சினிமா செய்திகள்

பிக் பாஸ் 2 நிகழ்ச்சி மூலம் பிரபலமானவர் ரைசா.  தற்போது தமிழ் சினிமாவில் பல படங்களில் நடித்து வருகிறார். கொரோனா ஊரடங்கு உத்தரவு அமலில் இருப்பதால் ரைசா வீட்டில் முடங்கியுள்ளார்.

வீட்டில் சும்மா இருப்பதால் ரைசா சமூக வலைதளங்களில் ஆக்டிவாக இருக்கிறார். ரசிகர்கள் அவ்வப்போது கேட்கும் கேள்விகளுக்கு பதில் அளிப்பதுடன் தன்னை பற்றி வரும் கமெண்ட்டுகளுக்கும் பதில் அளிக்கிறார்.
இந்நிலையில் நெட்டிசன் ஒருவர் ரைசாவை பற்றி வடிவேலு மீம்ஸ் ஒன்றை ட்விட்டரில் போஸ்ட் செய்தார். அதாவது வடிவேலு ரைசாவிடம் பேர் என்ன என்று கேட்க, அதற்கு அவர் ரைசா என்கிறார். அதற்கு வடிவேலு சிக்கன் ரைசா இல்லை எக் ரைசா என்று கேட்கிறார்.

இந்த மீம்ஸை பார்த்த ரைசா  கூலாக பிரியாணி ரைஸ் என்று கமெண்ட் போட்டுள்ளார். ரைசா போட்ட கமெண்ட்டை பார்த்த ரசிகர்களோ, இது தான் உங்களிடம் பிடிச்ச விஷயம் என்று தெரிவித்துள்ளனர்.

கொரோனா ஊரடங்கில் வீட்டில் இருக்கும் நடிகை ரகுல்பிரீத் சிங், தனது தற்போதைய பொழுதுபோக்கு குறித்து விளக்கி உள்ளார். அவர் கூறியதாவது:-

வாழ்க்கையில் லட்சியத்தை அடைய தினமும் ஓடிக்கொண்டே இருக்கிறோம். ஆனால் இயற்கை விபத்து வந்தால் எந்த அளவுக்கு தாங்கிக்கொள்ள முடியும் என்பதையும், நமக்குள் எவ்வளவு சக்தி இருக்கிறது என்பதையும் கொரோனா உணர வைத்துள்ளது. நமது ஆரோக்கியம், குடும்பம், நம்மை நேசிப்பவர்கள், அவர்களோடு இணைந்த நினைவுகள் விலை மதிக்க முடியாதது.

மார்ச் 18-ந்தேதி நான் கடைசியாக சினிமாவில் வேலை பார்த்த நாள். அதன்பிறகு வீட்டில்தான் இருக்கிறேன். காலையில் எழுந்து யோகா பயிற்சியோடு எனது நாள் தொடங்குகிறது. அதன்பிறகு புத்தகங்கள் படிக்கிறேன். மதியம் சமூக வலைத்தளங்களை பார்க்கிறேன்.

மாலையில் படம் பார்க்கிறேன். சில வெப் தொடர்களையும் பார்க்கிறேன். ஆஸ்கார் விருது பெற்ற திரைப்படங்களையும் பார்க்கிறேன். சமையலும் செய்கிறேன். நம்மை வலுப்படுத்திக்கொள்ள இந்த நேரத்தை எப்படி பயன்படுத்துவது என்று நான் தெரிந்து வைத்து இருக்கிறேன். இந்த நீண்ட ஓய்வு இதுவரை எனது வாழ்க்கையில் வந்தது இல்லை.

இவ்வாறு ரகுல் பிரீத் சிங் கூறினார்.

நடிகர் அஜித் நடிப்பில் பிரமாண்டமாக தயாராகி வரும் படம் வலிமை. இந்த படத்தின் மீது ரசிகர்களுக்கு அதிகபட்சமான எதிர்ப்பார்ப்பு உள்ளது. இந்நிலையில் இப்படத்தின் படப்பிடிப்பு 40 சதவீதம் முடிய, மீதி படப்பிடிப்பு கொரோனா பிரச்சினைகள் முடிந்து தொடரும்.

படப்பிடிப்பு முடியாததால் இப்படம் தீபாவளிக்கு எப்படியும் வராது என்பது உறுதியாகியுள்ளது. இதனால் படம் அடுத்து பொங்கலுக்கு ரிலீஸ் ஆகும் என தெரிகிறது. ஆனால், அதேசமயம் ரஜினியின் அண்ணாத்த படமும் பொங்கல் தினத்தில் வெளியிட முடிவு செய்திருக்கிறார்கள்.

கடந்த 2019 ஆம் ஆண்டு ரஜினியின் பேட்ட திரைப்படமும், அஜித்தின் விஸ்வாசம் திரைப்படமும் பொங்கல் தினத்தில் வெளியானது.

பாலிவுட் நடிகர் இர்பான் கான் இன்று உடல்நலக்குறைவால் காலமானார். அவருக்கு வயது 53. இரண்டு வருடங்கள் முன்பிருந்தே புற்றுநோயுடன் போராடி வந்த அவர் லண்டனில் சிகிச்சை பெற்று சில மாதங்கள் முன்பு தான் இந்தியா திருப்பினார்.

அவருக்கு சில தினங்கள் முன்பு உடல்நிலை மிக மோசம் அடைந்த நிலையில் மும்பையில் உள்ள தனியார் மருத்துவமனையில் அவர் சிகிச்சைக்காக அனுமதிக்கப்பட்டார்.
தீவிர சிகிச்சை பிரிவில் சிகிச்சை பெற்று வந்த அவர் இன்று மதியம் காலமானார். அவருக்கு பிரபலங்கள் பலரும் இரங்கல் தெரிவித்து வருகின்றனர்.

இதில், நடிகை சாய் பல்லவி ட்விட்டரில்,   "நான் உங்களை நேரில் சந்தித்தது கூட இல்லை சார். ஆனால் இந்த இழப்பு எனது சொந்த இழப்பாக உணர்கிறேன். உங்கள் நடிப்பு மற்றும் சினிமா மீதான காதல் உங்களை எங்கள் இதயத்திற்கு நெருக்கமானவராக ஆக்கியுள்ளது. உங்கள் ஆன்மா இன்னும் மகிழ்ச்சியான மற்றும் அமைதியான இடத்தில் இருக்கட்டும்" என பதிவு செய்துள்ளார்.

ஆதவ் கண்ணதாசன் இயக்கத்தில் ‘லாக்டவுன்’ எனும் குறும்படம் வெளியாகவுள்ளது. இதில் முக்கியக் கதாபாத்திரத்தில் ஆண்ட்ரியா நடித்துள்ளார். இக்குறும்படம் குறித்து ஆண்ட்ரியா கூறியதாவது:-

ஆதவ் கண்ணதாசனை எனக்கு ஓராண்டுக்கும் மேலாகத் தெரியும். அவரிடம் நடிப்பை விட எழுத்தில் கவனம் செலுத்துமாறு நான் சொல்லிக் கொண்டே இருப்பேன். அதில்தான் அவரது உண்மையான திறமை இருக்கிறது. ஊரடங்கு அமல்படுத்தப்பட்ட ஆரம்ப நாட்களில் இந்தக் குறும்படம் குறித்து என்னிடம் ஆதவ் சொன்னார். ஆனால், அப்போது நான் சமையலில் பிஸியாக இருந்தேன்.

ஒருவழியாக இப்போதுதான் இதற்கான நேரம் வந்தது. இதற்கான முழுக் காரணமும் ஆதவ் மட்டுமே. இப்படத்தின் சிறப்பம்சமே இது முழுக்க முழுக்க ஐபோனில் எடுக்கப்பட்டது. இதைச் செய்ய வேண்டுமென்று நான் நீண்ட நாட்களாக விரும்பினேன். ஆனால், தரம் குறித்த வி‌ஷயங்களில் நாம் சமரசம் செய்யமுடியாது என்பதால் அது கைகூடவில்லை. ஆனால் இப்போது நமக்கு வேறு வழியில்லை. எனவே இதை ஐபோனில் படம்பிடிக்க முடிவு செய்தோம். ஆனால் எதிர்பார்த்ததை விட சிறப்பாக வந்திருக்கிறது. இப்போது நடந்துகொண்டிருக்கும் வி‌ஷயத்தைப் பொழுதுபோக்கு அம்சங்களுடன் சொல்ல முயற்சி செய்திருக்கிறோம். இவ்வாறு ஆண்ட்ரியா கூறியுள்ளார்.

நடிகைகள் பிரியங்கா சோப்ரா அமெரிக்காவை சேர்ந்த நிக் ஜோனசையும், ஸ்ரேயா ரஷ்யாவை சேர்ந்த ஆன்ட்ரே கோச்சேவையும் காதலித்து திருமணம் செய்து கொண்டனர்.

இந்த வரிசையில் இந்தி நடிகை இஷா குப்தா வெளிநாட்டு தொழில் அதிபரை திருமணம் செய்து கொள்ள தயாராகிறார். இஷா குப்தா தமிழில் பிரபு, கிஷோர் நடித்த ‘யார் இவன்’ படத்தில் நடித்து இருக்கிறார். அக்‌ஷய்குமாருடன் ‘ரஸ்டம்’ படத்தில் நடித்துள்ளார். ஹன்ஷகல்ஸ், பாட்ஷாவோ, கமாண்டோ 2, ராஸ் 3 உள்ளிட்ட பல இந்தி படங்களில் நடித்துள்ளார். சமீப காலமாக இன்ஸ்டாகிராம் பக்கத்தில் அடிக்கடி கவர்ச்சி புகைப்படங்களை வெளியிட்டு பரபரப்பு ஏற்படுத்தி வந்தார். இஷா குப்தா ஒருவருடன் ரகசிய காதலில் இருப்பதாக கிசுகிசுக்கள் வந்தன. ஆனால் அதுபற்றி கருத்து சொல்லாமல் இருந்தார்.
தற்போது முதல் தடவையாக காதலர் புகைப்படத்தை இன்ஸ்டாகிராமில் வெளியிட்டுள்ளார். காதலரின் பெயர் மானுவேல் காம்போஸ் குவல்லர். இவர் ஸ்பெயினை சேர்ந்த தொழில் அதிபர் ஆவார். இஷா குப்தா, மானுவேல் புகைப்படத்தின் கீழ் ‘ஐ லவ் யூ சோ மச்’ என்ற வார்த்தையை பதிவிட்டுள்ளார். இந்த புகைப்படம் வைரலாகிறது. ரசிகர்கள் பலர் வாழ்த்து தெரிவித்து வருகிறார்கள்.