தொழில்நுட்பம்
பட்ஜெட் விலையில் புதிய மைக்ரோமேக்ஸ் ஸ்மார்ட்போன் அறிமுகம்
மைக்ரோமேக்ஸ் நிறுவனத்தின் புதிய ஸ்மார்ட்போன் பட்ஜெட் விலையில் இந்தியாவில் அறிமுகம் செய்யப்பட்டுள்ளது. இதன் விலை மற்றும் முழு அம்சங்களை தொடர்ந்து பார்ப்போம்.
மைக்ரோமேக்ஸ் நிறுவனத்தின் கேன்வாஸ் 2 பிளஸ் ஸ்மார்ட்போன் இந்தியாவில் அறிமுகம் செய்யப்பட்டுள்ளது. 5.7 இன்ச் ஹெச்டி பிளஸ் 2.5D வளைந்த கிளாஸ் ஸ்கிரீன், 18:9 ரக டிஸ்ப்ளே, குவாட்கோர் பிராசஸர், 13 எம்பி பிரைமரி கேமரா, 8 எம்பி செல்ஃபி கேமரா வழங்கப்பட்டுள்ளது.
ஆன்ட்ராய்டு நௌக்கட் இயங்குதளம் கொண்டு இயங்கும் மைக்ரோமேக்ஸ் கேன்வாஸ் 2 பிளஸ் ஸ்மார்ட்போனின் பின்புறம் கைரேகை சென்சார் வழங்கப்பட்டுள்ளது.
மைக்ரோமேக்ஸ் கேன்வாஸ் 2 பிளஸ் சிறப்பம்சங்கள்:
- 5.7 இன்ச் 1440x720 பிக்சல் ஹெச்டி பிளஸ் 2.5D வளைந்த கிளாஸ், 18:9 ரக டிஸ்ப்ளே
- 1.3 ஜிகாஹெர்ட்ஸ் குவாட்-கோர் பிராசஸர்
- 3 ஜிபி ரேம்
- 32 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆன்ட்ராய்டு 7.0 நௌக்கட் இயங்குதளம்
- டூயல் சிம் ஸ்லாட்
- 13 எம்பி பிரைமரி கேமரா, எல்இடி ஃபிளாஷ், 1.12um பிக்சல்
- 8 எம்பி செல்ஃபி கேமரா
- கைரேகை சென்சார்
- 4ஜி வோல்ட்இ, வைபை, ப்ளூடூத்
- 4000 எம்ஏஹெச் பேட்டரி
மைக்ரோமேக்ஸ் கேன்வாஸ் 2 பிளஸ் ஸ்மார்ட்போன் மேட் பிளாக் மற்றும் ஜெட் பிளாக் என இரண்டு நிறங்களில் கிடைக்கிறது. இந்தியாவில் ரூ.8,999 என நிர்ணயம் செய்யப்பட்டு இருக்கும் மைக்ரோமேக்ஸ் கேன்வாஸ் 2 பிளஸ் ஸ்மார்ட்போன் இந்தியா முழுக்க ஆஃப்லைன் விற்பனையாளர்களிடம் கிடைக்கிறது.
மைக்ரோமேக்ஸ் கேன்வாஸ் 2 (2018) ஸ்மார்ட்போனும் அந்நிறுவன வலைத்தளத்தில் பட்டியலிடப்பட்டிருக்கிறது. கேன்வாஸ் 2 பிளஸ் போன்ற சிறப்பம்சங்களை கொண்டிருக்கும் கேன்வாஸ் 2 (2018) ஸ்மார்ட்போன் விரைவில் அறிமுகம் செய்யப்படலாம் என எதிர்பார்க்கப்படுகிறது.