பைக்

டிரையம்ப் மோட்டார்சைக்கிள்ஸ் நிறுவனம் இந்திய சந்தையில் தனது டிரைடெண்ட் 660 மோட்டார்சைக்கிள் விலையை திடீரென உயர்த்தியது. விலை உயர்வின் படி டிரையம்ப் டிரைடெண்ட் 660 மாடலின் புதிய விலை ரூ. 7.45 லட்சம் என மாறி இருக்கிறது. இது முந்தைய விலையை விட ரூ. 50 ஆயிரம் அதிகம் ஆகும். 

இந்திய சந்தையில் விலை உயர்வு ஏற்கனவே அமலுக்கு வந்து விட்டது. முன்னதாக டிரையம்ப் டிரைடெண்ட் 660 மோட்டார்சைக்கிள் ரூ. 6.95 லட்சம் எனும் அறிமுக விலையில் விற்பனை செய்யப்பட்டு வந்தது. புதிய டிரைடெண்ட் 660 மாடல் டிரையம்ப் நிறுவனத்தின் குறைந்த விலை மோட்டார்சைக்கிள் என்ற பெருமையுடன் கடந்த ஆண்டு அறிமுகம் செய்யப்பட்டது. 

டிரையம்ப் டிரைடெண்ட் 660 மாடலில் 660சிசி, இன்-லைன், 3 சிலிண்டர் என்ஜின் வழங்கப்பட்டு இருக்கிறது. இந்த என்ஜின் 81 பி.ஹெச்.பி. திறன், 64 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ், பை-டைரெக்‌ஷனல் குயிக் ஷிஃப்டர் விரும்புவோர் பொருத்திக் கொள்ளும் வகையில் ஆப்ஷனாக வழங்கப்படுகிறது.

இத்துடன் ரைடு-பை-வயர், ஸ்விட்ச் செய்து கொள்ளும் வசதியுடன் டராக்‌ஷன் கண்ட்ரோல், முழுமையான டிஜிட்டல் இன்ஸ்ட்ரூமெண்ட் கிளஸ்டர், ப்ளூடூத் கனெக்டிவிட்டி போன்ற அம்சங்கள் உள்ளன. இந்த மாடலில் ரோட் மற்றும் ரெயின் என இருவித ரைடிங் மோட்கள் உள்ளன. இந்தியாவில் டிரையம்ப் டிரைடெண்ட் 660 மாடல் நான்கு வித நிறங்களில் கிடைக்கிறது.

கிளாசிக் லெஜண்ட்ஸ் நிறுவனம் யெஸ்டி பிராண்டில் மூன்று புதிய மோட்டார்சைக்கிள் மாடல்களை சமீபத்தில் இந்திய சந்தையில் அறிமுகம் செய்தது. நீண்ட இடைவெளிக்கு பின் ரி-எண்ட்ரி ஆகி இருக்கும் யெஸ்டி பிராண்டில் தற்போது அட்வென்ச்சர், ஸ்கிராம்ப்ளர் மற்றும் ரோட்ஸ்டர் மாடல்கள் விற்பனை செய்யப்படுகின்றன. விற்பனை ஏற்கனவே துவங்கி நடைபெற்று வரும் நிலையில், இவற்றின் வினியோகம் தற்போது துவங்கி இருக்கிறது. 

இந்தியாவில் புதிய யெஸ்டி மாடல்களின் விலை ரூ. 1.95 லட்சத்தில் துவங்கி ரூ. 2.19 லட்சம் வரை நிர்ணயம் செய்யப்பட்டுள்ளன. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளன. புதிய யெஸ்டி மாடல்கள் நாடு முழுக்க 300 விற்பனை மையங்களில் விற்பனைக்கு கிடைக்கின்றன.

யெஸ்டி அட்வென்ச்சர், ரோட்ஸ்டர் மற்றும் ஸ்கிராம்ப்ளர் என மூன்று மாடல்களிலும் 334சிசி திறன் கொண்ட சிங்கில் சிலிண்டர் 4 ஸ்டிரோக் லிக்விட் கூல்டு டி.ஒ.ஹெச்.சி. என்ஜின் வழங்கப்பட்டு இருக்கிறது. ரோட்ஸ்டர் மாடலில் இந்த என்ஜின் 29.7 பி.எஸ். திறன், 29 நியூட்டன் மீட்டர் டார்க் இழவிசையை வெளிப்படுத்துகிறது. 

யெஸ்டி அட்வென்ச்சர் மாடலில் இந்த என்ஜின் 30.2 பி.எஸ். திறன், 29.9 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது.

இந்திய நிறுவனமான நெக்சு மொபிலிட்டி புதிதாக இ சைக்கிள் மாடல்களை இந்திய சந்தையில் அறிமுகம் செய்து இருக்கிறது. இவை பசிங்கா என அழைக்கப்படுகின்றன. இவற்றின் விலை ரூ. 49,445 என துவங்கி அதிகபட்சம் ரூ. 51,525 என நிர்ணயம் செய்யப்பட்டு உள்ளது. 

புதிய பசிங்கா இ சைக்கிள் மாடல்கள் 100 கிலோமீட்டர் நீட்டிக்கப்பட்ட ரேன்ஜ் உடன் அறிமுகம் செய்யப்பட்டு உள்ளன. இதில் ஒற்றை கழற்றக்கூடிய லி-அயன் பேட்டரி வழங்கப்பட்டு இருக்கிறது. மிக உறுதியான வடிவமைப்பு கொண்டிருக்கும் பசிங்கா மாடல்களில் அதிகபட்சம் 15 கிலோ எடையை கொண்டு செல்ல முடியும்.

பசிங்கா இ சைக்கிள் மாடல்களுக்கான முன்பதிவு ஏற்கனவே துவங்கி நடைபெற்று வருகிறது. வினியோகம் பிப்ரவரி மாத வாக்கில் துவங்குகிறது. புதிய பசிங்கா மாடல்கள் பயனர் ஆரோக்கியத்தை மேம்படுத்தும் வகையில் உருவாக்கப்பட்டுள்ளன. 

இ சைக்கிள் மாடல்களை எளிய தவணையில் வாங்க நெக்சு மொபிலிட்டி நிறுவனம் செஸ்ட் மணி நிறுவனத்துடன் கூட்டணி அமைத்துள்ளது. மேலும் இ சைக்கிள் மாடல்களை வாங்கும் வழியை எளிமையாக்கும் வழிமுறைகளை நெக்சு அறிவித்து இருக்கிறது. 

கவாசகி நிறுவனம் விரைவில் புதிய இசட்650ஆர்.எஸ். 50th ஆனிவர்சரி எடிஷன் மோட்டார்சைக்கிளை இந்தியாவில் அறிமுகம் செய்ய திட்டமிட்டு இருக்கிறது. இதுபற்றிய அறிவிப்பை கவாசகி நிறுவனம் தனது அதிகாரப்பூர்வ சமூக வலைதள பக்கங்களில் வெளியிட்டு உள்ளது. 

ஏற்கனவே கவாசகி இசட்650ஆர்.எஸ். மாடல் இந்திய சந்தையில் விற்பனை செய்யப்பட்டு வருகிறது. அந்த வரிசையில், தற்போது ஸ்பெஷல் ஆனிவர்சரி எடிஷன் மாடலும் இந்தியாவில் அறிமுகமாகிறது. சர்வதேச சந்தையில் ஏற்கனவே இசட்650ஆர்.எஸ். ஆனிவர்சரி எடிஷன் மாடல் விற்பனை செய்யப்பட்டு வருகிறது. 

இதே மாடல் தற்போது இந்தியாவில் விற்பனைக்கு கொண்டு வர கவாசகி முடிவு செய்து இருக்கிறது. இந்திய சந்தையில் புதிய ஸ்பெஷல் எடிஷன் மாடல்கள் குறிப்பிட்ட எண்ணிக்கையில் மட்டுமே விற்பனை செய்யப்பட இருக்கிறது. 

கவாசகி நிறுவனத்தின் பாரம்பரியம் மிக்க Z1 மோட்டார்சைக்கிள் 50-வது ஆண்டு விழாவை கொண்டாடும் வகையில் இந்த ஸ்பெஷல் எடிஷன் மாடல் உருவாக்கப்பட்டு இருக்கிறது. தற்போது இந்தியாவில் விற்பனை செய்யப்படும் கவாசகி இசட்650ஆர்.எஸ். மோட்டார்சைக்கிள் கேண்டி எமிரால்டு கிரீன் நிறம் மற்றும் கோல்டன் நிற அலாய் வீல்களை கொண்டிருக்கிறது. 

கவாசகி இசட்650ஆர்.எஸ். ஸ்பெஷல் எடிஷன் மோட்டார்சைக்கிளிலும் பி.எஸ். 6 புகை விதிகளுக்கு பொருந்தும் 649சிசி, பேரலெல் டுவின், லிக்விட் கூல்டு என்ஜின் வழங்கப்படுகிறது. இந்த என்ஜின் 67.3 பி.ஹெச்.பி. திறன், 64 நியூட்டன் மீட்டர் டார்க் இழுவிசையை வெளிப்படுத்துகிறது. 

விலையை பொருத்தவரை புதிய ஸ்பெஷல் எடிஷன் மாடல் தற்போது விற்பனை செய்யப்படும் மாடலை விட அதிகமாகவே நிர்ணயம் செய்யப்படும் என எதிர்பார்க்கப்படுகிறது. இதன் விலை இந்திய மதிப்பில் ரூ. 7 லட்சம், எக்ஸ்-ஷோரூம் வரை  நிர்ணயம் செய்யப்படலாம்.

ஓலா எலெக்ட்ரிக் நிறுவனம் ரூ. 20 ஆயிரம் செலுத்தி எஸ்1 ப்ரோ மாடலை முன்பதிவு செய்தவர்கள் ஜனவரி 21, 2022 அன்று ஸ்கூட்டருக்கான முழு தொகையை செலுத்தலாம் என அறிவித்து இருக்கிறது. இந்த ஸ்கூட்டருக்கான வினியோகம் இம்மாத இறுதியில் துவங்குகிறது. இந்த தகவலை ஓலா எலெக்ட்ரிக் நிறுவன தலைமை செயல் அதிகாரி பாவிஷ் அகர்வால் தனது டுவிட்டரில் தெரிவித்தார்.

ஸ்கூட்டர் மாடலின் வினியோகம் பலமுறை தாமதான நிலையில் தற்போது இந்த அறிவிப்பு வெளியாகி இருக்கிறது. ஜனவரி 21, 2022 அன்று முழு தொகை செலுத்துவோருக்கு ஓலா எஸ்1 ப்ரோ மாடல் இம்மாத இறுதியிலோ அல்லது பிப்ரவரி மாத துவக்கத்திலோ வினியோகம் செய்யப்பட்டு விடும் என பாவிஷ் அகர்வால் தெரிவித்தார்.

முதற்கட்ட விற்பனை நடைபெற்று வரும் நிலையில், இரு ஸ்கூட்டர்களுக்கான புதிய முன்பதிவு தேதிகள் இதுவரை அறிவிக்கப்படவில்லை. இந்தியாவில் டிசம்பர் மாத வாக்கில் ஓலா எஸ்1 ப்ரோ மாடலுக்கான வினியோகம் துவங்கியது. இதுவரை 4 ஆயிரம் எஸ்1 ப்ரோ யூனிட்கள் வினியோகம் செய்யப்பட்டுள்ளதாக ஓலா எலெக்ட்ரிக் அறிவித்து இருக்கிறது.

கே.டி.எம். இந்தியா நிறுவனம் 2022 250 அட்வென்ச்சர் மாடலை இந்தியாவில் அறிமுகம் செய்தது. புதிய கே.டி.எம். 250 அட்வென்ச்சர் மாடலின் விலை ரூ. 2.35 லட்சம், எக்ஸ்-ஷோரூம் ஆகும். இந்த மாடலுக்கான முன்பதிவுகள் ஏற்கனவே துவங்கி நடைபெற்று வருகிறது. புதிய கே.டி.எம். மோட்டார்சைக்கிளை வாங்குவோருக்கு மிக எளிய நிதி சலுகைகள் மற்றும் சிறப்பு மாத தவணை முறை உள்ளிட்ட சலுகைகள் வழங்கப்படுகின்றன.

இந்தியாவில் 2022 கே.டி.எம். அட்வென்ச்சர் மோட்டார்சைக்கிள் எலெக்டிரானிக் ஆரஞ்சு மற்றும் ஃபேக்டரி ரேசிங் புளூ என இரண்டு நிறங்களில் கிடைக்கிறது. புதிய மாடலில் நிறம் தவிர அம்சங்கள் மற்றும் உபகரணங்களில் எந்த மாற்றமும் மேற்கொள்ளப்படவில்லை.

2022 கே.டி.எம். 250 அட்வென்ச்சர் மாடலில் 248சிசி, சிங்கில் சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 29.5 பி.ஹெச்.பி. திறன், 24 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ், பவர் அசிஸ்ட் ஸ்லிப்பர் கிளட்ச் வசதி வழங்கப்பட்டு இருக்கிறது. 

புதிய கே.டி.எம். மோட்டார்சைக்கிளில் டிரெலிஸ் ஃபிரேம், போல்ட்-ஆன் சப்-ஃபிரேம், அப்சைடு டவுன் ஃபோர்க், மோனோ ஷாக், டிஸ்க் பிரேக், டூயல் சேனல் ஏ.பி.எஸ்., 200 எம்.எம். கிரவுண்ட் கிளியரன்ஸ் உள்ளது.

ராயல் என்பீல்டு நிறுவனம் தனது பிளாக்‌ஷிப் மாடல்களான இண்டர்செப்டார் 650 மற்றும் காண்டினென்டல் ஜி.டி. 650 மாடல்களின் விலையை இந்தியாவில் உயர்த்தியது. இரு மாடல்களின் துவக்க விலை தற்போது ரூ. 2,85,970 என மாறி இருக்கிறது. 

காண்டினென்டல் ஜி.டி. 650 பிரிடிஷ் ரேசிங் கிரீன் ரூ. 3,02,780

காண்டினென்டல் ஜி.டி. 650 ராக்கெட் ரெட் ரூ. 3,02,780

காண்டினென்டல் ஜி.டி. 650 வெண்ட்யூரா ஸ்டார்ம் ரூ. 3,11,193

காண்டினென்டல் ஜி.டி. 650 டக்ஸ் டீலக்ஸ் ரூ. 3,11,193

காண்டினென்டல் ஜி.டி. 650 மிஸ்டர் கிளீன் ரூ. 3,26,887

இண்டர்செப்டார் 650 கேன்யான் ரெட் ரூ. 2,85,970

இண்டர்செப்டார் 650 ஆரஞ்சு கிரஷ் ரூ. 2,85,970

இண்டர்செப்டார் 650 வெண்ட்யூரா புளூ ரூ. 2,85,970

இண்டர்செப்டார் 650 பேக்கர் எக்ஸ்பிரஸ் ரூ. 2,94,383

இண்டர்செப்டார் 650 டவுன்-டவுண் டிராக் ரூ. 2,94,383

இண்டர்செப்டார் 650 சன்செட் ஸ்ட்ரிப் ரூ. 2,94,383

இண்டர்செப்டார் 650 மார்க் 2 ரூ. 3,10,001

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

விலை உயர்வு தவிர இரு மாடல்களிலும் வேறு எந்த மாற்றமும் மேற்கொள்ளப்படவில்லை. இரு மாடல்களிலும் வட்ட வடிவ ஹெட்லைட், ஹாலோஜென் பல்பு, செமி டிஜிட்டல் இன்ஸ்ட்ரூமெண்ட் கிளஸ்டர், டூயல் சேனல் ஏ.பி.எஸ். வழங்கப்பட்டு இருக்கிறது. இத்துடன் 648சிசி, பேரலெல் டுவின் என்ஜின் வழங்கப்பட்டு இருக்கிறது.

இந்த என்ஜின் 47 பி.ஹெச்.பி. திறன், 52 நியூட்டன் மீட்டர் டார்க் இழுவிசையை வெளிப்படுத்துகிறது. ராயல் என்பீல்டு நிறுவனம் தற்போது மற்றொரு புதிய அட்வென்ச்சர் டூரர் மோட்டார்சைக்கிளை உருவாக்கும் பணிகளில் ஈடுபட்டு வருகிறது. இந்த மாடல் 2022 இறுதியில் அறிமுகம் செய்யப்படலாம் என எதிர்பார்க்கப்படுகிறது.

ராயல் என்பீல்டு நிறுவனம் தனது மோட்டார்சைக்கிள் மாடல்களின் விலையை இந்தியாவில் தொடர்ந்து உயர்த்தி வருகிறது. அந்த வரிசையில் தற்போது ஹிமாலயன் அட்வென்ச்சர் மாடல் விலை உயர்த்தப்பட்டு உள்ளது. விலை உயர்வின் படி ராயல் என்பீல்டு ஹிமாலயன் மாடல் துவக்க விலை தற்போது ரூ. 2,14,887 என மாறி இருக்கிறது.

மிரேஜ் சில்வர் ரூ. 2,14,887

கிரேவல் கிரே ரூ. 2,14,887

லேக் புளூ ரூ. 2,18,706

ராக் ரெட் ரூ. 2,18,706

கிரானைட் பிளாக் ரூ. 2,22,526

பைன் கிரீன் ரூ. 2,22,526

விலை உயர்வு தவிர இந்த மாடலில் எவ்வித மாற்றமும் மேற்கொள்ளப்படவில்லை. அதன்படி ராயல் என்பீல்டு ஹிமாலயன் மாடலில் ஹாலோஜன் ஹெட்லைட், செமி டிஜிட்டல் இன்ஸ்ட்ரூமெண்ட் கிளஸ்டர், ட்ரிப்பர் நேவிகேஷன் சிஸ்டம், டூயல் சேனல் ஏ.பி.எஸ். போன்ற அம்சங்கள் உள்ளன.

இந்த மாடலில் 411சிசி, சிங்கில் சிலிண்டர், ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 24.3 பி.ஹெச்.பி. திறன், 32 நியூட்டன் மீட்டர் டார்க் இழுவிசையை வெளிப்படுத்துகிறது. இந்த மாடல் தவிர முற்றிலும் புது பிளாட்பார்மில் மற்றொரு அட்வென்ச்சர் டூரர் மாடலை ராயல் என்பீல்டு உருவாக்கி வருகிறது.

யமஹா நிறுவனத்தின் எப்.இசட். எக்ஸ் மாடலின் விலை இந்தியாவில் உயர்த்தப்பட்டது. அதன்படி யமஹா எப்.இசட். எக்ஸ் துவக்க விலை தற்போது ரூ. 1,26,300, எக்ஸ்-ஷோரூம் என மாறி இருக்கிறது. இது முந்தைய விலையை விட ரூ. 2 ஆயிரம் அதிகம் ஆகும். 

சமீபத்தில் யமஹா தனது எப்.இசட். எஸ் மாடலை அப்டேட் செய்ததை போன்று எப்.இசட். எக்ஸ் மாடல் எக்ஸ்.எஸ்.ஆர். 155 மாடலை தழுவி உருவாக்கப்பட்டு இருக்கிறது. இதன் வடிவமைப்பு ரக்கட் டிசைன், டூயல் பர்பஸ் டையர்கள், போர்க் கெய்டர்கள், என்ஜின் சம்ப் கார்டு மற்றும் ரெட்ரோ-ஸ்டைல் சீட் உள்ளிட்டவை வழங்கப்பட்டு இருக்கிறது.

ஒற்றை வேரியண்டில் விற்பனை செய்யப்படும் யமஹா எப்.இசட். எக்ஸ் ப்ளூடூத் கனெக்டிவிட்டி கொண்டுள்ளது. இந்த மோட்டார்சைக்கிள் மேட் காப்பர், மேட் பிளாக் மற்றும் மெட்டாலிக் புளூ போன்ற நிறங்களில் கிடைக்கிறது. மேலும் ஸ்போர்ட் அனுபவத்தை வழங்கும் நோக்கில் 01 எனும் கிராபிக்ஸ் உள்ளது.

ராயல் என்பீல்டு நிறுவனம் அட்வென்ச்சர் மோட்டார்சைக்கிள் பிரிவில் புதிய மாடலை உருவாக்கி வருவதாக தகவல் வெளியாகி இருக்கிறது. இந்த மாடல் ஹிமாலன் 450 எனும் பெயரில் விற்பனைக்கு வரும் என கூறப்படுகிறது. 

புதிய என்பீல்டு ஹிமாலன் 450 கே1 பிளாட்பார்மில் உருவாக்கப்படுகிறது. இதில் சிங்கில் சிலிண்டர், லிக்விட் கூல்டு 450 சிசி என்ஜின் வழங்கப்படுகிறது. இந்த என்ஜின் 40 பி.ஹெச்.பி. திறன் வழங்கும் என எதிர்பார்க்கப்படுகிறது. உண்மையில் இந்த என்ஜின் 45 பி.ஹெச்.பி. வழங்கும் திறன் கொண்டிருப்பதாக கூறப்படுகிறது.

தற்போதைய அட்வென்ச்சர் மாடலில் ராயல் என்பீல்டு 23 பி.ஹெச்.பி. திறன் வழங்கி வருகிறது. அதன்படி புதிய மாடலில் கூடுதலாக 17 பி.ஹெச்.பி. திறன் வழங்கப்பட இருக்கிறது. இந்திய சந்தையில் புதிய ஹிமாலயன் 450 கே.டி.எம். அட்வென்ச்சர் 390 மற்றும் பெனலி டி.ஆர்.கே. 502 போன்ற மாடல்களுக்கு போட்டியாக அமையும் என தெரிகிறது. 

இந்தியாவில் யெஸ்டி பிராண்டு மோட்டார்சைக்கிள்களை மீண்டும் விற்பனைக்கு அறிமுகம் செய்ய இருக்கும் கிளாசிக் லெஜண்ட்ஸ் டீசர் வீடியோ ஒன்றை வெளியிட்டுள்ளது. டீசர் வீடியோவில் யெஸ்டி ஸ்கிராம்ப்ளர் மாடல் இந்தியவில் ஜனவரி 13 ஆம் தேதி அறிமுகமாகும் என தெரியவந்துள்ளது.

யெஸ்டி ஸ்கிராம்ப்ளர் அட்வென்ச்சர் பைக் மாடலாகவும் அறிமுகம் செய்யப்படும் என தெரிகிறது. எனினும், டீசரில் ஸ்கிராம்ப்ளர் மாடல் மட்டுமே இடம்பெற்று இருக்கிறது. புதிய யெஸ்டி மாடலில் பீக் போன்ற முன்புற ஃபெண்டர், நீண்ட சஸ்பென்ஷன், டையர் ஹக்கர் உள்ளிட்டவை வழங்கப்படுகிறது. இத்துடன் ஒற்றை இருக்கை அமைப்பு, வட்ட வடிவ ஹெட்லேம்ப், ஸ்போக் வீல்கள், குரோம் எக்சாஸ்ட் கேனிஸ்டர் வழங்கப்படுகிறது.

புதிய யெஸ்டி மாடலில் 334 சிசி லிக்விட் கூல்டு என்ஜின் வழங்கப்படும் என தெரிகிறது. இந்த என்ஜின் 30 பி.ஹெச்.பி. திறன், 32.7 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது.

ராயல் என்பீல்டு நிறுவனம் டிசம்பர் 2021 மாதத்தில் 65,197 வாகனங்களை இந்திய சந்தையில் விற்பனை செய்து இருக்கிறது. 2020 டிசம்பர் மாதத்தில் ராயல் என்பீல்டு நிறுவனம் 65,492 யூனிட்களை விற்பனை செய்து இருந்தது. அதன்படி கடந்த டிசம்பர் மாத விற்பனையில் ராயல் என்பீல்டு சிறிதளவு சரிவை சந்தித்து இருக்கிறது.

ஆண்டு அடிப்படையில் சரிவை சந்தித்து இருந்தாலும், மாதாந்திர விற்பனையில் ராயல் என்பீல்டு வளர்ச்சியை பதிவு செய்துள்ளது. 2021 நவம்பர் மாதத்தில் ராயல் என்பீல்டு நிறுவனம் 44,133 யூனிட்களை விற்பனை செய்து இருந்தது. அதன்படி டிசம்பர் விற்பனையில் ராயல் என்பீல்டு 45 சதவீதம் வளர்ச்சி பெற்று இருக்கிறது. மேலும் 2019 டிசம்பர் மாதத்துடன் ஒப்பிடும் போதும் கடந்த டிசம்பரில் ராயல் என்பீல்டு வளர்ச்சி பெற்று இருக்கிறது.

உள்நாட்டு விற்பனை மட்டுமின்றி ஏற்றுமதியிலும் ராயல் என்பீல்டு கணிசமான வளர்ச்சியை பதிவு செய்துள்ளது. டிசம்பர் 2020 மாதத்துடன் ஒப்பிடும் போது 2021 டிசம்பரில் ராயல் என்பீல்டு நிறுவன வாகனங்கள் ஏற்றுமதி 144.13 சதவீதம் அதிகரித்து இருக்கிறது. கடந்த டிசம்பரில் மட்டும் ராயல் என்பீல்டு நிறுவனம் 8552 யூனிட்களை ஏற்றுமதி செய்தது. 2020 டிசம்பரில் மொத்தம் 3503 யூனிட்களை ராயல் என்பீல்டு ஏற்றுமதி செய்து இருந்தது.