பார்சிலோனா ஸ்டிரைக்கர் சுவாரஸ் அட்லெடிகோ மாட்ரிட் அணிக்கு செல்கிறார்

உருகுவே கால்பந்து அணியின் நட்சத்திர ஸ்டிரைக்கர் லூயிஸ் சுவாரஸ். 33 வயதாகும் இவர் கடந்த ஆறு ஆண்டுகளாக ஸ்பெயின் நாட்டின் லா லிகா புகழ் பார்சிலோனா அணிக்காக விளையாடி வந்தார். மெஸ்சி, நெய்மர் ஆகியோருடன் இணைந்து அணிக்கு வெற்றிகளை குவித்துக் கொடுத்தார்.

கடந்த இரண்டு ஆண்டுகளுக்கு முன் நெய்மர் பிஎஸ்ஜி அணிக்கு சென்றார். அதன்பின் பார்சிலோனா ஆட்டம் காண ஆரம்பித்தது. சமீபத்தில் நடைபெற்ற சாம்பியன்ஸ் டிராபியில் படுதோல்வியடைந்ததால் மெஸ்சியும் வெளியே முடிவு செய்தார். ஆனால், ஒப்பந்தத்தை மீற முடியாமல் இந்த சீசனிலும் விளையாட இருக்கிறார்.

இந்நிலையில் லூயிஸ் சுவாரஸ்-ஐ அட்லெடிகோ மாட்ரிட் அணிக்கு கொடுக்க ஒப்பந்தம் செய்துள்ளது. இதனால் அட்லெடிகோ மாட்ரிட் 7 மில்லியன் டாலர் பார்சிலோனாவுக்கு போனஸாக வழங்க இருக்கிறது,

பார்சிலோனாவுக்காக 198 கோல்கள் அடித்துள்ள சுவாரஸ், 2014-ல் இருந்து ஒரு முறை சாம்பியன்ஸ் லீக், நான்கு முறை லா லிகா, நான்கு முறை கோபா டெல் ரே கோப்பைகளை வாங்க முக்கிய காரணமாக இருந்துள்ளார்.