என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "Womens Hockey"
- கிடைத்த பெனால்டி வாய்ப்புகளை வீணடித்தது இந்திய அணியின் தோல்விக்கு முக்கிய காரணமாக அமைந்தது.
- இந்திய அணி தரப்பில் 2 கோல்களையும் நவ்னித் கவுர் அடித்தார்.
லிம்பர்க்:
இந்திய மகளிர் ஹாக்கி அணி மூன்று போட்டிகள் கொண்ட தொடரில் விளையாட ஜெர்மனிக்கு சென்று உள்ளது. அங்கு இரண்டு ஆட்டங்களில் ஜெர்மனியை எதிர்கொள்கிறது. மற்றொரு ஆட்டத்தில் சீனாவை எதிர்கொள்கிறது.
இந்நிலையில் நேற்று நடந்த முதல் போட்டியில் இந்திய அணி லிம்பர்க் மைதானத்தில் சீனா உடன் மோதியது. ஆட்டம் தொடங்கிய சில நிமிடங்களிலேயே இந்திய அணிக்கு கிடைத்த பெனால்டி வாய்ப்பை வீணடித்தது. சீனாவின் தடுப்பு அரணை மீறி இந்திய அணியால் கோல் அடிக்க முடியவில்லை.
அதே வேளையில் சீனா அணி கிடைத்த பெனால்டி வாய்ப்பை கோலாக மாற்றி 1-0 என்ற கோல் கணக்கில் முன்னிலை பெற்றது. இந்திய அணி சிறிது நேரத்திலேயே கோல் அடித்து சமநிலைக்கு கொண்டு வந்தது.
அதன்பின் இரண்டாவது பாதி ஆட்டம் தொடங்கிய 45-வது நிமிடத்தில் இந்திய அணி மேலும் ஒரு கோல் அடித்து 2-1 என்ற கணக்கில் முன்னிலை பெற்றது. ஆனால் இது நீண்ட நேரம் நிலைக்கவில்லை. பெனால்டி வாய்ப்பை பயன்படுத்தி கோல் அடித்து சீனா 2-2 என்ற கணக்கில் சமநிலைக்கு கொண்டு வந்தது.
51-வது நிமிடத்தில் மேலும் ஒரு கோல் அடித்து சீனா 3-2 என்று முன்னிலை பெற்றது. அதுவே வெற்றிக்குரிய கோலாகவும் அமைந்தது. இறுதி நேரத்தில் இந்திய அணிக்கு கோல் அடிக்க வாய்ப்புகள் கிடைத்தும் சீனாவின் தடுப்பு அரணை உடைத்து கோல் அடிக்க முடியவில்லை.
இதனால் இந்திய அணி 2-3 என்ற கோல் கணக்கில் தோல்வி அடைந்தது. கிடைத்த பெனால்டி வாய்ப்புகளை வீணடித்தது இந்திய அணியின் தோல்விக்கு முக்கிய காரணமாக அமைந்தது. இந்திய அணி தரப்பில் 2 கோல்களையும் நவ்னித் கவுர் அடித்தார். இந்திய அணி வரும் 18 மற்றும் 19ஆம் தேதிகளில் ஜெர்மனி அணி உடன் மோத உள்ளது.
- இந்திய அணி தரப்பில் ராணி 2-வது நிமிடத்தில் கோல் அடித்து அசத்தினார்.
- முந்தைய 2 ஆட்டங்களில் இந்திய அணி முறையே 5-1 மற்றும் 7-0 என்ற கோல் வித்தியாசத்தில் வெற்றி பெற்றிருந்தது.
கேப்டவுன்:
இந்திய பெண்கள் ஹாக்கி அணி,தென்ஆப்பிரிக்காவில் சுற்றுப்பயணம் செய்து அந்த நாட்டு அணியுடன் 4 ஆட்டங்கள் கொண்ட தொடரில் விளையாடி வருகிறது. இதில் கேப்டவுனில் நேற்று முன்தினம் நடந்த 3-வது ஆட்டத்தில் தொடக்கம் முதலே ஆதிக்கம் செலுத்திய இந்திய அணி 4-0 என்ற கோல் கணக்கில் தென்ஆப்பிரிக்காவை வீழ்த்தி 'ஹாட்ரிக்' வெற்றியை ருசித்தது.
இந்திய அணி தரப்பில் ராணி 2-வது நிமிடத்திலும், தீப் கிரேஸ் எக்கா பெனால்டி கார்னர் வாய்ப்பில் 18-வது நிமிடத்திலும், வந்தனா கட்டாரியா 20-வது நிமிடத்திலும், சங்கீதா குமாரி 46-வது நிமிடத்திலும் கோல் அடித்தனர்.
முந்தைய 2 ஆட்டங்களில் இந்திய அணி முறையே 5-1 மற்றும் 7-0 என்ற கோல் வித்தியாசத்தில் வெற்றி பெற்றிருந்தது. இந்தியா-தென்ஆப்பிரிக்கா அணிகள் இடையிலான 4-வது மற்றும் கடைசி ஆட்டம் நாளை (ஞாயிற்றுக்கிழமை) நடக்கிறது.
- இந்திய அணி 3-2 என்ற கோல் கணக்கில் கனடா அணியை வீழ்த்தியது.
- இதனால் இந்திய அணி அரையிறுதி போட்டிக்கு தகுதி பெற்றது.
பர்மிங்காம்:
72 நாடுகள் பங்கேற்றுள்ள 22-வது காமன்வெல்த் விளையாட்டு போட்டி இங்கிலாந்தின் பர்மிங்காம் நகரில் கோலாகலமாக நடைபெற்று வருகிறது. இந்த நிலையில் இன்று நடைபெற்ற மகளிர் ஹாக்கி போட்டியில் 'ஏ' பிரிவில் இடம் பிடித்துள்ள இந்தியா - கனடா அணிகள் மோதின.
இந்த போட்டி இரு அணிகளுக்கும் முக்கியமான போட்டி என்பதால் போட்டி மீது எதிர்பார்ப்பு ஏற்பட்டது. விறுவிறுப்பான இந்த போட்டியில் சிறப்பாக விளையாடிய இந்திய அணி 3-2 என்ற கோல் கணக்கில் கனடா அணியை வீழ்த்தியது. இதனால் இந்திய அணி அரையிறுதி போட்டிக்கு தகுதி பெற்றது.
- ஹாக்கி தொடரில் பங்கேற்க, இந்திய ஜூனியர் பெண்கள் ஹாக்கி அணி அயர்லாந்து சென்றுள்ளது.
- இந்திய ஜூனியர் பெண்கள் அணி 4-1 என்ற கோல் கணக்கில் அயர்லாந்து அணியை அபாரமாக வீழ்த்தி முதல் வெற்றியை பதிவு செய்தது.
5 நாடுகள் பங்கேற்கும் யூனிபர் யு-23, 23 வயதுக்குட்பட்டோருக்கான ஹாக்கி போட்டிகள் அயர்லாந்தில் நேற்று தொடங்கி நடைபெற்று வருகிறது. டப்ளின், 23 வயதுக்குட்பட்டோருக்கான 5 நாடுகள் பங்கேற்கும் யூனிபர் யூனிபர் யு-23 ஹாக்கி போட்டிகள் அயர்லாந்தில் நேற்று தொடங்கி நடைபெற்று வருகிறது.
இந்த ஹாக்கி தொடரில் பங்கேற்க, இந்திய ஜூனியர் பெண்கள் ஹாக்கி அணி அயர்லாந்து சென்றுள்ளது. இப்போட்டியின் லீக் சுற்றில் இந்திய அணி அயர்லாந்து, நெதர்லாந்து, அமெரிக்கா மற்றும் உக்ரைன் அணிகளுடன் விளையாடுகிறது. யூனிபர் யு-23 ஹாக்கி போட்டி தொடரில், நேற்று நடைபெற்ற தொடக்க ஆட்டத்தில் அயர்லாந்து அணியை இந்தியா எதிர்கொண்டது.
மேலும், மகளிர் ஜூனியர் உலகக் கோப்பை 2021-க்குப் பிறகு, அயர்லாந்து அணியை மீண்டும் எதிர்கொண்டது. இப்போட்டியில், இந்திய ஜூனியர் பெண்கள் அணி 4-1 என்ற கோல் கணக்கில் அயர்லாந்து அணியை அபாரமாக வீழ்த்தி முதல் வெற்றியை பதிவு செய்தது. இதனை தொடர்ந்து, இன்று நடைபெறும் ஆட்டத்தில், நெதர்லாந்தை எதிர்கொள்கிறது. இந்தியா. அதன்பிறகு ஜூன் 22-ம் தேதி உக்ரைனை எதிர்கொள்கிறது. லீக் சுற்று முடிவில், முதல் இரண்டு இடங்களை பிடிக்கும் அணிகள் நேரடியாக இறுதிப் போட்டிக்கு தகுதி பெறும்.இறுதிப் போட்டி ஜூன் 26ஆம் தேதி நடைபெற உள்ளது.
ஆசிய விளையாட்டுப் போட்டியின் பெண்கள் ஹாக்கியில் இந்திய அணி ‘பி’ பிரிவில் இடம் பெற்றுள்ளது.
இந்திய அணி தொடக்க ஆட்டத்தில் 8-0 என்ற கோல் கணக்கில் இந்தோனேசியாவையும், 2-வது ஆட்டத்தில் 21-0 என்ற கணக்கில் கஜகஸ்தானையும், 3-வது போட்டியில் 4-1 என்ற கணக்கில் தென்கொரியாவையும் வீழ்த்தியது. இதன்மூலம் அரை இறுதிக்கு முன்னேறி இருந்தது.
இந்திய அணி கடைசி ‘லீக்’ ஆட்டத்தில் தாய்லாந்தை இன்று சந்திக்கிறது.
இந்த ஆட்டத்திலும் தாய்லாந்தை வீழ்த்தி இந்தியா 4-வது வெற்றி பெற அதிகமான வாய்ப்பு உள்ளது. கோல் மழை பொழிவதால் ஆர்வத்துடன் இருக்கிறது.
இந்திய ஆண்கள் ஹாக்கி அணியும் ஏற்கனவே தான் மோதிய 4 ஆட்டங்களிலும் வெற்றி பெற்று இருந்தது. இந்தோனேசியாவை 17-0 என்ற கணக்கிலும், ஆங்காங்கை 26-0 என்ற கணக்கிலும், ஜப்பானை 8-0 என்ற கணக்கிலும், தென்கொரியாவை 5-3 என்ற கணக்கிலும் வீழ்த்தி இருந்தது.
இந்திய அணி கடைசி ‘லீக்’ ஆட்டத்தில் இலங்கையை நாளை சந்திக்கிறது. 5-வது வெற்றி வாய்ப்பு இந்தியா அணிக்கு இருக்கிறது. #AsianGames2018
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்