தொழில்நுட்பம்
விரைவில் வெளியாகும் லெனோவோ ஸ்மார்ட்போன்
சீன ஸ்மார்ட்போன் நிறுவனமான லெனோவோ அக்டோபர் 16-ம் தேதி புதிய ஸ்மார்ட்போனினை இந்தியாவில் அறிமுகம் செய்ய இருக்கிறது. #Lenovo #smartphone
சீன ஸ்மார்ட்போன் நிறுவனமான லெனோவோ இந்தியாவில் புதிய ஸ்மார்ட்போனினை அறிமுகம் செய்ய இருக்கிறது.
அக்டோபர் 16-ம் தேதி நடைபெற இருக்கும் விழாவில் லெனோவோ தனது புதிய ஸ்மார்ட்போனை அறிமுகம் செய்கிறது. லெனோவோ வெளியிட்டிருக்கும் அழைப்பிதழில் தி கில்லர் ரிட்டன்ஸ் என்ற வார்த்தை இடம்பெற்று இருக்கிறது. அந்த வகையில் புதிய ஸ்மார்ட்போன் கே சீரிஸ் மாடலாக இருக்கும் என எதிர்பார்க்கப்படுகிறது.
முன்னதாக ஆகஸ்டு 2017-இல் லெனோவோ கே8 நோட் ஸ்மார்ட்போனை அறிமுகம் செய்தது. அந்த வகையில் புதிய ஸ்மார்ட்போன் கே சீரிஸ் மாடலாக இருக்கும் என தகவல் வெளியாகிறது. எனினும் இசட்5 ஸ்மார்ட்போனின் ரீ-பிரானட் வெர்ஷனை லெனோவோ அறிமுகம் செய்யலாம் என்றும் கூறப்படுகிறது.
லெனோவோ இசட்5 ஸ்மார்ட்போன் இந்த ஆண்டு ஜூன் மாதத்தில் சீன சந்தையில் அறிமுகமானது.
லெனோவோ இசட்5 சிறப்பம்சங்கள்:
- 6.2 இன்ச் 2246x1080 பிக்சல் ஃபுல் ஹெச்டி பிளஸ் 19:9 2.5D வளைந்த கிளாஸ் டிஸ்ப்ளே
- கார்னிங் கொரில்லா கிளாஸ் பாதுகாப்பு
- 1.8 ஜிகாஹெர்ட்ஸ் ஆக்டா-கோர் ஸ்னாப்டிராகன் 636 சிப்செட்
- அட்ரினோ 509 GPU
- 6 ஜிபி ரேம்
- 64 ஜிபி / 128 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆன்ட்ராய்டு 8.1 ஓரியோ சார்ந்த ZUI 3.9
- ஹைப்ரிட் டூயல் சிம் ஸ்லாட்
- 16 எம்பி பிரைமரி கேமரா, எல்இடி ஃபிளாஷ், f/2.0, PDAF
- 8 எம்பி இரண்டாவது பிரைமரி கேமரா
- 8 எம்பி செல்ஃபி கேமரா, f/2.0
- கைரேகை சென்சார்
- 4ஜி வோல்ட்இ, வைபை, ப்ளூடூத், யுஎஸ்பி டைப்-சி
- 3300 எம்ஏஹெச் பேட்டபி ஃபாஸ்ட் சார்ஜிங்
லெனோவோ இசட்5 ஸ்மார்ட்போன் அரோரா புளு, பிளாக் மற்றும் இன்டிகோ புளு நிறங்களில் கிடைக்கிறது. லெனோவோ இசட்5 பிளாக் 64 ஜிபி விலை 1299 யுவான் (இந்திய மதிப்பில் ரூ.13,625), அரோரா மற்றும் இன்டிகோ புளு நிறம் கொண்ட 64 ஜிபி மாடல் 1399 யுவான் (இந்திய மதிப்பில் ரூ.14,670) என்றும் 128 ஜிபி மாடல் 1799 யுவான் (இந்திய மதிப்பில் ரூ.18,870) என நிர்ணயம் செய்யப்பட்டது.