தொழில்நுட்பம்
பட்ஜெட் விலையில் நான்கு கேமரா கொண்ட ஸ்மார்ட்போன் அறிமுகம்
லெனோவோ நிறுவனத்தின் புதிய ஸ்மார்ட்போன் பட்ஜெட் விலையில் அறிமுகம் செய்யப்பட்டது. புதிய ஸ்மார்ட்போனில் அந்நிறுவனம் டூயல் பிரைமரி மற்றும் செல்ஃபி கேமரா சென்சார்களை வழங்கியுள்ளது. #LenovoS5ProGT #smartphone
லெனோவோ நிறுவனம் எஸ்5 ப்ரோ ஜி.டி. ஸ்மார்ட்போனினை பட்ஜெட் விலையில் சீன சந்தையில் அறிமுகம் செய்துள்ளது. முன்னதாக அந்நிறுவனத்தின் லெனோவோ எஸ்5 ப்ரோ ஸ்மார்ட்போன் அறிமுகம் செய்யப்பட்டது குறிப்பிடத்தக்கது.
புதிய லெனோவோ எஸ்5 ப்ரோ ஜி.டி. ஸ்மார்ட்போனில் ஸ்னாப்டிராகன் 660 பிராசஸர், 6.18 இன்ச் ஃபுல் ஹெச்.டி. பிளஸ் 18:7:9 ரக டிஸ்ப்ளே, அதிகபட்சம் 6 ஜி.பி. ரேம், ஆண்ட்ராய்டு 8.1 இயங்குதளம் மற்றும் ZUI 10 வழங்கப்பட்டுள்ளது. புகைப்படங்களை எடுக்க 20 எம்.பி. பிரைமரி கேமரா, 12 எம்.பி. இரண்டாவது பிரைமரி கேமரா, ஏ.ஐ. போர்டிரெயிட் மற்றும் 2X சூம் வசதி வழங்கப்பட்டுள்ளது.
அழகிய செல்ஃபிக்களை எடுக்க 20 எம்.பி. கேமரா, சோனி IMX476 சென்சார், 4-இன்-1 பிக்சல் பின்னிங் தொழில்நுட்பம், 8 எம்.பி. இரண்டாவது கேமரா, ஏ.ஐ. போர்டிரெயிட் வசதி, 3டி லைட்டிங், ஃபேஸ் அன்லாக் உள்ளிட்ட வசதிகள் வழங்கப்பட்டுள்ளது.
மெட்டல் யுனிபாடி வடிவமைப்பு கொண்டிருக்கும் லெனோவோ எஸ்5 ப்ரோ ஜி.டி. ஸ்மார்ட்போனின் பின்புறம் கைரேகை சென்சார் மற்றும் 3500 எம்.ஏ.ஹெச். பேட்டரி, ஃபாஸ்ட் சார்ஜிங் வசதி வழங்கப்பட்டுள்ளது.
லெனோவோ எஸ்5 ப்ரோ ஜி.டி. சிறப்பம்சங்கள்:
- 6.2 இன்ச் 2246x1080 பிக்சல் ஃபுல் ஹெச்.டி. பிளஸ் 18:7:9 டிஸ்ப்ளே
- ஆக்டாகோர் ஸ்னாப்டிராகன் 660 14 என்.எம். பிராசஸர்
- அட்ரினோ 512 GPU
- 4 ஜி.பி. / 6 ஜி.பி. ரேம், 64 ஜி.பி. மெமரி
- 6 ஜி.பி. ரேம், 128 ஜி.பி. மெமரி
- மெமரியை கூடுதலாக நீட்டிக்கும் வசதி
- ஹைப்ரிட் டூயல் சிம் ஸ்லாட்
- ஆண்ட்ராய்டு 8.1 ஓரியோ மற்றும் ZUI 10
- 20 எம்.பி. பிரைமரி கேமரா, எல்.இ.டி. ஃபிளாஷ், f/1.8
- 12 எம்.பி. இரண்டாவது பிரைமரி கேமரா, f/2.6
- 20 எம்.பி. செல்ஃபி கேமரா, சோனி IMX476 சென்சார், f/2.2
- 8 எம்.பி. இரண்டாவது செல்ஃபி கேமரா
- கைரேகை சென்சார், ஐ.ஆர். ஃபேஸ் அன்லாக்
- 4ஜி வோல்ட்இ, வைபை, ப்ளூடூத், யு.எஸ்.பி. டைப்-சி
- 3500 எம்.ஏ.ஹெச். பேட்டரி, ஃபாஸ்ட் சார்ஜிங்
லெனோவோ எஸ்5 ப்ரோ ஜி.டி. ஸ்மார்ட்போன் பிளாக், புளு மற்றும் கோல்டு என மூன்று வித நிறங்களில் கிடைக்கிறது. இதன் 4 ஜி.பி. ரேம், 64 ஜி.பி. மெமரி மாடல் விலை 1198 யுவான் (இந்திய மதிப்பில் ரூ.12,275), 6 ஜி.பி. ரேம், 64 ஜி.பி. மெமரி மாடல் விலை 1298 யுவான் (இந்திய மதிப்பில் ரூ.13,300) என்றும் 6 ஜி.பி. ரேம், 128 ஜி.பி. மெமரி மாடல் விலை 1498 யுவான் (இந்திய மதிப்பில் ரூ.15,350) என நிர்ணயம் செய்யப்பட்டுள்ளது.