பெண்கள் மருத்துவம்

மாதவிடாய் கால சுகாதாரம், ஆரோக்கியம் பற்றிய விழிப்புணர்வு பெண்களிடம் அதிகரித்திருக்கிறது. நகர்புறம் மட்டுமின்றி கிராமப்புறங்களில் வசிக்கும் பெண்களிடமும் இதில் போதிய விழிப்புணர்வு ஏற்பட்டிருக்கிறது. அதேவேளையில் நகர்புறங்களில் நெரிசல்மிக்க குடிசை பகுதியில் வசிக்கும் பெண்கள் மாதவிடாய் கால சிரமங்களை எதிர்கொள்ளத்தான் செய்கிறார்கள்.

அந்த நாட்களில் போதிய ஓய்வெடுக்க முடியாத நிலை, தண்ணீர் வசதி உள்ளிட்ட அடிப்படை வசதிகள் இல்லாத நிலை போன்ற பிரச்சினைகளால் மனதளவிலும், உடலளவிலும் பாதிக்கப்படுகிறார்கள். அவர்களது துயரத்தை போக்கி ஆசுவாசப்படுத்திக்கொள்ள வசதியாக இந்தியாவிலேயே முதல் முறையாக மகாராஷ்டிரா மாநிலத்தில் தானே மாநகராட்சி சார்பில் ‘பிரீயட் ரூம்’ அமைக்கப்பட்டிருக்கிறது. தொண்டு நிறுவனத்துடன் இணைந்து பெண்களுக்காக பிரத்யேகமாக அமைக்கப்பட்டிருக்கும் இந்த மாதவிடாய் கால அறையில் பயன்படுத்திய நாப்கின்களை சுகாதாரமான முறையில் அப்புறப்படுத்தும் மெஷின், போதிய தண்ணீர் வசதி, கழிவறை வசதி, கண்ணாடி, கால்களை பயன்படுத்தி திறக்கும் குப்பை தொட்டி, ஓய்வெடுக்கும் வசதி போன்றவை ஏற்படுத்தப்பட்டிருக்கின்றன.

2019-ம் ஆண்டு தானேவில் குடிசை பகுதியில் வசிக்கும் பெண்களின் சுகாதாரம் குறித்து அறக்கட்டளை ஒன்று ஆய்வு நடத்தியது. அதில் மாதவிடாய் காலத்தில் பெண்கள் எதிர்கொள்ளும் சிரமங்களை பட்டியலிட்டதோடு பிரத்யேக அறை அமைப்பது அவசியம் என்றும் பரிந்துரை செய்தது. இதையடுத்து அங்கு மாதவிடாய் கால அறை அமைக்கப்பட்டுள்ளது.

இதுபற்றி தானே மாநகராட்சி துணை ஆணையர் மணீஷ் ஜோஷி கூறுகையில், ‘‘தானேவில் குடிசை பகுதிகளில் வசிக்கும் 1000 பெண்களிடம் மாதவிடாய் காலத்தில் சந்திக்கும் சுகாதார பிரச்சினைகள் குறித்து ஆய்வு மேற்கொள்ளப்பட்டது. அங்கு பொது கழிப்பிடங்கள் மற்றும் தண்ணீர் பற்றாக்குறையும் நிலவுகிறது. பயன்படுத்திய நாப்கின்களை அப்புறப்படுத்துவதிலும் பிரச்சினை இருக்கிறது. இதுதவிர மன ரீதியாகவும் மாதவிடாய் காலத்தில் பெண்கள் பல்வேறு பிரச்சினைகளை எதிர்கொள்வது தெரியவந்தது. அவை ‘பிரீயட் ரூம்’ அமைப்பதன் அவசியத்தை புரியவைத்தன. உடனே பயன்பாட்டுக்கு கொண்டுவந்துவிட்டோம்’’ என்கிறார்.

அந்த கட்டிடத்தில் மாதவிடாய் கால சுகாதாரம் பற்றிய முக்கியமாக தகவல்கள் இடம்பெற்றுள்ளன. விழிப்புணர்வு தகவல்கள் சுவர் ஓவியங்களாகவும் இடம்பெற்றுள்ளன. இந்த அறை, பெண்கள் மத்தியில் ஆனந்தத்தை ஏற்படுத்தியிருக்கிறது.

செயற்கை முறையில் கருவுறுதல் என்பது கர்ப்பப்பையில் நேரடியாக விந்தணுக்களை செலுத்தும் சிகிச்சை முறை.பெண்ணின் கருமுட்டைகளும் ஆணின் விந்தணுக்களும் கலக்கப்பட்டு இது கருவாக உருவானதும் பெண்ணின் கர்ப்பபைக்குள் செலுத்தி விடப்படும். பிறகு கரு உருவாதல் நடைபெறுகிறது.

இந்த செயற்கை கருவூட்டல் இரண்டு முறையில் செய்யப்படுகிறது. ஒன்று ஐயூஐ. மற்றொன்று ஐசிஐ .ஐசிஐ என்பது கர்ப்பப்பை வாயில் விந்தணுக்களை செருகுவார்கள். கர்ப்பப்பைவெளியே இருக்கும் பாதை வழியே இதை செய்வார்கள். ஐயூஐ என்பது கர்ப்பப்பை வாய் கடந்து கர்ப்பப்பையில் விந்தணுக்களை செலுத்தும் முறை ஆகும். இம்முறையில் கருத்தரிப்பை பாதிக்காமல் இருக்க விந்தணுக்கள் செறிவூட்டப்பட்டு உள்செலுத்தப்படுகிறது.

பெண்ணின் சினைப்பையில் அதிக கருமுட்டைகளை உற்பத்தி செய்ய வைத்து அவை முதிர்ச்சி அடைய செய்வார்கள். பிறகு அது வெடிக்க மருந்தை ஊசி வழியாக செலுத்தி அதை வெடிக்க செய்வார்கள். அந்த முட்டையை ஊசிக்குழலில் எடுப்பார்கள். அதற்கு முன்பு ஆணின் விந்தணுக்கள் கோடிக்கணக்கில் ஐவிஎஃப் டிஷ்ஷில் வைக்கப்பட்டிருக்கும். ஊசிக்குழலில் எடுத்த கருமுட்டையை இந்த விந்தணுக்களுடன் கலப்பார்கள். 18 மணி நேரங்கள் வரை வைத்து இரண்டும் கலந்து கருத்தரிப்பு நடந்திருக்கும். பிறகு 72 மணி நேரத்தில் அந்த கரு 8 செல் நிலைக்கு வந்த பிறகு மீண்டும் ஊசிக்குழல் மூலம் பெண்ணின் கர்ப்பப்பைக்குள் செலுத்துவார்கள்.

தரமான விந்தணுக்களோடு கருமுட்டை இணைந்து கருவாக உருவாகிய பிறகு மீதியிருக்கும் விந்தணுக்களை சேமித்துவைப்பார்கள். ஊசிக்குழல் மூலம் பெண்ணின் கர்ப்பப்பைக்குள் செலுத்திய கருமுட்டை கருத்தரிக்காமல் போனால் மீண்டும் இதை கருத்தரிக்க பயன்படுத்தி கொள்வார்கள். இந்த சிகிச்சைக்கு பிறகு கரு கர்ப்பப்பையில் தங்கி இருக்க மருந்தும் மாத்திரைகளும் உண்டு.

செயற்கை கருத்தரிப்பு சிகிச்சை மேற்கொண்டதும் பெண்ணின் ரத்தத்தில் ஹெச்சிஜி அளவு அதிகரிக்கும். இதை பரிசோதனை செய்து பார்ப்பார்கள். கரு உருவாகி இருந்தால் இதன் அளவு அதிகரிக்கும். பிறகும் ஓய்வில் இருக்க சொல்லி இரண்டு வாரங்கள் கழிந்து அல்ட்ரா சவுண்ட் ஸ்கேன் பரிசோதனை செய்யப்படும். எனினும் இது மட்டும் கொண்டு உறுதி செய்ய முடியாது. மீண்டும் வாரங்கள் கழிந்து கருவின் இதயத்துடிப்பும் பரிசோதனை செய்யப்படும்.

கருவின் இதயத்துடிப்பு சீராக ஆரோக்கியமாக இருக்கும் நிலையில் கருத்தரிப்பு முறை வெற்றி பெற்றதாகும். எனினும் தொடர்ந்து மருத்துவரின் கண்காணிப்பில் இருக்க வேண்டும். இதே போன்று வேறு சிகிச்சைகளும் உண்டு. ஐசிஐ, கிஃப்ட் முறைகள். தம்பதியரின் உடல் நலன் கொண்டு உரிய சிகிச்சை முறையை மருத்துவர்களே தேர்வு செய்வார்கள்.

குழந்தைப்பேறின்மை பிரச்சனையை எதிர்கொள்ளும் தம்பதியருக்கு முதலில் அவர்களது மருத்துவ வரலாறு அறிந்து சிகிச்சையின் மூலமே கருவுறுதலுக்கான சிகிச்சை அளிக்கப்படும். அவை இயலாத நிலையில் செயற்கை கருவுறுதலுக்கு அறிவுறுத்துவார்கள்.

சிகிச்சையில் சில ஆண்களுக்கு விந்தணு பிரச்சனை தீர்க்கப்பட முடியாமல் இருந்தாலும், பெண்ணுக்கு கருமுட்டை பிரச்சனை நிவர்த்தி செய்ய முடியாமல் இருந்தாலும் இறுதியில் கருமுட்டை, விந்தணு தானம் அறிவுறுத்தப்படுகிறது.

செயற்கை முறை கருத்தரிப்பு தேவை என்பதை தம்பதியர் முடிவு செய்ய முடியாது. இந்த சிகிச்சையை மருத்துவர் தொடங்குவதற்கு முன்பு இயற்கையான முறையில் கருத்தரிக்க சிகிச்சைகள் அளிக்கப்படும். அதன் பிறகு தான் மருத்துவர் இந்த முறையை தேர்வு செய்வார்.

செயற்கை முறை கருவுறுதலின் போது பக்கவிளைவுகள் உண்டாகாது. கருத்தரித்தாலும் கருவுக்கு எவ்வித பாதிப்பும் நேராது. பெரும்பாலும் இரட்டைக்குழந்தைகள் அல்லது மூன்று குழந்தைகள் வயிற்றில் வளர வாய்ப்புண்டு.

பாகற்காயின் கசப்புத் தன்மைக்கு காரணமான கெமிக்கல்கள் பெண்களுக்கு இரத்த போக்கை ஏற்படுத்தி கருக்கலைப்பை உண்டாக்குகிறது. இது வயிற்றில் வளரும் குழந்தைக்கு தீங்கு விளைவிக்கும். புரதம், கார்போஹைட்ரேட், கால்சியம், இரும்பு, பாஸ்பரஸ், மெக்னீசியம், மாங்கனீசு, ஃபோலேட், வைட்டமின் ஏ, வைட்டமின் சி மற்றும் பல பி வைட்டமின்கள், நார்ச்சத்துக்கள் நிரம்பிய பாகற்காய் நமக்கு நிறைய நன்மைகளை அளித்தால் கூட கர்ப்பிணி பெண்கள் இதை பார்த்து தான் எடுத்துக் கொள்ள வேண்டும்.

கர்ப்ப காலத்தில் கசப்பான உணவை உட்கொள்வதால் என்ன மாதிரியான விளைவுகளை நீங்கள் சந்திக்க நேரிடும் என அறிந்து கொள்வோம்.

பாகற்காயில் உள்ள கசப்பான தன்மைக்கு காரணமான மூலக்கூறுகள் குடலிறக்கத்தை ஏற்படுத்தும். இது உங்கள் உடலின் திசுக்களுக்கு ஆக்ஸிஜனை கொண்டு செல்லும் சிவப்பு இரத்த அணுக்களை அழிக்கிறது. இது இரத்த சோகைக்கு வழிவகுக்கும் மற்றும் கர்ப்ப சிக்கல்களுக்கு வழிவகுக்கும். கர்ப்ப காலத்தில் கடுமையான இரத்த சோகை முன்கூட்டிய பிறப்புக்கான ஆபத்து, குறைந்த பிறப்பு எடை கொண்ட குழந்தை, மற்றும் பிறப்பதற்கு முன்பே அல்லது அதற்குப் பிறகு உடனடியாக குழந்தை இறப்பு ஆகிய விளைவுகளை ஏற்படுத்த வாய்ப்பு உள்ளது.

பாகற்காயில் மோமார்டிகா மற்றும் கிளைகோசைடுகள் போன்ற மூலக்கூறுகளும் உள்ளன. அவை உடலில் விஷத்தை ஏற்படுத்தும். இந்த பொருட்களை உட்கொள்வது குடல் வலி, பார்வை கோளாறுகள், வாந்தி, சோர்வு, தசை சோர்வு, குமட்டல் மற்றும் உமிழ்நீரின் அதிக உற்பத்தி போன்ற சிக்கல்களை ஏற்படுத்தும்.

கர்ப்ப காலத்தில் கசப்பு அல்லது கசப்பான விதைகளை சாப்பிடுவதால் வயிற்று வலி, அஜீரணம், வயிற்றுப்போக்கு மற்றும் அடிவயிற்றில் வலி போன்றவை ஏற்படுகிறது. சில நிபுணர்கள் கர்ப்ப காலத்தில் கசப்பான சாறு குடிப்பதால் சுருக்கங்களைத் தூண்டும் மற்றும் இரத்தப்போக்கு கூட ஏற்படலாம், இது கருக்கலைப்புக்கு வழிவகுக்கும் என்று கூறுகின்றனர்.

பாகற்காயை மிதமான அளவில் எடுத்துக் கொள்வது நல்லது. எனவே கர்ப்ப காலத்தில் பெண்கள் கசப்பை தவிர்ப்பது நல்லது. இருப்பினும் ஊட்டச்சத்து நிபுணரிடம் ஆலோசனை பெற்ற பிறகு சாப்பிடுங்கள். சிறிய அளவு எடுத்துக் கொள்வதே சிறந்தது. ஒரு வாரத்திற்கு ஒரு முறை அல்லது இரண்டு முறை ஒரு கப் பாகற்காயை சாப்பிடலாம்.

முடிந்த வரை கர்ப்ப காலத்தில் கசப்பு உணவுகளை முற்றிலுமாக தவிருங்கள். உங்களுக்கு குளுக்கோஸ் -6-பாஸ்பேட் டீஹைட்ரஜனேஸ் என்ற நொதி குறைபாடு இருந்தால் இரத்தத்தில் உள்ள சிவப்பணுக்கள் பாதிப்படைய வாய்ப்பு உள்ளது. காரணம் இந்த நொதி தான் இரத்தத்தில் உள்ள சிவப்பணுக்களை பாதுகாக்கிறது.

பாகற்காய் விதைகளில் வைரசின் என்ற கெமிக்கல் உள்ளது. இது காய்ச்சல், குமட்டல், அனிமியா, வயிற்று வலி போன்றவற்றை ஏற்படுத்தும்.

கர்ப்ப காலத்தில் 3 மாதங்களில் பாகற்காய் சாப்பிடுவது சிலருக்கு செரிமான உளைச்சலை ஏற்படுத்தும். சில நிபுணர்கள் தாய்ப்பால் கொடுக்கும் தாய்மார்களுக்கு கசப்பான உணவை உட்கொள்வதைத் தவிர்க்க அறிவுறுத்துகிறார்கள். இருப்பினும், இந்த கோட்பாடு தொடர்பான ஆய்வக தகவல்கள் குறைவாகவே உள்ளன.

ஒரு பெண் கர்ப்பமான முதல் மூன்று மாதம் மிக ஜாக்கிரதையாக இருக்க வேண்டும். இந்த மாதங்களில் தான் பெரும்பாலும் கருச்சிதைவு உண்டாகிறது. அதே போல் இந்த மாதங்களில் தான் கருவின் வளர்ச்சியும் அதிகரிக்க செய்கிறது. கருவின் வளர்ச்சியில் அடித்தளமான இந்த காலம் கர்ப்பிணிகள் தங்களை வலிமையோடு வைத்திருக்க வேண்டிய காலமும் கூட.

இப்போது உடலுக்கு ஆற்றலும் அதிக ஊட்டச்சத்தும் நிறைவாக தேவை. இந்த நேரத்தில் சரியான உணவு மூலமே கர்ப்பிணிகள் தங்களையும் வயிற்றில் இருக்கும் கருவையும் பாதுகாக்க முடியும். இந்த முக்கிய காலங்களில் கண்டிப்பாக சேர்க்கவேண்டிய உணவுகள் குறித்து பார்க்கலாம்.

​கீரைகள்

வளரும் குழந்தைகள் முதல் வயதானவர்கள் அனைவருக்குமே இது மிகவும் தேவையானது. அதிலும் கருவை சுமக்கும் கர்ப்பிணிகளுக்கு அதிகம் தேவை. கீரைகள் வைட்டமின் பி என்னும் ஃபோலிக் அமிலம் நிறைந்தவை. ஒரு பெண் கருவுற்றதை உறுதி செய்ததும் உணவில் சேர்க்க வேண்டிய முதல் பொருள் கீரையாகத்தான இருக்க வேண்டும். கீரையில் நிறைவாக இருக்கும் ஃபோலிக் அமிலமானது கருவின் மூளை மற்றும் முதுகெலும்பு தொடர்பான நரம்புக் குழாய் குறைபாடுகள் அல்லது கருவின் பிறப்பு குறைபாடுகளை தடுக்கிறது. தினம் ஒரு கீரையாக முருங்கைக்கீரை, பாலக்கீரை, சிறுகீரை, அரைக்கீரை, பொன்னாங்கண்ணி என்று வகைவகையாக எடுத்துகொள்ளுங்கள். ஒரு கப் அளவு போதுமானது. கீரையை சூப் ஆக்கியும் எடுத்துகொள்ளலாம். மிளகு சேர்ப்பதால் குமட்டல் உணர்வும் சற்று குறையகூடும்.

​சிட்ரஸ் பழங்கள்

இதை சொல்லிதான் எடுக்க வேண்டுமென்பதில்லை. ஏனெனில் கர்ப்பிணி குமட்டலை தடுக்க சிட்ரஸ் பழங்களை தான் விரும்புகிறார்கள். சிட்ரஸ் பழங்கள் வைட்டமின் சி கொண்டவை. தினமும் ஒவ்வொரு நாளும் 1 சிட்ரஸ் பழத்தை எடுத்துகொள்ளுங்கள். இதைசாறாக்கி குடிக்க விரும்பினால் தினம் 1 கப் அளவு எடுக்க வேண்டும். ஏனெனில் சாறுகளில் கலோரிகள் அதிகம், நார்ச்சத்து குறைவு என்பதால் அளவை அதிகரிக்க வேண்டாம். எலுமிச்சை பழம், ஆரஞ்சு,நெல்லிக்காய் போன்றவை எடுத்துகொள்ளலாம். இது வைட்டமின் சி நிறைந்தது என்பதால் எதிர்ப்பு சக்தியும் உடலில் அதிகரிக்க கூடும்.

கொட்டைகள்

நட்ஸ் வகைகள் கர்ப்பகாலம் முழுமையுமே தேவை. அளவாக இதை எடுத்துகொள்வதன் மூலம் உடல் ஆரோக்கியத்தை அதிகரிக்க செய்யலாம். கருவுற்ற முதல் மூன்று மாதத்தில் கர்ப்பிணிக்கு புரதம் அவசியம். ஒவ்வொரு நாளும் 60 கிராம் அல்லது அதற்கு மேல் புரதம் தேவை என்று அறிவுறுத்தப்படுகிறது. அக்ரூட், பாதாம், பிஸ்தா, முந்திரி போன்ற கொட்டைகளில் ஆரோக்கியமான அளவு நார்ச்சத்து, கொழுப்பு மற்றும் புரதங்கள் உள்ளது. கர்ப்பிணிகள் கொட்டையை சாப்பிடுவதன் மூலம் பிறந்த குழந்தைக்கு ஒவ்வாமையை தடுக்க உதவுவதாக ஆய்வு ஒன்று தெரிவிக்கிறது.

​தயிர்

கர்ப்பிணிகள் தயிர், மோர் சாப்பிட்டால் குளுமை வரும் என்று பலரும் நினைக்கிறார்கள். ஆனால் தயிர் கால்சியத்தின் சிறந்த ஆதாரம். கர்ப்பிணிக்கு கால்சியம் குறைபாடு இருக்கும் போது வயிற்றில் வளரும் கருவுக்கு கால்சியம் தேவை என்னும் போது அது கர்ப்பீயின் எலும்புகளிலிருந்து உறிஞ்சப்படுகிறது. தினம் ஒரு கப் தயிர் சேர்ப்பதன் மூலம் கருவின் எலும்புகள் வலுவாக வைத்திருக்க முடியும். குழந்தை வளர வளர குழந்தைக்கு வேண்டிய கால்சியம் பற்றாக்குறையில்லாமல் கிடைக்கும். உறுதியான எலும்புகளோடு குழந்தை வளர கருவுற்ற தொடக்கத்தில் ஒரு கப் தயிர் அவசியம் எடுத்துகொள்ளுங்கள்.

​பீன்ஸ் வகைகள்

கர்ப்பிணி முதல் மற்றும் மூன்றாம் ட்ரை மெஸ்டர் காலங்களில் அதிகமாக மலச்சிக்கலை சந்திக்கிறார்கள். இந்த காலங்களில் அவர்கள் நார்ச்சத்து நிறைந்த உணவை எடுத்துகொள்வதன் மூலம் மலச்சிக்கல் தடுக்கப்படுகிறது. நார்ச்சத்து உணவில் பீன்ஸ் சிறந்த தேர்வு. இது கர்ப்பிணிக்கு தேவையான புரதம் மற்றும் நார்ச்சத்து வழங்குவதோடு மலச்சிக்கலையும் வராமல் செய்கிறது. பீன்ஸ் வகைகள் குடல் இயக்கத்தை சீராக வைத்திருக்க செய்யும். கர்ப்பிணிக்கு மலச்சிக்கல் கவனிக்காத போது அது மூலநோய் வரை உண்டாக்கிவிடும். மேலும் மலக்குடல் பகுதியில் இருக்கும் நரம்புகள் வீங்குவதால் அது குழந்தையின் வளர்ச்சியை பாதிக்க செய்யும். அதனால் உணவில் ஒரு வேளை பீன்ஸ் வகைகளை சேர்ப்பது நல்லது.

​முட்டை

கர்ப்பிணி அசைவப்பிரியராக இருந்தால் முட்டையை அவ்வபோது உணவில் சேர்க்க வேண்டும். முட்டை கர்ப்பிணிக்கு வேண்டிய புரத அளவை பூர்த்தி செய்கிறது. இதில் வைட்டமின் டி மற்றும் கால்சியமும் உள்ளது. இதனால் குழந்தையின் எலும்புகள் உறுதியாக வைத்திருக்க உதவும். கருவுற்ற காலத்தில் எல்லா உணவுகளுமே ஊட்டச்சத்து நிறைந்ததாக இருக்க வேண்டும் என்பதில் மாற்றுக்கருத்தில்லை. அதே நேரம் சில உணவுகளுக்கு முக்கியத்துவம் கொடுத்து அடிக்கடி சேர்ப்பது மேலும் ஆரோக்கியத்தை உண்டாக்கும்.