2025-ல் சொந்த மண்ணில் இந்தியா விளையாடும் போட்டிகள்- பிசிசிஐ அட்டவணை வெளியீடு

இந்திய சீனியர் கிரிக்கெட் அணி இந்தியாவில் விளையாடும் கிரிக்கெட் தொடர்பான அட்டவணையை பிசிசிஐ வெளியிட்டுள்ளது.

முதலில் வெஸ்ட் இண்டீஸ் அக்டோபர் மாதம் இந்தியா வருகிறது. அக்டோபர் 2ஆம் தேதியில் இருந்து அக்டோபர் 15ஆம் தேதி வரை இரண்டு டெஸ்ட் போட்டிகள் கொண்ட தொடரில் விளையாடுகிறது.

அதன்பின் நவம்பர் மாதம் தென்ஆப்பிரிக்கா அணி இந்தியா வருகிறது. தென்ஆப்பிரிக்கா அணி இரண்டு டெஸ்ட், 3 ஒருநாள் மற்றும் ஐந்து டி20 போட்டிகள் கொண்ட தொடர்களில் விளையாடுகிறது.

டெஸ்ட் தொடர் நவம்பர் 14ஆம் தேதி முதல் 26ஆம் தேதி வரை நடைபெறுகிறது. ஒருநாள் தொடர் நவம்பர் 30ஆம் தேதி தொடங்கி டிசம்பர் 6ஆம் தேதி வரை நடக்கிறது. டி20 தொடர் 9ஆம் தேதி தொடங்கி 19ஆம் தேதி வரை நடக்கிறது.