற்றி அறிந்திருப்பதுடன், ஒரு முறையாவது கேட்டுள்ளனர்.

23 கோடி பேர் நிகழ்ச்சியை ஒவ்வொரு மாதமும் தொடர்ந்து கேட்கிறார்கள், மேலும் 41 கோடி பேர் எப்போதாவது கேட்கிறார்கள். இவர்களும் வழக்கமான நேயர்களாக மாற்றப்படுவதற்கான வாய்ப்பை இந்த நிகழ்ச்சி கொண்டுள்ளது.

இந்த நிகழ்ச்சியை கேட்பவர்களில் பெரும்பாலானோர் அரசின் செயல்பாடுகள் பற்றி அறிந்துள்ளனர். 73 சதவீதம் பேர் நாடு முன்னேறும் என்ற நம்பிக்கையில் உள்ளனர்.

கருத்து கேட்கப்பட்டவர்களில் 58 சதவீதம் பேர் தங்கள் வாழ்க்கை நிலைமை மேம்பட்டுள்ளதாக கூறியுள்ளனர். 59 சதவீதம் பேர், அரசின் மீதான நம்பிக்கை அதிகரித்துள்ளதாக கூறியுள்ளனர்.

இதற்கிடையே பிரதமர் மோடி இந்த மாத இறுதியில் 26-ந் தேதி மனதின் குரல் நிகழ்ச்சியில் பேச உள்ளார். இதில் வெளிப்படுத்த வேண்டிய தகவல்கள் இருந்தால் பிரதமர் மோடிக்கு தெரிவிக்கலாம் என்று மத்திய அரசு அறிவித்துள்ளது.

மத்திய அரசின் தகவல் தொடர்பை பயன்படுத்தி உங்கள் கருத்தை சொல்லலாம்.

புதுடெல்லி:

பிரதமர் நரேந்திர மோடி இன்று 106-வது மன் கி பாத் நிகழ்ச்சியில் உரையாற்றினார். அப்போது அவர் பேசியதாவது:

இந்த மாதம் காதி விற்பனை கடந்த கால சாதனைகளை முறியடித்துள்ளது. கடந்த காலங்களில் 30 ஆயிரம் கோடிக்கு மட்டுமே விற்பனையான காதி பொருட்கள் இந்த மாதம் ரூ.1.25 லட்சம் கோடிக்கு விற்பனை ஆகியுள்ளது.

விவசாயிகள், குடிசை தொழில் செய்வோர், கைவினைக் கலைஞர்கள் ஆகியோர் இந்த விற்பனையால் பயனடைந்துள்ளனர்.

சுற்றுலா செல்லும்போது, ஆன்மிக யாத்திரை மேற்கொள்ளும்போது அப்பகுதியில் தயாரிக்கப்படும் பொருட்களை வாங்குங்கள். உங்களது பட்ஜெட்டில் அதற்கு நிதி ஒதுக்குங்கள்.

பண்டிகை காலத்தில் உள்ளூர் பொருட்களுக்கு முக்கியத்துவம் அளிக்கப்பட வேண்டும்.

தமிழ் எழுத்தாளர் சகோதரி சிவசங்கரி இலக்கியம் மூலம் ‛knit india'என்ற திட்டத்தை தயாரித்துள்ளார். இது இலக்கியம் மூலம் நாட்டை இணைப்பது ஆகும். இதற்காக அவர் கடந்த 16 ஆண்டுகளாக பணியாற்றி வருகிறார். அவர் 18 இந்திய மொழிகளில் எழுதப்பட்ட இலக்கியங்களை மொழி பெயர்த்துள்ளார்.

கன்னியாகுமரி முதல் காஷ்மீர் வரையிலும், இம்பாலில் இருந்து ஜெய்சால்மர் வரையிலும் பலமுறை நாடு முழுவதும் பயணம் செய்து, பல்வேறு மாநிலங்களில் இருந்து எழுத்தாளர்கள் மற்றும் கவிஞர்களுடன் கலந்துரையாடினார்.

சிவசங்கரி பல்வேறு இடங்களுக்குச் சென்று பயணத் தகவல்களை வெளியிட்டார். இது தமிழ் மற்றும் ஆங்கிலம் ஆகிய இரு மொழிகளிலும் உள்ளது. இந்தத் திட்டத்தில் 4 பெரிய தொகுதிகள் உள்ளன, ஒவ்வொரு தொகுதியும் இந்தியாவின் வெவ்வேறு பகுதிகளுக்கு அர்ப்பணிக்கப்பட்டுள்ளது.

இதேபோல, கன்னியாகுமரியைச் சேர்ந்த எழுத்தாளர் ஏ.கே.பெருமாளின் பணிகள் அனைவருக்கும் ஊக்கமளிப்பதாக உள்ளது. தமிழகத்தில் கதை சொல்லும் பாரம்பரியத்தை அவர் பாதுகாத்து வருகிறார். இந்தப் பணியில் 40 ஆண்டுகளாக அவர் பணியாற்றி வருகிறார். இதுவரை அவர் 100 புத்தகங்களை எழுதி உள்ளார். சிவசங்கரி, ஏ.கே.பெருமாளின் முயற்சிகள் அனைவராலும் பாராட்டக்கத்தக்கது என குறிப்பிட்டுள்ளார்.

புதுடெல்லி:

பிரதமர் நரேந்திர மோடி ஒவ்வொரு மாதத்தின் கடைசி ஞாயிற்றுக்கிழமைகளில் வானொலியில் மன் கி பாத் (மனதின் குரல்) நிகழ்ச்சி மூலம் நாட்டு மக்களிடம் உரையாற்றி வருகிறார்.

கடந்த ஆகஸ்ட் மாதம் 27-ம் தேதி 104-வது மான் கி பாத் நிகழ்ச்சியில் பிரதமர் மோடி பேசினார்.

இந்நிலையில், இன்று 105வது மன் கி பாத் நிகழ்ச்சியில் பிரதமர் மோடி உரையாற்றினார். அப்போது அவர் கூறியதாவது:

சந்திரயான்-3 லேண்டர் நிலவில் தரையிறங்கும் போது, கோடிக்கணக்கான மக்கள் இந்த சம்பவத்தை ஒவ்வொரு கணமும் வெவ்வேறு ஊடகங்கள் மூலம் ஒரே நேரத்தில் கண்டுகளித்தனர். இதை இஸ்ரோவின் யூடியூப் லைவ் சேனலில் 80 லட்சத்துக்கும் அதிகமானோர் பார்த்து உள்ளனர், இதுவே சாதனையாக உள்ளது. சந்திரயான்-3 மீது கோடிக்கணக்கான இந்தியர்களின் பற்று எவ்வளவு ஆழமானது என்பதை இது காட்டுகிறது.

சந்திரயான்-3 வெற்றிக்குப் பிறகு ஜி-20 மாநாடு ஒவ்வொரு இந்தியரின் மகிழ்ச்சியையும் இரட்டிப்பாக்கியுள்ளது. பாரத மண்டபம் ஒரு பிரபலம் போல் ஆகிவிட்டது. மக்கள் அங்கு செல்பி எடுத்து பெருமையுடன் பதிவிட்டு வருகின்ற னர். இந்த உச்சிமாநாட்டில், ஆப்பிரிக்க யூனியனை ஜி-20-ல் முழு உறுப்பினர் ஆக்கியதன் மூலம் இந்தியா தனது தலைமையை நிரூபித்துள்ளது.

எந்தவொரு துறையும் குறைந்த முதலீட்டில் அதிகபட்ச வேலைவாய்ப்பை உருவாக்குகிறது என்றால் அது சுற்றுலாத் துறைதான். சுற்றுலாத் துறையை அதிகரிப்பதில் எந்த நாட்டின் மீதும் நல்லெண்ணமும் ஈர்ப்பும் மிக முக்கியமானது. கடந்த சில ஆண்டுகளில், இந்தியா மீதான உலக மக்களின் ஆர்வம் மிகவும் அதிகரித்துள்ளது மற்றும் ஜி20 வெற்றிகரமாக ஏற்பாடு செய்யப்பட்ட பிறகு, இந்தியாவின் மீதான உலக மக்களின் ஆர்வம் மேலும் அதிகரித்துள்ளது.

ஜி20க்கு ஒரு லட்சத்திற்கும் அதிகமான பிரதிநிதிகள் இந்தியா வந்தனர். இங்குள்ள பன்முகத்தன்மை, பல்வேறு மரபுகள், பல்வேறு உணவு வகைகள், நமது பாரம்பரியம் ஆகியவற்றை அறிந்து கொண்டனர். இங்கு வரும் பிரதிநிதிகள் தங்களுடன் கொண்டு வந்த அற்புதமான அனுபவம் சுற்றுலாவை மேலும் விரிவுபடுத்தும்.

சில நாட்களுக்கு முன்பு, சாந்தி நிகேதன் மற்றும் கர்நாடகாவின் புனித ஹொய்சலா கோவில்கள் உலக பாரம்பரிய தளங்களாக அறிவிக்கப்பட்டுள்ளன. இந்த அற்புதமான சாதனைக்காக அனைத்து நாட்டு மக்களையும் நான் வாழ்த்துகிறேன். குருதேவ் ரவீந்திரநாத் தாகூர் பண்டைய சமஸ்கிருத வசனத்திலிருந்து சாந்திநிகேதன் என்ற பொன்மொழியை எடுத்தார்.

அந்த வசனம்-'யத்ர விஸ்வம் பவத்யேக் நீதம்' அதாவது உலகம் முழுவதையும் ஒரு சிறிய கூட்டில் அடைக்கக்கூடியது. யுனெஸ்கோவின் உலக பாரம்பரிய பட்டியலில் சேர்க்கப்பட்டுள்ள கர்நாடகாவின் ஹொய்சலா கோவில்கள் 13-ம் நூற்றாண்டின் சிறந்த கட்டிடக்கலைக்கு பெயர் பெற்றவை. இந்தக் கோவில்கள் யுனெஸ்கோவின் அங்கீகாரத்தைப் பெற்றிருப்பது, கோவில் கட்டுமானத்தின் இந்திய பாரம்பரியத்துக்குக் கிடைத்த மரியாதையாகும்.

இந்தியாவில் உள்ள உலக பாரம்பரிய சொத்துக்களின் எண்ணிக்கை தற்போது 42ஐ எட்டியுள்ளது. நமது வரலாற்று மற்றும் கலாச்சார இடங்கள் முடிந்தவரை உலக பாரம்பரிய தளங்களாக அங்கீகரிக்கப்பட வேண்டும் என்பது இந்தியாவின் முயற்சி. நீங்கள் எங்காவது பயணம் செய்யத் திட்டமிடும் போதெல்லாம், இந்தியாவின் பன்முகத்தன்மையைக் காண முயற்சிக்க வேண்டும் என்று நான் உங்கள் அனைவரையும் கேட்டுக்கொள்கிறேன்.

வெவ்வேறு மாநிலங்களின் கலாசாரத்தைப் புரிந்து கொள்ள, பாரம்பரிய தளங்களைப் பார்க்கவும். இதன்மூலம், உங்கள் நாட்டின் புகழ்பெற்ற வரலாற்றை நீங்கள் அறிந்துகொள்வது மட்டுமல்லாமல், உள்ளூர் மக்களின் வருமானத்தை அதிகரிக்க ஒரு முக்கிய ஊடகமாக மாறுவீர்கள்.

இந்தியா-மத்திய கிழக்கு-ஐரோப்பா வழித்தடம் பல நூற்றாண்டுகளுக்கு உலக வர்த்தகத்தின் அடிப்படையாக இருக்கும்.

ஆப்பிரிக்க யூனியனை ஜி20-ல் உறுப்பினராக்குவதில் வெற்றி பெற்றதன் மூலம் இந்தியாவின் தலைமை உலகத்தால் அங்கீகரிக்கப்பட்டது.

உத்தரகண்ட் மாநிலம் நைனிடால் மாவட்டத்தில் குழந்தைகளுக்காக தனித்துவமான நூலகத்தை இளைஞர்கள் ஆரம்பித்துள்ளனர்.

டிஜிட்டல் தொழில்நுட்ப காலகட்டத்திலும் புத்தகங்கள் முக்கிய பங்கு வகிக்கிறது. குழந்தைகளை வாசிக்க கற்றுக் கொடுக்க வேண்டும்.

பண்டிகை காலம் துவங்க உள்ள நேரத்தில் உள்ளூர் பொருட்களுக்கு மக்கள் ஆதரவு அளிக்க வேண்டும் என தெரிவித்தார்.

புதுடெல்லி:

பிரதமர் நரேந்திர மோடி ஒவ்வொரு மாதத்தின் கடைசி ஞாயிற்றுக்கிழமைகளில் வானொலியில் மன் கி பாத் (மனதின் குரல்) நிகழ்ச்சி மூலம் நாட்டு மக்களிடம் உரையாற்றி வருகிறார். அந்த வகையில் இன்று 104-வது மன் கி பாத் நிகழ்ச்சியில் பிரதமர் மோடி உரையாற்றினார்.

அப்போது அவர் கூறியதாவது:-

சந்திரயான்-3 மிஷன் வெற்றி மிக பிரமாண்டமானது. இது புதிய இந்தியாவின் அடையாளமாக மாறியுள்ளது. இந்தியாவின் சந்திராயன்3 மிஷன் பெண் சக்திக்கு நேரடி உதாரணம். இந்த பணியில், பல பெண் விஞ்ஞானிகள் மற்றும் பொறியியலாளர்கள் நேரடியாக ஈடுபட்டுள்ளனர்.

இந்தியாவின் மகள்கள் இப்போது விண்வெளிக்கு கூட சவால் விடுகிறார்கள். தேசம் வளர்ச்சி அடைவதை இனி யாரால் தடுக்க முடியும்?

செப்டம்பர் மாதம் இந்தியாவின் திறனைக் காணப் போகிறது. ஜி-20 தலைவர்கள் உச்சிமாநாட்டிற்கு இந்தியா முழுமையாக தயாராக உள்ளது. இந்த நிகழ்ச்சியில் பங்கேற்க 40 நாடுகளின் தலைவர்கள் மற்றும் பல உலக அமைப்புகளின் தலைவர்கள் டெல்லி வரவுள்ளனர்.

இவ்வாறு பிரதமர் மோடி பேசினார்.

பிரதமர் மோடி ஒவ்வொரு மாதத்தின் கடைசி ஞாயிற்றுக்கிழமைகளில் வானொலியில் மன் கி பாத் (மனதின் குரல்) நிகழ்ச்சி மூலம் நாட்டு மக்களிடம் உரையாற்றி வருகிறார்.

கடந்த ஜூலை மாதம் 30ம் தேதி 103-வது மான் கி பாத் நிகழ்ச்சியில் பிரதமர் மோடி பேசினார்.

இந்நிலையில், இன்று நடைபெறவுள்ள 104வது மன் கி பாத் நிகழ்ச்சியில் பிரதமர் மோடி உரையாற்றுகிறார்.

இதுகுறித்து பிரதமர் மோடி தனது டுவிட்டர் பக்கத்தில் பதிவு வெளியிட்டுள்ளார்.

அந்த பதிவில், "நாளை காலை 11 மணிக்கு டியூன் செய்யுங்கள். இந்தியா முழுவதிலும் இருந்து எழுச்சியூட்டும் வாழ்க்கைப் பயணங்களை முன்னிலைப்படுத்துவதில் எப்போதும் மகிழ்ச்சியாக இருங்கள்" என்று குறிப்பிட்டிருந்தார்.

மன் கி பாத் அக்டோபர் 3, 2014 அன்று தொடங்கி, அதன் 100வது அத்தியாயத்தை ஏப்ரல் 30, 2023 அன்று அடைந்தது குறிப்பிடத்தக்கது.