search icon
என் மலர்tooltip icon

    நீங்கள் தேடியது "disinfection"

    இந்த விமர்சனத்தை ஆடியோ வடிவில் கேட்க "Play" பட்டனை கிளிக் செய்யவும்
    • எளாவூர் சோதனை சாவடியில் 3-வது நாளாக வாகனங்களுக்கு கிருமி நாசினி தெளிக்கப்படுகிறது.
    • சோதனை சாவடியில் 24 மணி நேரமும் போலீஸ் பாதுகாப்பு போடப்பட்டு சோதனை மேற்கொண்டு இருக்கின்றனர்.

    கும்மிடிப்பூண்டி:

    கும்மிடிப்பூண்டி அடுத்த எளாவூரில் தமிழக எல்லையில் சோதனை சாவடி உள்ளது. இந்த சோதனை சாவடி வழியாக தினந்தோறும் ஆந்திரா, பீகார், ஒடிசா, மராட்டியம், டெல்லி, அரியானா, பஞ்சாப், ராஜஸ்தான் ஆகிய மாநிலங்களில் இருந்து கனரக வாகனங்கள் மூலம் காய்கறிகள் மற்றும் அத்தியாவசிய பொருட்கள் ஏற்றி கொண்டு வரப்படுகிறது.

    இந்நிலையில் கடந்த சில நாட்களாக ஆந்திராவில் இருந்து கார் மற்றும் இருசக்கர வாகனங்களில் கஞ்சா, செம்மரக்கட்டைகள் தொடர்ந்து கடத்தி வரப்படுவதாகவும், ஹவாலா பணம் கடத்தப்படுவதாகவும் போலீசாருக்கு தகவல் வந்தது. இதையடுத்து இந்த சோதனை சாவடியில் 24 மணி நேரமும் போலீஸ் பாதுகாப்பு போடப்பட்டு சோதனை மேற்கொண்டு இருக்கின்றனர்.

    இந்த நிலையில் ஆந்திர மாநிலம் நெல்லூர் மாவட்ட த்தில் சமீப காலமாக பறவை காய்ச்சல் வேகமாக பரவி வருகிறது. இதனால் அங்குள்ள கோழிகள் மற்றும் பறவைகள் இறக்கின்றன.

    இதையடுத்து கும்மிடிப்பூண்டி கால்நடை மருத்துவர்கள் ஆந்திராவை ஒட்டி தமிழக எல்லையில் அமைந்துள்ள எளாவூர் சோதனை சாவடியில் சிறப்பு முகாம் அமைத்துள்ளனர். ஆந்திராவில் இருந்து வரும் வாகனங்களை ஒவ்வொன்றாக நிறுத்தி டயர் மற்றும் வாகனத்தின் வெளிப்புற பகுதியில் கால்நடைத்துறை ஊழியர்கள் கிருமிநாசினி மருந்து தெளித்து அனுப்பி வருகின்றனர். கிருமி நாசினி தெளிக்கும் பணிகள் கடந்த 17-ந்தேதி தொடங்கின.

    இன்று 3-வது நாளாக வாகனங்களுக்கு கிருமி நாசினி தெளிக்கும் பணி நடந்து வருகிறது. இந்த பணிகள் சுழற்சி முறையில் 24 மணி நேரமும் 3 ஷிப்டுகளில் நடந்து வருகிறது.

    • கிராம பட்டுவளர்ப்பு விவசாயிகளுக்கு ‘பட்டு வளர்ப்பில் கிருமிநீக்கம் செய்தல்’’ குறித்து தொழில்நுட்ப பயிற்சி நத்தமேடு, மாணிக்கநத்தம் சமுதாயக்கூட்டரங்கில் நடைப்பெற்றது.
    • பட்டுவளர்ப்பில் கிருமி நீக்கம் செய்தல் குறித்தும், வெண் பட்டுவளர்ப்பின் அனுபவங்கள் குறித்தும் பட்டுவளர்ப்பு விவசாயிகளுக்கு விரிவாக விளக்கமளித்து பயிற்சியளித்தார்.

    பரமத்திவேலூர்:

    நாமக்கல் மாவட்டம் பரமத்தி வேலூர் தாலுகா பரமத்தி வட்டாரம், மாணிக்கநத்தம் கிராம பட்டுவளர்ப்பு விவசாயிகளுக்கு 'பட்டு வளர்ப்பில் கிருமிநீக்கம் செய்தல்'' குறித்து தொழில்நுட்ப பயிற்சி நத்தமேடு, மாணிக்கநத்தம் சமுதாயக்கூட்டரங்கில் நடைப்பெற்றது.

    பயிற்சியில் பரமத்தி வேளாண்மை உதவி இயக்குநர் கோவிந்தசாமி பட்டுவளர்ப்பில் ஏற்படும் நோய், பூச்சி தாக்குதலினால் ஏற்படும் இழப்புகளை குறித்தும் அதன் மேலாண்மை குறித்தும் வேளாண்மைப்பயிரில் ஏற்படும் பூச்சி மற்றும் நோய் காரணிகளால் ஏற்படும் இழப்புகள் அதன் மேலாண்மை குறித்த விளக்கமளித்தார்.

    பயிற்சியில் பரமத்தி வட்டார பட்டுவளர்ச்சித்துறையின் உதவி பட்டு ஆய்வாளர் கோமதி, இளம்நிலை பட்டு ஆய்வாளர் யோகாம்பாள் ஆகியோர் தங்களது துறை சார்ந்த திட்டங்கள், மானியங்கள், குறித்து விரிவாகவும் விளக்கமாகவும் பயிற்சியளித்தனர். மேலும் பஞ்சப்பட்டி, மாணிக்கநத்தம் கிராமத்தை சேர்ந்த பட்டுவளர்ப்பில் நீண்ட அனுபவம் பெற்ற விவசாயி. இளம் பட்டுப்புழு உற்பத்தி செய்யும் பட்டு வளர்ப்புத்துறையின் மூலம் சான்றிதழ் பெற்ற தங்கராசு, அவர்கள் தனது பட்டுவளர்ப்பில் கிருமி நீக்கம் செய்தல் குறித்தும், வெண் பட்டுவளர்ப்பின் அனுபவங்கள் குறித்தும் பட்டுவளர்ப்பு விவசாயிகளுக்கு விரிவாக விளக்கமளித்து பயிற்சியளித்தார்.

    இதற்கான ஏற்பாடுகளை வேளாண்மை அலுவலர் பாபு, உதவி வேளாண்மை அலுவலர் பிரபு, அட்மா திட்ட வட்டார தொழில் நுட்ப மேலாளர் ரமேஷ் ஆகியோர் செய்திருந்தனர்.

    ×