மொபைல்ஸ்

மோட்டோரோலா நிறுவனத்தின் முற்றிலும் புதிய மோட்டோ G04 ஸ்மார்ட்போன் பிப்ரவரி 15-ம் தேதி இந்திய சந்தையில் அறிமுகம் செய்யப்படுகிறது. மேலும், இந்த ஸ்மார்ட்போன் ப்ளிப்கார்ட் வலைதளத்தில் விற்பனை செய்யப்பட இருப்பதும் உறுதியாகி இருக்கிறது. இதற்காக ப்ளிப்கார்ட் வலைதளத்தில் மைக்ரோசைட் ஒன்று உருவாக்கப்பட்டுள்ளது.

ப்ளிப்கார்ட் வலைதளத்தில் புதிய ஸ்மார்ட்போனின் விவரங்களும் இடம்பெற்றுள்ளன. அதன்படி புதிய மோட்டோ G04 ஸ்மார்ட்போன் இந்திய சந்தையில் 4 ஜி.பி. ரேம், 64 ஜி.பி. மெமரி, 8 ஜி.பி. ரேம், 128 ஜி.பி. மெமரி என இரண்டு வெர்ஷன்களில் அறிமுகம் செய்யப்பட இருக்கிறது. முன்னதாக மோட்டோ G04 ஸ்மார்ட்போன் உலகின் சில நாடுகளில் ஏற்கனவே அறிமுகம் செய்யப்பட்டுள்ளது.

புதிய மோட்டோ G04 மாடலில் 6.6 இன்ச் 90Hz டிஸ்ப்ளே, யுனிசாக் T606 ஆக்டா கோர் பிராசஸர், 16MP ஏ.ஐ. கமரா, போர்டிரெயிட் மோட், 4 ஜி.பி. ரேம், 64 ஜி.பி. மெமரி மற்றும் 8 ஜி.பி. ரேம், 128 ஜி.பி. மெமரி என இரண்டு வெர்ஷன்களில் விற்பனை செய்யப்பட இருக்கிறது.

இந்த ஸ்மார்ட்போன் 5000 எம்.ஏ.ஹெச். பேட்டரி கொண்டிருக்கும் என்றும் 10 வாட் சார்ஜிங் வசதி வழங்கப்படும் என்றும் கூறப்படுகிறது. ஆண்ட்ராய்டு 14 ஒ.எஸ். கொண்டிருக்கும் மோட்டோ G04 மாடலில் 3.5mm ஆடியோ ஜாக், டால்பி அட்மோஸ் மற்றும் பல்வேறு அம்சங்கள் வழங்கப்படுகின்றன.

ஸ்மார்ட்போன் சந்தையில் மடிக்கக்கூடிய போன்கள் பொறியாளர்களுக்கு அதிக சவால் நிறைந்த சாதனமாக இருக்கின்றன. ஆப்பிள் நிறுவனமும் மடிக்கக்கூடிய சாதனத்தை உருவாக்கும் பணிகளில் ஈடுபட்டு வருவதாக கடந்த சில ஆண்டுகளாக தகவல்கள் வெளியாகி வருகின்றன.

அந்த வரிசையில், தற்போது வெளியாகி இருக்கும் தகவல்களில் ஆப்பிள் நிறுவனம் இரண்டு ஃப்ளிப்-ஸ்டைல் ஐபோன் மாடல்களை சோதனை செய்து வருவதாக கூறப்படுகிறது. ஐபோன் மட்டுமின்றி மடிக்கக்கூடிய ஐபேட் மாடலையும் ஆப்பிள் உருவாக்கி வருவதாக தகவல் வெளியாகி உள்ளது.

ஆப்பிள் மடிக்கக்கூடிய சாதனம் என கூறி ஏராளமான காப்புரிமைகள் வெளியாகி இருக்கின்றன. தற்போது வெளியாகி இருக்கும் தகவல்களில் ஆப்பிள் உருவாக்கி இருக்கும் இரண்டு ப்ரோடோடைப் மாடல்களும் அதன் ஆரம்பகட்ட நிலையிலேயே இருப்பதாக தெரிகிறது.

இவற்றின் உற்பத்தி அடுத்த ஆண்டு வரையிலும் துவங்குவதற்கு வாய்ப்புகள் மிகவும் குறைவுதான். ஆப்பிள் வல்லுனரான மிங் சி கியோ ஆப்பிள் ஃப்ளிப் போன் மாடலின் உற்பத்தி 2026 வாக்கில் துவங்கலாம் என்று தெரிவித்துள்ளார்.

எனினும், புதிய சாதனத்தின் டிசைன் எதிர்பார்த்த அளவுக்கு இல்லை எனில், இந்த திட்டத்தையே ஆப்பிள் நிறுவனம் முழுமையாக ரத்து செய்யலாம் என்று கூறப்படுகிறது. ப்ளிப் ஐபோன் மட்டுமின்றி ஆப்பிள் நிறுவனம் மடிக்கக்கூடிய ஐபேட் மாடலையும் உருவாக்கி வருவதாக தகவல் வெளியாகி உள்ளது.

சாம்சங் நிறுவனம் தனது கேலக்ஸி எக்ஸ்கவர் 7 ரக்கட் ஸ்மார்ட்போனினை இந்திய சந்தையில் அறிமுகம் செய்தது. மேலும், இது என்டர்பிரைஸ் பயன்பாடுகளுக்காக அறிமுகம் செய்யப்பட்ட முதல் சாம்சங் ஸ்மார்ட்போன் என்ற பெருமையை பெற்று இருக்கிறது. இது மிக கடினமான காலநிலைகளிலும் திறம்பட செயல்படும் வகையில் உருவாக்கப்பட்டு இருக்கிறது.

அதிவேக கனெக்டிவிட்டி, வெளிப்புற இடர்பாடுகளால் கனெக்டிவிட்டியில் ஏற்படும் இடையூறுகளை தவிர்க்கும் திறன் உள்ளிட்டவை இந்த ஸ்மார்ட்போனின் அம்சங்களாக சாம்சங் குறிப்பிட்டுள்ளது. புதிய கேலக்ஸி எக்ஸ்கவர் 7 ரக்கட் ஸ்மார்ட்போன் MIL-STD-810H3 சான்று, IP68 தர வாட்டர் மற்றும் டஸ்ட் ரெசிஸ்டன்ட் வசதி கொண்டிருக்கிறது.

 சாம்சங் கேலக்ஸி எக்ஸ்கவர் 7 அம்சங்கள்:

6.6 இன்ச் 2400x1080 பிக்சல் FHD+ 120Hz LCD ஸ்கிரீன்

குளோவ் மோட், கார்னிங் கொரல்லா கிளாஸ் விக்டஸ் பிளஸ் பாதுகாப்பு

ஆக்டா கோர் மீடியாடெக் டிமென்சிட்டி 6100 பிளஸ் பிராசஸர்

ARM மாலி G57 MC2 GPU

6 ஜி.பி. ரேம்

128 ஜி.பி. மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 14 சார்ந்த சாம்சங் ஒன் யுஐ 6

டூயல் சிம் ஸ்லாட்

சாம்சங் நாக்ஸ் மற்றும் சாம்சங் நாக்ஸ் வால்ட்

எக்ஸ் கவர் கீ கஸ்டமைசேஷன் வசதி

50MP பிரைமரி கேமரா, எல்.இ.டி. ஃபிளாஷ்

5MP செல்ஃபி கேமரா

வாட்டர் மற்றும் டஸ்ட் ரெசிஸ்டன்ட்

MIL-STD-810H

3.5mm ஆடியோ ஜாக், டால்பி அட்மோஸ்

5ஜி, டூயல் 4ஜி வோல்ட்இ, வைபை, ப்ளூடூத் 5.3

யு.எஸ்.பி. டைப் சி 3.2

4050 எம்.ஏ.ஹெச். பேட்டரி

இந்திய சந்தையில் புதிய சாம்சங் கேலக்ஸி எக்ஸ்கவர் 7 மாடலின் ஸ்டான்டர்டு எடிஷன் விலை ரூ. 27 ஆயிரத்து 208 என்றும் என்டர்பிரைஸ் எடிஷன் விலை ரூ. 27 ஆயிரத்து 530 என்றும் நிர்ணயம் செய்யப்பட்டு உள்ளது.

புதிய சாம்சங் ஸ்மார்ட்போனின் ஸ்டான்டர்டு எடிஷன் வாங்குவோருக்கு ஒரு வருட வாரண்டியும், என்டர்பிரைஸ் எடிஷன் வாங்குவோருக்கு இரண்டு ஆண்டுகள் வாரண்டியும் வழங்கப்படுகிறது. இத்துடன் கேலக்ஸி எக்ஸ்கவர் 7 என்டர்பிரைஸ் எடிஷன் வாங்கும் போது ஒரு வருடத்திற்கான நாக்ஸ் சூட் சந்தா வழங்கப்படுகிறது.

ரியல்மி நிறுவனம் தனது ரியல்மி 12 ப்ரோ மற்றும் ரியல்மி 12 ப்ரோ பிளஸ் ஸ்மார்ட்போன்களை கடந்த மாதம் இந்திய சந்தையில் அறிமுகம் செய்தது. மேலும், அறிமுகத்தின் போதே, புதிய ஸ்மார்ட்போன் மாடல்களுக்கான முன்பதிவும் துவங்கியது. இந்த வரிசையில், ரியல்மி 12 ப்ரோ சீரிஸ் ஸ்மார்ட்போன்களின் விற்பனை துவங்கியுள்ளது.

புதிய ஸ்மார்ட்போன்களை வாங்குவோருக்கு ஏராளமான சலுகைகள் அறிவிக்கப்பட்டுள்ளன. ரியல்மி 12 ப்ரோ மற்றும் ரியல்மி 12 ப்ரோ பிளஸ் ஸ்மார்ட்போன்கள் சப்மரைன் புளூ மற்றும் நேவிகேட்டர் பெய்க் என இரண்டு நிறங்களில் கிடைக்கிறது.

விலையை பொருத்தவரை ரியல்மி 12 ப்ரோ 8 ஜி.பி. ரேம், 128 ஜி.பி. மெமரி மாடல் ரூ. 25 ஆயிரத்து 999 என்றும் 8 ஜி.பி. ரேம், 256 ஜி.பி. மெமரி மாடல் விலை ரூ. 26 ஆயிரத்து 999 என நிர்ணயம் செய்யப்பட்டு உள்ளது.

ரியல்மி 12 ப்ரோ பிளஸ் மாடலின் 8 ஜி.பி. ரேம், 128 ஜி.பி. மெமரி மாடல் விலை ரூ. 29 ஆயிரத்து 999 என்றும் 8 ஜி.பி. ரேம், 256 ஜி.பி. மாடல் விலை ரூ. 31 ஆயிரத்து 999 என்றும் 12 ஜி.பி. ரேம், 256 ஜி.பி. மெமரி மாடல் விலை ரூ. 33 ஆயிரத்து 999 என்றும் நிர்ணயம் செய்யப்பட்டு உள்ளது.

அறிமுக சலுகைகள்:

ரியல்மி 12 ப்ரோ பிளஸ் ஸ்மார்ட்போன் ரியல்மி, ப்ளிப்கார்ட் வலைதளத்தில் வாங்குவோருக்கு 12 மாதங்களுக்கு வட்டியில்லா மாத தவணை முறை வசதி வழங்கப்படுகிறது. இத்துடன் ரூ. 2 ஆயிரம் வரையிலான சலுகைகள் வழங்கப்படுகிறது.

ரியல்மி 12 ப்ரோ பிளஸ் 12 ஜி.பி. ரேம், 256 ஜி.பி. மெமரி மாடல் வாங்குவோருக்கு ரூ. 2 ஆயிரம் வரை கேஷ்பேக், எக்சேன்ஜ் சலுகையின் கீழ் ரூ. 4 ஆயிரம் வரை தள்ளுபடி வழங்கப்படுகிறது. இத்துடன் ரியல்மி மற்றும் ப்ளிப்கார்ட் வலைதளத்தில் இந்த ஸ்மார்ட்போனின் 8 ஜி.பி. ரேம், 128 ஜி.பி. மெமரி மாடல் வாங்கும் போது ரூ. 2 ஆயிரம் வரையிலான சலுகையும், 12 மாதங்களுக்கு வட்டியில்லா மாத தவணை முறை சலுகையும் வழங்கப்படுகிறது.

நத்திங் நிறுவனம் தனது புதிய போன் 2a ஸ்மார்ட்போனினை இந்திய சந்தையில் அறிமுகம் செய்வதற்கான பணிகளில் ஈடபட்டு வருகிறது. இந்த நிலையில், புதிய போன் 2a ஸ்மார்ட்போன் ப்ளிப்கார்ட் வலைதளத்தில் விற்பனை செய்யப்படுவது உறுதியாகி இருக்கிறது.

இதுதவிர புதிய ஸ்மார்ட்போனின் புகைப்படங்களும் இணையத்தில் லீக் ஆகி உள்ளது. அதன்படி நத்திங் போன் 2a மாடல் பிளாக் நிறத்தில் கிடைக்கும் என்று தெரியவந்துள்ளது. இத்துடன் ஸ்கிரீனின் மத்தியில் செல்ஃபி கேமராவுக்கான பன்ச் ஹோல் கட்-அவுட் வழங்கப்பட்டு இருக்கிறது. இந்த ஸ்மார்ட்போன் மீடியாடெக் டிமென்சிட்டி 7200 பிராசஸர் கொண்டிருக்கும் என கூறப்படுகிறது.

புதிய நத்திங் ஸ்மார்ட்போனிற்காக ப்ளிப்கார்ட் வலைதளத்தில் பிரத்யேக மைக்ரோசைட் உருவாக்கப்பட்டு இருக்கிறது. இதில் நத்திங் போன் 2a மாடலுக்கான டீசர்கள் இடம்பெற்றுள்ளன. ஸ்மார்ட்போனின் அம்சங்கள் அல்லது வெளியீட்டு தேதி என எந்த தகவலும் இடம்பெறவில்லை.

எனினும், நத்திங் போன் 2a ஸ்மார்ட்போனின் புகைப்படங்கள் மற்றும் அம்சங்கள் இணையத்தில் லீக் ஆகி இருக்கிறது. அதன்படி, நத்திங் போன் 2a மாடலின் டிசைன் அதன் முந்தைய வெர்ஷன்களை போன்றே காட்சியளிக்கும் என தெரியவந்துள்ளது. இந்த ஸ்மார்ட்போனை சுற்றி பிரைவசி கவர் வழங்கப்பட்டு இருக்கிறது. இருந்தபோதிலும், இந்த ஸ்மார்ட்போனில் இரட்டை கேமரா சென்சார்கள் வழங்கப்படும் என தெரிகிறது.

இதுவரை வெளியாகி இருக்கும் தகவல்களின் படி நத்திங் போன் 2a மாடலில் 6.7 இன்ச் ஃபுல் ஹெச்.டி. பிளஸ் AMOLED டிஸ்ப்ளே, 120Hz ரிப்ரெஷ் ரேட், மீடியாடெக் டிமென்சிட்டி 7200 பிராசஸர், ஆண்ட்ராய்டு 13 ஒ.எஸ்., 50MP பிரைமரி கேமரா, 50MP சென்சார், 32MP செல்ஃபி கேமரா வழங்கப்படும் என தெரியவந்துள்ளது. இந்த ஸ்மார்ட்போன் பிளாக் மற்றும் வைட் நிறங்களில் கிடைக்கிறது.

லாவா நிறுவனம் இந்திய சந்தையில் தனது புதிய ஸ்மார்ட்போனினை அறிமுகம் செய்தது. புதிய ஸ்மார்ட்போன் லாவா யுவா 3 என அழைக்கப்படுகிறது. இதில் 6.5 இன்ச் பன்ச் ஹோல் டிஸ்ப்ளே, யுனிசாக் T606 பிராசஸர், 5000 எம்.ஏ.ஹெச். பேட்டரி, அதிகபட்சம் 128 ஜி.பி. மெமரி வழங்கப்படுகிறது.

ஆண்ட்ராய்டு 13 ஒ.எஸ். கொண்டிருக்கும் லாவா யுவா 3 ஸ்மார்ட்போனிற்கு ஆண்ட்ராய்டு 14 அப்கிரேடு மற்றும் இரண்டு ஆண்டுகளுக்கு காலாண்டு வாக்கில் செக்யுரிட்டி அப்டேட்களை வழங்குவதாக லாவா நிறுவனம் தெரிவித்து இருக்கிறது.

லாவா யுவா 3 அம்சங்கள்:

6.5 இன்ச் 1600x720 பிக்சல் HD+ டிஸ்ப்ளே, 90Hz ரிப்ரெஷ் ரேட்

ஆக்டா கோர் யுனிசாக் T606 பிராசஸர்

மாலி G 57 MC2 650MHz GPU

4 ஜி.பி. ரேம்

64 ஜி.பி. / 128 ஜி.பி. மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 13

டூயல் சிம் ஸ்லாட்

13MP பிரைமரி கேமரா, எல்.இ.டி. ஃபிளாஷ்

5MP செல்ஃபி கேமரா

பக்கவாட்டில் கைரேகை சென்சார்

3.5mm ஆடியோ ஜாக், எஃப்.எம். ரேடியோ

4ஜி வோல்ட்இ, வைபை, ப்ளூடூத்

யு.எஸ்.பி. டைப் சி

5000 எம்.ஏ.ஹெச். பேட்டரி

18 வாட் சார்ஜிங்

லாவா யுவா 3 ஸ்மார்ட்போன் எக்லிப்ஸ் பிளாக், காஸ்மிக் லாவென்டர் மற்றும் கேலக்ஸி வைட் நிறங்களில் கிடைக்கிறது. இதன் 64 ஜி.பி. மெமரி மாடல் விலை ரூ. 6 ஆயிரத்து 799 என்றும் 128 ஜி.பி. மெமரி மாடல் விலை ரூ. 7 ஆயிரத்து 299 என்றும் நிர்ணயம் செய்யப்பட்டு உள்ளது. விற்பனை அமேசான் வலைதளத்தில் பிப்ரவரி 7-ம் தேதி துவங்குகிறது.

விவோ நிறுவனம் தனது ஸ்மார்ட்போன் மாடல்களுக்கு விலை குறைப்பு அறிவித்து இருக்கிறது. இத்துடன் விவோ Y200 5ஜி ஸ்மார்ட்போனின் புதிய வேரியன்ட் அறிமுகம் செய்யப்பட்டுள்ளது. முன்னதாக இந்த ஸ்மார்ட்போன் 8 ஜி.பி. ரேம், 128 ஜி.பி. மெமரி மற்றும் 8 ஜி.பி. ரேம், 256 ஜி.பி. மெமரி என இரண்டு வேரியண்ட்களில் மட்டும் விற்பனை செய்யப்பட்டு வந்தது.

இதுதவிர விவோ Y27 மற்றும் விவோ T2 5ஜி ஸ்மார்ட்போன்களின் விலை குறைக்கப்பட்டுள்ளது. விவோ Y200 5ஜி மாடலின் 8 ஜி.பி. ரேம், 256 ஜி.பி. மெமரி மாடல் தற்போது ரூ. 23 ஆயிரத்து 999 என்றும் 8 ஜி.பி. ரேம், 128 ஜி.பி. மெமரி மாடல் ரூ. 21 ஆயிரத்து 999 என்றும் மாறி இருக்கிறது. விலை குறைப்பு அமேசான், ப்ளிப்கார்ட், விவோ இந்தியா இ ஸ்டோர் மற்றும் ரீடெயில் ஸ்டோர்களில் அமலுக்கு வந்துள்ளது.

விவோ Y27 ஸ்மார்ட்போனின் 6 ஜி.பி. ரேம், 128 ஜி.பி. மெமரி மாடல் விலை ரூ. 11 ஆயிரத்து 999 என மாறி இருக்கிறது. இந்த ஸ்மார்ட்போன் முன்னதாக ரூ. 14 ஆயிரத்து 999 விலையில் விற்பனை செய்யப்பட்டு வந்தது. இத்துடன் தேர்வு செய்யப்பட்ட வங்கி கார்டுகளை பயன்படுத்தும் போது ரூ. 1000 வரை கேஷ்பேக் வழங்கப்படுகிறது.

வாடிக்கையாளர்கள் விவோ Y200 5ஜி மாடலை எளிய மாத தவணை முறை வசதியுடன் வாங்கிட முடியும். இத்துடன் எஸ்.பி.ஐ., ஐ.டி.எஃப்.சி. ஃபர்ஸ்ட், பேங்க் ஆஃப் பரோடா, டி.பி.எஸ். வங்கி, ஃபெடரல் வங்கி மற்றும் இண்டஸ்இண்ட் வங்கி வாடிக்கையாளர்கள் ரூ. 2 ஆயிரம் வரை கேஷ்பேக் பெற முடியும். விவோ ஸ்மார்ட்போன்களின் புதிய விலை ஏற்கனவே அமலுக்கு வந்துவிட்டது.

டெக்னோ நிறுவனம் இந்திய சந்தையில் தனது புதிய ஸ்பார்க் 20 ஸ்மார்ட்போனினை அறிமுகம் செய்தது. இதில் 6.56 இன்ச் HD+ டாட்-இன் 90Hz ரிப்ரெஷ் ரேட் கொண்ட டிஸ்ப்ளே வழங்கப்பட்டு இருக்கிறது. இத்துடன் மீடியாடெக் ஹீலியோ G85 பிராசஸர், அதிகபட்சம் 8 ஜி.பி. ரேம், 8 ஜி.பி. வரை விர்ச்சுவல் ரேம் வழங்கப்பட்டு இருக்கிறது.

புகைப்படங்களை எடுக்க 50MP பிரைமரி கேமரா, 32MP செல்ஃபி கேமரா, டூயல் எல்.இ.டி. ஃபிளாஷ் வழங்கப்பட்டுள்ளது. ஆண்ட்ராய்டு 13 சார்ந்த ஹை ஒ.எஸ். 13 கொண்டிருக்கும் டெக்னோ ஸ்பார்க் 20 பக்கவாட்டில் கைரேகை சென்சார் வழங்கப்பட்டுள்ளது. இத்துடன் டூயல் ஸ்பீக்கர்கள், டி.டி.எஸ். ஆடியோ, மேஜிக் ஸ்கின் 2.0 போன்ற வசதிகள் உள்ளன.

டெக்னோ ஸ்பார்க் 20 அம்சங்கள்:

6.56 இன்ச் 1612x720 பிக்சல் HD+ 90Hz ரிப்ரெஷ் ரேட்

மீடியாடெக் ஹீலியோ G85 பிராசஸர்

ARM மாலி G52 GPU

8 ஜி.பி. ரேம்

256 ஜி.பி. மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 13 சார்ந்த ஹை ஒ.எஸ். 13

டூயல் சிம் ஸ்லாட்

50MP பிரைமரி கேமரா, ஏ.ஐ. கேமரா, டூயல் எல்.இ.டி. ஃபிளாஷ்

32MP செல்ஃபி கேமரா, டூயல் எல்.இ.டி. ஃபிளாஷ்

3.5mm ஆடியோ ஜாக், எஃப்.எம். ரேடியோ

பக்கவாட்டில் கைரேகை சென்சார்

டஸ்ட் மற்றும் ஸ்பிலாஷ் ரெசிஸ்டன்ட்

டூயல் 4ஜி வோல்ட்இ, வைபை, ப்ளூடூத் 5.2

யு.எஸ்.பி. டைப் சி

5000 எம்.ஏ.ஹெச். பேட்டரி

18 வாட் ஃபாஸ்ட் சார்ஜிங்

டெக்னோ ஸ்பார்க் 20 ஸ்மார்ட்போன் கிராவிட்டி பிளாக், சைபர் வைட், நியான் கோல்டு மற்றும் மேஜிக் ஸ்கின் 2.0 (புளூ) போன்ற நிறங்களில் கிடைக்கிறது. இதன் விலை ரூ. 10 ஆயிரத்து 499 என நிர்ணயம் செய்யப்பட்டு உள்ளது. இதன் விற்பனை பிப்ரவரி 2-ம் தேதி அமேசான் வலைதளத்தில் நடைபெற இருக்கிறது.

மோட்டோரோலா நிறுவனத்தின் புதிய மோட்டோ G24 பவர் ஸ்மார்ட்போன் இந்திய சந்தையில் அறிமுகம் செய்யப்பட்டது. இதில் 6.65 இன்ச் HD+LCD ஸ்கிரீன், 90Hz ரிப்ரெஷ் ரேட், மீடியாடெக் ஹீலியோ G85 பிராசஸர், அதிகபட்சம் 8 ஜி.பி. ரேம், 8 ஜி.பி. வரை விர்ச்சுவல் ரேம் வழங்கப்பட்டு இருக்கிறது. இதன் பன்ச் ஹோலில் 16MP செல்ஃபி கேமரா வழங்கப்படுகிறது.

ஆண்ட்ராய்டு 14 ஒ.எஸ். கொண்டிருக்கும் மோட்டோ G24 பவர், மூன்று ஆண்டுகளுக்கு செக்யூரிட்டி அப்டேட்களை பெறும் என அறிவிக்கப்பட்டு இருக்கிறது. புகைப்படங்களை எடுக்க 50MP பிரைமரி கேமரா, 2MP மேக்ரோ கேமரா உள்ளது. இதன் பக்கவாட்டில் கைரேகை சென்சார் வழங்கப்பட்டு இருக்கிறது. இத்துடன் 6000 எம்.ஏ.ஹெச். பேட்டரி மற்றும் 30 வாட் ஃபாஸ்ட் சார்ஜிங் வசதி கொண்டிருக்கிறது.

மோட்டோ G24 பவர் அம்சங்கள்:

6.56 இன்ச் 1612x720 பிக்சல் HD+ IPS டிஸ்ப்ளே, 90Hz ரிப்ரெஷ் ரேட்

ஆக்டா கோர் மீடியாடெக் ஹீலியோ G85 பிராசஸர்

ARM- மாலி G52 2EEMC2 GPU

4 ஜி.பி. / 8 ஜி.பி. ரேம்

128 ஜி.பி. மெமரி

மெமரியை கூடுதலாக நீட்டிக்கும் வசதி

ஆண்ட்ராய்டு 14 சார்ந்த மை யு.எக்ஸ்.

டூயல் சிம் ஸ்லாட்

50MP பிரைமரி கேமரா

2MP மேக்ரோ கேமரா

16MP செல்ஃபி கேமரா

3.5mm ஆடியோ ஜாக், ஸ்டீரியோ ஸ்பீக்கர்கள், டால்பி அட்மோஸ்

எஃப்.எம். ரேடியோ

பக்கவாட்டில் கைரேகை சென்சார்

வாட்டர் ரெசிஸ்டன்ட் டிசைன்

டூயல் 4ஜி எல்.டி.இ., வைபை, ப்ளூடூத் 5.0

யு.எஸ்.பி. டைப் சி

6000 எம்.ஏ.ஹெச். பேட்டரி

30 வாட் டர்போ சார்ஜிங்

புதிய மோட்டோ G24 பவர் ஸ்மார்ட்போன் கிளேசியர் புளூ மற்றும் இன்க் புளூ என இரண்டு நிறங்களில் கிடைக்கிறது. இதன் 4 ஜி.பி. ரேம் விலை ரூ. 8 ஆயிரத்து 999 என்றும், 8 ஜி.பி. ரேம் விலை ரூ. 9 ஆயிரத்து 999 என்றும் நிர்ணயம் செய்யப்பட்டு உள்ளது.

இத்துடன் எக்சேன்ஜ் சலுகையின் கீழ் ரூ. 750 கூடுதல் தள்ளுபடி வழங்கப்படுகிறது. மோட்டோ G24 பவர் ஸ்மார்ட்போன் ப்ளிப்கார்ட், மோட்டோரோலா வலைதளங்கள் மற்றும் ரிடெயில் ஸ்டோர்களில் பிப்ரவரி 7-ம் தேதி விற்பனைக்கு கிடைக்கும் என தெரிவிக்கப்பட்டு இருக்கிறது.

ரியல்மி நிறுவனம் ஏற்கனவே அறிவித்தப்படி இந்திய சந்தையில் தனது ரியல்மி 12 ப்ரோ மற்றும் ரியல்மி 12 ப்ரோ பிளஸ் ஸ்மார்ட்போன்களை அறிமுகம் செய்தது. இவற்றில் 6.7 இன்ச் FHD+ 120Hz கர்வ்டு AMOLED ஸ்கிரீன் வழங்கப்பட்டு இருக்கிறது. ரியல்மி 12 ப்ரோ மாடலில் ஸ்னாப்டிராகன் 6 ஜென் 1 பிராசஸரும், ரியல்மி 12 ப்ரோ பிளஸ் ஸ்மார்ட்போனில் ஸ்னாப்டிராகன் 7s ஜென் 2 பிராசஸரும் வழங்கப்பட்டுள்ளது.

முந்தைய ப்ரோ சீரிஸ் ஸ்மார்ட்போன்களை போன்றே புதிய மாடல்களிலும் ஆண்ட்ராய்டு 14 சார்ந்த ரியல்மி யு.ஐ. 5.0 வழங்கப்பட்டு இருக்கிறது. இத்துடன் 2 ஆண்ட்ராய்டு ஒ.எஸ். அப்டேட்களும், மூன்று ஆண்டுகளுக்கு செக்யுரிட்டி அப்டேட்களும் வழங்கப்படுகிறது.

ரியல்மி 12 ப்ரோ மற்றும் 12 ப்ரோ பிளஸ் அம்சங்கள்:

6.7 இன்ச் 2412x1080 பிக்சல் FHD+ வளைந்த AMOLED ஸ்கிரீன், 120Hz ரிப்ரெஷ் ரேட்

ரியல்மி 12 ப்ரோ - ஆக்டா கோர் ஸ்னாப்டிராகன் 6 ஜென் 1 பிராசஸர்

ரியல்மி 12 ப்ரோ பிளஸ் - ஸ்னாப்டிராகன் 7s ஜென் 2 பிராசஸர்

அட்ரினோ 710 GPU

8 ஜி.பி./12 ஜி.பி. ரேம்

128 ஜி.பி. / 256 ஜி.பி. மெமரி

டூயல் சிம் ஸ்லாட்

ஆண்ட்ராய்டு 14 சார்ந்த ரியல்மி யு.ஐ. 6

ரியல்மி 12 ப்ரோ - 50MP பிரைமரி கேமரா

8MP அல்ட்ரா வைடு கேமரா

32MP டெலிபோட்டோ லென்ஸ், எல்.இ.டி. ஃபிளாஷ்

32MP செல்ஃபி கேமரா

ரியல்மி 12 ப்ரோ பிளஸ் 50MP பிரைமரி கேமரா

8MP அல்ட்ரா வைடு கேமரா

64MP ஆம்னிவிஷன் பெரிஸ்கோப் டெலிபோட்டோ லென்ஸ், எல்.இ.டி. ஃபிளாஷ்

32MP செல்ஃபி கேமரா

இன் டிஸ்ப்ளே கைரேகை சென்சார்

யு.எஸ்.பி. சி ஆடியோ, ஸ்டீரியோ ஸ்பீக்கர்கள், டால்பி அட்மோஸ், ஹை-ரெஸ் ஆடியோ

5ஜி, டூயல் 4ஜி வோல்ட்இ, வைபை, ப்ளூடூத் 5.2

யு.எஸ்.பி. டைப் சி

5000 எம்.ஏ.ஹெச். பேட்டரி

67 வாட் சூப்பர்வூக் ஃபாஸ்ட் சார்ஜிங்

ரியல்மி 12 ப்ரோ மற்றும் ரியல்மி 12 ப்ரோ பிளஸ் ஸ்மார்ட்போன்கள் சப்மரைன் புளூ மற்றும் நேவிகேட்டர் பெய்க் நிறங்களில் கிடைக்கிறது. ரியல்மி 12 ப்ரோ பிளஸ் மாடல் இந்தியாவில் மட்டும் எக்ஸ்ப்ளோரர் ரெட் வெர்ஷனில் விற்பனை செய்யப்பட இருக்கிறது.

ரியல்மி 12 ப்ரோ மாடலின் 8 ஜி.பி. ரேம், 128 ஜி.பி. மெமரி மாடல் விலை ரூ. 25 ஆயிரத்து 999 என்றும் 8 ஜி.பி. ரேம், 256 ஜி.பி. மெமரி மாடல் விலை ரூ. 26 ஆயிரத்து 999 என்றும் நிர்ணயம் செய்யப்பட்டு உள்ளது.

ரியல்மி 12 ப்ரோ பிளஸ் 8 ஜி.பி. ரேம், 128 ஜி.பி. மெமரி மாடல் விலை ரூ. 29 ஆயிரத்து 999 என்றும் 8 ஜி.பி. ரேம், 256 ஜி.பி. மெமரி மாடல் விலை ரூ. 31 ஆயிரத்து 999 என்றும் டாப் என்ட் 12 ஜி.பி. ரேம், 256 ஜி.பி. மெமரி மாடல் விலை ரூ. 33 ஆயிரத்து 999 என்றும் நிர்ணயம் செய்யப்பட்டு உள்ளது.

புதிய ரியல்மி ப்ரோ சீரிஸ் ஸ்மார்ட்போன்களின் விற்பனை ரியல்மி, ப்ளிப்கார்ட் வலைதளங்கள் மற்றும் ஆஃப்லைன் ஸ்டோர்களில் பிப்ரவரி 6-ம் தேதி துவங்குகிறது. அறிமுக சலுகையாக புதிய ப்ரோ சீரிஸ் ஸ்மார்ட்போன்களை வாங்குவோர் ஐ.சி.ஐ.சி.ஐ. வங்கி கார்டுகளை பயன்படுத்தும் போது ரூ. 2 ஆயிரம் வரை தள்ளுபடி பெற முடியும்.

அசுஸ் நிறுவனம் தனது ஃபிளாக்ஷிப் ஸ்மார்ட்போன் - ரோக் போன் 8 ப்ரோ மாடலை இம்மாத துவக்கத்தில் இந்திய சந்தையில் அறிமுகம் செய்தது. தற்போது இந்த ஸ்மார்ட்போன் விற்பனை ஒருவழியாக துவங்கிவிட்டது.

புதிய அசுஸ் ரோக் போன் 8 ப்ரோ ஸ்மார்ட்போன் ஃபேன்டம் பிளாக் எனும் ஒற்றை நிறத்தில் மட்டுமே கிடைக்கிறது. இந்த ஸ்மார்ட்போன் 16 ஜி.பி. ரேம், 512 ஜி.பி. மெமரி மற்றும் 24 ஜி.பி. ரேம், 1 டி.பி. மெமரி என இரண்டு வேரியன்ட்களில் கிடைக்கிறது. இவற்றின் விலை முறையே ரூ. 94 ஆயிரத்து 999 மற்றும் ரூ. 1 லட்சத்து 19 ஆயிரத்து 999 என நிர்ணயம் செய்யப்பட்டு உள்ளது.

அசுஸ் ரோக் போன் 8 ப்ரோ அம்சங்கள்:

6.78 இன்ச் 2400x1080 பிக்சல் FHD+ டிஸ்ப்ளே

கார்னிங் கொரில்லா கிளாஸ் விக்டஸ் 2 பாதுகாப்பு

ஆக்டா கோர் ஸ்னாப்டிராகன் 8 ஜென் 3 பிராசஸர்

அட்ரினோ 750 GPU

அதிகபட்சம் 24 ஜி.பி. ரேம்

1 டி.பி. மெமரி

ஆண்ட்ராய்டு 14 சார்ந்த ரோக் யு.ஐ.

டூயல் சிம் ஸ்லாட்

50MP பிரைமரி கேமரா

13MP அல்ட்ரா வைடு கேமரா

32MP டெலிபோட்டோ கேமரா

32MP செல்ஃபி கேமரா

3.5mm ஆடியோ ஜாக், டூயல் ஸ்பீக்கர்கள்

இன் டிஸ்ப்ளே கைரேகை சென்சார்

5ஜி, டூயல் 4ஜி வோல்ட்இ, வைபை, ப்ளூடூத் 5.4

யு.எஸ்.பி. டைப் சி

டஸ்ட் மற்றும் வாட்டர் ரெசிஸ்டன்ட் IP68

5500 எம்.ஏ.ஹெச். பேட்டரி

65 வாட் ஹைப்பர் ஃபாஸ்ட் சார்ஜிங்

கூகுள் நிறுவனம் தனது பிக்சல் 8 சீரிஸ்- பிக்சல் 8 மற்றும் பிக்சல் 8 ப்ரோ ஸ்மார்ட்போன்களை கடந்த ஆண்டு அக்டோபர் மாத வாக்கில் அறிமுகம் செய்தது. பிக்சல் 8 ஸ்மார்ட்போன் அப்சிடியன், ஹசல் மற்றும் ரோஸ் போன்ற நிறங்களில் விற்பனை செய்யப்பட்டு வருகிறது. பிக்சல் 8 ப்ரோ ஸ்மார்ட்போன் அப்சிடியன், பே மற்றும் போர்சிலைன் நிறங்களில் விற்பனை செய்யப்படுகிறது.

இந்த நிலையில், பிக்சல் 8 சீரிஸ் ஸ்மார்ட்போன்கள் முற்றிலும் புதிய மின்ட் நிறத்தில் அறிமுகம் செய்யப்பட்டுள்ளது. முன்னதாக பிக்சல் 7 சீரிஸ் ஸ்மார்ட்போன்கள் லெமன்கிராஸ் நிறத்தில் அறிமுகம் செய்யப்பட்டது. இவைதவிர இந்த ஸ்மார்ட்போன் கிளாஸ் பாடி மற்றும் கிளாசி ஃபினிஷ் கொண்டிருக்கிறது.

புதிய பிக்சல் 8 சீரிஸ் மின்ட் நிற வேரியன்ட் கூகுள் ஸ்டோரில் மட்டுமே விற்பனை செய்யப்படுகிறது. இந்த நிற வேரியன்ட் 128 ஜி.பி. வடிவில் மட்டுமே கிடைக்கிறது. இந்தியாவில் கூகுள் இந்தியா ஆன்லைன் ஸ்டோர் இருக்கும் பட்சத்திலும், கூகுள் தனது பிக்சல் ஸ்மார்ட்போன்களை ப்ளிப்கார்ட் வலைதளத்தில் மட்டுமே விற்பனை செய்கிறது.