நீங்கள் தேடியது "பாஜக தேர்தல் அறிக்கை"

பாராளுமன்ற மக்களை தேர்தல் வாக்குப்பதிவு ஏப்ரல் 19-ந்தேதி தொடங்கி மே மாதம் ஜூன் 1-ந்தேதி வரை ஏழு கட்டங்களாக நடைபெற இருக்கிறது. மாநில மற்றும் தேசிய கட்சிகள் தேர்தலுக்கு தயாராகி வருகின்றன. முதல் கட்ட தேர்தலுக்கான வேட்பமனு தாக்கல் திரும்பப் பெறுவதற்கான கால அவகாசம் இன்று மதியம் 3 மணியுடன் முடிவடைந்தது.

பல்வேறு மாநில கட்சிகள் வாக்குறுதிகள் அடங்கிய தேர்தல் அறிக்கையை வெளியிட்டு தீவிர பிரசாரம் மேற்கொண்டு வருகின்றன. இந்தியா கூட்டணிக்கு தலைமை தாங்கியுள்ள காங்கிரஸ் கட்சி ஏப்ரல் ஐந்தாம் தேதி தேர்தல் அறிக்கையை வெளியிடும் எனத் தெரிகிறது.

இந்த நிலையில் ஆளும் பா.ஜனதா தேர்தல் அறிக்கை தயாரிப்பதற்கான குழுவை இன்று அறிவித்துள்ளது. பா.ஜனதா தேசிய தலைவர் ஜே.பி. நட்டா அறிவித்துள்ள ராஜ்நாத் சிங் தலைமையிலான இந்த குழுவில் 27 பேர் இடம் பிடித்துள்ளனர்.

நிதியமைச்சர் நிர்மலா சீதாராமன் ஒருங்கிணைப்பாளராகவும், பியூஷ் கோயல் துணை ஒருங்கிணைப்பாளராகவும் அறிவிக்கப்பட்டுள்ளனர். இந்த குழுவில் மகாராஷ்டிரா, ஜார்க்கண்ட், ராஜஸ்தான், அருணாச்சல பிரசேதம், ஒடிசா, குஜராத், அசாம், சத்தீஷ்கர், மத்தயி பிரதேசம், உத்தர பிரதேசம், பீகார், டெல்லி, ஹரியானா, கேரளா மாநிலங்களை சேர்ந்த 24 உறுப்பினர்கள் இடம் பிடித்துள்ளனர்.

தமிழகத்தைச் சேர்ந்த யாரும் இடம் பெறவில்லை. அதேபோல் ஆந்திரா, தெலுங்கானா, மேற்கு வங்காளம் போன்ற மாநிலங்களில் இருந்து யாரும் உறுப்பினராக இடம்பெறவில்லை.

மக்களவைத் தேர்தலுக்கான தேர்தல் அறிக்கையை பா.ஜனதா நேற்று வெளியிட்டது அதில் "ஒரே நாடு ஒரே தேர்தல்" என்ற வாக்குறுதியை கொடுத்துள்ளது தாங்கள் ஆட்சிக்கு வந்தால் "ஒரே நாடு ஒரே தேர்தல்" முறை நடைமுறைப்படுத்தப்படும் என தெரிவித்துள்ளது.

இதுகுறித்து காங்கிரஸ் கட்சியின் மூத்த தலைவரும் மக்களவை எம்.பி.-யுமான சசி தரூர் கூறியதாவது-

யுசிசி (பொது சிவில் சட்டம்) சட்டத்தில் என்ன இருக்கிறது? அதன் வரைவு வராமல் அது குறித்து ஏதும் கூற முடியாது. மற்ற சமூகங்கள் வரைவு சட்டத்தை எதிர்க்கவில்லை என்றால் ... நமது சமூகத்தை பிளவுபடுத்தும் எதையும் நாங்கள் விரும்பவில்லை, அதை ஒருங்கிணைக்க வேண்டும்... என்பது நமக்கு இருக்க வேண்டும்.

"ஒரே நாடு ஒரே தேர்தல்" என்பதில் ஒரு பிரச்சனை இருக்கிறது. சட்டமன்றத்தில் அரசு மெஜாரிட்டியை இழந்தால் அந்த ஆட்சி கவிழும். அதற்கு ஒரே தீர்வு மறு தேர்தல்தான். ஆனால் "ஒரே நாடு ஒரே தேர்தல்" கருத்தின்படி ஐந்து வருடத்திற்கு ஒருமுறைதான் தேர்தல் என நிர்ணயத்து விட்டால், மெஜாரிட்டியை இழந்த அரசு வீழ்ந்த பிறகு, ஆறு மாதத்திற்கு பிறகு அவர்கள் குடியரசு ஆட்சியை அமல்படுத்துவார்களா?. இது ஜனநாயக விரோதம் இல்லையா?.

இவ்வாறு சசி தரூர் தெரிவித்துள்ளார்.

டெல்லி மாநில சட்டமன்ற தேர்தல் அடுத்த மாதம் 5-ந்தேதி நடைபெறுகிறது. பிப்ரவரி 8-ந்தேதி வாக்கு எண்ணிக்கை நடைபெறுகிறது. ஆம் ஆத்மி, பாஜக, காங்கிரஸ் இடையே மும்முனை போட்டி நிலவுகிறது. ஆம் ஆத்மி மற்றும் காங்கிரஸ் கட்சிகள் தேர்தலில் வெற்றி பெற்றால் பல்வேறு சலுகைகள் வழங்குவதாக தேர்தல் வாக்குறுதி அளித்துள்ளன.

இந்த நிலையில் டெல்லி மாநில தேர்தலுக்கான முதற்கட்ட தேர்தல் அறிக்கையை பாஜக வெளியிட்டுள்ளது. பா.ஜ.க. தலைவர் ஜே.பி. நட்டா இதை வெளியிட்டுள்ளார்.

அதில் குறிப்பிட்டுள்ள முக்கியம்சங்கள்:-

* கர்ப்பிணி பெண்களுக்கு 21 ஆயிரம் ரூபாய் உதவித்தொகை வழங்கப்படும். அதனுடன் 6 ஊட்டச்சத்து தொகுப்புகளும் சேர்த்து வழங்கப்படும். இது தவிர முதல் குழந்தைக்கு 5 ஆயிரம் ரூபாயும், 2-வது குழந்தைக்கு 6 ஆயிரம் ரூபாயும் வழங்கப்படும்.

* பெண்களுக்கு மாதந்தோறும 2500 ரூபாய் வழங்கப்படும்.

* வீட்டு சமையல் சிலிண்டருக்கு 500 ரூபாய் மானியம் வழங்கப்படும். அதுமட்டுமல்லாமல் தீபாவளி மற்றும் ஹோலி பண்டிகைக்கு இரண்டு சிலிண்டர் இலவசமாக வழங்கப்படும்.

* மூத்த குடிமக்கள் கூடுதலாக 5 லட்சம் ரூபாய் சேர்த்து மொத்தம் 10 லட்சம் ரூபாய் மருத்துவ காப்பீடு பெறுவார்கள்.

* 60 வயது முதல் 70 வயது மூத்த குடிமக்களுக்கு 2 ஆயிரம் ரூபாய் முதல் 2500 ரூபாய் வரை பென்சன் வழங்கப்படும். 70 வயதிற்கு மேற்பட்ட மூத்த குடிமக்களுக்கு 3 ஆயிரம் ரூபாய் வழங்கப்படும்.

* விதவை பெண்களுக்கு 3 ஆயிரம் ரூபாய் வழங்கப்படும்.

டெல்லி மாநில சட்டமன்ற தேர்தல் அடுத்த மாதம் 5-ந்தேதி நடைபெற இருக்கிறது. ஆம் ஆத்மி, பாஜக, காங்கிரஸ் இடையே மும்முனை போட்டி நிலவுகிறது.

தேர்தலுக்கான வேட்புமனு தாக்கல் இன்றுடன் முடிவடைந்த நிலையில் பாஜக தேசிய தலைவர் ஜே.பி. நட்டா, டெல்லி சட்டமன்ற தேர்தலுக்கான பாஜக தேர்தல் அறிக்கையின் முதற்பகுதியை வெளியிட்டார். அதில் கர்ப்பிணி பெண்களுக்கு 21 ஆயிரம் ரூபாய், பெண்களுக்கு 2500 ரூபாய், மூத்த குடிமக்களுக்கு பென்சன், வயது முதிர்ந்தவர்களுக்கான மருத்துவ காப்பீடு திட்டம் உள்ளிட்டவை இடம் பிடித்துள்ளன.

இந்த நிலையில் பாஜக தேர்தல் அறிக்கையின்படி, டெல்லியில் செயல்பட்டு வரும் மொஹல்லா கிளினிக்குகள் மூடப்படும் என விமர்சனம் செய்துள்ளார்.

இது தொடர்பாக அரவிந்த் கெஜ்ரிவால் கூறியதாவது:-

அரவிந்த் கெஜ்ரிவாலின் அனைத்து திட்டங்களும் தொடரும் என நட்டா தற்போது தெரிவித்துள்ளார். இது அவர்களுடைய தேர்தல் அறிக்கை எனச் சொல்கிறார். பிரதமர் மோடியும் அவருடைய விளம்பரங்களில் இதையே கூறியுள்ளார்.

மொஹல்லா கிளினிக்குகள் டெல்லியில் மூடப்படும் என ஜே.பி. நட்டா தேர்தல் அறிக்கையில் அறிவித்துள்ளார். இது எனக்கு வலியை ஏற்படுத்துகிறது. இன்று நாங்கள் டெல்லி முழுவதும் சென்று, மொஹல்லா கிளினிக்குகளை விரும்புகிறீர்களா? இல்லையா? என கேட்க இருக்கிறோம்.

மொஹல்லா கிளினிக்குகளை ஆதரிப்பவர்கள் ஆம் ஆத்மி கட்சிக்கு வாக்களியுங்கள். மொஹல்லா கிளினிக்குகள் இடிக்கப்பட வேண்டும் என்று விரும்புபவர்கள் பாஜக-வுக்கு வாக்களியுங்கள். கெஜ்ரிவால் செய்யும் அனைத்தையும் அவர்களே செய்ய வேண்டியிருந்தால், ஏன் பாஜகவை கொண்டு வர வேண்டும்? கெஜ்ரிவாலின் வேலையை கெஜ்ரிவால் சிறப்பாகச் செய்வார், ஏனென்றால் அவருக்கு அது தெரியும். இதை மக்களிடம் கேட்க இருக்கிறோம்.

பொதுமக்கள் கூட, கெஜ்ரிவால் செய்ததை நீங்கள் செய்கிறீர்கள் என்றால், நாங்கள் உங்களை ஏன் ஆட்சிக்கு கொண்டு வர வேண்டும் எனக் கேட்கிறார்கள்.

பாஜக-வின் தேர்தல் அறிக்கையை பற்றி ஒரு வார்த்தையில் கூற வேண்டுமென்றால், கெஜ்ரிவால் சிறப்பாக செய்கிறார். அவரது பணியை பாஜக பாராட்டுகிறது என்பதுதான்.

எங்களுடைய தேர்தல் அறிக்கை, வாக்குறுதிகளில் பாஜக போட்டியிட விரும்புகிறது. இதைவிட துரதிருஷ்டம் என்னவாக இருக்க முடியும்?. இதைவிட மோசமான பார்வை கொண்ட கட்சியை எனது வாழ்நாளில் நான் பார்த்தது கிடையாது. அவர்களுக்கு டெல்லி குறித்து சிந்தனை, பார்வை, திட்டம் கிடையாது.

இவ்வாறு அரவிந்த் கெஜ்ரிவால் தெரிவித்துள்ளார்.