search icon
என் மலர்tooltip icon

    நீங்கள் தேடியது "Maharashtra Navnirman Sena"

    பெட்ரோல், டீசல் விலை உயர்வை கண்டித்து காங்கிரஸ் நடத்தும் நாடு தழுவிய போராட்டத்துக்கு மகாராஷ்டிரா நவ்நிர்மன் சேனா ஆதரவு அளிப்பதாக தெரிவித்துள்ளது. #PetrolDieselPriceHike #BharatBandh
    மும்பை:

    பெட்ரோல் - டீசலுக்கு மத்திய அரசு அளித்து வந்த மானியத்தை பெருமளவில் குறைத்ததுடன் விலை நிர்ணயம் செய்யும் அதிகாரத்தை எண்ணெய் நிறுவனங்களுக்கே வழங்கியது. இதனால் பெட்ரோல்-டீசல் விலை நாளுக்கு நாள் உயர்ந்து வந்தது. இந்த நிலையில் சர்வதேச சந்தை விலை நிலவரத்துக்கு ஏற்ப இந்தியாவில் நாள்தோறும் பெட்ரோல்-டீசல் விலை நிர்ணயம் செய்யப்பட்டு வருகிறது.

    சென்னையில் கடந்த ஆகஸ்ட் மாதம் 30-ந்தேதி பெட்ரோல் விலை லிட்டருக்கு ரூ.81.40 ஆக இருந்தது. அது தினமும் 50 காசு அளவுக்கு உயர்ந்து தற்போது ரூ.83.22க்கு அதிகரித்துள்ளது. இதே போல் ஆகஸ்ட் 30-ந்தேதி ரூ.73.43 ஆக இருந்த டீசல் ஒரு லிட்டர் தற்போது ரூ.76.64-க்கும் விற்கப்படுகிறது.


    பெட்ரோல்-டீசல் விலை உயர்வை கண்டித்து காங்கிரஸ் கட்சி நாளை (10-ந்தேதி) நாடு தழுவிய முழு அடைப்பு போராட்டத்துக்கு அழைப்பு விடுத்துள்ளது.

    தமிழகத்திலும் நாளை முழு அடைப்பு நடக்கிறது. காலை 9 மணிக்கு தொடங்கி பிற்பகல் 3 மணி வரை முழு அடைப்பு போராட்டம் நடைபெறுகிறது. அதன் பிறகு மாலை 4 மணிக்கு மாவட்ட தலைநகரங்களில் அனைத்து கட்சி பிரதிநிதிகள் பங்கேற்கும் ஆர்ப்பாட்டமும், சென்னையில் மட்டும் 5 மணிக்கு ஆர்ப்பாட்டம் நடத்தப்படும் என்று அறிவிக்கப்பட்டுள்ளது



    முழு அடைப்புக்கு தி.மு.க., மார்க்சிஸ்ட் கம்யூனிஸ்டு, இந்திய கம்யூனிஸ்டு, ம.தி.மு.க., விடுதலை சிறுத்தைகள் கட்சி, பா.ம.க., தமிழக வாழ்வுரிமை கட்சி, மனிதநேய மக்கள் கட்சி, பெருந்தலைவர் மக்கள் கட்சி, கொங்குநாடு மக்கள் கட்சி உள்ளிட்ட கட்சிகள் ஆதரவு தெரிவித்துள்ளன.

    இந்நிலையில், காங்கிரஸ் கட்சியின் அறிவித்துள்ள இந்த நாடு தழுவிய ஒரு நாள் முழுஅடைப்பு போராட்டத்துக்கு மகாராஷ்டிராவின் நவ்நிர்மன் சேனா ஆதரவு அளிப்பதாக இன்று அறிக்கை வெளியிட்டுள்ளது. #PetrolDieselPriceHike #BharatBandh
    புனேயில் உள்ள தியேட்டர் ஒன்றில் 5 ரூபாய் பாப்கார்னை 250 ரூபாய்க்கு விற்பதாக கூறி தியேட்டர் மேனஜரை நவநிர்மான் சேனா தொண்டர்கள் அடித்து, உதைத்த வீடியோ வெளியாகி பரபரப்பை ஏற்படுத்தியுள்ளது.#MNS #Pune
    மும்பை:

    மகாராஷ்டிரா மாநிலத்தில் உள்ள மல்டிபிளக்ஸ் தியேட்டர்களில் தின்பண்டங்களின் விலை தாறுமாறாக உள்ளதாக கூறி, மும்பை ஐகோர்ட்டில் பொதுநல வழக்கு தொடரப்பட்டது. இந்த வழக்கில், மல்டிபிளக்ஸ் தியேட்டர்களில் உணவுப் பொருட்களின் கட்டணத்தை அரசு முறைப்படுத்த வேண்டும் என நீதிபதிகள் உத்தரவிட்டனர். 

    இந்நிலையில், புனே நகரில் உள்ள மல்டிபிளக்ஸ் தியேட்டர் ஒன்றில் இன்று நேற்று புகுந்த மகாராஷ்டிரா நவநிர்மான் சேனா தொண்டர்கள், உணவுப்பொருட்களின் விலையை குறைக்க ஐகோர்ட் உத்தரவிட்டும் ஏன் குறைக்கவில்லை என தியேட்டர் மானேஜரிடம் வாக்குவாதத்தில் ஈடுபட்டுள்ளனர்.

    வாக்குவாதம் முற்றிய நிலையில், ஆத்திரமடைந்த தொண்டர்கள் மானேஜரை கெட்ட வார்த்தைகளால் திட்டியபடி அடித்து உதைத்தனர். இந்த தாக்குதல் வீடியோ இணையதளங்களில் வெளியாகி பரபரப்பை ஏற்படுத்தியது.

    இது தொடர்பாக பேசிய அக்கட்சியின் நிர்வாகி கிஷோர் ஷிண்டே, “5 ரூபாய் பாப்கார்ன் 250 ரூபாய்க்கு விற்கின்றனர். ஐகோர்ட் உத்தரவை சுட்டிக்காட்டினால், அதற்கு, மராத்தி தெரியாததால் பேப்பர் படிக்கவில்லை என மானேஜர் கூறினார். இதனால், எங்களது ஸ்டைலில் இந்த விஷயத்தை டீல் செய்தோம்” என கூறினார். 


    ×