சூப்பரான ஸ்நாக்ஸ் கேழ்வரகு ரிப்பன் பக்கோடா

தேவையான பொருட்கள்

கேழ்வரகு மாவு - 1 கப்
அரிசி மாவு - கால் கப்
உளுந்து மாவு - 3 டேபிள் ஸ்பூன்
மிளகாய் தூள் - 1 டீஸ்பூன்
ஓமம் - சிறிதளவு
எண்ணெய், உப்பு - தேவையான அளவு

செய்முறை

கேழ்வரகு மாவை சலித்து எடுத்து வைக்கவும்.

உளுந்தை வறுத்து மிக்சியில் போட்டு பொடித்து கொள்ளவும்.

ஒரு பௌலில் கேழ்வரகு மாவு, அரிசி மாவு, ஓமம், பொடித்து வைத்துள்ள உளுந்து மாவு, மிளகாய் தூள் உப்பு, தண்ணீர் சேர்த்து கெட்டியாக முறுக்கு மாவு பதத்தில் பிசையவும்.

பின் ரிப்பன் பக்கோடா செய்யும் அச்சில் மாவு வைத்து, வாணலியை எண்ணெய் ஊற்றி சூடானதும் மாவை ரிப்பன் பக்கோடா பிழிந்து, நன்கு வெந்ததும் எடுக்கவும்.

இப்போது சுவையான மொறு மொறு ராகி ரிப்பன் பக்கோடா தயார்.

இந்த பக்கோடா காற்று புகாத டப்பாவில் போட்டு வைத்தால் ஒரு மாதம் ஆனாலும் அதே மொறுமொறுப்பு மற்றும் சுவையான மாறாமல் இருக்கும்.