டெல்லியில் 7 தொகுதிகளிலும் போட்டியிட தயார்: காங்கிரஸ் அறிவிப்பு

புதுடெல்லி:

'இந்தியா' கூட்டணியில் உள்ள ஆம் ஆத்மி, டெல்லியில் ஆளுங்கட்சியாக உள்ளது. அதே கூட்டணியில் உள்ள காங்கிரஸ் கட்சி, எதிர்க்கட்சியாக உள்ளது. பாராளுமன்ற தேர்தலில் டெல்லியில் உள்ள 7 தொகுதிகளை பகிர்ந்து கொள்வது தொடர்பாக இரு கட்சிகளுக்கு இடையே இழுபறி நிலவி வருகிறது. இந்நிலையில், டெல்லி மாநில காங்கிரஸ் தலைவர் அரவிந்த்ர்சிங் லவ்லி கூறியதாவது:-

டெல்லியில் உள்ள 7 தொகுதிகளிலும் போட்டியிட காங்கிரஸ் தயாராகி வருகிறது. அதே சமயத்தில், ஆம் ஆத்மியுடன் பேச்சுவார்த்தை நடந்து வருகிறது. கூட்டணி தொடர்பாக எங்கள் கட்சி மேலிடம் எடுக்கும் முடிவுக்கு கட்டுப்படுவோம்.

இவ்வாறு அவர் கூறினார்.