நீங்கள் தேடியது "Sony"

சோனி இந்தியா நிறுவனம் தனது பிளே ஸ்டேஷன் 5 (CFI-1208A01R) மாடல்களுக்கு கோடை கால சலுகையை அறிவித்து இருக்கிறது. இந்த சலுகைகளின் கீழ் வாடிக்கையாளர்கள் அதிகபட்சம் ரூ. 13 ஆயிரம் வரையிலான பலன்களை பெற முடியும். இந்த சலுகை ஏப்ரல் 10 ஆம் தேதி துவங்கி ஏப்ரல் 30 ஆம் தேதி அல்லது ஸ்டாக் இருக்கும் வரை வழங்கப்படுகிறது.

தேர்வு செய்யப்பட்ட பி.எஸ். 5 மாடல்களுக்கு சோனி இந்தியா நிறுவனம் விசேஷ கோடை கால சலுகைகளை அறிவித்து இருக்கிறது. இந்த சலுகை சமீபத்தில் அறிமுகம் செய்யப்பட்ட சோனி பிளே ஸ்டேஷன் 5 ஸ்லிம் (CFI-2000 மாடல் க்ரூப் - ஸ்லிம்) மாடலுக்கு பொருந்தாது.

அதன்படி பி.எஸ். 5 மாடல்களுக்கு ரூ. 13 ஆயிரம் வரையிலான தள்ளுபடி வழங்கப்படுகிறது. தள்ளுபடி போக பி.எஸ். 5 விலை எவ்வளவாக இருக்கும் என்பது ஏப்ரல் 10 ஆம் தேதி விற்பனை துவங்கிய பின்பே தெரியவரும்.

வாடிக்கையாளர்கள் பி.எஸ். 5 மாடலை அமேசான், க்ரோமா, ப்ளிப்கார்ட், சோனி செண்டர், விஜய் சேல்ஸ், ப்ளின்கிட் மற்றும் இதர விற்பனையாளர்களிடம் சலுகை விலையில் வாங்கிட முடியும்.

தற்போது சோனி பி.எஸ். 5 மாடலின் ஸ்டாண்டர்டு எடிஷன் விலை ரூ. 54 ஆயிரத்து 990 என்றும் டிஜிட்டல் மாடல் விலை ரூ. 44 ஆயிரத்து 990 என்றும் நிர்ணயம் செய்யப்பட்டு உள்ளது. 

சோனி நிறுவனம் இந்திய சந்தையில் தனது பிளே ஸ்டேஷன் 5 ஸ்லிம் மாடலை அறிமுகம் செய்தது. புதிய பி.எஸ். 5 கன்சோல் டிஸ்க் மற்றும் டிஸ்க்-லெஸ் வெர்ஷன்களில் கிடைக்கிறது. இத்துடன் ஏற்கனவே விற்பனை செய்யப்படும் பி.எஸ். 5 மாடலை விட அதிக மெமரி கொண்டிருக்கிறது. எனினும், இரு மாடல்களின் ஹார்டுவேரில் எந்த மாற்றமும் இல்லை.

அமெரிக்க சந்தையில் கடந்த அக்டோபர் மாதம் அறிவிக்கப்பட்ட நிலையில், தற்போது இந்த மாடல் இந்திய சந்தையில் அறிவிக்கப்பட்டு இருக்கிறது. பிளே ஸ்டேஷன் 5 வெளியான மூன்று ஆண்டுகள் கழித்தே பிளே ஸ்டேஷன் 5 ஸ்லிம் மாடல் அறிமுகம் செய்யப்பட்டது.

பெயருக்கு ஏற்றார்போல் பிளே ஸ்டேஷன் 5 ஸ்லிம் மாடல் அதன் முந்தைய மாடலை விட மெல்லியதாக இருக்கும் படி உருவாக்கப்பட்டு இருக்கிறது. இது பிளே ஸ்டேஷன் 5 மாடலை விட 25 சதவீதம் எடை குறைவாக இருக்கிறது. அளவீடுகளை பொருத்தவரை பி.எஸ். 5 மாடல் 104mm x 390mm x260mm என்றும் பி.எஸ். 5 ஸ்லிம் மாடல் 96mm x 358mm x216mm அளவு கொண்டிருக்கிறது.

இரு மாடல்களிடையே குறிப்பிடத்தக்க வித்தியாசமாக பி.எஸ். 5 ஸ்லிம் மாடல் 1 டி.பி. ஸ்டோரேஜ் உடன் கிடைக்கிறது. பி.எஸ். 5 மாடலில் 825 ஜி.பி. ஸ்டோரேஜ் மட்டுமே வழங்கப்பட்டு இருக்கிறது.

சோனி பி.எஸ். 5 ஸ்லிம் அம்சங்கள்:

சோனியின் புதிய பிளே ஸ்டேஷன் 5 ஸ்லிம் மாடலில் x86-64-AMD Ryzen Zen 2 CPU மற்றும் AMD Radeon RDNA 2 சார்ந்த கிராஃபிக்ஸ் என்ஜின், ரே டிரேசிங் அக்செல்லரேஷன் வழங்கப்பட்டு இருக்கிறது. இத்துடன் 16 ஜி.பி. ரேம், 1 டி.பி. ஸ்டோரேஜ், இரண்டு யு.எஸ்.பி. டைப் சி போர்ட்கள், இரண்டு யு.எஸ்.பி. டைப் ஏ போர்ட்கள் வழங்கப்படுகின்றன.

பி.எஸ். 5 ஸ்லிம் மாடல் 4K 120Hz டி.வி. மற்றும் 8K டி.வி.க்களிலும் இயங்கும் திறன் கொண்டிருக்கிறது. பி.எஸ். 5 ஸ்லிம் மாடலில் பி.எஸ். 4 கேம்களையும் விளையாட முடியும். இதில் டெம்பெஸ்ட் 3டி ஆடியோ தொழில்நுட்பம், 60Fps-இல் 4K கேமிங், ரே டிரேசிங் வசதி வழங்கப்பட்டு இருக்கிறது. பி.எஸ். 5 ஸ்லிம் டிஸ்க் மற்றும் டிஸ்க் லெஸ் வெர்ஷன்களில் ஒரே மாதிரியான அம்சங்கள் உள்ளன.

விலை, விற்பனை விவரங்கள்:

சோனி பிளே ஸ்டேஷன் 5 ஸ்லிம் மாடலின் டிஜிட்டல் எடிஷன் விலை ரூ. 44 ஆயிரத்து 990 என்றும் டிஸ்க் வெர்ஷன் விலை ரூ. 54 ஆயிரத்து 990 என்றும் நிர்ணயம் செய்யப்பட்டு உள்ளது. இதன் விற்பனை ஏப்ரல் 5 ஆம் தேதி ஆஃப்லைன் மற்றும் ஆன்லைன் ஸ்டோர்களில் துவங்குகிறது.

சோனி மற்றும் ஹோண்டா நிறுவனங்கள் இணைந்து எலெக்ட்ரிக் கார் உருவாக்கும் பணிகளில் ஈடுபட்டு வருவது அனைவரும் அறிந்ததே. அஃபீலா எனும் பெயரில் உருவாகும் இந்த கார் உண்மையில் விற்பனைக்கு வருமா என்பது தற்போது வரை கேள்விக்குறியாகவே உள்ளது.

இந்த நிலையில், அமெரிக்காவின் லாஸ் வேகாஸ்-இல் நடைபெற்று வரும் சர்வதேச நுகர்வோர் மின்சாதன விழா (சி.இ.எஸ். 2024) நிகழ்வில் சோனி நிறுவனம் தனது எலெக்ட்ரிக் கார் எப்படி காட்சியளிக்கும் என்பதை வெளிப்படுத்தி இருக்கிறது. சோனியின் எலெக்ட்ரிக் கார் எப்படி இருக்கும் என்பதை விட, அந்நிறுவனம் காரை எப்படி மேடைக்கு கொண்டுவந்தது என்ற விஷயம் அனைவரையும் வியப்பில் ஆழ்த்தியது.

தற்போது வரை கான்செப்ட் வடிவில் இருக்கும் எலெக்ட்ரிக் கார் மாடலை சோனி நிறுவனம் தனது பிளேஸ்டேஷன் 5 டூயல் சென்ஸ் கண்ட்ரோலர் மூலம் மேடைக்கு கொண்டு வந்தது. கன்ட்ரோலர் மூலம் இயக்கப்பட்ட நிலையில், சோனியின் எலெக்ட்ரிக் கார் ரிமோட் முறையில் மேடைக்கு வந்ததை அங்கிருந்தவர்கள் ஆச்சரியத்துடன் பார்த்து ரசித்தனர்.

சோனியின் எலெக்ட்ரிக் காரில் உண்மையில் இதுபோன்ற வசதி வழங்கப்படுமா என்ற கேள்விக்கும் பதில் கிடைத்துவிட்டது. மேலும் இதுபோன்ற வசதி பயனர்களுக்கு வழங்கும் திட்டம் தற்போதைக்கு இல்லை என்றும் சோனி திட்டவட்டமாக தெரிவித்துவிட்டது.

மூன்று ஆண்டுகளாக தோற்றத்தில் எவ்வித மாற்றமும் இன்றி இந்த ஆண்டின் டெக் நிகழ்விலும் பங்கேற்ற அஃபீலா கார் பாதுகாப்பு தொழில்நுட்பங்கள் மற்றும் பொழுதுபோக்கு விஷயங்களில் மேம்படுத்தப்பட்டு இருப்பதாக சோனி மற்றும் ஹோண்டா நிறுவன அதிகாரிகள் தெரிவித்துள்ளனர். அதன்படி இந்த கார் அன்ரியல் என்ஜின் 5.3 பயன்படுத்துகிறது.

இன்டர்நெட் சார்ந்த மெட்டா டேட்டா கொண்டு பயனர்கள் 3டி மேப், விர்ச்சுவல் ஸ்பேஸ் மற்றும் ஆக்மென்டெட் ரியாலிட்டி வியூ போன்றவற்றை இயக்க முடியும். காரில் பயணிக்கும் போதும், கார் நிறுத்தப்பட்டு இருக்கும் நிலையிலும் பயணிகள் பொழுதுபோக்கிற்காக சோனியின் மீடியா கேட்டலாக் வழங்கப்படுகிறது.

அஃபீலாவில் உள்ள மல்டி கேமரா டிரைவர் அசிஸ்டன்ட் சிஸ்டம்களை தயார்ப்படுத்தும் வகையில் செயற்கை சுற்றுச்சூழல்களை அன்ரியல் என்ஜின் உருவாக்குகிறது. குவால்காம் மற்றும் மைக்ரோசாஃப்ட்-இன் அஸ்யூர் கம்ப்யூட்டிங், ஏ.ஐ. தொழில்நுட்ப உதவியோடு இந்த காரின் பாதுகாப்பு அம்சங்கள் உருவாக்கப்படுகின்றன.

சோனி நிறுவனம் முற்றிலும் புதிய பிளே ஸ்டேஷன் 5 சாதனத்தை அறிமுகம் செய்து இருக்கிறது. இதில் 1 டி.பி. வரை பில்ட்-இன் ஸ்டோரேஜ் மற்றும் கழற்றக்கூடிய டிஸ்க் டிரைவ் வழங்கப்பட்டு உள்ளது. இந்த சாதனம் பி.எஸ். 5 ஸ்லிம் என்று அழைக்கப்படுகிறது.

இது ஏற்கனவே விற்பனை செய்யப்படும் பி.எஸ்.5 கன்சோலை விட மெல்லியதாக இருக்கிறது. கேமர்களின் மாறி வரும் தேவைகளை பூர்த்தி செய்யும் வகையில், புதிய பிளே ஸ்டேஷன் 5 பிரத்யேகமாக டிசைன் செய்யப்பட்டு இருப்பதாக சோனி நிறுவனம் தெரிவித்துள்ளது.

என்ன ஸ்பெஷல்?

புதிய பி.எஸ். 5 ஸ்லிம் அதன் முந்தைய மாடலை விட 30 சதவீதம் சிறியதாகவும், 24 சதவீதம் வரை எடை குறைவாகவும் இருக்கிறது. டிஸ்க் டிரைவை பொருத்துவதற்கு சோனி நிறுவனம் இதன் பக்கவாட்டில் இடம் கொடுத்துள்ளது. இதனை விரும்பாதவர்கள், அதனை கழற்றிக் கொள்ளும் வசதியும் வழங்கப்படுகிறது. இதனை கழற்றினால், சைடு பேனலை பொருத்திக் கொள்ள வேண்டும்.

பி.எஸ். 5 டிஜிட்டல் எடிஷன் வாங்குவோர், எதிர்காலத்தில் புளூ-ரே டிஸ்க் டிரைவை மட்டும் தனியாக வாங்கிக் கொள்ள முடியும். புதிய மாடலின் ஒவ்வொரு பக்கத்திலும் யு.எஸ்.பி. டைப் சி போர்ட்கள் வழங்கப்படுகின்றன.

புதிய பி.எஸ். 5 ஸ்லிம் (டிரைவ் உடன்) மாடலின் விலை 499.99 டாலர்கள், இந்திய மதிப்பில் ரூ. 41 ஆயிரத்து 600 என்று நிர்ணயம் செய்யப்பட்டு உள்ளது. பி.எஸ். 5 டிஜிட்டல் எடிஷன் விலை 449.99 டாலர்கள், இந்திய மதிப்பில் ரூ. 37 ஆயிரத்து 440 என்று நிர்ணயம் செய்யப்பட்டு உள்ளது. இது அமெரிக்க சந்தைக்கான விலை ஆகும். அமெரிக்காவில் இதன் விற்பனை அடுத்த மாதம் துவங்குகிறது. இதைத் தொடர்ந்து உலகின் மற்ற நாடுகளிலும் இதன் விற்பனை துவங்க இருக்கிறது.

சோனி நிறுவனத்தின் பிளே ஸ்டேஷன் 5 கன்சோலை வாங்குவதற்கு ஆரம்பத்தில் அதிக கடினமான சூழல் நிலவி வந்தது. எனினும், இந்த ஆண்டு மார்ச் மாதம் பி.எஸ். 5 அனைவராலும் வாங்கக்கூடிய அளவுக்கு அதிக யூனிட்கள் கிடைக்கின்றன. தற்போது பிளே ஸ்டேஷன் 5 கன்சோலை ஆன்லைன் அல்லது ஆஃப்லைன் ஸ்டோர்களில் எளிதில் வாங்கக்கூடிய சூழல் தான் நிலவுகிறது.

மேலும் பிளே ஸ்டேஷன் 5 வாங்குவதற்கு சிறப்பு சலுகைகளும் வழங்கப்படுகின்றன. அந்த வகையில் பிளே ஸ்டேஷன் 5 வாங்க நினைப்பவர்களுக்கு நற்செய்தியை கொடுக்கும் வகையிலான அறிவிப்பு வெளியாகி உள்ளது. அந்த வகையில், பிளே ஸ்டேஷன் 5 டிஸ்க் எடிஷன் மாடலுக்கு விலை குறைப்பு அறிவிக்கப்பட இருக்கிறது.

ஆகஸ்ட் 24-ம் தேதி துவங்கி செப்டம்பர் 2-ம் தேதி வரை பிளே ஸ்டேஷன் 5 கன்சோலுக்கு ரூ. 7 ஆயிரத்து 500 வரை தள்ளுபடி வழங்கப்படுகிறது. இந்த சலுகை அமேசான், ஃப்ளிப்கார்ட் வலைதளங்களிலும், ஷாப்அட்எஸ்.சி., ரிலையன்ஸ், க்ரோமா, விஜய் சேல்ஸ் மற்றும் தேர்வு செய்யப்பட்ட விற்பனை மையங்களில் விலை குறைப்பு பொருந்தும்.

இந்த விலை குறைப்பு கன்சோலின் டிஸ்க் எடிஷனுக்கு மட்டுமே பொருந்தும். தற்போது பிளே ஸ்டேஷன் 5 மாடல் அமேசான் வலைதளத்தில் ரூ. 54 ஆயிரத்து 990-க்கு விற்பனை செய்யப்படுகிறது. ஃப்ளிப்கார்ட் வலைதளத்திலும் இந்த கன்சோலின் விலை ரூ. 54 ஆயிரத்து 990-க்கு விற்பனை செய்யப்படுகிறது.

முன்னதாக பிளே ஸ்டேஷன் 5 டிஜிட்டல் எடிஷன் மாடல் ரூ. 39 ஆயிரத்து 990 என்றும், டிஸ்க் எடிஷன் விலை ரூ. 49 ஆயிரத்து 990-க்கு விற்பனை செய்யப்பட்டு வருகிறது. முன்னதாக இவற்றின் விலை உயர்த்தப்பட்டது குறிப்பிடத்தக்கது.

சோனி நிறுவனம் கேமிங் கன்சோல் விற்பனையில் புதிய மைல்கல் எட்டியது. உலகம் முழுக்க பிளே ஸ்டேஷன் 5 விற்பனையில் 40 மில்லியன் யூனிட்களை எட்டி அசத்தி இருக்கிறது. நவம்பர் 2020 வாக்கில் விற்பனைக்கு வந்த பிளே ஸ்டேஷன் 5, வெறும் எட்டு மாதங்களில் 10 மில்லியன் யூனிட்கள் விற்பனையை கடந்து அசத்தியது.

இதன் மூலம் சோனி நிறுவனம் தனது முந்தைய கேமிங் கன்சோல்களின் விற்பனை பின்னுக்கு தள்ளி, அதிவேகமாக விற்பனையான கேமிங் கன்சோலாக பிளே ஸ்டேஷன் 5 மாறியது. கடந்த ஆண்டு டிசம்பர் மாதம் விற்பனையில் 30 மில்லியன் யூனிட்களை கடந்தது. இது புதிய கேமிங் கன்சோல் உலகளவில் கேமர்களை கவர்ந்து வருவதை உணர்த்தி இருக்கிறது.

2022 துவக்கம் வரை சோனி நிறுவனம் தனது பிளே ஸ்டேஷன் 4 மற்றும் பிளே ஸ்டேஷன் 2 மாடல்களை முறையே 117 மில்லியன் மற்றும் 157 மில்லியன் யூனிட்கள் விற்பனை செய்து இருக்கிறது. 100 மில்லியன் யூனிட்கள் எனும் எண்ணிக்கையை அடைய பிளே ஸ்டேஷன் 4 ஆறு ஆண்டுகளை எடுத்துக் கொண்ட நிலையில், பிளே ஸ்டேஷன் 5 இந்த மைல்கல்லில் கிட்டத்தட்ட பாதியை மூன்று ஆண்டுகளுக்குள் எட்டியது. அந்த வகையில், பிளே ஸ்டேஷன் 5 மாடல் 100 மில்லியன் யூனிட்களை அதிவேகமாக கடந்துவிடும் என்று தெரிகிறது.

சந்தையில் அமோக வரவேற்பை பெற்ற நிலையிலும், பிளே ஸ்டேஷன் 5 மாடலுக்கு ஆரம்பத்தில் வினியோகம் சார்ந்த சிக்கல்கள் ஏற்பட்டன. மேலும் கொரோனா பெருந்தொற்று காரணமாக இந்த நிலைமை மேலும் மோசம் அடைந்தது.

சமீபத்தில் தான் சோனி நிறுவனம் தனது பிளே ஸ்டேஷன் 5 மாடலின் டிஸ்க் வேரியன்டிற்கு ரூ. 7 ஆயிரத்து 500 வரை தள்ளுபடி அறிவித்தது. இந்த தள்ளுபடி ஜூலை 25-ம் தேதி துவங்கிய நிலையில், ஆகஸ்ட் 7-ம் தேதி வரை வழங்கப்படும் என்று தெரிவிக்கப்பட்டு இருக்கிறது.

சோனி இந்தியா நிறுவனம் கேமர்களுக்கு நற்செய்தியை அறிவித்து இருக்கிறது. இன்று (ஜூலை 25) துவங்கி பிளே ஸ்டேஷன் 5 டிஸ்க் எடிஷன் மாடலுக்கு ரூ. 7 ஆயிரத்து 500 தள்ளுபடி வழங்கப்படுகிறது. கடந்த ஆண்டு நவம்பர் மாதம் பிளே ஸ்டேஷன் 5 விலை உயர்த்தப்பட்டதை அடுத்து, இந்த சலுகை தற்போது அறிவிக்கப்பட்டு இருக்கிறது.

பிளே ஸ்டேஷன் 5 டிஜிட்டல் எடிஷன் விலை ரூ. 44 ஆயிரத்து 990 என்றும் பிளே ஸ்டேஷன் 5 டிஸ்க் எடிஷன் விலை ரூ. 54 ஆயிரத்து 990 என்று நிர்ணயம் செய்யப்பட்டு உள்ளது. விலை உயர்வுக்கு முன் இந்த கன்சோல்களின் விலை முறையே ரூ. 39 ஆயிரத்து 990 மற்றும் ரூ. 49 ஆயிரத்து 990 என்றும் நிர்ணயம் செய்யப்பட்டு இருந்தது.

சோனி பிளே ஸ்டேஷன் 5 சலுகை விவரங்கள்:

பிளே ஸ்டேஷன் 5 டிஸ்க் எடிஷன் விலை ரூ. 47 ஆயிரத்து 490 என்று மாறி இருக்கிறது. இந்த விலை குறைப்பு டிஸ்க் எடிஷனுக்கு மட்டும் பிரத்யேகமாக அறிவிக்கப்பட்டு இருக்கிறது. சோனி இந்தியா நிறுவனம் பிளே ஸ்டேஷன் 5 வைத்திருப்போருக்கு அசத்தல் கேம்களை இந்த ஆண்டு வழங்க இருக்கிறது.

அந்த வகையில், ஹாக்வர்ட்ஸ் லெகசி, பைனல் பேன்டசி XVI, மார்வல் ஸ்பைடர் மேன் 2, அசாசின்ஸ் கிரீட் மிரேஜ் மற்றும் ஆலன் வேக் 2 உள்ளிட்டவை வழங்கப்பட இருக்கிறது.

சோனி இந்தியாவின் சிறப்பு சலுகை ஆகஸ்ட் 7-ம் தேதி வரை வழங்கப்படுகிறது. பயனர்கள் இந்த சலுகையை ரிடெயில் ஸ்டோர், ஆன்லைன் சேனல்கள், அமேசான், ப்ளிப்கார்ட், ஷாப்அட்எஸ்சி, ரிலையன்ஸ், க்ரோமா, விஜய் சேல்ஸ் மற்றும் தேர்வு செய்யப்பட்ட விற்பனையாளர்களிடம் பெற்றிட முடியும்.

சோனி இந்தியா நிறுவனம் BZ50L சீரிஸ் ஸ்மார்ட் டிவி மாடலை இந்திய சந்தையில் அறிமுகம் செய்து இருக்கிறது. பிரேவியா 4K HDR டிஸ்ப்ளே கொண்டிருக்கும் புதிய சோனி ஸ்மார்ட் டிவி வர்த்தக சூழலுக்கு ஏற்ற வகையில், அதிக உறுதியானதாகவும், தரமுள்ளதாகவும் உருவாக்கப்பட்டு இருக்கிறது.

புதிய BZ50L சீரிஸ் சீரான காட்சிகளை வெளிப்படுத்தும் நுட்பம், அகலமான வியூவிங் ஆங்கில், ஸ்மார்ட் சிஸ்டம் ஆன் சிப் பிளாட்ஃபார்ம் போன்ற வசதிகளை கொண்டிருக்கிறது. பிளாக்ஷிப் மாடலான BZ50L அதிகபட்சம் 780 நிட்ஸ் பிரைட்னஸ் மற்றும் சோனி XR பிராசஸிங் வசதி கொண்டுள்ளது. இவை சிறப்பான காட்சி அனுபவத்தை வழங்குகிறது.

இந்த டிஸ்ப்ளேவை சுவற்றில் எளிதில் மாட்டுவதற்கு ஏதுவாக சென்டர் அலைன்மென்ட் ரெயில் கிட் வழங்கப்படுகிறது. இதன் 98 இன்ச் BZ50L டிஸ்ப்ளே அதன் முந்தைய மாடல்களுடன் ஒப்பிடும் போது 22 சதவீதம் குறைந்த எடை, 28 சதவீதம் மெல்லிய பெசல்களை கொண்டிருக்கிறது.

சோனி BZ50L பிரேவியா டிஸ்ப்ளே அம்சங்கள்:

VESA ஹோல் பிட்ச்

98 இன்ச் ஸ்கிரீன்

HDR சப்போர்ட், HDR10, HLG, டால்பி விஷன்

போர்டிரெயிட் / டில்ட் வசதி

XR டிலைரலூமினஸ் ப்ரோ

காக்னிடிவ் பிராசஸர் XR

XR 4K அப்ஸ்கேலிங்

XR மோஷன் கிலேரிட்டி

டவுன் ஃபேரிங், சைடு பேக்

10 வாட் + 10 வாட் + 10 வாட் + 10 வாட்

ஆண்ட்ராய்டு ஒஎஸ்

32 ஜிபி மெமரி

க்ரோம்காஸ்ட் பில்ட்-இன், ஆப்பிள் ஏர்பிளே

விலை மற்றும் விற்பனை விவரங்கள்:

சோனி BZ50L ஸ்மார்ட் டிவி-யின் விலை ரூ. 2 லட்சம் என்று நிர்ணயம் செய்யப்பட்டு உள்ளது. இதன் விற்பனை சோனி அதிகாரப்பூர்வ விறப்னை மைங்களில் ஜூலை 28-ம் தேதி இந்தியாவில் விற்பனைக்கு வருகிறது.

சோனி இந்தியா நிறுவனம் இந்திய சந்தையில் தனது புதிய பிரேவியா XR X90L சீரிஸ் மாடல்களை அறிமுகம் செய்து இருக்கிறது. புதிய மாடல்களில் மேம்பட்ட காக்னிடிவ் பிராசஸர் XR வழங்கப்பட்டு இருக்கின்றன. பிரேவியா XR OLED A80L சீரிஸ் மாடல்களை தொடர்ந்து புதிய ஸ்மார்ட் டிவிக்கள் அறிமுகம் செய்யப்பட்டு உள்ளன.

புதிய ஸ்மார்ட் டிவி மாடல்கள் தலைசிறந்த காட்சி அனுபவத்தை வழங்குகிறது. இதில் உள்ள காக்னிடிவ் XR பிராசஸர் காட்சி மட்டுமின்றி, சிறப்பான ஆடியோ அனுபவத்தையும் வழங்குகிறது. முற்றிலும் புதிய சோனி பிரேவியா XR X90L மாடல் 55 இன்ச், 65 இன்ச் மற்றும் 75 இன்ச் அளவுகளில் கிடைக்கிறது. இந்த டிவி மாடல் தனித்துவம் மிக்க எல்இடி ஜோன்கள், சிறப்பான கான்டிராஸ்ட் வெளிப்படுத்துகிறது.

இத்துடன் XR 4K அப்ஸ்கேலிங் மற்றும் XR சவுன்ட் பொசிஷன், டிவி பார்க்கும் போது ஒட்டுமொத்த அனுபவத்தை மேம்படுத்துகிறது. இதில் உள்ள ஆம்பியனட் ஆப்டிமைசேஷன் பிரைட்னசை அட்ஜஸ்ட் செய்து, ஆட்டோ HDR டோன் மேப்பிங் செய்து பிளே ஸ்டேஷன் 5 கேமிங்கை ஆப்டிமைஸ் செய்கிறது.

இந்த டிவியில் கேம் மெனு வழங்கப்பட்டு உள்ளது. இதை கொண்டு பயனர்கள் VRR மற்றும் மோஷன் பிளர் ரிடக்ஷன் செட்டிங்களை கஸ்டமைஸ் செய்ய முடியும். கூகுள் டிவி இன்டர்ஃபேஸ் மூலம் அதிக செயலிகள், தனிப்பட்ட பரிந்துரைகளை வழங்குகிறது. இத்துடன் வாய்ஸ் சர்ச் அம்சமும் வழங்கப்பட்டு இருக்கிறது.

விலை மற்றும் விற்பனை விவரங்கள்:

சோனி XR 55X90L மாடலின் விலை ரூ. 1 லட்சத்து 39 ஆயிரத்து 990 என்றும் சோனி XR- 65X90L மாடலின் விலை ரூ. 1 லட்சத்து 79 ஆயிரத்து 990 என்றும் நிர்ணயம் செய்யப்பட்டு உள்ளது. இரு மாடல்களின் விற்பனை ஏற்கனவே துவங்கி நடைபெற்று வருகிறது.

சோனி XR-75X90L மாடலின் விலை மற்றும் விற்பனை விவரங்கள் பின்னர் அறிவிக்கப்படும் என்று சோனி தெரிவித்து உள்ளது. புதிய சோனி ஸ்மார்ட் டிவி மாடல்களின் விற்பனை சோனி சென்டர்கள், முன்னணி மின்சாதன விற்பனை மையங்கள், ஆன்லைன் வலைதளங்களில் நடைபெறுகிறது. 

சோனி நிறுவனம் கையடக்க பிளே ஸ்டேஷன் சாதனத்தை அறிமுகம் செய்து இருக்கிறது. இதன் மூலம் பிளே ஸ்டேஷன் 5 கேம்களின் அக்சஸபிலிட்டியை மேம்படுத்த முடியும். பிளே ஸ்டேஷன் ஷோகேஸ் நிகழ்வில் புதிய சாதனம் பற்றிய அறிவிப்பு வெளியாகி இருக்கிறது. புதிய கையடக்க சாதனம் "பிராஜக்ட் கியூ" திட்டத்தின் கீழ் உருவாக்கப்பட்டு இருக்கிறது.

முன்னதாக இந்த சாதனம் பற்றிய தகவல்கள் இணையத்தில் வெளியாகி இருந்தது. பிராஜக்ட் கியூ சாதனத்தில் 1080 பிக்சல் ரெசல்யூஷன் மற்றும் 60fps-இல் கேம்களை வைபை மூலம் இயக்கும் திறன் கொண்ட எல்சிடி ஸ்கிரீன் வழங்கப்படுகிறது. இத்துடன் அடாப்டிவ் ட்ரிகர்கள், ஹேப்டிக் ஃபீட்பேக் உள்ளிட்டவை வழங்கப்படுகிறது.

பிளே ஸ்டேஷன் 5 கன்சோலில் இன்ஸ்டால் செய்யப்பட்ட கேம்களை மட்டுமே புதிய கியூ சாதனத்தில் விளையாட முடியும். தனித்துவம் மிக்க கேமிங் சாதனமாக இல்லாமல், இது பிளே ஸ்டேஷன் 5 உடன் வழங்கப்படும் சாதனமாக இருக்கும் என்றே தெரிகிறது. முதற்கட்டமாக இந்த சாதனம் கேம் ஸ்டிரீமிங் மற்றும் கிளவுட் கேமிங் சேவைகளை சப்போர்ட் செய்யாது.

எனினும், கிளவுட் கேமிங் சேவையை வழங்குவதில் சோனி பெயர் பெற்ற நிறுவனம் ஆகும். இதே வசதி பிராஜக்ட் கியூ சாதனத்தில் வழங்கப்படும் என்று எதிர்பார்க்கலாம். இது சோனி நிறுவனத்திற்கு கூடுதல் வருவாய் ஈட்டிக் கொடுக்கும். கையடக்க கேமிங் சாதனங்களுக்கு வரவேற்பு அதிகரித்து வருவதை அடுத்து சோனி, பிராஜக்ட் கியூ திட்டத்தை துவங்கி இருக்கலாம் என்று தெரிகிறது.

அமேசான் கிரேட் சம்மர் சேல் துவங்கி நடைபெற்று வருகிறது. சிறப்பு விற்பனையில் ஸ்மார்ட்போன், டேப்லட் என்று பல்வேறு பிரிவுகளில் மின்சாதனங்களுக்கு அசத்தல் சலுகைகள் அறிவிக்கப்பட்டு உள்ளன. அந்த வகையில் சோனி நிறுவனத்தின் பிளே ஸ்டேஷன் 5 கன்சோலுக்கு அசத்தல் தள்ளுபடி வழங்கப்படுகிறது.

அமேசான் தளத்தில் பிளே ஸ்டேஷன் 5 கன்சோல் ஸ்டாண்டர்டு எடிஷன் தற்போது ரூ. 49 ஆயிரத்து 999 விலையிலும், டிஜிட்டல் எடிஷன் ரூ. 39 ஆயிரத்து 999 விலையில் விற்பனை செய்யப்படுகிறது. அதன்படி இரு மாடல்களுக்கும் ரூ. 5 ஆயிரம் வரை தள்ளுபடி வழங்கப்படுகிறது. இத்துடன் சோனி கேமிங் கன்சோலுக்கு கூடுதல் தள்ளுபடி வழங்கப்படுகிறது.

மேலும் ஐசிஐசிஐ மற்றும் கோடக் வங்கி கார்டுகளை பயன்படுத்தும் போது 10 சதவீதம் உடனடி தள்ளுபடி, அதிகபட்சம் 12 மாதங்கள் வரை வட்டியில்லா மாத தவணை முறை வசதியும் வழங்கப்படுகிறது. பிரைம் வாடிக்கையாளர்களுக்கு ரூ. 250 வரை கேஷ்பேக் வழங்கப்படுகிறது.

பிளே ஸ்டேஷன் 5 கன்சோல் வாங்கும் வாடிக்கையாளர்கள் தேர்வு செய்யப்பட்ட ஸ்மார்ட் டிவி மாடல்களை வாங்கும் போது ரூ. 5 ஆயிரம் வரை தள்ளுபடி வழங்கப்படுகிறது. இந்த சலுகையை பெற பயனர்கள் பிளே ஸ்டேஷன் 5 வாங்கி அதன் டெலிவரிக்காக காத்திருக்க வேண்டும். சாதனம் டெலிவவரி செய்யப்பட்டதும், பயனர்கள் தேர்வு செய்யப்பட்ட டிவி பிராண்டுகளின் ஸ்மார்ட் டிவி மாடலை தேர்வு செய்து ரூ. 5 ஆயிரம் தள்ளுபடி பெற முடியும்.

சோனி நிறுவனம் இந்திய சந்தையில் 4K ரெசல்யூஷன் கொண்ட டாப் எண்ட் ஸ்மார்ட் டிவி மாடல்களை அறிமுகம் செய்தது. புதிய சோனி பிரேவியா X70L சீரிஸ், பிரேவியா X75L 4K டிவி மாடல்களை தொடர்ந்து அறிமுகம் செய்யப்பட்டுள்ளது. புதிய பிரேவியா X70L டிவி சீரிஸ் மாடல்களில் மெல்லிய பெசல், அழகிய ஸ்டாண்ட் வழங்கப்பட்டு இருக்கிறது.

இத்துடன் X1 4K பிக்சர் பிராசஸர் வழங்கப்பட்டுள்ளது. இது தலைசிறந்த வீடியோக்களை பிரதிபலிக்கிறது. இதில் உள்ள பிஎஸ்5 சப்போர்ட் தலைசிறந்த கேமிங் அனுபவத்தை வழங்குகிறது. இந்த ஸ்மார்ட் டிவி 4K X ரியாலிட்டி ப்ரோ தொழில்நுட்பம் கொண்டிருக்கிறது. இந்த டிவி கூகுள் டிவி ஒஎஸ், ஆப்பிள் ஹோம் கிட், ஏர்பிளே கொண்டுள்ளது. இதில் உள்ள 20 வாட் ஒபன் பேஃபில் ஸ்பீக்கர்கள் மற்றும் டால்பி ஆடியோ தொழில்நுட்பம் தலைசிறந்த ஆடியோ அனுபவத்தை வழங்குகிறது.

இத்துடன் வழங்கப்படும் டிவி ரிமோட் வாய்ஸ் சார்ந்த அம்சங்கள், ஆறு செயலிகளுக்கான ஹாட்கீ கொண்டிருக்கிறது. இத்துடன் X70L மாடலில் X ப்ரோடெக்ஷன் ப்ரோ தொழில்நுட்பம் வழங்கப்பட்டு இருக்கிறது.

சோனி பிரேவியா X70L அம்சங்கள்:

4K அல்ட்ரா ஹெச்டி 3840x2160 பிக்சல் ஸ்கிரீன்

X1 4K பிராசஸர், 4K HDR, லைவ் கலர், 4K X ரியாலிட்டி ப்ரோ

3x HDMI போர்ட்கள், 1x USB போர்ட்

20 வாட் ஆடியோ அவுட்புட், ஒபன் பேஃபில் ஸ்பீக்கர், டால்பி ஆடியோ

கூகுள் டிவி, கூகுள் பிளே, க்ரோம்காஸ்ட் சப்போர்ட்

வாய்ஸ் வசதி கொண்ட ரிமோட்

வாட்ச்லிஸ்ட், வாய்ஸ் சர்ச் மற்றும் பிஎஸ்5 சப்போர்ட்

ஆப்பிள் ஏர்பிளே, ஆப்பிள் ஹோம்கிட் மற்றும் அலெக்சா

விலை மற்றும் விற்பனை விவரங்கள்:

சோனி X70L 4K 43 இன்ச் மாடல் விலை ரூ. 59 ஆயிரத்து 990

சோனி X70L 4K 50 இன்ச் மாடல் விலை ரூ. 74 ஆயிரத்து 900

அறிமுக சலுகையாக 43 இன்ச் X70L ஸ்மார்ட் டிவி மாடல் ரூ. 47 ஆயிரத்து 490 என்று நிர்ணயம் செய்யப்பட்டு உள்ளது. இந்த ஸ்மார்ட் டிவி விற்பனை அனைத்து சோனி செண்டர்கள், முன்னணி மின்சாதன பொருட்கள் விற்பனையகங்கள் மற்றும் ஆன்லைன் வலைதளங்களில் நடைபெறுகிறது.