நல்லக்கண்ணுவுக்கு பிறந்தநாள்- கமல்ஹாசன் வாழ்த்து

சென்னை, டிச. 26-

இந்திய கம்யூனிஸ்ட் கட்சியின் மூத்த தலைவரும், சுதந்திர போராட்ட வீரருமான நல்லக்கண்ணு இன்று தனது 95-வது பிறந்தநாளை கொண்டாடுகிறார். அதனை யொட்டி, தி.நகரிலுள்ள அவரது இல்லத்தில் பல கட்சிகளின் தலைவர்கள் சந்தித்து வாழ்த்து தெரிவித்து வருகின்றனர்.

மக்கள் நீதி மய்யம் கட்சி தலைவரும் நடிகருமான கமல்ஹாசன் சிங்கப்பூரில் இருந்து டுவிட்டர் மூலம் பிறந்தநாள் வாழ்த்தை தெரிவித்து இருக்கிறார். அவரது வாழ்த்து செய்தியில் ‘இவருக்கு பெயர் இட்டது பெற்றோரே எனினும் தான் வாழ்ந்த விதத்தால், தன் பெயரை “காரணப் பெயராக்கிய” பெரியவர் நல்லக்கண்ணு அய்யா விற்கு இன்று பிறந்த நாள். நல்லவரையும் நல்ல வற்றையும் வாழ்த்துவோம் மனதார...’ என்று குறிப்பிட் டுள்ளார்.