நீங்கள் தேடியது "BAFTA"

பிரிட்டனின் சர்வதேச திரைப்பட விழாவான BAFTA விருது விழாவில் மணிப்பூர் படமான 'Boong' திரைப்படம் விருது வென்றுள்ளது.

'சிறந்த குழந்தைகள் மற்றும் குடும்பத் திரைப்படம்' பிரிவில் இப்படத்திற்கு விருது கிடைத்துள்ளது.

Arko, Lilo and Stitch மற்றும் Zootropolis 2 போன்ற முன்னணி சர்வதேச திரைப்படங்களுடன் போட்டியிட்டு 'Boong' இந்த விருதை  தட்டிச் சென்றுள்ளது.

மணிப்பூரில் நிலவும் சமூகப் பதற்றங்களுக்கு மத்தியில், பிரிந்து சென்ற தனது குடும்பத்தை மீண்டும் ஒன்று சேர்க்கப் போராடும் ஒரு சிறுவனின் பயணமே இப்படத்தின் கதையாகும்.

லக்ஷ்மிப்பிரியா தேவி இயக்கிய இத்திரைப்படத்தை பிரபல நடிகர் பர்ஹான் அக்தர் இணைந்து தயாரித்துள்ளார்.

விழாவில் விருதை ஏற்றுக்கொண்ட இயக்குநர் லக்ஷ்மிப்பிரியா தேவி பேசுகையில், "பல இடர்பாடுகளால் புறக்கணிக்கப்பட்ட எனது தாய் நிலமான மணிப்பூருக்கு இந்த விருதை அர்ப்பணிக்கிறேன். அங்கு மீண்டும் அமைதி திரும்ப வேண்டும் என்று பிரார்த்திக்கிறேன்" என்று தெரிவித்தார்.

இந்நிலையில் இந்த படம் BAFTA விருது வென்றதற்கு பிரதமர் மோடி வாழ்த்து தெரிவித்துள்ளார்.

அவரது எக்ஸ் பதிவில், "மணிப்பூர் மக்களுக்கும், படக்குழுவினர் அனைவருக்கும் எனது வாழ்த்துகள். இது நாட்டின் அபாரமான படைப்பாற்றலை உலகுக்குக் காட்டுகிறது" எனப் பாராட்டியுள்ளார். 

பிரிட்டிஷ் அகாடமி திரைப்பட விருதுகள் (BAFTA) விழா அடுத்த மாதம் நடைபெற உள்ளது.

இதில் லியோனார்டோ டிகாப்ரியோ நடித்த 'ஒன் பேட்டில் ஆஃப்டர் அனதர்' திரைப்படம், சிறந்த படம், சிறந்த இயக்குனர் உட்பட 14 பரிந்துரைகளைப் பெற்று போட்டியில் முதல் இடத்தில் உள்ளது.

'சின்னர்ஸ்' திரைப்படம் 13 பரிந்துரைகளுடன் இரண்டாம் இடத்தில் உள்ளது. 'ஹாம்நெட்' , 'மார்ட்டி சுப்ரீம்' மற்றும் 'சென்டிமென்டல் வேல்யூ' ஆகிய படங்களும் சிறந்த திரைப்படத்திற்கான போட்டியில் உள்ளன.

இந்த விருது வழங்கும் விழா பிப்ரவரி 22 அன்று லண்டனில் நடைபெறவுள்ளது.

இதற்கிடையே மார்ச் மாதம் அமெரிக்காவில் நடைபெற உள்ள ஆஸ்கார் விருதுகளுக்கான இறுதிப்பட்டியலில் சின்னர்ஸ் திரைப்படம் 16 பிரிவுகளிலும், ஒன் பேட்டில் ஆஃப்டர் அனதர் 13 பிரிவுகளிலும் போட்டிக்கு தேர்வாகி உள்ளது குறிப்பிடத்தக்கது. 

லண்டன்:

சர்வதேச அளவில் ஆஸ்கர் விருதுக்கு அடுத்தபடியாக கவுரமிக்க விருதாகக் கருதப்படுவது பிரிட்டிஷ் அகாடமியின் திரைப்படம் மற்றும் தொலைக்காட்சி விருதுகள் (பாப்டா) ஆகும்.

இந்நிலையில், 78-வது பாப்டா விருதுகள் வழங்கும் விழா லண்டனில் நடைபெற்றது.

இதில் சிறந்த நடிகராக அட்ரியன் பிராடி தேர்வு செய்யபட்டார். தி புரூடலிஸ்ட் படத்தில் நடித்ததற்காக இந்த விருது வழங்கப்பட்டது.

ஏற்கனவே இம்மாதம் நடைபெற்ற கோல்டன் குளோப் விருது மற்றும் கிரிட்டிக் சாய்ஸ் விருதிலும் புரூடலிஸ்ட் படம் விருது வென்றுள்ளது என்பது குறிப்பிடத்தக்கது.