நீங்கள் தேடியது "AB Devilliers"

தென்னாப்ரிக்கா அணியின் முன்னணி பேட்ஸ்மேனான டிவில்லியர்ஸ் அனைத்து வகை சர்வதேச கிரிக்கெட் போட்டிகளில் இருந்தும் ஒய்வு பெறுவதாக சமீபத்தில் வெளியிட்ட வீடியோ பதிவில் கூறினார். இது அவரது ரசிகர்கள் மற்றும் கிரிக்கெட் வீரர்களை அதிர்ச்சி அடைய செய்தது. இதையடுத்து பலரும் அவருக்கு வாழ்த்து தெரிவித்து வருகின்றனர்.

இந்நிலையில், ஐபிஎல் போட்டிகளில் டிவில்லியர்ஸ் விளையாடும் ராயல் செலஞ்சர்ஸ் பெங்களூர் அணியின் கேப்டனான விராட் கோலி, அவருக்கு டுவிட்டர் மூலம் வாழ்த்து செய்தி ஒன்றை அனுப்பியுள்ளார். அதில் டிவில்லியர்சை சகோதரர் என குறிப்பிட்டுள்ளார்.

கோலி பதிவு செய்துள்ள டுவிட்டில், சகோதரா, உன் வாழ்வில் இனி நீ செய்யும் அனைத்தும் செயல்களும் வெற்றியடைய வாழ்த்துக்கள். நீங்கள் சர்வதேச கிரிக்கெட்டில் விளையாடிய நேரத்தில் பேட்டிங் செய்யும் முறையை மாறிவிட்டீர்கள். இனி உன்னுடைய குடும்பத்துடன், உனது அற்புதமான பயணத்திற்காக வாழ்த்துகிறேன்.

இவ்வாறு அதில் கோலி கூறியுள்ளார். #ABDRetires #ABDevilliers #ViratKohli

ஏபி டிவில்லியர்ஸ் தென்ஆப்ரிக்கா கிரிக்கெட் அணியின் முன்னணி பேட்ஸ்மேன்களில் ஒருவராவார். அனைத்துக் காலத்திற்குமான சிறந்த பேட்ஸ்மேன்களில் ஒருவராகக் கருதப்படுகிறார். இவர் கிரிக்கெட்டில் பல சாதனைகளைப் புரிந்துள்ளார். குறிப்பாக டெஸ்ட் ஒருநாள் கிரிக்கெட் போட்டிகளில் அதி விரைவாக 50, 100, 150 ரன்கள் அடித்த தென்ஆப்ரிக்கா வீரர் எனும் சாதனையையும் சர்வதேச டி20 போட்டிகளில் அதிவிரைவாக 50 ரன்கள் எடுத்த தென்னாப்பிரிக்க வீரர் எனும் சாதனைகளைப் படைத்துள்ளார். இந்தியன் பிரீமியர் லீக் போட்டித் தொடரில் பெங்களூர் ராயல் சேலஞ்சர்ஸ் அணிக்காக விளையாடி வருகிறார்.

இவர் மட்டையாளராகவும் , விக்கெட் கீப்பராகவும் துவக்கத்தில் சர்வதேச போட்டிகளில் விளையாடத் துவங்கினார். மத்திய வரிசையில் இறங்கும் இவர் பல திசைகளிலும் அடித்து விளையாடும் வல்லமை படைத்தவர். நவீன காலத் துடுப்பாட்டப் போட்டிகளில் புதுமையான பேட்ஸ்மேன் என அறியப்படுகிறார். மேலும் விக்கெட் கீப்பர் மற்றும் பல திசைகளிலும் அடித்து விளையாடும் சில வித்தியாசமான முறைகளால் இவர் மிஸ்டர் 360 எனும் புனைபெயரால் அழைக்கப்படுகிறார். 

2004-ம் ஆண்டில் இங்கிலாந்து அணிக்கு எதிராக நடைபெற்ற டெஸ்ட் கிரிக்கெட் போட்டியில் அறிமுகம் ஆனார். 2005-ம் ஆண்டின் துவக்கத்தில் ஒருநாள் கிரிக்கெட் போட்டிகளில் அறிமுகம் ஆனார். 2006-ம் ஆண்டில் சர்வதேச டி20 போட்டிகளில் இவர் அறிமுகமானார். அவரின் பேட்டிங் சராசரி இரு வடிவங்களிலும் 50-ற்கும் அதிகமாக உள்ளது.

தென்ஆப்ரிக்கா டெஸ்ட், ஒருநாள் மற்றும் டி20 அணிகளின் கேப்டனாகவும் இருந்துள்ளார். ஆனால் அவருக்கு ஏற்பட்ட காயத்தினால் டெஸ்ட் போட்டிகளின் கேப்டன் பொறுப்பிலிருந்து விலகினார். ஆனால் ஒருநாள் போட்டிகளில் கேப்டனாக நீடித்து வருகிறார். பின் 2017 ஐசிசி சாம்பியன்ஸ் கோப்பை மற்றும் இங்கிலாந்து அணிக்கு எதிரான தொடர் ஆகியவற்றின் தோல்விகளால் ஒருநாள் போட்டி கேப்டன் பொறுப்பிலிருந்தும் விலகினார்.