நீங்கள் தேடியது "வெஸ்ட் இண்டீஸ் கிரிக்கெட்"

வெஸ்ட் இண்டீஸ் தேசிய கிரிக்கெட் அணியின் தலைமை பயிற்சியாளராக இருந்தவர் ஆஸ்திரேலியா அணியின் முன்னாள் பேட்ஸ்மேன் ஸ்டூவர்ட் லா. இவர் இங்கிலீஷ் கிரிக்கெட் கவுன்டியின் மிடில்செக்ஸ் அணிக்கு பயிற்சியாளராக செல்ல இருப்பதால் தனது பதவியை ராஜினாமா செய்தார்.

இதனால் பீல்டிங் பயிற்சியாளராக இருக்கும் நிக் போதாஸ் இடைக்கால பயிற்சியாளராக நியமிக்கப்பட்டுள்ளார். நிக் போதாஸ் வங்காள தேச அணிக்கெதிரான இரண்டு போட்டிகள் கொண்ட டெஸ்ட் தொடரின்போது பொறுப்பை ஏற்றுக் கொள்வார். ஒருநாள் மற்றும் டி20 தொடரிலும் பயிற்சியாளராக நீடிப்பார்.

இந்தியா - வெஸ்ட் இண்டீஸ் இடையிலான 2-வது டெஸ்ட் ஐதராபாத்தில் நடைபெற்றது. வெஸ்ட் இண்டீஸ் 2-வது இன்னிங்சில் பேட்டிங் செய்யும்போது தொடக்க வீரர் பொவேல் அஸ்வின் பந்தில் ரகானேவிடம் கேட்ச் கொடுத்து ஆட்டமிழந்தார். பந்தை தரையில் உரசியது மாதிரி தெரிந்தது. ஆனால் டிவி நடுவர் விக்கெட் கொடுத்துவிட்டார். இதனால் வெஸ்ட் இண்டீஸ் அணியின் தலைமை பயிற்சியாளர் ஸ்டூவர்ட் லா கடும் கோபம் அடைந்தார்.

அத்துடன் டிவி அம்பயரின் அறைக்குச் சென்று முறையற்ற வார்த்தைகளை கூறி வாக்குவாதம் செய்தார். அத்துடன் நிற்காமல் 4-வது நடுவரிடமும் சென்று வாக்குவாதத்தில் ஈடுபட்டார். இதனால் ஸ்டூவர்ட் லா மீது கள நடுவர்கள் ப்ரூஸ் ஆக்சன்போர்டு, இயன் குட், 3-வது நடுவர் நிகெல் லாங், 4-வது நடுவர் நித்தின் மேனன் ஆகியோர் நடவடிக்கை மேற்கொண்டனர்.

அப்போது ஸ்டூவர்ட் லா ஐசிசியின் விதிமுறையை மீறியதாக, அவருக்கு 100 சதவீதம் அபராதத்துடன் தடைக்கான மூன்று புள்ளிகளுடன் வழங்கப்பட்டது.

ஏற்கனவே 2017-ம் ஆண்டு மே மாதம் பாகிஸ்தானுக்கு எதிரான டெஸ்டின்போது 25 சதவீதத்துடன், தடைக்கான ஒரு புள்ளியையும் பெற்றிருந்தார். தற்போது இந்த புள்ளிகள் இரண்டு ஒருநாள் போட்டிகளில் பங்கேற்க முடியாத அளவிற்கு உள்ளதால் தடைவிதிக்கப்பட்டுள்ளது. இதனால் ஸ்டூவர்ட் லா இந்தியாவிற்கு எதிராக 21 மற்றும் 24-ந்தேதி நடைபெறும் ஒருநாள் போட்டியில் பங்கேற்க இயலாது.

வெஸ்ட் இண்டீஸ் கிரிக்கெட் அணியின் தலைமை பயிற்சியாளராக இருப்பவர் ஸ்டூவர்ட் லா. இவர் கடந்த ஆண்டு பிப்ரவரி மாதம் தலைமை பயிற்சியாளராக பதவி ஏற்றார். இவர் வரும் டிசம்பர் மாதத்துடன் தலைமை பயிற்சியாளர் பதவியில் இருந்து விடைபெறுவதாக தெரிவித்துள்ளார்.

வெஸ்ட் இண்டீஸ் கிரிக்கெட் அணி இந்தியா மற்றும் வங்காள தேசத்தில் சுற்றுப் பயணம் செய்து விளையாடுகிறது. இந்த தொடர்கள் முடிந்த உடன் அவர் வெளியேறுகிறார். வெளியேறும் ஸ்டூவர்ட் லா கவுன்ட்டி அணியான மிடில்செக்ஸ்க்கு பயிற்சியாளராக பணியாற்ற இருக்கிறார்.



ஸ்டூவரட் லா தலைமையில் வெஸ்ட் இண்டீஸ் அணி வங்காள தேசம் மற்றும் ஜிம்பாப்வே அணிகளுக்கு எதிரான தொடரை கைப்பற்றியுள்ளது. இங்கிலாந்து மண்ணில் 17 வருடத்திற்குப் பிறகு ஹெட்டிங்லேயில் நடைபெற்ற போட்டியில் வெற்றி பெற்றுள்ளது.