பைக்

டிரையம்ப் மோட்டார்சைக்கிள்ஸ் நிறுவனம் தனது இந்திய வலைதளத்தில் ஸ்பீடு ட்வின் மோட்டார்சைக்கிள் விவரங்களை பதிவேற்றம் செய்து இரருக்கிறது. விலை தவிர மோட்டார்சைக்கிளின் அனைத்து விவரங்களும் வலைதளத்தில் இடம்பெற்று இருக்கிறது.

அதன்படி புதிய டிரையம்ப் ஸ்பீடு ட்வின் இந்தியாவில் ஒற்றை வேரியண்டில், மூன்றுவித நிறங்களில் விற்பனை செய்யப்பட இருக்கிறது. இந்த மாடல் ஜெட் பிளாக், ரெட் ஹாப்பர் மற்றும் மேட் ஸ்டாம் கிரே நிறங்களில் கிடைக்கிறது. ரெட் ஹாப்பர் மற்றும் மேட் ஸ்டாம் கிரே நிறங்களை விட ஜெட் பிளாக் மாடல் விலை குறைவாக இருக்கும் என தெரிகிறது.

டிரையம்ப் ஸ்பீடு ட்வின் மாடலில் 1200சிசி, பேரலெல் ட்வின், லிக்விட் கூல்டு மோட்டார் வழங்கப்படுகிறது. இது 98.6 பிஹெச்பி பவர், 112 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. இந்த மோட்டார்சைக்கிள் லிட்டருக்கு 19.60 கிலோமீட்டர் மைலேஜ் வழங்கும்.

டுகாட்டி நிறுவனம் இந்திய சந்தையில் புது மோட்டார்சைக்கிள் மாடல்களை அறிமும் செய்ய திட்டமிட்டு உள்ளது. புது மாடல்களில் மல்டிஸ்டிராடா வி4 மாடலும் ஒன்று. இந்த நிலையில், தற்போது வெளியாகி இருக்கும் தகவல்களில் மல்டிஸ்டிராடா வி4 ஜூன் மாத இறுதியில் அறிமுகமாகும் என கூறப்படுகிறது.

மல்டிஸ்டிராடா வி4 மட்டுமின்றி டுகாட்டி நிறுவனம் டையவெல் 1260 மற்றும் பேனிகேல் வி4 மாடல்களையும் இம்மாதமே அறிமுகம் செய்ய திட்டமிட்டுள்ளதாக தெரிகிறது. மல்டிஸ்டிராடா வி4 மாடல் - ஸ்டான்டர்டு, வி4எஸ் மற்றும் வி4 எஸ் ஸ்போர்ட் என மூன்று வேரியண்ட்களில் கிடைக்கிறது.

பேனிகேல் வி4 மாடலில் வழங்கப்பட்ட என்ஜின் புது மல்டிஸ்டிராடா வி4 மாடலிலும் வழங்கப்படுகிறது. எனினும், இந்த என்ஜின் அட்வென்ச்சர் மோட்டார்சைக்கிளுக்கு ஏற்ற டியூனிங் செய்யப்பட்டு இருக்கும் என கூறப்படுகிறது. மல்டிஸ்டிராடா வி4 மாடலில் 1158சிசி வி4 கிரான்டூரிஸ்மோ என்ஜின் வழங்கப்படுகிறது.

இந்த என்ஜின் 170 பிஹெச்பி பவர், 125 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ், ஸ்லிப் அசிஸ்ட் கிளட்ச், டுகாட்டி ஷிப்ட் பை-டைரெக்ஷன் குவிக் ஷிப்டர் வழங்கப்பட்டு உள்ளது.

யமஹா மோட்டார் இந்தியா நிறுவனம் தனது FZ25 மற்றும் FZS25 மோட்டார்சைக்கிள்கள் விலையை திடீரென குறைக்கப்பட்டு இருக்கிறது. புது விலை குறைப்பை தொடர்ந்து இரு மாடல்கள் விலை முறையே ரூ. 1,34,800 மற்றும் ரூ. 1,53,600 என மாறி இருக்கிறது. இவை முந்தைய விலையை விட ரூ. 18,800 மற்றும் ரூ. 19,300 வரை குறைவு ஆகும். 

FZ25 சீரிஸ் உற்பத்தி செலவீனங்களை ஓரளவு குறைத்து இருப்பதாக யமஹா வெளியிட்டு இருக்கும் செய்தி குறிப்பில் தெரிவிக்கப்பட்டு இருக்கிறது. செலவீனங்கள் குறைக்கப்பட்டதால், விலை குறைப்பு அறிவிக்கப்படுவதாக யமஹா தெரிவித்துள்ளது. 

யமஹா FZ25 சீரிஸ் மாடல்களில் 249சிசி, சிங்கில் சிலிண்டர் என்ஜின் வழங்கப்படுகிறது. இது 20.5 பிஹெச்பி  பவர், 20.1 என்எம் டார்க் செயல்திறன் வழங்குகிறது. இத்துடன் 5 ஸ்பீடு கியர்பாக்ஸ் வழங்கப்படுகிறது. 

ஜாவா மோட்டார்சைக்கிள்ஸ் தாய் நிறுவனமான கிளாசிக் லெஜண்ட்ஸ் இந்தியாவில் தனது பணிகளை முடுக்கிவிட திட்டமிட்டுள்ளது. முதற்கட்டமாக ஊரடங்கு தளர்வுகள் அறிவிக்கப்படும் மாநிலங்களில் இவற்றை துரிதப்படுத்த அந்நிறுவனம் முடிவு செய்துள்ளது.

கடுமையான நெருக்கடி காலக்கட்டத்திலும் கிளாசிக் லெஜண்ட்ஸ் தொடர்ந்து பணிகளை மேற்கொண்டு வந்தது. சிறப்பான பணியாட்கள் மூலம்தான் இது சாத்தியமானது. ஏற்கனவே வாகனத்தை முன்பதிவு செய்த வாடிக்கையாளர்களுக்கு டெலிவரியை சரியாக மேற்கொள்ள இது அடித்தளமாக அமைந்துள்ளது என கிளாசிக் லெஜண்ட்ஸ் தெரிவித்துள்ளது.

ஊரடங்கில் தளர்வுகள் பெறும் மாநிலங்களில் உள்ள வாடிக்கையாளர்களுக்கு ஜாவா மோட்டார்சைக்கிள் விநியோகம் துரிதப்படுத்தப்படும் என தெரிவிக்கப்பட்டு இருக்கிறது. பிப்ரவரி 2021 வாக்கில் ஜாவா பார்டி டு ஸ்போர்ட்ஸ் ஸ்டிரைப் மாடல் புது கிராபிக்ஸ், சிறு காஸ்மெடிக் மாற்றங்கள், அலாய் வீல், டியூப்லெஸ் டையர்களுடன் அறிமுகம் செய்யப்பட்டது. 

வாகனங்களில் மாற்றம் செய்ததால், வாகன விற்பனை கணிசமாக அதிகரித்து இருக்கிறது. பார்டி டூ மாடலுக்கான முன்பதிவு மற்றும் காத்திருப்பு காலம் அதிகரித்து இருக்கிறது. விரைவில் இந்த மாடலுக்கான விநியோகம் துவங்கப்படும் என எதிர்பார்க்கப்படுகிறது. 

தற்போது நாடு முழுக்க சுமார் 175 ஜாவா விற்பனை மையங்கள் சுமார் 150-க்கும் அதிக நகரங்களில் செயல்பட்டு வருகிறது. இந்த ஆண்டு ஆகஸ்ட் மாதத்தில் இந்த எண்ணிக்கை 275 ஆகவும், அடுத்த 12 மாதங்களில் இது 500 ஆகவும் அதிகரிக்கப்படும் என தெரிவிக்கப்பட்டு இருக்கிறது.

யமஹா நிறுவனம் தனது E01 எலெக்ட்ரிக் ஸ்கூட்டரின் ப்ரோடக்ஷன் மாடலை வெளியிடும் பணிகளில் ஈடுபட்டு வருவதாக தகவல் வெளியாகி உள்ளது. முன்னதாக இந்த ஸ்கூட்டரின் கான்செப்ட் மாடல் 2019 வாக்கில் சர்வதேச சந்தையில் அறிமுகம் செய்யப்பட்டது. 

இந்த ஸ்கூட்டருக்கான E01 பெயரை யமஹா ஏற்கனவே பதிவு செய்துவிட்டது. அந்த வகையில், இதன் ப்ரோடக்ஷன் மாடலும் E01 என்றே அழைக்கப்படலாம். ப்ரோடக்ஷன் மாடல் முன்னதாக அறிமுகம் செய்யப்பட்ட கான்செப்ட் வடிவம் கொண்டிருக்கும் என கூறப்படுகிறது. எனினும், ஸ்டைலிங்கில் சில மாற்றங்கள் செய்யப்பட்டு இருக்கலாம்.

ப்ரோடக்ஷன் மாடலின் டெயில் பகுதியில் மாற்றம் செய்யப்பட்டு இருக்கிறது. இதன் கிராப் ரெயில்கள் இண்டகிரேட் செய்யப்பட்டு, சீட் அளவில் சிறியதாகவும் வித்தியாசமாகவும் உள்ளது. எலெக்ட்ரிக் மோட்டார் சற்றே உயரமாகவும், முன்புற ஸ்பிராகெட்டுக்கு பின் பொருத்தப்படுகிறது.

ஹோண்டா நிறுவனத்தின் CB சீரிசில் பல்வேறு மாடல்கள் பிஎஸ்6 அப்டேட் செய்யப்பட்டன. முன்னதாக ஹைனெஸ் CB300 மற்றும் CB300RS மாடல்களை ஹோண்டா இந்திய சந்தையில் அறிமுகம் செய்தது. இரு மாடல்களும் ஹோண்டா CB300R மாடலுக்கு மாற்றாக என்ட்ரி லெவல் பிரீமியம் பிரிவில் அறிமுகம் செய்யப்பட்டன.

ஹோண்டாவின் CB300R பிஎஸ்6 மாடல் வெளியீடு பற்றி எந்த தகவலும் வெளியாகாமல் இருந்தது. இந்த நிலையில் தற்போது வெளியாகி இருக்கும் தகவல்களில் ஹோண்டா விரைவில் CB300R பிஎஸ்6 மாடலை இந்திய சந்தையில் அறிமுகம் செய்ய இருப்பதாக கூறப்படுகிறது.

புதிய CB300R மாடல் ஹோண்டாவின் பிரீமியம் பிங்விங் விற்பனையகங்கள் மூலம் விற்பனை செய்யப்படும் என கூறப்படுகிறது. புது மாடலில் CB300R பிஎஸ்4 வேரியண்டில் வழங்கப்பட்ட என்ஜினின் பிஎஸ்6 வெர்ஷன் வழங்கப்படும் என கூறப்படுகிறது.

பிஎஸ்4 மாடலில் லிக்விட் கூல்டு, சிங்கில் சிலிண்டர் 286சிசி என்ஜின் வழங்கப்பட்டு இருக்கிறது. இந்த என்ஜின் 31.4 பிஹெச்பி பவர், 27 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. 

இத்தாலி நாட்டு சூப்பர்பைக் உற்பத்தியாளரான டுகாட்டி இந்தியாவில், மல்டிஸ்டிராடா 950 S GP வைட் மோட்டார்சைக்கிளை அறிமுகம் செய்தது. கடந்த ஆண்டு அறிமுகம் செய்யப்பட்ட போதே, இந்த மாடலின் வைட் நிறம் வெளியாகும் என டுகாட்டி அறிவித்து இருந்தது.

இந்தியாவில் டுகாட்டி மல்டிஸ்டிராடா 950 S GP வைட் மாடல் விலை ரூ. 15.69 லட்சம், எக்ஸ்-ஷோரூம் என நிர்ணயம் செய்யப்பட்டுள்ளது. புதிய மோட்டார்சைக்கிளுக்கான முன்பதிவு நாட்டில் உள்ள அனைத்து டுகாட்டி விற்பனையகங்களிலும் நடைபெறுகிறது. புது நிற வேரியண்ட் விலை ஸ்டான்டர்டு மாடலை விட ரூ. 20 ஆயிரம் அதிகம் ஆகும்.

புதிய நிறம் தவிர இந்த மாடலில் வேறு எந்த மாற்றமும் மேற்கொள்ளப்படவில்லை. அம்சங்கள் அடிப்படையில் மல்டிஸ்டிராடா 950S மற்றும் 950 S GP வைட் மாடல்களில் எந்த வித்தியாசமும் இல்லை. டுகாட்டி மல்டிஸ்டிராடா 950 S GP மாடலில் 937சிசி, ட்வின் சிலிண்டர் டெஸ்டாஸ்டிரெட்டா என்ஜின் வழங்கப்பட்டு இருக்கிறது.

இந்த என்ஜின் 111 பிஹெச்பி பவர், 96 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ், ஸ்லிப் அசிஸ்ட் கிளட்ச் மற்றும் டுகாட்டி குவிக் ஷிப்ட் பை-டைரெக்ஷனல் குவிக் ஷிப்டர் வழங்கப்பட்டு உள்ளது.

கேடிஎம் நிறுவனத்தின் அடுத்த தலைமுறை 2021 ஆர்சி 390 மோட்டார்சைக்கிள் விரைவில் வெளியாக இருக்கிறது. இந்த நிலையில், தேர்வு செய்யப்பட்ட கேடிஎம் விற்பனையாளர்கள் புதிய ஆர்சி 390 மாடலுக்கான முன்பதிவை துவங்கி இருப்பதாக தகவல் வெளியாகி உள்ளது.

ஒவ்வொரு விற்பனையாளருக்கும் ஏற்ப, முன்பதிவு கட்டணம் அதிகபட்சமாக ரூ. 10 ஆயிரம் வரை வசூலிக்கப்படுவதாக கூறப்படுகிறது. தற்போதைய தகவல்களின்படி 2021 கேடிஎம் ஆர்சி 390 மாடல் அடுத்த ஒரு மாதத்திற்குள் அறிமுகம் செய்யப்படலாம் என கூறப்படுகிறது.

புதிய கேடிஎம் ஆர்சி 390 விலை முந்தைய மாடலை விட ரூ. 15 ஆயிரம் முதல் ரூ. 20 ஆயிரம் வரை அதிகரிக்கப்படும் என எதிர்பார்க்கப்படுகிறது. தற்போதைய கேடிஎம் ஆர்சி 390 விலை ரூ. 2.66 லட்சம், எக்ஸ்-ஷோரூம் ஆகும். புதிய ஆர்சி 390 பல்வேறு மாற்றங்களுடன் வெளியாகும் என தெரிகிறது.

இந்த மாடலில் 373சிசி, லிக்விட் கூல்டு என்ஜின் வழங்கப்படும் என தெரிகிறது. புது மாடல் டிஎப்டி டிஸ்ப்ளே, குவிக் ஷிப்டர் போன்ற அம்சங்களை கொண்டிருக்கும் என எதிர்பார்க்கப்படுகிறது.

ஹோண்டா நிறுவனம் வெளிநாட்டு சந்தைகளில் விற்பனை செய்யும் பிரீமியம் இருசக்கர வாகனங்களான போர்சா 750, எக்ஸ்-ஏடிவி போன்ற மாடல்களில் ரோட்சின்க் எனும் பெயரில் கனெக்டிவிட்டி அம்சம் வழங்கப்படுகிறது. தற்போது ஹோண்டா விண்ணப்பித்து இருக்கும் டிரேட்மார்க் விவரங்களின் படி இதே அம்சம் இந்திய மாடல்களிலும் வழங்கப்படலாம் என தெரிகிறது.

ஹோண்டா ஆக்டிவா 125, கிரேசியா மற்றும் ஹார்னெட் 2.0 போன்ற மாடல்களில் இந்த வசதி வழங்கப்படலாம் என கூறப்படுகிறது. இந்த மாடல்கள் அனைத்திலும் டிஜிட்டல் இன்ஸ்ட்ரூமென்ட் கிளஸ்டர் வழங்கப்பட்டு இருக்கிறது. ஹோண்டா நிறுவனம் இந்தியாவில் மார்ச் மாத வாக்கில் ரோட்சின்க் பெயரில் டிரேட்மார்க் பெற விண்ணப்பித்து இருக்கிறது.

இந்த டிரேட்மார்க் விண்ணப்பத்திற்கு ஒப்புதல் அளிக்கப்பட்டுவிட்டது. அந்த வகையில், இந்த தொழில்நுட்பத்தை தனது வாகனங்களில் பொருத்தும் பணிகளில் ஹோண்டா ஈடுபட்டு வருவதாக கூறப்படுகிது. சமீப ஆண்டுகளில் ப்ளூடூத் கனெக்டிவிட்டி சாதாரண ஒன்றாகிவிட்ட நிலையில், ஹோண்டா இதனை வழங்க முடிவு செய்திருக்கலாம்.

இந்தியாவில் டிவிஎஸ் என்டார்க் 125 மற்றும் சுசுகி அக்சஸ் 125 போன்ற மாடல்களில் ஏற்கனவே இந்த தொழில்நுட்பம் வழங்கப்பட்டு இருக்கிறது. அந்த வகையில் ஹோண்டா இதனை வழங்கும் பட்சத்தில் சந்தையில் போட்டியை கடுமையாக்கலாம்.

டிரையம்ப் மோட்டார்சைக்கிள்ஸ் இந்தியா நிறுவனம் ஸ்கிராம்ப்ளர் 1200 ஸ்டீவ் மெக்-குயின் லிமிடெட் எடிஷன் மாடலை இந்தியாவில் அறிமுகம் செய்தது. கடந்த ஒரு ஆண்டாக விற்பனை நிறுத்தப்பட்ட நிலையில், தற்போது இந்த மாடல் மீண்டும் விற்பனைக்கு வந்துள்ளது.

புதிய லிமிடெட் எடிஷன் மாடல் டிரையம்ப் TR6 மோட்டார்சைக்கிளின் மதிப்பை வெளிப்படுத்தும் வகையில் உருவாக்கப்பட்டு இருக்கிறது. டிரையம்ப் TR6 மாடலை மெக்-குயின் தி கிரேட் எஸ்கேப் எனும் திரைப்படத்தில் பயன்படுத்தினார். இவர் மோட்டார்சைக்கிள் சாகசம் செய்து புகழ் பெற்றவர். 

ஸ்கிராம்ப்ளர் 1200 ஸ்டீவ் மெக்-குயின் எடிஷனில் புதிய நிறம், பல்வேறு கஸ்டம் அக்சஸரீக்கள் பொருத்தப்பட்டு இருக்கின்றன. இதன் பியூவல் டேன்க் மீது ஸ்டீவ் மெக்-குயின் கிராபிக் இடம்பெற்று இருக்கிறது. இத்துடன் என்ஜின் ப்ரொடெக்ஷன் டிரெசர் பார்கள் உள்ளன.

2021 ஸ்கிராம்ப்ளர் 1200 மாடலில் 1200சிசி பேரலெல் ட்வின் என்ஜின் வழங்கப்படுகிறது. இந்த என்ஜின் 88 பிஹெச்பி பவர், 110 என்எம் டார்க் செயல்திறன் கொண்டிருக்கிறது. இத்துடன் 6 ஸ்பீடு கியர்பாக்ஸ், ஸ்லிப்பர் அசிஸ்ட் கிளட்ச் வழங்கப்படுகிறது. இந்தியாவில் இதன் துவக்க விலை ரூ. 13.75 லட்சம், எக்ஸ்-ஷோரூம் ஆகும்.

கவாசகி நிறுவனம் நின்ஜா ZX 4R பெயரில் புதிய 400சிசி மோட்டார்சைக்கிளை உருவாக்கி வருவதாக தகவல் வெளியாகி உள்ளது. புதிய 4 சிலிண்டர் ஸ்போர்ட்பைக் கவாசகி நின்ஜா ZX 25R மாடலை சார்ந்து உருவாக்கப்படுவதாக கூறப்படுகிறது. 

ZX 25R மாடல் கடந்த ஆண்டு நியூசிலாந்தில் அறிமுகம் செய்யப்பட்டது. இந்த மோட்டார்சைக்கிள் ஜப்பான் மற்றும் இந்தோனேசியா போன்ற சந்தைகளுக்காக உருவாக்கப்பட்டு இருக்கிறது. ஐரோப்பிய சந்தைக்கென கவாசகி சற்றே பெரிய 400சிசி மாடலை உருவாக்கி வருவதாக கூறப்படுகிறது.

இதே தகவலை மேலும் உறுதிப்படுத்தும் வகையில் கவாசகி விண்ணப்பித்து இருக்கும் காப்புரிமமை விவரங்கள் அமைந்துள்ளன. காப்புரிமை வரைபடங்களின்படி இந்த மாடல் தோற்றத்தில் ZX 25R போன்றே காட்சியளிக்கிறது. 

இத்தாலை நாட்டை சேர்ந்த சூப்பர்பைக் உற்பத்தியாளரான டுகாட்டி, 2022 ஹைப்பர்மோட்டர்ட் 950 மாடலை சர்வதேச சந்தையில் அறிமுகம் செய்து இருக்கிறது. புதிய ஹைப்பர்மோட்டர்ட் 950 புது டிசைன் மற்றும் மேம்பட்ட என்ஜின் வழங்கப்பட்டு இருக்கிறது.

ஹைப்பர்மோட்டர்ட் 950 மாடல்- ஸ்டான்டர்டு, RVE மற்றும் SP என மூன்று வேரியண்ட்களில் கிடைக்கிறது. மூன்று வேரியண்ட்களும் இந்த ஆண்டு இந்திய சந்தையில் அறிமுகம் செய்யப்படலாம் என எதிர்பார்க்கப்படுகிறது. 2022 ஹைப்பர்மோட்டார்டு இந்திய விலை ரூ. 12.5 லட்சத்தில் துவங்கும் என தெரிகிறது. 

புதிய ஹைப்பர்மோட்டார்ட் 950 மாடலில் முந்தைய வேரியண்டில் வழங்கப்பட்ட என்ஜினின் மேம்பட்ட வெர்ஷன் வழங்கப்படலாம் என தெரிகிறது. இதில் டெஸ்மோடிரோமிக் டெஸ்டாஸ்டிரெட்டா 11°, எல் ட்வின் சிலிண்டர், லிக்விட் கூல்டு 937சிசி என்ஜின் வழங்கப்படுகிறது.

இந்த என்ஜின் 112.6 பிஹெச்பி பவர், 96 என்எம் டார்க் செயல்திறன் வழங்குகிறது. இந்த என்ஜினுடன் 6 ஸ்பீடு கியர்பாக்ஸ், ஸ்லிப் அசிஸ்ட் கிளட்ச் வழங்கப்படுகிறது. இத்துடன் RVE மற்றும் SP வேரியண்ட்களில் பை-டைரெக்ஷனல் குவிக் ஷிப்டர் டுகாட்டி குவிக் ஷிப்ட் ஸ்டான்டர்டு அம்சமாக வழங்கப்படுகிறது.