இஷான் கிஷன் அதிரடி... தென் ஆப்பிரிக்காவுக்கு எதிராக 211 ரன்கள் குவித்தது இந்தியா

புதுடெல்லி:

இந்தியா- தென் ஆப்பிரிக்க கிரிக்கெட் அணிகள் மோதும் முதல் டி20 கிரிக்கெட் போட்டி, டெல்லி அருண் ஜெட்லி ஸ்டேடியத்தில் நடைபெறுகிறது.

டாஸ்வென்ற தென் ஆப்பிரிக்க கேப்டன் டெம்பா பவுமா பீல்டிங்கை தேர்வு செய்தார். முதலில் பேட்டிங் செய்த இந்திய அணி 20 ஓவர்களில் 4 விக்கெட் இழப்பிற்கு 211 ரன்கள் குவித்தது.

துவக்க வீரர் ருதுராஜ் கெய்க்வாட் 23 ரன்களில் ஆட்டமிழந்த நிலையில், மற்றொரு துவக்க வீரர் இஷான் கிஷன், தென் ஆப்பிரிக்க பந்துவீச்சை நாலாபுறமும் சிதறடித்தார். அதிரடியாக ஆடிய அவர் 76 ரன்கள் விளாசினார். இவரது ஸ்கோரில் 11 பவுண்டரி, 3 சிக்சர்களும் அடங்கும். ஸ்ரேயாஸ் அய்யர் 36 ரன்கள் சேர்த்தார்.

கேப்டன் ரிஷப் பண்ட் 29 ரன்களில் விக்கெட்டை இழந்தார். ஹர்திக் பாண்ட்யா ஆட்டமிழக்காமல் 31 ரன்களும், தினேஷ் கார்த்திக் ஆட்டமிழக்காமல் ஒரு ரன்னும் எடுத்தனர்.

இதையடுத்து 212 ரன்கள் எடுத்தால் வெற்றி என்ற இலக்குடன் தென் ஆப்பிரிக்கா களமிறங்குகிறது.