புதுக்கோட்டை

புதுக்கோட்டை:

புதுக்கோட்டை மாவட்டம்  கந்தர்வக்கோட்டை ஒன்றியம் குளத்தூர் ஊராட்சியில் இந்திரா நினைவு குடியிருப்பு திட்டம், பிரதமர் வீடு கட்டும் திட்டத்தில் பல்வேறு முறைகேடு நடந்திருப்பதாக லஞ்ச ஒழிப்பு போலீசாருக்கு புகார் சென்றது.


இதையடுத்து புதுக்கோட்டை லஞ்சம் ஒழிப்பு போலீசார் விசாரணை நடத்தினர். அதில் 2014&2015&ம்  நிதியாண்டில் இந்திரா  நினைவு குடியிருப்புத் திட்டத்தில் 2 பயனாளிகளுக்கும் மற்றும் 2016&ம் ஆண்டு முதல் முதல் 2019&ம் ஆண்டு வரை, மத்திய அரசின் வீடு கட்டும் திட்டத்தின் கீழ் 9 பயனாளிகளுக்கும் வீடுகள் கட்டாமலேயே வீடு கட்டி முடித்ததாக ரூ.17.70 லட்சம் முறைகேடு நடத்திருப்பதும், இதில் 15 பேருக்கு தொடர்பு இருப்பதும் தெரியவந்தது.

இது தொடர்பாக 2014&ம் ஆண்டு முதல் 2019&ம் ஆண்டு வரை கந்தர்வக்கோட்டை ஒன்றியத்தில் பணிபுரிந்த வட்டார வளர்ச்சி அலுவலர்கள், உதவிப் பொறியாளர்கள், பணி மேற்பார்வையாளர்கள், குளத்தூர் ஊராட்சி செயலர் மற்றும் ஊராட்சி தலைவர் என 15 பேர் மீது புதுக்கோட்டை ஊழல் தடுப்பு மற்றும் கண்காணிப்பு பிரிவின் கீழ்  வழக்கு பதிவு செய்யப்பட்டது.

இந்த 15 பேரில், பதவி உயர்வு பெற்ற ஒருவர், திருச்சி கலெக்டரின் நேர்முக உதவியாளராகவும் (தேர்தல்),  மற்றொருவர் திருச்சி மாவட்ட ஊராட்சி செயலாளராகவும் தற்போது பணிபுரிகின்றனர்.  மேலும் சிலர் பணி ஓய்வு பெற்றுவிட்டனர்.
மேலும் இது தொடர்பாக ஊரக வளர்ச்சிதுறை அலுவலர்களிடம் ஊழல் தடுப்பு பிரிவு போலீசார் தீவிரமாக விசாரித்து வருகின்றனர்.

புதுக்கோட்டை :

புதுக்கோட்டை மாவட்டம், ஆவுடையார்கோவில் அருகே அம்பலவானனேந்தர் கிராமத்தை சேர்ந்தவர் குமரேசன் (வயது 60). இவருக்கு சொந்தமான சரக்கு லாரியில் ஒக்கூர் கிராமத்தை சேர்ந்த சேகர் (32), நேற்று வைக்கோல் ஏற்றி நெய்வத்தளி கிராமத்திற்கு ஓட்டி வந்துள்ளார்.

ஆலங்குடி அருகே உள்ள பெரியாளூர் கிராமத்தில் சென்ற போது தாழ்வாக சென்ற மின்கம்பிகள் உரசி தீ பற்றியதால் வைக்கோலுடன் லாரியும் சேர்ந்து எரிந்தது. லாரியிலிருந்த வைக்கோலை அகற்றுவதற்குள் லாரியும் எரிந்து நாசமானது.

தகவலறிந்து வந்த கீரமங்கலம் தீயணைப்பு படையினர், தண்ணீரை பீய்ச்சியடித்து தீயை அணைத்தனர். சம்பவம் குறித்து கீரமங்கலம் போலீசார் வழக்குப்பதிவு செய்து விசாரணை நடத்தி வருகின்றனர்.

தற்போது நெல் அறுவடை முடிந்து வயல்களில் பரவிக் கிடக்கும் வைக்கோலைகால் நடை வளர்க்கும் விவசாயிகள் மொத்தமாக வாங்கி வந்து கால்நடைகளுக்காக சேமித்து வைக்கின்றனர்.

அதனால் ஆவுடையார்கோவில் பகுதியிலிருந்து ஒவ்வொரு நாளும் 15&க்கும் மேற்பட்ட வாகனங்களில் வைக்கோல் ஏற்றி வரப்படுகிறது. கடந்த ஒரு வாரத்திற்குள் கீரமங்கலம் சுற்றுவட்டார கிராமங்களுக்கு வைக்கோல் ஏற்றி வந்த பல வாகனங்களில் தாழ்வாகச்செல்லும் மின்கம்பிகள் உரசி தீப்பற்றி எரிந்து நாசமாகி உள்ளது.

சேந்தன்குடி, குளமங்கலம், பெரியாளூர் உள்பட பல கிராமங்களில் வைக்கோல் ஏற்றி சென்ற வாகனங்கள் எரிந்துள்ளது. அதனால் கிராமச்சாலைகளில் தாழ்வாகச் செல்லும் மின்கம்பிகளை உயர்த்திக் கட்டினால் இது போன்ற விபத்துகளை தடுக்கலாம் என்கிறார்கள் பொது மக்கள்.

புதுக்கோட்டை:

புதுக்கோட்டை மாவட்டம் ஆலங்குடி அருகே உள்ள கோவிலூர் ஸ்ரீமுத்துமாரியம்மன்  கோவில் மாசித்திரு விழாவை முன்னிட்டு மாபெரும் ஜல்லிக்கட்டு இன்று நடைபெற்று வருகிறது.

ஜல்லிக்கட்டு விழாவானது அரசு விதிகளுக்கு உட்பட்டு செங்கவள நாட்டவர்களால் ஏற்பாடு செய்யப்பட்டு கோவிலூர் பெரியகுளம் பகுதியில் வாடிவாசல் அமைக்கப்பட்டுள்ளது.

ஜல்லிக்கட்டு நடைபெறும் பகுதி அருகில் அரசு அதிகாரிகள் அமர்ந்து பார்வையிடுவதற்கான கேலரி அமைக்கப்பட்டிருந்தது. ஜல்லிக்கட்டு காளைகள் கால்நடை மருத்துவர்களின் சோதனைக்கு உட்பட்டு அனுமதிக்கப்பட்டது.

டோக்கன் முறைப்படி மாடுகள் வாடிவாசலுக்கு அழைத்து வரப்பட்டது. அதுபோல் மாடுகளை அடக்கும் வீரர்கள் மருத்துவ பரிசோதனைக்கு பின் மற்றும் கொரோனா சான்றிதழுடன் மூன்று அணிகளாக களத்தில் இறக்கப்பட்டனர். வாடிவாசல் அருகில் மருத்துவ முகாமும் திருவரங்குளம் வட்டார மருத்துவ அலுவலர்களால் அமைக்கப்பட்டிருந்தது.

ஜல்லிக்கட்டு நிகழ்ச்சியை காலை 8 மணிக்கு மாவட்ட கலெக்டர் கவிதா ராமு கொடியசைத்து  துவக்கி வைத்தார். மாவட்ட காவல் துணை கண்காணிப்பாளர், ஏடிஎஸ்பி, ஆலங்குடி தாசில்தார் செந்தில்நாயகி, திருவரங்குளம் குழுத்தலைவர் வள்ளியம்மை, தங்கமணி ஆகியோர் முன்னிலையில் வகித்தனர். களத்தில் 300 மாடுபிடி வீரர்கள் உறுதிமொழி ஏற்றுக்கொண்டனர்.

வாடிவாசலில் முதன்முதலில் கோவில் காளை அவிழ்த்து விடப்பட்டது. அதனை தொடர்ந்து ஒவ் வொரு காளைகளாக வாடி வாசல் வழியாக அவிழ்த்து விடப்பட்டன.   மாடுபிடி வீரர்கள் சீறிப்பாய்ந்து வந்த காளைகளை அடக்க முற்பட்டனர். பல காளைகள் வீரர்கள் கட்டுக்கு அடங்காமல் ஓடின, சில காளைகள் வீரர்களை அடைக்கினர்.

காளைகளை அடக்கிய வீரர்களுக்கும், பிடிபடாமல் ஓடிய காளைகளின் உரிமையாளர்களுக்கும் தங்க காசுகள், சைக்கிள், மேஜை, கட்டில்,  மிக்சி கிரைண்டர் பாத்திரங்களும் பரிசாக வழங்கப்பட்டது.

இந்த ஜல்லிக்கட்டில் திண்டுக்கல், திருச்சி, தஞ்சை, சிவகங்கை, மதுரை, தேனி ஆகிய மாவட்டங்களில் இருந்து காளைகள், காளையர்கள் கலந்துகொண்டன. ஆலங்குடி  டி.எஸ்.பி. வடிவேல், காவல் ஆய்வாளர் அழகம்மை, சப்-இன்பெக்டர் குணசேகரன் மற்றும் திருவரங்குளம் வட்டார மருத்துவ அலுவலர்கள் வைத்தியலிங்கம், ஜேம்ஸ் உள்ளிட்டோர் கலந்துகொண்டனர்.

புதுக்கோட்டை:

புதுக்கோட்டை மாவட்டம் விராலிமலை வட்டார வேளாண்மை தொழில்நுட்ப மேலாண்மை முகமையின் வாயிலாக செயல்படுத்தப்படும், மாநில விரிவாக்கத் திட்டங்களின்  உறுதுணை சீரமைப்புத் திட்டத்தின் கீழ் 2021&2022 ஆம் ஆண்டு பாதுகாக்கப்பட்ட சூழலில் காய்கறி சாகுபடி மாநிலத்திற்குள்ளான விவசாயிகள் பயிற்சி, ரெட்டியார் சத்திரம் காய்கறி மகத்துவ மையத்திற்கு மூன்று நாள் பயிற்சிக்கு விவசாயிகள் அழைத்து செல்லப்பட்டனர்.

இப்பயிற்சியினை வேளாண்மை துணை இயக்குநர் உழவர் பயிற்சி நிலையம் பெரியசாமி துவக்கி வைத்தார். இதில் ரெட்டியார் சத்திர காய்கறி மகத்துவ மைய உதவி தோட்டக்கலை அலுவலர்,  கோபால்பட்டியில் இயங்கி வரும் வேளாண்மை விற்பனை மற்றும் வேளாண் வணிகத்துறையின் ஒழுங்கு முறை விற்பனை கூடத்தின் உதவி வேளாண்மை அலுவலர்,  உதவி விதை அலுவலர் சொ.கிருஷ்ணமூர்த்தி, உதவி வேளாண்மை அலுவலர் ஆ.அருண்குமார் ஆகியோர் காய்கறி சாகுபடி பற்றி விளக்கமாக எடுத்து கூறினர்.