என் மலர்tooltip icon

    நீங்கள் தேடியது "Lamborghini Urus"

    • விபத்து ஏற்படுத்திய லம்போர்கினி கார் பறிமுதல்
    • கார் மோதியதில் காயமபட்ட 2 தொழிலாளர்கள் மருத்துவமனையில் சிகிச்சை பெற்று வருகின்றனர்.

    உத்தரப் பிரதேசத்தில் லாம்போர்கினி ஸ்போர்ட்ஸ் காரில் வந்த நபர் 2 பேரை மோதிவிட்டு, "இங்கு யாராவது இறந்தார்களா என்ன? என்று அலட்சியமாக கேட்ட வீடியோ வெளியாகி பெரும் பரபரப்பை ஏற்படுத்தியது.

    இதனையடுத்து, விபத்து ஏற்படுத்திய கார் பறிமுதல் செய்யப்பட்டு, காரை ஓட்டிய தீபக் என்ற நபரை போலீசார் கைது செய்தனர். இந்நிலையில், கைதான தீபக்கிற்கு சூரஜ்பூரில் உள்ள நீதிமன்றம் ஜாமீன் வழங்கியுள்ளது.

    நொய்டாவின் செக்டார் 94 இல், கட்டுமானத்தில் உள்ள ஒரு வளாகத்தை ஒட்டிய நடைபாதையில் ஒரு சிவப்பு லாம்போர்கினி கார் இரண்டு தொழிலாளர்கள் மீது மோதியது. பின் மரத்தில் மோதி கார் நின்றது.

    விபத்துக்கு பின்பு எடுக்கப்பட்ட வீடியோவில், "விபத்துக்குள்ளான சிவப்பு நிற லாம்போர்கினி ஸ்போர்ட்ஸ் காரை நோக்கி கட்டுமான தொழிலாளர்கள் ஓடுகின்றனர். காரை ஓட்டிய நபரிடம் அந்த தொழிலார்கள்களில் ஒருவர், "இந்த விபத்தில் எத்தனை பேர் இறந்திருக்கிறார்கள் தெரியுமா?" என்று கேட்க, அதற்கு காரை ஓட்டியவர், 'இங்கே யாராவது இறந்தார்களா?' என்று அலட்சியமாக பதில் கூறினார்.

    கார் மோதியதில் காயமடைந்த 2 தொழிலாளர்கள் மருத்துவமனையில் சிகிச்சை பெற்று வருகின்றனர். தற்போது அவர்களது உயிருக்கு ஆபத்தில்லை என்று போலீசார் தெரிவித்தனர்.

    சர்வதேச சந்தையில் கடந்த ஆண்டு அறிமுகமாகி, இந்த ஆண்டு இந்தியா வந்திருக்கும் லம்போர்கினி உருஸ் முதல் கார் இந்தியாவில் வினியோகம் செய்யப்பட்டது. #Lamborghini #Urus



    லம்போர்கினி உருஸ் சர்வதேச சந்தையில் கடந்த ஆண்டு அறிமுகமாகி, இந்த ஆண்டு இந்தியாவில் அறிமுகமானது. கிட்டத்தட்ட ஆறு மாதங்கள் கழித்து இந்தியாவில் முதல் லம்போர்கினி உருஸ் வினியோகம் செய்யப்பட்டுள்ளது. மும்பையில் வசிக்கும் வாடிக்கையாளர் ஒருவர் புதிய லம்போர்கினி உருஸ் மாடலை முன்பதிவு செய்திருக்கிறார்.

    இந்தியா வந்திருக்கும் புதிய உருஸ் மாடலில் ரோஸோ ஆன்டிரோஸ் ஃபினிஷ் செய்யப்பட்டு, 22-இன்ச் டைமன்ட் ஃபினிஷ் நேத் வீல்களை கொண்டுள்ளது. இத்துடன் கிளாஸ் பிளாக் வெளிப்புறம், க்ரோம் ஃபினிஷ் உள்ளிட்டவை காரின் தோற்றத்தை அழகாக வெளிப்படுத்துகிறது. 
     
    உள்புறம் ஐந்து லெதர்-கிளாட் சீட் மற்றும் மூன்று பெரிய TFT டிஸ்ப்ளே வழங்கப்பட்டுள்ளது. இதில் ஒரு டிஸ்ப்ளே ஸ்டீரிங் வீல் பின்புறம் வழங்கப்பட்டு வழக்கமான இன்ஸ்ட்ரூமென்ட் பினாக்கிள் மாற்றாக அமைந்துள்ளது. மற்ற இரண்டு டிஸ்ப்லேக்கள் சென்டர் கன்சோல் மற்றும் இன்ஃபோடெயின்மென்ட் சிஸ்டம் மற்றும் கிளைமேட் கண்ட்ரோல் சிஸ்டத்தை இயக்கும் வசதி வழங்கப்படுகிறது.



    லம்போர்கினி நிறுவனத்தின் இரண்டாவது எஸ்.யு.வி. மாடலாக உருஸ் அமைந்துள்ள உருஸ் மாடலில் 4.0 லிட்டர் ட்வின்-டர்போ வி8 ரக இன்ஜின் வழங்கப்பட்டுள்ளது. இந்த இன்ஜின் 641 பி.எச்.பி. பவர் 6000 ஆர்.பி.எம். மற்றும் 850 என்.எம். டார்கியூ 2250-4500 ஆர்.பி.எம். பவர் மற்றும் 8-ஸ்பீடு ஆட்டோமேடிக் கியர்பாக்ஸ் வழங்கப்பட்டுள்ளது.

    இந்த இன்ஜின் 0-100 கிலோமீட்டர் வேகத்தை 3.6 விநாடிகளில் செல்லும் என்றும் 12.8 விநாடிகளில் மணிக்கு 200 கிலோமீட்டர் வேகத்தில் செல்லும். புதிய உருஸ் மாடலின் உச்ச வேகம் மணிக்கு 305 கிலோமீட்டர் வரை செல்லும் என தெரிவிக்கப்பட்டுள்ளது.

    ஆறு வெவ்வேறு டிரைவிங் மோட்: ஸ்டிராடா (ஸ்டிரீட்), ஸ்போர்ட், கோர்சா (டிராக்) மற்றும் ஆஃப்ரோடிங் செய்ய சபியா (சாணட்), டெரா (கிராவல்) மற்றும் நெவ் (ஸ்னோ) உள்ளிட்டவை வழங்கப்பட்டுள்ளது. இந்தியாவில் லம்போர்கினி உருஸ் விலை ரூ.3 கோடி (எக்ஸ்-ஷோரூம், டெல்லி) என நிர்ணயம் செய்யப்பட்டுள்ளது, எனினும் இதன் விலை ரூ.4 கோடியை நெருங்கும் என எதிர்பார்க்கப்படுகிறது.
    ×