விளையாட்டு

சென்னை:

5-வது தமிழ்நாடு பிரிமீயர் லீக் (டி.என்.பி.எல்.) 20 ஓவர் கிரிக்கெட் போட்டி சென்னை சேப்பாக்கம் எம்.ஏ. சிதம்பரம் மைதானத்தில் நடைபெற்று வருகிறது.

நேற்று நடந்த ஆட்டங்களில் திருச்சி வாரியர்ஸ் 3 விக்கெட் வித்தியாசத்தில் மதுரை பாந்தர்சையும், திண்டுக்கல் டிராகன்ஸ் 5 விக்கெட் வித்தியாசத்தில் கோவை கிங்சையும் வீழ்த்தின.

டி.என்.பி.எல். போட்டியின் 10-வது லீக் ஆட்டம் இன்று இரவு 7.30 மணிக்கு நடக்கிறது. இதில் நெல்லை ராயல் கிங்ஸ்- திருப்பூர் தமிழன்ஸ் அணிகள் மோதுகின்றன.

நெல்லை அணி தொடக்க ஆட்டத்தில் திருச்சியிடம் தோற்றது. 2-வது ஆட்டத்தில் சேப்பாக் சூப்பர் கில்லீசை வீழ்த்தியது. அந்த அணி 2-வது வெற்றி ஆர்வத்தில் உள்ளது.

திருப்பூர் அணி, சேப்பாக் சூப்பர் கில்லீசுடன் மோதிய முதல் ஆட்டம் மழையால் பாதியில் ரத்து செய்யப்பட்டது. 2-வது ஆட்டத்தில் சேலத்திடம் தோற்றது. அந்த அணி முதல் வெற்றிக்காக காத்திருக்கிறது.

டோக்கியோ:

ஆண்கள் வில்வித்தை போட்டியில் கொரியா தங்க பதக்கம் வென்று அசத்தியுள்ளது.  

ஒலிம்பிக்கில் ஆண்கள் வில்வித்தை இறுதி சுற்று இன்று நடைபெற்றது. இப்போட்டியில், கொரியா அணி முதலிடத்தை பிடித்து தங்க பதக்கத்தை வென்றது. இரண்டாவது இடத்தை பிடித்து சீனா வெள்ளி வென்றது. மூன்றாவது இடத்தை பிடித்து ஜப்பான் வெண்கலம் வென்றது.

டேபிள் டென்னிஸ் ஒற்றையர் பிரிவில் 3-வது சுற்றுக்கு முன்னேறிய முதல் இந்திய வீரர்கள் என்ற பெருமையுடன், ஒலிம்பிக்கில் இருந்து வெளியேறுகிறார் மணிகா பத்ரா.

டேபிள் டென்னிஸ் பெண்களுக்கான ஒற்றையர் பிரிவு 3-வது சுற்றில் இந்தியாவின் மணிகா பத்ரா, ஆஸ்திரியாவின் சோபியா பொல்கானோவாவை எதிர்கொண்டார். முதல் இரண்டு சுற்றுகளில் சிறப்பாக விளையாடிய மணிகா பத்ரா, இந்த சுற்றில் சிறந்த ஆட்டத்தை வெளிப்படுத்த முடியவில்லை.

இதனால் 8-11, 2-11, 5-11, 7-11 என தொடர்ந்து நான்கு கேம்களை இழந்து தோல்வியடைந்தார். இந்த தோல்வியின் மூலம் ஒலிம்பிக் போட்டியில் இருந்து வெளியேறினார்.

டோக்கியோ:

ஒலிம்பிக் போட்டி கடந்த நாட்களாக விறுவிறுப்பாக நடந்து கொண்டு வருகிறது.  இதில், கலந்து கொண்ட பல்வேறு நாடுகளும் அற்புதமாக விளையாடி அசத்தி வருகிறது.

இந்நிலையில், இன்று நடைப்பெற்று கலப்பு ஆண்கள் டைவிங் போட்டியில் இறுதி சுற்றில் 8 அணி கலந்து கொண்டது. மொத்தம் நடைப்பெற்ற 6 சுற்றில் பிரிட்டன் நாட்டை  சேர்ந்த டாலே தாமஸ்  மற்றும் லீ மடே 471.81 புள்ளிகள் கணக்கில் முதல் இடத்தை பிடித்து தங்கப்பதக்கத்தை வென்றார். 470.58 புள்ளிகள் கணக்கில் சீனா இரண்டாவது இடத்தை பிடித்து வெள்ளி வென்றனர். 439.92 புள்ளிகள் கணக்கில் ரசியன் மூன்றாவது இடத்தை பிடித்து வெண்கலத்தை வென்றது.

டோக்கியோ ஒலிம்பிக்கில் வில்வித்தை போட்டியில் இந்தியா சார்பில் அதானுதாஸ், பிரவின் ஜாதவ், தருண்தீப் ராய், தீபிகா குமாரி ஆகியோர் பங்கேற்றனர்.

கலப்பு அணிகள் பிரிவில் பிரவின் ஜாதவ்- தீபிகா குமாரி ஜோடி காலிறுதியில் தென் கொரியாவிடம் 2-6 என்ற கணக்கில் தோற்றிருந்தது.

ஆண்களுக்கான வில்வித்தை அணிகள் பிரிவு போட்டி இன்று நடந்தது. அதானுதாஸ், ரவின் ஜாதவ், தருண்தீப் ராய் ஆகியோர் கொண்ட இந்திய அணி காலிறுதிக்கு முந்தைய சுற்றில் கஜகஸ்தானை எதிர்கொண்டது.

இதில் இந்தியா 6-2 என்ற கணக்கில் கஜகஸ்தானை வீழ்த்தி காலிறுதிக்கு முன்னேறியது. காலிறுதியில் இந்தியா பலம் வாய்ந்த தென்கொரியாவை எதிர்கொண்டது. தென்கொரிய வீரர்களுக்கு இணையாக இந்திய வீரர்களால் அம்புகளை தொடுக்க முடியவில்லை. இதனால் முதல் செட்டை 54-59, இரண்டாவது செட்டை 57-59, மூன்றாவது செட்டை 54-56 என இழந்து செட் பாயிண்டில் 0-6 என்ற கணக்கில் தோல்வியடைந்து ஒலிம்பிக்கில் இருந்து வெளியேறியது.

டோக்கியோவில் நடைபெற்று வரும் ஒலிம்பிக் போட்டியில் இன்று காலை வாள்வீச்சுக்கான முதல் சுற்றுப் போட்டி நடைபெற்றது. இதில், பெண்களுக்கான தனிநபர் சப்ரே முதல் சுற்றில் தமிழக வீராங்கனை பவானி தேவி, துனிசியாவின் நடியாவை எதிர்கொண்டார். இதில் பவானி தேவி 15-3 என்ற கணக்கில் வெற்றி பெற்று அடுத்த சுற்றுக்கு முன்னேறினார்.

இரண்டாவது சுற்றில் பிரான்ஸை சேர்ந்த மனோனுடன் போட்டியிட்டதில், 7-15 என்ற கணக்ககில் தோல்வியடைந்தார்.