தமிழ்நாடு செய்திகள்
இமயத்தைக் கூட அசைத்து விடலாம், திராவிட இயக்கத்தை அசைக்க முடியாது- வைகோ
- திராவிட இயக்கத்தை அழிக்க வேண்டும் என சனாதன சக்திகள் செயல்படுகின்றன.
- 2026 தேர்தலில் திமுக மீண்டும் ஆட்சிக்கு வரும் என்றார் வைகோ.
சென்னை அண்ணா அறிவாலயத்தில் முதலமைச்சர் மு.க.ஸ்டாலினுடன் மதிமுக பொதுச் செயலாளர் வைகோ சந்தித்துள்ளார்.
அப்போது, 2026 சட்டமன்ற தேர்தலில் திமுகவுடன் கூட்டணியை உறுதி செய்த நிலையில் சந்தித்துள்ளார்.
முதலமைச்சரை சந்தித்த பின்பு மதிமுக பொதுச்செயலாளர் வைகோ செய்தியாளர்களுக்கு பேட்டி அளித்தார்.
அப்போது அவர் கூறியதாவது:-
கலைஞருக்கு நான் அளித்த வாக்குறுதிப்படி, என்றும் முதலமைச்சர் மு.க.ஸ்டாலினுக்கு உறுதியாக இருப்பேன்.
2026 தேர்தலில் திமுக தனிப்பெரும்பான்மையுடன் ஆட்சியை பிடிக்கும்.
திராவிட இயக்கத்தை யாராலும் அசைக்க முடியாது. திராவிட இயக்கத்தை அழிக்க வேண்டும் என சனாதன சக்திகள் செயல்படுகின்றன.
இமயத்தைக் கூட அசைத்து விடலாம், திராவிட இயக்கத்தை அசைக்க முடியாது.
இவ்வாறு அவர் கூறினார்.