நீங்கள் தேடியது "golden ring"

தக்கலை:

தே.மு.தி.க. தலைவர் விஜயகாந்த் பிறந்தநாளையொட்டி தக்கலை அரசு ஆஸ்பத்திரியில் நாளை பிறக்கும் குழந்தைகளுக்கு தங்க மோதிரம் அணிவிக்கப்படும் என தக்கலை ஒன்றிய செயலாளர் டேவிட் அறிவித்துள்ளார். தே.மு.தி.க. தலைவர் விஜயகாந்த் பிறந்த நாளையொட்டி நாளை தக்கலை ஒன்றியத்திற்கு உட்பட்ட 21 இடங்களில் கொடியேற்றப்படும். காலை 9 மணிக்கு தக்கலை பஸ் நிலையத்தில் கேக் வெட்டி கொண்டாடப்படும்.

அதைதொடர்ந்து தக்கலை அரசு ஆஸ்பத்திரியில் நாளை பிறக்கும் அனைத்து குழந்தை களுக்கும் தங்க மோதிரம் வழங்கப்படும். பின்னர் முட்டைக்காட்டில் தக்கலை ஒன்றிய அலுவலகம் திறக்கப்படும். இந்த அனைத்து நிகழ்ச்சிகளுக்கும் மாவட்ட செயலாளர் ஜெக நாதன் தலைமை தாங்குகிறார். அவைத் தலைவர் ஸ்ரீகுமார், திருவட் டார் ஒன்றிய செயலாளர் ஜஸ்டின் தேவகுமார் முன்னிலை வகிக்கின்றனர். கழக தொண்டர்கள் கலந்து கொள்ளுமாறு கேட்டுக் கொள்கிறேன்.

இவ்வாறு அவர் அறிக்கையில் கூறி உள்ளார்.