நீங்கள் தேடியது "ஐசிசி விருதுகள்"

சர்வதேச கிரிக்கெட் கவுன்சில் (ஐசிசி) ஆண்டுதோறும் சிறந்த வீரர்களை தேர்வு செய்து விருதுகளை வழங்கி வருகிறது. 2018-ம் ஆண்டுக்கான சிறந்த வீரர்களுக்கான விருதை சர்வதேச கிரிக்கெட் கவுன்சில் இன்று அறிவித்தது. இந்திய அணி கேப்டன் விராட் கோலி 3 ஐசிசி விருதுக்கு தேர்வாகி உள்ளார்.

அதேபோல் 2018-ல் சிறப்பாக விளையாடிய வீரர்களை கொண்டு டெஸ்ட் மற்றும் ஒருநாள் போட்டிக்கான அணியை தேர்வு செய்து அறிவித்துள்ளது. இரண்டு அணிக்கும் விராட் கோலி கேப்டனாக தேர்வு செய்யப்பட்டுள்ளார்.

2018-ம் ஆண்டின் ஐசிசி டெஸ்ட் அணி (பேட்டிங் வரிசைப்படி):-

டாம் லாதம் (நியூசிலாந்து), கருணாரத்னே (இலங்கை), வில்லியம்சன் (நியூசிலாந்து), விராட் கோலி (இந்தியா- கேப்டன்), நிக்கோல்ஸ் (நியூசிலாந்து), ரிசப் பந்த் (இந்தியா- விக்கெட் கீப்பர்), ஹோல்டர் (வெஸ்ட்இண்டீஸ்), ரபாடா (தென்ஆப்பிரிக்கா), நாதன் லயன் (ஆஸ்திரேலியா), பும்ரா (இந்தியா), முகமது அப்பாஸ் (பாகிஸ்தான்).



ஐசிசி ஒரு நாள் போட்டி அணியில் இடம் பிடித்துள்ள வீரர்கள் விவரம்:-

ரோகித் சர்மா (இந்தியா), பேர்ஸ்டோவ் (இங்கிலாந்து), விராட் கோலி (இந்தியா-கேப்டன்). ஜோ ரூட் (இங்கிலாந்து), ராஸ் டெய்லர் (நியூசிலாந்து). பட்லர் (விக்கெட் கீப்பர்), பென் ஸ்டோக்ஸ் (இருவரும் இங்கிலாந்து), முஷ்டாபிஜூர் ரஹ்மான் (வங்காள தேசம்), ரஷித் கான் (ஆப்கானிஸ்தான்), குல்தீப் யாதவ், பும்ரா (இந்தியா).

விராட் கோலியை போலவே பும்ராவும் இரு அணியிலும் இடம் பெற்றுள்ளார்.

ஐசிசி பெண்கள் கிரிக்கெட்டில் சாதித்த வீராங்கனைகளுக்கு விருது வழங்கி கவுரவித்து வருகிறது. 2018-ம் ஆண்டில் சாதித்த வீராங்கனைகளுக்கான விருது பட்டியலை இன்று அறிவித்தது.

இதில் இந்தியாவின் முன்னணி வீராங்கனை ஸ்மிரிதி மந்தனா ஐசிசி-யின் இந்த ஆண்டிற்கான சிறந்த கிரிக்கெட் வீராங்கனை மற்றும் ஒருநாள் கிரிக்கெட்டிற்கான சிறந்த வீராங்கனை ஆகிய விருதுகளுக்கு தேர்வு செய்யப்பட்டுள்ளார். ஆஸ்திரேலியாவின் ஆஸ்லே ஹீலி சிறந்த டி20 கிரிக்கெட் வீராங்கனை விருதிற்கு தேர்வு செய்யப்பட்டுள்ளார்.