என் மலர்
பைக்
பெனலி நிறுவனம் சத்தமின்றி புதிய 250சிசி மோட்டார்சைக்கிளை உருவாக்கும் பணிகளில் ஈடுபட்டு வருகிறது.
பெனலி நிறுவனத்தின் புதிய 250சிசி மோட்டார்சைக்கிள் விவரங்கள் இணையத்தில் லீக் ஆகி இருக்கிறது. அந்த வகையில் புது மாடல் பேர்டு ரக ஸ்போர்ட்ஸ்பைக் ஆகும். தோற்றத்தில் இந்த மாடல் டிவிஎஸ் அபாச்சி ஆர்ஆர்310 மற்றும் கேடிஎம் ஆர்சி390 போன்றே காட்சியளிக்கிறது.
முன்புறம் எட்ஜி டூயல் ஹெட்லேம்ப் செட்டப், ஆங்குலர் பேரிங், மஸ்குலர் பியூவல் டேன்க், டெயில் பகுதி மிக மெல்லியதாக இருக்கிறது. இத்துடன் க்ளிப்-ஆன் ஹேன்டில்பார், ஸ்ப்லிட் ரக சீட் உள்ளிட்டவை வழங்கப்பட்டு இருக்கிறது.
இந்த மாடல் 249சிசி என்ஜின் கொண்டிருக்கும் என கூறப்படுகிறது. இந்த என்ஜின் 27 பிஹெச்பி பவர் வழங்கும் என தெரிகிறது. எடையை பொருத்தவரை புது பெனலி மாடல் 159 கிலோ வரை இருக்கும் என தெரிகிறது. இந்த மாடல் இரண்டு வெர்ஷன்களில் கிடைக்கும் என கூறப்படுகிறது.
இதன் டாப் எண்ட் மாடலில் அலுமினியம் சிங்கில்-சைடு ஸ்விங்-ஆர்ம் வழங்கப்படும் என்றும் பேஸ் வேரியண்டில் ஸ்டீல் டபுல்-சைடு ஸ்விங்-ஆர்ம் வழங்கப்படலாம்.
ராயல் என்பீல்டு நிறுவனம் இந்தியா மற்றும் வெளிநாட்டு சந்தைகளில் விற்பனை செய்த சுமார் 2 லட்சம் யூனிட்களை ரீகால் செய்கிறது.
ராயல் என்பீல்டு நிறுவனம் 2.3 லட்சம் மோட்டார்சைக்கிள் யூனிட்களை ரீகால் செய்வதாக அறிவித்து இருக்கிறது. இந்தியா மற்றும் வெளிநாட்டு சந்தைகளில் விற்பனை செய்யப்பட்ட யூனிட்கள் இதில் அடங்கும். இக்னிஷன் காயிலில் கோளாறு கண்டறியப்பட்டதை தொடர்ந்து இவை ரீகால் செய்யப்படுகின்றன.
இந்த கோளாறு மோட்டார்சைக்கிள் திறனை குறைப்பதோடு, வேறு பிரச்சினைகளை ஏற்படுத்த வாய்ப்புகள் இருப்பதாக ராயல் என்பீல்டு தெரிவித்துள்ளது. கிளாசிக் 350, Meteor 350 மற்றும் புல்லட் மாடல்கள் என மொத்தத்தில் 2,36,966 யூனிட்கள் ரீகால் செய்யப்படுகின்றன.
இதில் Meteor 350 மாடல்கள் டிசம்பர் 2020 முதல் ஏப்ரல் 2021 வரையிலான காலக்கட்டத்தில் உற்பத்தி செய்யப்பட்டவை ஆகும். இதேபோன்று கிளாசிக் மற்றும் புல்லட் மாடல்கள் ஜனவரி 2021 முதல் ஏப்ரல் 2021 வரையிலான காலக்கட்டத்தில் விற்பனை செய்யப்பட்டவை ஆகும்.
பாதிக்கப்பட்ட யூனிட்களில் சுமார் 10 சதவீதத்திற்கு மட்டுமே இக்னிஷன் காயிலை மாற்ற வேண்டிய நலை ஏற்படும் என ராயல் என்பீல்டு தெரிவித்து இருக்கிறது. ரீகால் இந்தியா மட்டுமின்றி தாய்லாந்து, இந்தோனேசியா, பிலிப்பைன்ஸ், ஆஸ்திரேலியா, நியூசிலாந்து மற்றும் மலேசியா போன்ற சந்தைகளிலும் மேற்கொள்ளப்படுகிறது.
இந்திய சந்தையில் சமீபத்தில் அறிமுகம் செய்யப்பட்ட டுகாட்டி சூப்பர்பைக் விநியோக விவரங்களை தொடர்ந்து பார்ப்போம்.
டுகாட்டி ஸ்டிரீட்பைட்டர் வி4 மோட்டார்சைக்கிள் இந்திய விற்பனையகங்களை வந்தடைந்துள்ளது. இந்த சூப்பர்பைக் விநியோகமும் துவங்கிவிட்டது. புதிய ஸ்டிரீட்பைட்டர் வி4 மாடலின் முதல் யூனிட் பூனேவை சேர்ந்த வாடிக்கையாளருக்கு விநியோகம் செய்யப்பட்டது.
இந்திய சந்தையில் புதிய டுகாட்டி ஸ்டிரீட்பைட்டர் வி4 சூப்பர்பைக் மே 13 ஆம் தேதி அறிமுகம் செய்யப்பட்டது. இந்த சூப்பர்பைக் மாடல் துவக்க விலை ரூ. 19.99 லட்சம் ஆகும். இதன் டாப் எண்ட் மாடல் விலை ரூ. 22.99 லட்சம் ஆகும். மேலும் இதன் டார்க் ஸ்டெல்த் நிற வேரியண்ட் விலை ரூ. 23.19 லட்சம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.
இரு மாடல்களிலும் பேனிகேல் வி4 மாடலில் வழங்கப்பட்டு இருக்கும் டெஸ்மோசெடிசி ஸ்டிரேடேல் வி4 என்ஜின் வழங்கப்பட்டு இருக்கிறது. 1103சிசி, வி-4 சிலிண்டர், லிக்விட் கூல்டு என்ஜின் 205 பிஹெச்பி பவர், 123 என்எம் டார்க் செயல்திறன் வழங்குகிறது.
இத்துடன் 6 ஸ்பீடு கியர்பாக்ஸ், ஸ்லிப்பர் மற்றும் அசிஸ்ட் கிளட்ச், குவிக் ஷிப்டர் போன்ற வசதிகள் உள்ளன. இந்த மாடலில் எல்இடி ஹெட்லைட், டிஜிட்டல் இன்ஸ்ட்ரூமென்ட் கிளஸ்டர், ஏரோடைனமிக் விங்லெட்கள் வழங்கப்பட்டு இருக்கின்றன.
யமஹா நிறுவனத்தின் அதிகம் எதிர்பார்க்கப்படும் R7 மோட்டார்சைக்கிள் நாளை அறிமுகம் செய்யப்பட இருக்கிறது.
யமஹா நிறுவனத்தின் புதிய YZF-R7 மோட்டார்சைக்கிள் நாளை (மே 18) அறிமுகமாகிறது. இந்த நிலையில், புதிய YZF-R7 மாடலின் புகைப்படங்கள் இணையத்தில் லீக் ஆகியுள்ளது. இந்த புகைப்படங்கள் புது மோட்டார்சைக்கிள் டிசைன் மற்றும் இதர விவரங்களை அம்பலப்படுத்தி இருக்கிறது.
சில நாட்களுக்கு முன் யமஹா புதிய YZF சீரிஸ் மோட்டார்சைக்கிளுக்கான டீசரை வெளியிட்டது. பின் இந்த மாடலின் வெளியீட்டு தேதியை டீசர் வீடியோ வடிவில் தெரிவித்தது. இந்த நிலையில், தற்போது இதன் புகைப்படங்கள் இணையத்தில் லீக் ஆகி இருக்கிறது.
கடந்த ஆண்டு வரை யமஹா தனது YZF-R6 மோட்டார்சைக்கிளை உலகின் சில நாடுகளில் விற்பனை செய்து வந்தது. எனினும், புதிய யூரோ 5 புகை விதிகள் அமலுக்கு வந்த பின் இந்த மாடலின் விற்பனை நிறுத்தப்பட்டது. மேலும் இதன் உற்பத்தியும் நிறுத்தப்பட்டு மிக குறைந்த எண்ணிக்கையில் மட்டும் இந்த மாடல் உருவாக்கப்பட்டது. அவை பந்தய களத்தில் மட்டுமே பயன்படுத்தப்பட்டது.
முன்னதாக 1999 ஆண்டு யமஹா R7 மோட்டார்சைக்கிளை உற்பத்தி செய்தது. எனினும், அது லிமிடெட் எடிஷன் மாடல் ஆகும். இது மொத்தத்தில் 500 யூனிட்களே உற்பத்தி செய்யப்பட்டன. இந்த மோட்டார்சைக்கிள் சர்வதேச சூப்பர்பைக் சாம்பியன்ஷிப் தொடருக்காக உருவாக்கப்பட்டது. இதில் உள்ள 749சிசி, இன்-லைன், 4 சிலிண்டர் என்ஜின் 106 பிஹெச்பி பவர் வழங்கியது.
ஹோண்டா ஷைன் பிஎஸ்6 மோட்டார்சைக்கிள் டிரம் மற்றும் டிஸ்க் என இரண்டு வேரியண்ட்களில் விற்பனை செய்யப்படுகிறது.
ஹோண்டா 2 வீலர்ஸ் இந்தியா நிறுவனம் தேர்வு செய்யப்பட்ட மாடல்களுக்கு சிறப்பு கேஷ்பேக் சலுகையை வழங்குகிறது. முன்னதாக ஆக்டிவா 6ஜி, கிரேசியா 125 மற்றும் டியோ பிஎஸ்6 போன்ற மாடல்களுக்கு சிறப்பு சலுகைகள் வழங்கப்பட்டன. தற்போது இதேபேன்ற சலுகை ஷைன் பிஎஸ்6 மாடலுக்கும் அறிவித்து இருக்கிறது.
புது அறிவிப்பின் படி ஹோண்டா ஷைன் பிஎஸ்6 மாடலுக்கு 5 சதவீத கேஷ்பேக் வழங்கப்படுகிறது. அதன்படி வாடிக்கையாளர்கள் கார்டு ஒன்றிற்கு ரூ. 3500 வரை கேஷ்பேக் பெற முடியும். இந்த சலுகை தேர்வு செய்யப்பட்ட வங்கி கிரெடிட் கார்டுக்கு மட்டுமே வழங்கப்படுகிறது.
இது மாத தவணை பரிவர்த்தனைகளுக்கு மட்டுமே வழங்கப்படுகிறது. இந்த கேஷ்பேக் சலுகை மே 1 துவங்கி ஜூன் 30 ஆம் தேதி வரை வழங்கப்படுகிறது. கிரெடிட் கார்டு பயன்படுத்துவோர் குறைந்த பட்சம் ரூ. 40 ஆயிரத்திற்கான பரிவர்த்தனையின் போது கேஷ்பேக் பெறலாம்.
டுகாட்டி நிறுவனத்தின் அதிகம் எதிர்பார்க்கப்பட்ட சூப்பர்பைக் மாடல் இந்தியாவில் விற்பனைக்கு வந்தது.
டுகாட்டி இந்தியா நிறுவனம் 2021 ஸ்டிரீட்பைட்டர் வி4 மோட்டார்சைக்கிளை இந்தியாவில் அறிமுகம் செய்தது. புதிய பிளாக்ஷிப் நேக்கட் ரோட்ஸ்டர் மாடல் இரண்டு வேரியண்ட்களில் கிடைக்கிறது. இதன் ஸ்டான்டர்டு மாடல் விலை ரூ. 19.99 லட்சம் என்றும் ஸ்டிரீட்பைட்டர் வி4 எஸ் வேரியண்ட் விலை ரூ. 22.99 லட்சம் ஆகும்.
இரு மாடல்களிலும் பேனிகேல் வி4 மாடலில் வழங்கப்பட்டு இருக்கும் டெஸ்மோசெடிசி ஸ்டிரேடேல் வி4 என்ஜின் வழங்கப்பட்டு இருக்கிறது. 1103சிசி, வி-4 சிலிண்டர், லிக்விட் கூல்டு என்ஜின் 205 பிஹெச்பி பவர், 123 என்எம் டார்க் செயல்திறன் வழங்குகிறது.
இத்துடன் 6 ஸ்பீடு கியர்பாக்ஸ், ஸ்லிப்பர் மற்றும் அசிஸ்ட் கிளட்ச், குவிக் ஷிப்டர் போன்ற வசதிகள் உள்ளன. இந்த மாடலில் எல்இடி ஹெட்லைட், டிஜிட்டல் இன்ஸ்ட்ரூமென்ட் கிளஸ்டர், ஏரோடைனமிக் விங்லெட்கள் வழங்கப்பட்டு இருக்கின்றன. இந்த மோட்டார்சைக்கிள் டார்க் ஸ்டெல்த் மற்றும் டுகாட்டி ரெட் என இரண்டு நிறங்களில் கிடைக்கிறது. டார்க் ஸ்டெல்த் நிறம் கொண்ட மாடலின் விலை ரூ. 23.19 லட்சம் ஆகும்.
கவாசகி நிறுவனத்தின் 2021 நின்ஜா 300 மோட்டார்சைக்கிள் ரூ. 3.18 லட்சம் விலையில் விற்பனை செய்யப்படுகிறது.
இந்தியா கவாசகி மோட்டார்ஸ் நிறுவனம் 2021 கவாசகி நின்ஜா 300 மோட்டார்சைக்கிள் விநியோகம் துவங்கப்படுவதாக அறிவித்து இருக்கிறது. இந்தியாவில் 2021 கவாசகி நின்ஜா 300 மோட்டார்சைக்கிள் மார்ச் மாத வாக்கில் இந்திய சந்தையில் அறிமுகம் செய்யப்பட்டது. இதன் விலை ரூ. 3.18 லட்சம், எக்ஸ்-ஷோரூம் ஆகும்.
புதிய நின்ஜா 300 மோட்டார்சைக்கிள் டிசைன் மற்றும் பவர்டிரெயின் அம்சங்களில் மாற்றம் செய்யப்படாமல், புதிய பிஎஸ்6 ரக என்ஜின் வழங்கப்பட்டு இருக்கிறது. புதிய நின்ஜா 300 பிஎஸ்6 மாடலில் 296 சிசி, பேரலெல் ட்வின், லிக்விட் கூல்டு, 8 வால்வுகள் கொண்ட என்ஜின் வழங்கப்பட்டுள்ளது.
இந்த என்ஜின் 38.4 பிஹெச்பி பவர், 26.1 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ், ஸ்லிப் அசிஸ்ட் கிளட்ச் வழங்கப்படுகிறது. இந்த மாடல் டைமண்ட் டைப் ஸ்டீல் பிரேம், முன்புறம் டெலிஸ்கோபிக் போர்க், பின்புறம் 5 ஸ்டெப் அட்ஜஸ்ட் செய்யக்கூடிய மோனோஷாக் சஸ்பென்ஷன் வழங்கப்படுகிறது.
சிஎப் மோட்டோ நிறுவனம் 650NK பிஎஸ்6 மோட்டார்சைக்கிளை விரைவில் இந்திய சந்தையில் அறிமுகம் செய்ய இருக்கிறது.
சிஎப் மோட்டோ நிறுவனம் தனது பிஎஸ்6 ரக 650NK மோட்டார்சைக்கிள் மாடலுக்கான முன்பதிவை துவங்கி இருக்கிறது. புது மாடலுக்கான முன்பதிவு விவரம் அந்நிறுவனத்தின் சமூக வலைதளங்களில் இடம்பெற்று இருக்கிறது. புது 650சிசி மாடல்களின் இந்திய வெளியீட்டு தேதி இதுவரை அறிவிக்கப்படவில்லை.
சிஎப் மோட்டோ 650NK மாடலுக்கான முன்பதிவு ஆன்லைனில் நடைபெறுகிறது. முன்பதிவு கட்டணம் ரூ. 5 ஆயிரம் ஆகும். சிஎப் மோட்டோ வலைதளத்தில் பிஎஸ்4 மாடலுக்கான விலை பதிவிடப்பட்டு இருக்கிறது. புதிய பிஎஸ்6 மாடலுக்கான விலை முந்தைய மாடலை விட சற்று அதிகமாகவே இருக்கும் என கூறப்படுகிறது.
புதிய சிஎப் மோட்டோ 650NK மாடலில் மேம்பட்ட பியூவல் டேன்க் மற்றும் முன்புற பென்டர் வழங்கப்படுகிறது. இத்துடன் டூயல் டோன் ஹெட்லைட் மாஸ்க் மற்றும் ஸ்ப்லிட்-ஸ்டைல் சீட்கள் வழங்கப்படுகின்றன. இவை தவிர மற்ற அம்சங்கள் பிஎஸ்4 மாடலில் உள்ளசை போன்றே வழங்கப்படுகிறது.
அதன்படி பிஎஸ்6 ரக 650NK மாடலில் முன்புறம் டெலிஸ்கோபிக் போர்க், பின்புறம் மோனோ ஷாக் யூனிட், முன்புறம் இரட்டை ரோட்டார்கள், பின்புறம் ஒற்றை டிஸ்க் பிரேக் மற்றும் டூயல் சேனல் ஏபிஎஸ் வழங்கப்படுகிறது. இந்த மாடலிலும் 649சிசி, லிக்விட் கூல்டு, பேரலெல் ட்வின் என்ஜின் வழங்கப்படுகிறது.
யமஹா நிறுவனம் நியோ-ரெட்ரோ பிரிவில் புது மோட்டார்சைக்கிளை அறிமுகம் செய்வதற்கான பணிகளில் ஈடுபட்டு வருகிறது.
யமஹா நிறுவனம் சிறிய ரக XSR மோட்டார்சைக்கிளை உருவாக்கும் பணிகளில் ஈடுபட்டு வருகிறது. இந்த மாடல் முதற்கட்டமாக ஐரோப்பிய சந்தையில் அறிமுகம் செய்யப்பட இருக்கிறது. இது நியோ-ரெட்ரோ ஸ்டைலிங் சார்ந்த மாடல் ஆகும்.
தற்போது யமஹா நிறுவனம் MT-125 நேக்கட் மற்றும் R125 ஸ்போர்ட் பைக் மாடல்களை சில ஐரோப்பிய நாடுகளில் விற்பனை செய்து வருகிறது. எனினும், ஐரோப்பிய சந்தையில் ஹோண்டா CB125R மாடல் விற்பனையில் ஆதிக்கம் செலுத்தி வருகிறது. புதிய XSR125 படங்களை யமஹா இதுவரை அதிகாரப்பூர்வமாக வெளியிடவில்லை.
எனினும், இதுவரை வெளியாகி இருக்கும் தகவல்களின்படி புதிய யமஹா XSR125 தோற்றத்தில் XSR155 போன்றே காட்சியளிக்கும் என கூறப்படுகிறது. இந்த மாடலில் 125சிசி, லிக்விட் கூல்டு என்ஜின் வழங்கப்படுகிறது. இது 15 பிஹெச்பி பவர், 11.5 என்எம் டார்க் செயல்திறன் வழங்குகிறது.
யமஹா XSR125 மாடல் 17 இன்ச் அலாய் வீல்கள், முன்புறம் 292 எம்எம் டிஸ்க், பின்புறம் 220 எம்எம் டிஸ்க், டூயல் சேனல் ஏபிஎஸ் போன்ற அம்சங்கள் வழங்கப்படுகிறது. புதிய யமஹா XSR125 இந்திய வெளியீடு பற்றி இதுவரை எந்த தகவலும் இல்லை.
ஹோண்டா நிறுவனம் தனது ஹைனெஸ் சிபி350 மோட்டார்சைக்கிள் விலையை இந்தியாவில் உயர்த்தி இருக்கிறது.
ஹோண்டா பிங் விங் இந்தியா நிறுவனம் ஹைனெஸ் சிபி350 மாடல் விலையை உயர்த்தி இருக்கிறது. இந்த ஆண்டு துவக்கம் முதல் இந்த மாடலின் விலை இரண்டாவது முறையாக உயர்த்தப்பட்டு இருக்கிறது. அறிமுகம் செய்யப்பட்ட போது ஹோண்டா ஹைனெஸ் சிபி350 விலை ரூ. 1.85 லட்சம் என நிர்ணயம் செய்யப்பட்டு இருந்தது.
இந்திய சந்தையில் ஹோண்டா ஹைனெஸ் சிபி350 மாடல் DLX மற்றும் DLX ப்ரோ என இரண்டு வேரியண்ட்களில் கிடைக்கிறது. புதிய விலை உயர்வில் ஹைனெஸ் சிபி350 ரூ. 4 ஆயிரம் அதிகமாகி இருக்கிறது. விலை உயர்வின் படி ஹோண்டா ஹைனெஸ் சிபி350 துவக்க விலை ரூ. 1.90 லட்சம் என மாறி இருக்கிறது. இதன் டாப் எண்ட் மாடல் விலை ரூ. 1.96 லட்சம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.
ஹோண்டா ஹைனெஸ் சிபி350 மாடலில் 348சிசி, சிங்கிள் சிலிண்டர், ஏர் கூல்டு என்ஜின் வழங்கப்பட்டு உள்ளது. இத்துடன் 5 ஸ்பீடு கியர்பாக்ஸ் ஸ்லிப்பர் கிளட்ச் வழங்கப்பட்டு இருக்கிறது. இந்த என்ஜின் 20.78 பிஹெச்பி பவர், 30 என்எம் டார்க் செயல்திறன் வழங்குகிறது.
ஹோண்டா நிறுவனம் தனது டியோ 110சிசி ஸ்கூட்டர் வாங்குவோருக்கு கேஷ்பேக் வழங்குவதாக அறிவித்து இருக்கிறது.
ஹோண்டா 2 வீலர்ஸ் இந்தியா நிறுவனம் தனது டியோ 110சிசி ஸ்கூட்டருக்கு சிறப்பு தள்ளுபடி சலுகையை அறிவித்து இருக்கிறது. சிறப்பு சலுகையின்படி டியோ ஸ்கூட்டரை வாங்குவோருக்கு ரூ.3500 வரை கேஷ்பேக் வழங்கப்படுகிறது. இந்த சலுகை தேர்வு செய்யப்பட்ட வங்கி கார்டுகளை பயன்படுத்துவோருக்கு மட்டுமே வழங்கப்படுகிறது.
இந்த சலுகை மாத தவணை முறை சலுகையை தேர்வு செய்யும் வாடிக்கையாளர்களுக்கு மே 1 துவங்கி ஜூன் 30 வரை வழங்கப்படுகிறது. இந்தியாவில் ஹோண்டா டியோ ஸ்கூட்டர் ஸ்டான்டர்டு மற்றும் டீலக்ஸ் என இரண்டு வேரியண்ட்களில் கிடைக்கிறது.
ஹோண்டா டியோ ஸ்டான்டர்டு மாடல் விலை ரூ. 63,273 என்றும் டீலக்ஸ் மாடல் விலை ரூ. 66,671 என்றும் நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.
டியோ ஸ்டான்டர்டு மாடல் மூன்று வித நிறங்களில் கிடைக்கிறது. இத்துடன் ஹாலோஜன் ஹெட்லைட், அனலாக் இன்ஸ்ட்ரூமென்ட் கிளஸ்டர், பிளாக் நிற வீல்கள் உள்ளது. டீலக்ஸ் மாடலில் எல்இடி ஹெட்லைட், புல்லி டிஜிட்டல் இன்ஸ்ட்ரூமென்ட் கிளஸ்டர், இன்டெலிஜண்ட் டிஸ்ப்ளே, தங்க நிற அலாய் வீல்கள் உள்ளன.
இரு மாடல்களிலும் 109.51சிசி, சிங்கில் சிலிண்டர், பேண் கூல்டு என்ஜின் வழங்கப்பட்டு இருக்கிறது. இந்த என்ஜின் 7.65 பிஹெச்பி பவர், 9 என்எம் டார்க் செயல்திறன் வழங்குகிறது.
ஹஸ்க்வர்னா நிறுவனமும் எலெக்ட்ரிக் வாகனங்கள் பிரிவில் கவனம் செலுத்த திட்டமிட்டுள்ளதாக தகவல் வெளியாகி உள்ளது.
ஹஸ்க்வர்னா நிறுவனம் தனது வாகனங்களை படிப்படியாக எலெக்ட்ரிக் மயமாக்க திட்டமிட்டுள்ளது. சமீபத்தில் இந்த நிறுவனம் இ பைலன் கான்செப்ட் மாடலை அறிமுகம் செய்தது. இதுதவிர இ ஸ்கூட்டர் மாடல் புகைப்படத்தை கடந்த ஆண்டு வெளியிட்டு இருந்தது.
அந்த வரிசையில் புது எலெக்ட்ரிக் மாடல்கள் 2022 முதல் விற்பனைக்கு அறிமுகம் செய்யப்படும் என பிரெர் மொபிலிட்டி ஏஜி நிறுவனம் தெரிவித்து இருக்கிறது. முதற்கட்டமாக கான்செப்ட் மாடல் மற்றும் இ ஸ்கூட்டர் விற்பனைக்கு வர இருக்கிறது.
தற்போது இரு மாடல்களும் உற்பத்தி செய்யப்பட்டு வருகிறது. இ ஸ்கூட்டர் 4kW மோட்டார் கொண்டிருக்கும். எலெக்ட்ரிக் மோட்டார்சைக்கிள் 4kW மற்றும் 10kW மோட்டார் கொண்டிருக்கும். இரு எலெக்ட்ரிக் மாடல்களும் பஜாஜ் நிறுவனத்தின் சக்கன் ஆலையில் உற்பத்தி செய்யப்பட இருக்கிறது.
×