நீங்கள் தேடியது "yamaha"

யமஹா மோட்டார் இந்தியா நிறுவனம் தனது அதிகம் எதிர்பார்க்கப்படும் R3 மற்றும் MT 03 மோட்டார்சைக்கிள் மாடல்களை அறிமுகம் செய்வதற்கான பணிகளில் ஈடுபட்டு வருகிறது. இரு மிட் ரேன்ஜ் மாடல்களும் இந்திய சந்தையில், பண்டிகை காலக்கட்டத்தில் அறிமுகம் செய்யப்படும் என்று கூறப்படுகிறது. இது தொடர்பான அதிகாரப்பூர்வ அறிவிப்பு வரும் வாரங்களில் வெளியாகும் என்று தெரிகிறது.

இரு மோட்டார்சைக்கிள் மாடல்களுக்கான முன்பதிவு யமஹா விற்பனையாளர்கள், அதிகாரப்பூர்வமற்ற முறையில் மேற்கொண்டு வருகின்றனர். யமஹா R3 மற்றும் MT 03 மாடல்கள் சமீபத்தில் நடைபெற்ற டீலர்களுக்கான நிகழ்வில் காட்சிக்கு வைக்கப்பட்டது. இரு மாடல்களுடன் R7, MT 07 மற்றும் MT 09 மாடல்களும் காட்சிக்கு வைக்கப்பட்டன.

இந்த நிகழ்வில் கலந்து கொண்டவர்கள், புதிய மாடல்களின் புகைப்படங்களை ஆன்லைனில் பகிர்ந்து கொண்டனர். யமஹா R3 மாடல், கேடிஎம் RC390 மற்றும் கவாசகி நின்ஜா 300 மாடல்களுக்கு போட்டியாக உருவாக்கப்பட்டு இருக்கும் ஃபுல்லி ஃபேர்டு மோட்டார்சைக்கிள் ஆகும். மேலும் MT 03 மாடல் கேடிஎம் 390 டியூக், பிஎம்டபிள்யூ G310R மாடல்களுக்கு போட்டியாக அமைகிறது.

இரு மாடல்களிலும் 321சிசி, பேரலல் டுவின், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 40.4 ஹெச்பி பவர், 29.4 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ், ஸ்லிப்பர் கிளட்ச் வழங்கப்பட்டு இருக்கிறது. இரு மாடல்களிலும் KYB அப்சைடு-டவுன் முன்புற ஃபோர்க்குகள், மோனோஷாக் ரியர் சஸ்பென்ஷன், டிஜிட்டல் இன்ஸ்ட்ரூமென்ட் கிளஸ்டர், எல்இடி லைட்டிங் சிஸ்டம் போன்ற அம்சங்கள் வழங்கப்பட்டு உள்ளன.

பிரேக்கிங்கிற்கு இரு வீல்களிலும் முன்புறம் 298mm, பின்புறம் 220mm டிஸ்க் பிரேக்குகள், டூயல் சேனல் ஏபிஎஸ் வழங்கப்படுகிறது. புதிய யமஹா R3 விலை ரூ. 3.5 லட்சத்தில் துவங்கி, ரூ. 4 லட்சம் வரை நிர்ணயம் செய்யப்படும் என்று கூறப்டுகிறது. புதிய MT 03 மாடலின் விலை ரூ. 3 லட்சத்தில் துவங்கி ரூ. 3.7 லட்சம், எக்ஸ்-ஷோரூம் வரை நிர்ணயம் செய்யப்படலாம்.

இருசக்கர வாகனங்கள் உற்பத்தியில் முன்னணி நிறுவனங்களாக ஹோண்டா, யமஹா, சுசுகி மற்றும் கவாசகி விளங்குகின்றன. நான்கு நிறுவனங்களும் சர்வதேச சந்தையில் பல்வேறு நாடுகளில் வாகன விற்பனையில் ஈடுபட்டு வருகின்றன. இந்த நிலையில், நான்கு முன்னணி நிறுவனங்களும் கூட்டணி அமைத்துள்ளன.

இந்த கூட்டணி மூலம் ஹைட்ரஜன் சார்ந்த தொழில்நுட்பங்கள் மற்றும் என்ஜின்களை உருவாக்கும் பணிகளை மேற்கொள்ள திட்டமிடப்பட்டு உள்ளன. கூட்டணியின் அங்கமாக அரசு அனுமதி பெற்று HySE (Hydrogen small mobility & engine technology) பெயரில் ஆய்வு கூட்டமைப்பை உருவாக்கி உள்ளன.

ஜப்பானை சேர்ந்த நான்கு நிறுவனங்களும் ஆற்றலை உருவாக்கும் ஒரே திறன், சூரியசக்தி மட்டும் தான் என்று நம்புவதற்கு எதிராக உள்ளன. உலகளவில் எலெக்ட்ரிக் வாகனங்கள் மிகவும் பிரபலம் அடைந்துவிட்டன. ஆனால், இதற்கான மாற்று நிச்சம் உள்ளது. அதற்கு ஹைட்ரஜன் தான் பதில் என்று HySE உறுப்பினர்கள் தெரிவித்துள்ளனர்.

கூட்டமைப்பில் உள்ள ஒவ்வொரு உறுப்பினருக்கும் தனித்தனி பணிகள் வழங்கப்பட்டுள்ளன. அதன்படி ஹோண்டா நிறுவனம் ஹைட்ரஜன் சார்ந்த என்ஜின்களின் மாடல் வளர்ச்சி பிரிவில் ஆய்வு செய்கிறது. சுசுகி நிறுவனம் இதற்கான சாத்தியக்கூறு, செயல்திறன் மற்றும் நம்பகத்தன்மை குறித்து ஆய்வு செய்கிறது.

யமஹா நிறுவனம் ஹைட்ரஜன் ரி-ஃபியூவலிங் சிஸ்டம் மற்றும் டேன்க் பிரிவில் கவனம் செலுத்துகிறது. கவாசகி நிறுவம் ரி-ஃபியூவலிங் சிஸ்டம் மற்றும் டேன்க், ஃபியூவல் டேன்க் மற்றும் இன்ஜெக்டர்களை இன்ஸ்டால் செய்யும் பணிகளை மேற்கொள்கிறது. டொயோட்டா நிறுவனமும் இந்த கூட்டணியில் பல்வேறு ஆய்வு மற்றும் சோதனைகளை செய்து உதவ இருக்கிறது. 

இந்தியா முழுக்க இயங்கி வரும் யமஹா நிறுவன விற்பனையாளர்கள், 2023 R3 மற்றும் MT 03 மாடல்களுக்கான முன்பதிவுளை அதிகாரப்பூர்வமற்ற முறையில் மேற்கொண்டு வருவதாக தகவல் வெளியாகி உள்ளது. முன்பதிவு கட்டணம் ரூ. 5 ஆயிரத்தில் துவங்கி அதிகபட்சமாக ரூ. 20 ஆயிரம் வரை நிர்ணயம் செய்யப்பட்டு இருக்கிறது.

இதுவரை வெளியாகி இருக்கும் தகவல்களின் படி இரு மாடல்களும் வரும் மாதங்களில் அறிமுகம் செய்யப்படும் என கூறப்படுகிறது. சமீபத்தில் 2023 யமஹா R3 மற்றும் யமஹா MT 03 மாடல்கள் விற்பனையாளர்களிடையே நடத்தப்பட்ட நிகழ்வில் காட்சிக்கு வைக்கப்பட்டது. இவை தவிர YZF R7 மற்றும் MT 07 மாடல்களும் காட்சிப்படுத்தப்பட்டன.

இதன் காரணமாக இந்த மாடல்களும் இந்தியாவில் அறிமுகம் செய்யப்படலாம் என்ற எதிர்பார்ப்பு எழுந்துள்ளது. புதிய யமஹா R3 மோட்டார்சைக்கிள் கேடிஎம் RC390, கவாசகி நிஞ்சா 300, டிவிஎஸ் அபாச்சி RR310 மற்றும் கீவே K300 R போன்ற மாடல்களுக்கு போட்டியாக அமைகிறது. 2019 வரை இந்த மாடல் இந்தியாவில் விற்பனை செய்யப்பட்டு வந்தது. பின் இதன் விற்பனை நிறுத்தப்பட்டது.

யமஹா MT 03 மோட்டார்சைக்கிள் R3 மாடலின் நேக்கட் வெர்ஷன் ஆகும். இது முதல்முறையாக இந்தியாவில் அறிமுகம் செய்யப்பட இருக்கிறது. இந்த மோட்டார்சைக்கிள் கேடிஎம் 390 டியூக், பிஎம்டபிள்யூ G310 R மற்றும் கீவே K300 N மாடல்களுக்கு போட்டியாக அமைகிறது. 

யமஹா மோட்டார் இந்தியா நிறுவனம் 2023 ஏரோக்ஸ் 155 ஸ்கூட்டரை இந்திய சந்தையில் அறிமுகம் செய்தது. இந்த பிரிவில் டிராக்ஷன் கண்ட்ரோல் சிஸ்டம் தொழில்நுட்பம் கொண்ட இந்தியாவின் முதல் ஸ்கூட்டர் இது ஆகும். புதிய ஏரோக்ஸ் மாடல் தவிர 2023 MT-15 V2, R15 V4 மற்றும் R15S மாடல்களை இந்திய சந்தையில் அறிமுகம் செய்து இருக்கிறது. 2023 மாடல்கள் புதிய அம்சங்கள் மற்றும் நிறங்களில் கிடைக்கிறது.

2023 ஏரோக்ஸ் 155 மாடலில் உள்ள டிராக்ஷன் கண்ட்ரோல் சிஸ்டம் தொழில்நுட்பம், எவ்வித பாதைகளிலும் ஸ்கூட்டரின் வீல்-ஸ்பின்-ஐ குறைத்து சிறப்பான கண்ட்ரோல் வழங்குகிறது. இத்துடன் புதிய ஏரோக்ஸ் மாடல் E20 எரிபொருளில் இயங்கும் வகையிலும், OBD 2 விதிகளுக்கு ஏற்றார் போல் உருவாக்கப்பட்டுள்ளது. இந்த மாடலில் வேரியபில் வால்வு ஆக்டுவேஷன் கொண்ட 155சிசி புளூ கோர் என்ஜின் வழங்கப்பட்டு இருக்கிறது.

இத்துடன் CVT டிரான்ஸ்மிஷன் வழங்கப்படுகிறது. இதில் உள்ள லிக்விட் கூல்டு, 4 ஸ்டிரோக், SOHC, 4 வால்வுகள் கொண்ட மோட்டார் 15பிஎஸ் பவர், 13.9 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 2023 ஏரோக்ஸ் மாடலில் ஹசார்ட் சிஸ்டம் ஸ்டாண்டர்டு அம்சமாகவும், முற்றிலும் புதிய சில்வர் நிறத்திலும் கிடைக்கிறது.

MT-15 V2 வாடிக்கையாளர்களுக்கு அதிக ஆப்ஷன்களை வழங்கும் நோக்கில் யமஹா நிறுவனம் 2023 மாடலை டார்க் மேட் புளூ மற்றும் மெட்டாலிக் பிளாக் என இரண்டு புதிய நிறங்களில் அறிமுகம் செய்துள்ளது. இத்துடன் ப்ளூடூத் கனெக்ட் அம்சம், விரும்புவோர் தேர்வு செய்து கொள்ளும் ஆப்ஷனாக வழங்கப்படுகிறது. இத்துடன் டூயல் சேனல் ஏபிஎஸ், டிசிஎஸ் போன்ற வசதிகள் உள்ளன.

2023 R15 V4 மற்றும் R15S வேரியண்ட்களில் அதிகம் எதிர்பார்க்கப்பட்ட அம்சம் வழங்கப்பட்டு இருக்கிறது. அதன்படி 2023 R15 V4 மாடலில் குயிக்ஷிஃப்டர் அம்சம் மற்றும் புதிதாக வைட் நிறத்தில் கிடைக்கிறது. 2023 R15S மாடலில் 155சிசி என்ஜின் மற்றும் எல்சிடி டிஸ்ப்ளே வழங்கப்பட்டு இருக்கிறது. புதிய 2023 R15 V4, R15S மற்றும் MT-15 V2 மாடல்களில் லிக்விட் கூல்டு, 4 ஸ்டிரோக், SOHC, 4 வால்வுகள் கொண்ட 155சிசி என்ஜின் வழங்கப்பட்டு இருக்கிறது.

OBD2 விதிகளுக்கு பொருந்தும் புதிய என்ஜினுடன் ஏற்கனவே வழங்கப்பட்டு இருக்கும் வேரியபில் வால்வு ஆக்டுவேஷன் தொழில்நுட்பமும் வழங்கப்படுகிறது. இத்துடன் 6 ஸ்பீடு கியர்பாக்ஸ், அசிஸ்ட் மற்றும் ஸ்லிப்பர் கிளட்ச் வழங்கப்படுகிறது. இந்த என்ஜின் 18.4 பிஎஸ் பவர், 14.2 நியூட்டன் மீட்டர் டார்க் இழுவிசையை வெளிப்படுத்துகிறது.

விலை விவரங்கள்:

2023 யமஹா ஏரோக்ஸ் 155 சில்வர் நிறம் ரூ. 1 லட்சத்து 42 ஆயிரத்து 800

2023 யமஹா R15 V4 இண்டன்சிட்டி வைட் நிறம் ரூ. 1 லட்சத்து 85 ஆயிரத்து 900

2023 யமஹா MT-15 V2 மேட் புளூ மற்றும் மெட்டாலிக் பிளாக் ரூ. 1 லட்சத்து 64 ஆயிரத்து 900

2023 யமஹா R155S ரூ. 1 லட்சத்து 63 ஆயிரத்து 400

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இந்தியா யமஹா மோட்டார் (IYM) நிறுவனம் தனது ஃபசினோ 125 Fi ஹைப்ரிட், ரே இசட்ஆர் 125 Fi ஹைப்ரிட் மற்றும் ஸ்ட்ரீட் ரேலி 125 Fi ஹைப்ரிட் ஆகிய மாடல்களை உள்ளடக்கிய 125cc ஹைப்ரிட் ஸ்கூட்டர் ரேஞ்ச் மூலம் வழங்கப்படும் அதிக மைலேஜ் குறித்த விழிப்புணர்வை ஏற்படுத்தும் நோக்கில்

வாடிக்கையாளர்களிடையே அங்கீகரிக்கப்பட்ட டீலர்ஷிப்கள் இணைந்து 'மெகா மைலேஜ் சேலஞ்ச்' பெயரில் சிறப்பு நிகழ்ச்சிக்கு ஏற்பாடு செய்தன. இதில் மொத்தம் 42 யமஹா வாடிக்கையாளர்கள் கலந்துகொண்டனர்.

கோயம்புத்தூரில் மெகா மைலேஜ் சேலஞ்ச் செயல்பாடு, பங்கேற்பாளர்களுக்கு வழங்கப்பட்ட விளக்க அமர்வுடன் தொடங்கியது. இதில், போட்டியாளர்களுக்கு திறமையான சவாரி நடத்தை மற்றும் சவாரிக்கு திட்டமிடப்பட்ட பாதை குறித்து நிபுணர்களால் பரிந்துரைகள் வழங்கப்பட்டன. இதைத் தொடர்ந்து அவர்கள் 30 கிலோமீட்டர் நீளமான பயணத்தை மேற்கொள்வதற்கு முன் அவர்களின் ஸ்கூட்டர்களுக்கு எரிபொருள் நிரப்பப்பட்டது.

30 கிலோமீட்டர் பாதையில் நகர போக்குவரத்து, அலைகள் மற்றும் திறந்த சாலைகள் உள்ளிட்ட பல்வேறு வகையான ஓட்டுநர் நிலைமைகளை உள்ளடக்கியது. பங்கேற்பாளர்கள் ஸ்கூட்டரின் இடைநீக்கத்தை அனுபவிக்க அனுமதிக்கிறது. சவாரி முடிந்து அவர்கள் இடத்திற்குத் திரும்பியதும், ஸ்கூட்டர்கள் முந்தைய எரிபொருள் அளவைப் பொருத்து நிரப்பப்பட்டன. மேலும் சவாரியின் போது வழங்கப்பட்ட மைலேஜைக் கணக்கிட பயன்படுத்தப்பட்ட எரிபொருளின் அளவு பதிவு செய்யப்பட்டது.

யமஹாவின் நன்றியுணர்வின் அடையாளமாக, இந்த மெகா மைலேஜ் சவால் நடவடிக்கையில் பங்கேற்கும் அனைத்து வாடிக்கையாளர்களின் வாகனங்களை 10-புள்ளி ஆய்வுக்கு உட்படுத்தி, இலவச வாட்டர் வாஷ் செய்யப்பட்டது. இதோடு நினைவு பரிசுகள் வழங்கப்பட்டது. இந்த மெகா மைலேஜ் சவாலில் பங்கேற்ற 42 வாடிக்கையாளர்களிடம் இருந்து, செயல்பாட்டின் போது அதிக மைலேஜ் பெற்ற முதல் 5 வெற்றியாளர்களுக்கு கோப்பைகள், சான்றிதழ்கள் மற்றும் பரிசு அட்டைகள் வழங்கப்பட்டன.

யமஹா மோட்டார் இந்தியா நிறுவனம் 2023 ஃபசினோ மற்றும் ரே ZR சீரிஸ் ஸ்கூட்டர்களை இந்திய சந்தையில் அறிமுகம் செய்தது. இரு ஸ்கூட்டர்களும் 125சிசி என்ஜின் ஆப்ஷனில் மட்டுமே கிடைக்கின்றன. புதிய ஃபசினோ 125 மாடல் Fi ஹைப்ரிட் எனும் ஒற்றை வேரியண்டில் மட்டுமே கிடைக்கிறது.

எனினும், ரே ZR மாடல்- ரே ZR 125 Fi ஹைப்ரிட் மற்றும் ரே ZR ஸ்டிரீட் ரேலி1 25 Fi ஹைப்ரிட் என இரண்டு வேரியண்ட்களில் கிடைக்கிறது. புதிய 2023 மாடல்களில் 125 சிசி, சிங்கில் சிலிண்டர், ஏர் கூல்டு என்ஜின் மற்றும் ஃபியூவல் இன்ஜெக்ஷன் தொழில்நுட்பம் வழங்கப்பட்டு இருக்கிறது. இந்த என்ஜின் அதிகபட்சம் 8 ஹெச்பி பவர், 10.3 நியியூட்டன் டார்க் இழுவிசசையை வெளிப்படுத்துகிறது.

புதிய ஸ்கூட்டர்கள் தற்போது OBD-II சென்சார் மற்றும் E-20 ஃபியூவல் சப்போர்ட் கொண்டிருக்கிறது. OBD-II சென்சார் கொண்டு என்ஜின் ஆரோக்கியம் மற்றும் செயல்திறன் பற்றிய விவரங்களை ரியல்டைமில் அறிந்து கொள்ளலாம். 125சிசி ஹைப்ரிட் ஸ்கூட்டர் ப்ளூடூத் கனெக்டிவிட்டியை Y கனெக்ட் செயலிக்கான சப்போர்ட் கொண்டிருக்கிறது.

விலை விவரங்கள்:

ஃபசினோ டிரம் (விவிட் ரெட், எல்லோ காக்டெயில், சியான் புளூ மற்றும் மெட்டாலிக் பிளாக்) ரூ. 78 ஆயிரத்து 600

ஃபசினோ டிரம் (கூல் புளூ மெட்டாலிக் மற்றும் டார்க் மேட் புளூ) ரூ. 79 ஆயிரத்து 600

ஃபசினோ டிஸ்க் (விவிட் ரெட், எல்லோ காக்டெயில், சியான் புளூ மற்றும் மெட்டாலிக் பிளாக்) ரூ. 88 ஆயிரத்து 230

ஃபசினோ டிஸ்க் (கூல் புளூ மெட்டாலிக், டார்க் மேட் புளூ) ரூ. 89 ஆயிரத்து 230

ஃபசினோ டிஸ்க் (விவிட் ரெட் ஸ்பெஷல், மேட் பிளாக் ஸ்பெஷல்) ரூ. 90 ஆயிரத்து 230

ஃபசினோ டிஸ்க் (டார்க் மேட் புளூ ஸ்பெஷல்) ரூ. 91 ஆயிரத்து 030

ரே ZR டிரம் (மெட்டாலிக் பிளாக், சியான் புளூ மற்றும் மேட் ரெட்) ரூ. 82 ஆயிரத்து 730

ரே ZR டிஸ்க் (சியான் புளூ, மேட் ரெட் மற்றும் மெட்டாலிக் பிளாக்) ரூ. 88 ஆயிரத்து 530

ரே ZR டிஸ்க் (ரேசிங் புளூ மற்றும் டார்க் மேட் புளூ) ரூ. 89 ஆயிரத்து 530

ரே ZR ஸ்டிரீட் ரேலி (மேட் காப்பர்) ரூ. 92 ஆயிரத்து 530

ரே ZR ஸ்டிரீட் ரேலி (மேட் பிளாக் மற்றும் லைட் கிரே வெர்மிலன்) ரூ. 93 ஆயிரத்து 530

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. 

யமஹா மோட்டார் இந்தியா நிறுவனம் அதன் வாடிக்கையாளர்களுக்கு சுவாரஸ்ய மற்றும் அலாதியான ரைடிங் அனுபவத்தை வழங்கும் நோக்கில் 2023 FZS-Fi V4 டீலக்ஸ், FZ-X, MT-15 V2 டீலக்ஸ் மற்றும் R15M மாடல்களை முற்றிலும் புதிய தோற்றம், அசத்தலான அம்சங்களுடன் அறிமுகம் செய்து இருக்கிறது.

150சிசி பிரிவில் நல்ல வரவேற்பை பெற்று வரும் FZS-Fi V4 டீலக்ஸ், FZ-X, MT-15 V2 டீலக்ஸ் மற்றும் R15M மாடல்களில் தற்போது டிராக்ஷன் கண்ட்ரோல் சிஸ்டம் ஸ்டாண்டர்டு அம்சமாக வழங்கப்பட்டு இருக்கிறது. புதிய மாடல்களில் உள்ள டிராக்ஷன் கண்ட்ரோல் சிஸ்டம் என்ஜின் செயல்திறன் அதிகளவில் ஸ்லிப் ஆகாமல் இருக்க இக்னிஷன் டைமிங் மற்றும் ஃபியூவல் இன்ஜெக்ஷன் வால்யுமை கண்ட்ரோல் செய்கிறது. இதன் மூலம் வீல்களுக்கு அனுப்பப்படும் பவர் சீராக வினியோகம் செய்யப்பட்டு, வீஸ்ஸ்பின் பெருமளவு குறைக்கப்படுகிறது.

2023 FZS-Fi V4 டீலக்ஸ் மாடலில் முற்றிலும் புதிய ஹெட்லைட் டிசைன், எல்இடி ஃபிளாஷர்கள் வழங்கப்பட்டுள்ளன. இவை மோட்டார்சைக்கிள் தோற்றத்தை மேலும் பிரீமியமாக மாற்றுகிறது. இத்துடன் Y-கனெக்ட் செயலி மூலம் ப்ளூடூத் கனெக்டிவிட்டி வசதியும் வழங்கப்படுகிறது. FZ-X மாடலிலும் டிராக்ஷன் கண்ட்ரோல் சிஸ்டத்துடன் எல்இடி ஃபிளாஷர்கள், முற்றிலும் புதிய டார்க் மேட் புளூ மற்றும் கோல்டன் நிற ரிம் வேரியண்ட் வழங்கப்படுகிறது.

புதிய FZS-Fi V4 டீலக்ஸ் மற்றும் FZ-X மாடல்களில் சிங்கில் சேனல் ஏபிஎஸ், மல்டி-ஃபன்ஷன் எல்சிடி இன்ஸ்ட்ரூமெண்ட் கிளஸ்டர், எல்இடி ஹெட்லைட், டையரை சுற்றி ரியர் மட்கார்டு, லோயர் என்ஜின் கார்டு வழங்கப்பட்டுள்ளன. இரு மாடல்களிலும் 12.5 பிஎஸ் பவர், 13.3 நியூட்டன் மீட்டர் டார்க் இழுவிசையை வெளிப்படுத்தும் 149சிசி என்ஜின் வழங்கப்பட்டு இருக்கிறது.

2023 R15M மாடலில் YZF-R1 சார்ந்த டிஎஃப்டி மீட்டர் மற்றும் கியர் ஷிஃப்ட் இண்டிகேட்டர், டிராக்& ஸ்டிரீட் மோட் செலக்டர், எல்இடி ஃபிளாஷர்கள், புதிய டார்க் நைட் நிற வேரியண்டில் கிடைக்கிறது. இத்துடன் டூயல் சேனல் ஏபிஎஸ் உள்ளது. புதிய MT-15 V2 டீலக்ஸ் மாடல் தற்போது மேட் பிளாக் நிறத்தில் கிடைக்கிறது. இதுதவிர ஃபுளோ-வெர்மிலன், சியான் ஸ்டாம் மற்றும் ரேசிங் புளூ போன்ற நிறங்களிலும் கிடைக்கிறது.

புதி்ய MT-15 V2 டீலக்ஸ் மற்றும் R15M மாடல்களிலும் யமஹாவின் லிக்விட் கூல்டு, 4 ஸ்டிரோக், SOHC, 4 வால்வுகள் கொண்ட 155சிசி ஃபியூவல் இன்ஜெக்ட் செய்யப்பட்ட என்ஜின் மற்றும் வேரியபில் வால்வு ஆக்டுவேஷன் சிஸ்டம் வழங்கப்பட்டு இருக்கிறது. இத்துடன் 6 ஸ்பீடு கியர்பாக்ஸ், அசிஸ்ட் மற்றும் ஸ்லிப்பர் கிளட்ச் வழங்கப்பட்டு இருக்கிறது. இந்த என்ஜின் 18.4 பிஎஸ் பவர், 14.2 நியூட்டன் மீட்டர் டார்க் இழுவிசையை வெளிப்படுத்துகிறது.

விலை விவரங்கள்:

யமஹா FZS-Fi V4 டீலக்ஸ் ரூ. 1 லட்சத்து 27 ஆயிரத்து 400

யமஹா FZ-X டார்க் மேட் புளூ ரூ. 1 லட்சத்து 36 ஆயிரத்து 900

யமஹா R15M ரூ. 1 லட்சத்து 93 ஆயிரத்து 900

யமஹா R15 V4 டார்க் நைட் ரூ. 1 லட்சத்து 81 ஆயிரத்து 900

யமஹா MT-15 V2 டீலக்ஸ் மெட்டாலிக் பிளாக் ரூ. 1 லட்சத்து 68 ஆயிரத்து ௪௦௦

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

சுற்றுச்சூழலில் ஏற்படும் காற்று மாசு அளவை கட்டப்படுத்தும் வகையில், யமஹா நிறுவனம் புதிய யமஹா FZS-Fi V4 டீலக்ஸ் மற்றும் FZ-X மாடல்களை E20 ஃபியூவல் கம்பேடபிலிட்டியை வழங்கி இருக்கிறது. இது செயல்திறனை பாதிக்காமல், காற்று மாசு அளவை குறைக்கும் திறன் கொண்டிருக்கிறது. இந்த ஆண்டு இறுதிக்குள் யமஹா நிறுவனம் தனது அனைத்து மோட்டார்சைக்கிள் மாடல்களையும் E20 எரிபொருளுக்கு ஏற்றவகையில் மாற்ற திட்டமிட்டு வருகிறது.

இத்துடன் புதிய 2023 யமஹா மாடல்களில் ஆன்-போர்டு டயக்னாஸ்டிக்ஸ் (OBD-II) சிஸ்டம் வழங்கப்பட்டு இருக்கிறது. இவை காற்று மாசு அளவுகளை ரியல்டைமில் மாணிட்டர் செய்யும் வசதி கொண்டுள்ளது. 

இந்தியா யமஹா மோட்டார் (IYM) பிரைவேட் லிமிடெட் நிறுவனம் தமிழ்நாட்டில் இரண்டு புதிய "ப்ளூ ஸ்கொயர்" விற்பனை மையங்களைத் திறந்து இருப்பதாக அறிவித்து இருக்கிறது. அறந்தாங்கி, புதுக்கோட்டை மற்றும் காரைக்குடி, சிவகங்கையில் இந்த இரண்டு ப்ளூ ஸ்கொயர் ஷோரூம்களும் திறக்கப்பட்டுள்ளன.

இந்த ப்ளூ ஸ்கொயர் ஷோரூம்களில் விற்பனை, சேவை மற்றும் உதிரிபாகங்கள் கிடைக்கும். ப்ளூ ஸ்கொயர் ஷோரூம்கள் வாடிக்கையாளர்களுக்கு யமஹா ரேசிங் உலகிற்கு ஒரு அறிமுகத்தை வழங்குவதை நோக்கமாகக் கொண்டுள்ளது. மேலும் பிரீமியம் அவுட்லெட்டில் உள்ள ஒவ்வொரு பகுதியும் சர்வதேச மோட்டார் ஸ்போர்ட்ஸில் வலுவான வேர்களைக் கொண்ட உலகளாவிய பிராண்டுடன் தொடர்புடைய பெருமையின் உணர்வைத் தூண்டும் வகையில் வடிவமைக்கப்பட்டுள்ளது.

'ப்ளூ' என்பது யமஹாவின் பெருமைமிக்க பந்தயப் பாரம்பரியத்தின் பிரதிநிதித்துவம் மற்றும் 'ஸ்கொயர்' என்பது வாடிக்கையாளர்களுக்கு உற்சாகமான, விளையாட்டு மற்றும் ஸ்டைலான தயாரிப்புகளின் வரம்பு மற்றும் ப்ளூ ஸ்ட்ரீக்ஸ் ரைடர் சமூகத்திற்கான ஒரு தளமாகவும் செயல்படுகிறது.

இது வாடிக்கையாளர்கள் மற்ற யமஹா ரைடர்களுடன் சவாரி செய்ய அனுமதிக்கிறது. ப்ளூ ஸ்கொயர் ஷோரூம்களில் ஏரோக்ஸ் 155 மேக்ஸி ஸ்போர்ட் ஸ்கூட்டர் பிரத்தியேகமாக விற்பனை செய்யப்படுகிறது. இவை தவிர YZF-R15 4.0 ABS, YZF-R15S 3.0 ABS, ஏபிஎஸ் வசதி கொண்ட MT-15 2.0, FZ 25, ABS உடன் FZ-S FI, ABS உடன் FZ-FI, FZ-X போன்ற மாடல்கள் காட்சிப்படுத்தப்படுகின்றன.

இத்துடன் ஃபசினோ 125 FI ஹைப்ரிட், RayZR 125 FI ஹைப்ரிட், ஸ்ட்ரீட் ரேலி 125 FI ஹைப்ரிட் போன்ற ABS மற்றும் UBS ஸ்கூட்டர்களும் இங்கு காட்சிப்படுத்தப்படுகின்றன. பிரீமியம் விற்பனை நிலையமான ப்ளூ ஸ்கொயரில் ஒரிஜினல் யமஹா உதிரிபாகங்கள், ஆடைகள் மற்றும் உதிரி பாகங்களின் கவர்ச்சிகரமான காட்சியையும் காட்சிப்படுத்துகின்றன.

புதிதாக தொடங்கப்பட்ட இந்த விற்பனை நிலையங்களுடன், யமஹா இப்போது இந்தியா முழுவதும் 165 ப்ளூ ஸ்கொயர் ஷோரூம்களைக் கொண்டுள்ளது, தமிழ்நாடு, பாண்டிச்சேரி, கர்நாடகா, தெலுங்கானா, ஆந்திரப் பிரதேசம், கேரளா, ஜார்க்கண்ட், மேற்கு வங்காளம், ஒரிசா, அசாம், சத்தீஸ்கர், பீகார், மத்தியப் பிரதேசம், மகாராஷ்டிரா, குஜராத் , ஜம்மு மற்றும் காஷ்மீர், டெல்லி, ராஜஸ்தான் மற்றும் பிற வடகிழக்கு மாநிலங்களில் யமஹாவின் ப்ளூ ஸ்கொயர் விற்பனை மையங்கள் செயல்பட்டு வருகின்றன.

யமஹா நிறுவனம் பிரீமியம் இருசக்கர வாகனங்கள் மீது அதிக ஈர்ப்பு கொண்டுள்ளது. மற்ற நிறுவனங்களுடன் ஒப்பிடும் போது பட்ஜெட் ரக கம்யுட்டர் மற்றும் ஸ்கூட்டர்களை வழங்காமல் இருக்கும் ஒரே நிறுவனமாக யமஹா இருக்கிறது. இந்திய சந்தையில் யமஹாவின் பிரீமியம் மாடல்களில் R15, FZX மற்றும் MT15 உள்ளிட்டவை இடம்பெற்றுள்ளன. இவைதவிர யமஹா நிறுவனம் தனது பாரம்பரியம் மிக்க RX போன்ற பிராண்டுகளை இந்தியாவில் மீண்டும் அறிமுகம் செய்யும் பணிகளில் ஈடுபட்டு வருகிறது.

இத்துடன் 125 முதல் 155சிசி பிரிவில் அட்வென்ச்சர் மோட்டார்சைக்கிளை அறிமுகம் செய்யும் பணிகளிலும் யமஹா ஈடுபட்டு வருகிறது. இதனிடையே யமஹா தனது பிரீமியம் மோட்டார்சைக்கிள் மாடல்களை 2023 ஆண்டிற்கு அப்டேட் செய்யும் பணிகளை தீவிரப்படுத்தி இருக்கிறது. இதன் காரணமாக 2023 யமஹா R15, FZX மற்றும் MT15 மாடல்கள் விரைவில் அறிமுகம் செய்யப்பட உள்ளன.

இந்த நிலையில், புதிய 2023 மாடல்களின் ஸ்பை படங்கள் இணையத்தில் வெளியாகி உள்ளன. அதன்படி 2023 யமஹா R15 மாடலில் கிரே நிற பெயிண்டிங், ஆங்காங்கே எல்லோ நிறம் மற்றும் கோல்டன் நிற யுஎஸ்டி ஃபோர்க்குகள் வழங்கப்பட்டுள்ளன. இது யமஹா R15M வொர்ல்டு ஜிபி 60th எடிஷன் மாடலில் உள்ளதை போன்றே காட்சியளிக்கிறது.

புதிய 2023 MT15 மாடல் கிளாஸ் பிளாக் நிறம் கொண்டிருக்கிறது. இது யமஹா ஏற்கனவே வழங்கி வரும் மெட்டாலிக் பிளாக் நிறம் போன்றே காட்சியளிக்கிறது. எனினும், புதிய எடிஷனில் ரெட் அலாய் வழங்கப்பட்டு இருக்கிறது. மெட்டாலிக் பிளாக் மற்றும் ஃபுளுரோசெண்ட் ரெட் வீல்களை கொண்ட நிறத்தை யமஹா இதுவரை வழங்கியது இல்லை. 2023 FZX மாடலும் விற்பனையகம் வரத்துவங்கி இருக்கிறது.

2023 FZX மாடலில் முற்றிலும் புதிய புளூ நிறம் வழங்கப்பட்டு இருக்கிறது. இது யமஹா தனது FZX மெட்டாலிக் புளூ ஆப்ஷனில் வழங்கியதை போன்று காட்சியளிக்கவில்லை. மாறாக இது MT15 மற்றும் R15 மாடல்களில் வழங்கப்படும் ரேசிங் புளூ நிறம் போன்று காட்சியளிக்கிறது. புதிய நிறம் தவிர 2023 FZX மாடல் டூயல் சேனல் ஏபிஎஸ் வசதியை பெற இருக்கிறது.

Photo Courtesy: Rushlane

யமஹா இந்தியா நிறுவனம் நாடு முழுக்க மைலேஜ் சேலஞ்ச் பெயரில் தனது வாடிக்கையாளர்களுக்கு அவ்வபோது போட்டிகளை நடத்துவதை வாடிக்கையாக கொண்டிருக்கிறது. அந்த வகையில், சமீபத்தில் யமஹா சேலஞ்ச் போட்டி சென்னையில் நடைபெற்றது. இதில் ஏராளமான யமஹா வாடிக்கையாளர்கள் கலந்து கொண்டனர்.

125சிசி ஹைப்ரிட் ஸ்கூட்டர் மாடல்கள் வழங்கும் சிறந்த மைலேஜ் குறித்து வாடிக்கையாளர்கள் இடையே விழிப்புணர்வை ஏற்படுத்த, இந்தியா யமஹா மோட்டார் (IYM) நிறுவனம் தனது அங்கீகரிக்கப்பட்ட டீலர் மூலம் 'மைலேஜ் சேலஞ்ச் ஆக்டிவிட்டி'யை நடத்தியது. யமஹாவின் 125cc ஹைப்ரிட் ஸ்கூட்டர் சீரிசில் ஃபசினோ 125 Fi ஹைப்ரிட், ரே ZR 125 Fi ஹைப்ரிட் மற்றும் ஸ்ட்ரீட் ரேலி 125 Fi ஹைப்ரிட் போன்ற மாடல்கள் உள்ளன.

இந்த முறை நடைபெற்ற போட்டியில் மொத்தம் 24 யமஹா வாடிக்கையாளர்கள் பங்கேற்றனர். முதற்கட்டமாக மைலேஜ் சவால் செயல்பாடுகள் குறித்து பங்கேற்பாளர்களுக்கு சுருக்கமான அமர்வுடன் தொடங்கியது. அமர்வின் போது, போட்டியாளர்களுக்கு திறமையான சவாரி நடத்தை மற்றும் சவாரிக்கு திட்டமிடப்பட்ட பாதை பற்றிய வழிகாட்டுதல்கள் வழங்கப்பட்டன.

இதைத் தொடர்ந்து அவர்கள் 30-கிலோமீட்டர் பயணத்தைத் தொடங்குவதற்கு முன் அவர்களின் ஸ்கூட்டர்களுக்கு எரிபொருள் நிரப்பப்பட்டது. பின் நகர போக்குவரத்து மற்றும் திறந்த சாலைகள் ஆகியவற்றின் கலவையை உள்ளடக்கிய பாதையில் போட்டியாளர்கள் ஸ்கூட்டரை இயக்கினர். இதில் ஸ்கூட்டரின் சஸ்பென்ஷன், சூழ்ச்சி, பிரேக்கிங், மற்றும் ஆரம்ப பிக்-அப் உள்ளிட்டவைகளை அனுபவிக்க முடியும்.

வெற்றிகரமாக திரும்பிய பின், ஸ்கூட்டர்களின் முந்தைய எரிபொருள் அளவுக்கு ஏற்ப எரிபொருள் மீண்டும் நிரப்பப்பட்டன. மேலும் மைலேஜ் கணக்கீட்டிற்காக பயன்படுத்தப்பட்ட எரிபொருளின் அளவு பதிவு செய்யப்பட்டது. கலந்து கொண்ட அனைத்து வாடிக்கையாளர்களுக்கும் நினைவுப் பரிசுகள் வழங்கப்பட்டன.

யமஹா மைலேஜ் சேலஞ்ச் போட்டியில் இந்த முறை முதலிடம் பிடித்த சுரேந்தர் தனது ஸ்கூட்டரில் லிட்டருக்கு 135.5 கிமீ மைலேஜ் பெற்றார். இரண்டு மற்றும் மூன்றாவது இடத்தை பிடித்தவர்கள் முறையே லிட்டருக்கு 124.18 மற்றும் 121.6 கிமீ மைலேஜ் பெற்றுள்ளனர்.

இத்துடன் இலவச வாட்டர் வாஷ் மற்றும் அவர்களின் வாகனங்களை 10 பாயிண்ட் இன்ஸ்பெக்ஷன் செய்வதற்கான ஏற்பாடு செய்யப்பட்டு இருந்தது. மைலேஜ் சவால் செயல்பாட்டில் பங்கேற்ற வாடிக்கையாளர்களிடம் இருந்து, இரண்டு செயல்பாடுகளிலும் அதிக மைலேஜைப் பெற்ற முதல் 5 வெற்றியாளர்களுக்கு கோப்பைகள், சான்றிதழ்கள் மற்றும் பரிசு அட்டைகள் வழங்கப்பட்டன.

யமஹா நிறுவனம் 2023 FZ-X மோட்டார்சைக்கிளை இந்திய சந்தையில் அறிமுகம் செய்ய இருக்கிறது. புது FZ-X மாடல் சோதனை செய்யப்படும் போது எடுக்கப்பட்ட ஸ்பை படங்கள் இணையத்தில் வெளியாகி உள்ளது. புது மாடலின் டிசைனில் மாற்றங்கள் செய்யப்பட்டு இருக்கும் என்றே தெரிகிறது. இத்துடன் புது விண்ட்ஸ்கிரீன், வட்ட வடிவம் கொண்ட ஹெட்லைட், டியுபுலர் ஸ்டீல் ஃபிரேம் வழங்கப்படுகிறது.

இதன் முன்புறம் ஹை-மவுண்ட் ஃபெண்டர் வழங்கப்படுகிறது. இதுதவிர 2023 FZ-X மாடல் புது நிறங்களில் கிடைக்கும் என்றும் தெரிகிறது. ஸ்பை படங்களில் உள்ள மாடல் கோல்டன் நிற அலாய் வீல்கள், ஆரஞ்சு நிற பாடி வொர்க் கொண்டிருக்கிறது. இதே போன்ற கோல்டு நிற ரிம்கள் FZS 25 போன்ற மாடல்களிலும் யமஹா ஏற்கனவே வழங்கி இருக்கிறது.

இவற்றுடன் புதிய யமஹா 2023 FZ-X மாடலில் டூயல் சேனல் ஏபிஎஸ் வழங்கப்படுகிறது. இந்த மாடலின் மெக்கானிக்கல் அம்சங்களில் எவ்வித மாற்றமும் மேற்கொள்ளப்படாது என்றே தெரிகிறது. அந்த வகையில், இந்த பைக் 149சிசி, ஏர் கூல்டு, சிங்கில் சிலிண்டர் என்ஜின் கொண்டிருக்கும்.

இது 12.4 ஹெச்பி பவர், 13.3 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. வரும் வாரங்களில் புதிய யமஹா FZ-X மாடல் இந்திய சந்தையில் அறிமுகம் செய்யப்படும் என கூறப்படுகிறது.

Photo Courtesy: Rushlane

யமஹா நிறுவனம் எலெக்ட்ரிக் ஸ்கூட்டர் மாடல்களை லீசுக்கு விடும் புது வியாபாரத்தை இந்தியாவில் துவங்கி உள்ளது. யமஹா நிறுவனத்தின் துணை பிராண்டு மோட்டோ பிஸ்னஸ் சர்வீஸ் இந்தியா மூலம் புதிய லீசிங் வியாபாரத்தை நடத்த யமஹா முடிவு செய்துள்ளது.

இந்த வியாபாரத்திற்காக யமஹா நிறுவனம் சிப் எலெக்ட்ரிக் எனும் டெலிவரி சர்வீஸ் நிறுவனத்தில் முதலீடு செய்கிறது. லீசிங் வியாபாரத்தில் மோட்டோ பிஸ்னஸ் சர்வீஸ் இந்தியா நிறுவனம் முதற்கட்டமாக 250 ஹீரோ எலெக்ட்ரிக் ஸ்கூட்டர்களை சிப் நிறுவனத்திற்கு வழங்கும். சிப் நிறுவனம் இந்த எலெக்ட்ரிக் ஸ்கூட்டர்களை தனது வியாபாரத்தில் பயன்படுத்த இருக்கிறது.

தற்போது நாடு முழுக்க சுமார் 5 ஆயிரம் எலெக்ட்ரிக் ஸ்கூட்டர் மாடல்களை சிப் வைத்து இருக்கிறது. இந்திய சந்தையில் தனது வியாபாரத்தை நீட்டிக்க சிப் நிறுவனம் முடிவு செய்துள்ளது. இதற்காக 2024 வாக்கில் 1.5 லட்சம் எலெக்ட்ரிக் வாகனங்களை வைத்திருக்க சிப் நிறுவனம் இலக்கு நிர்ணயம் செய்து இருக்கிறது.