இஸ்ரேல்-ஹமாஸ் போர் லைவ் அப்டேட்ஸ்: காசாவில் உள்ள ஹமாஸ் தலைவரை கண்டுபிடித்து ஒழிப்போம்: இஸ்ரேல்

ஹமாஸ் பயங்கரவாத அமைப்பின் மூத்த தலைவர் சலே அல் அருரி குடும்பத்தாரை இஸ்ரேல் படையினர் கைது செய்துள்ளதாக தகவல் வெளியாகி உள்ளது.

காசா மீது தாக்குதலை நிறுத்த வலியுறுத்தி பல்லாயிரக்கணக்கான பாலஸ்தீன ஆதரவாளர்கள் லண்டனில் பேரணி. இஸ்ரேல்- ஹமாஸ் இடையேயான போர் மூன்றாவது வாரத்தை எட்டிய நிலையில் இந்த பேரணி நடைபெற்றது. இந்த பேரணியில் 1 லட்சத்திற்கும் அதிகமானோர் கலந்து கொண்டிருக்கலாம் என்று கூறப்படுகிறது.

தென் ஆப்பிரிக்க அதிபர் சிரில் ரமபோசா கெய்ரோ அமைதி மாநாட்டில் இன்று உரையாற்றினார். அப்போது அவர் பேசுகையில், ​​​​இஸ்ரேல்-ஹமாஸ் மோதலின் இரு தரப்பிற்கும் ஆயுதங்களை வழங்குவதை நாடுகள் தவிர்க்க வேண்டும் என்று குறிப்பிட்டார்.

ஹமாஸ் அமைப்புடனான போரின் எதிரொலியாக, எகிப்து மற்றும் ஜோர்டான் நாட்டில் உள்ள இஸ்ரேலியர்களை விரைவில் அங்கிருந்து வெளியேறும்படி இஸ்ரேல் தேசிய பாதுகாப்பு கவுன்சில் கேட்டுக் கொண்டுள்ளது.

ஹமாஸ்- இஸ்ரேல் போரில் நேற்று வரை 4137 பாலஸ்தீனர்கள் உயிரிழந்ததாக காசாவில் ஆட்சி செய்து வரும் ஹமாஸின் சுகாதாரத்துறை அமைச்சகம் தெரிவித்துள்ளது. 13 ஆயிரத்திற்கும் மேற்பட்டோர் காயம் அடைந்துள்ளனர்.

இஸ்ரேலில் 1400 -க்கும் மேற்பட்டோர் உயிரிழந்துள்ளனர். 200 க்கும் மேற்பட்டோர் பிணைக்கைதிகளாக பிடித்துச் செல்லப்பட்டுள்ளனர்.

"ஆப்ரேஷன் அஜய்" திட்டத்தின் கீழ் அடுத்த விமானம் இஸ்ரேல் டெல் அவ்விலிருந்து டெல்லிக்கு அக்டோபர் 22-ம் தேதி வர உள்ளதாக அறிவிக்கப்பட்டுள்ளது. அங்கு, பயணப் படிவத்தை ஏற்கனவே பூர்த்தி செய்தவர்களுக்கு தூதரகம் உறுதிப்படுத்துவதற்கான மின்னஞ்சல்களை அனுப்பியுள்ளது. இந்த விமானத்தைப் பயன்படுத்த விரும்பும் பிற இந்திய மக்கள் விரைவாக பயணப் படிவத்தை நிரப்புமாறு கேட்டுக் கொள்ளப்பட்டுள்ளனர்.